母校校長👍🏻👍🏻👍🏻 我尊敬他，敬佩他！ #真正的教育家 #有教無類 #尊敬 #適異教學法 #卍慈中學 ・・・ 別讓孩子睇低自己 #123 潘啟祥副校長（45歲） 編按：早前探討「學得慢」嘅教育短片出街後，引來好大回響，有教育界人士告訴我們香港原來早有學校正實施類似教學模式，於是POPA膽粗粗約訪問，有幸得到對方一口答應。在POPA仝人萬分期待下，完成以下這篇訪問，誠意同大家分享返～ 👇👇👇👇 二十多年前，能夠繞過高考，只憑會考成績就入讀中大，更拿獎學金畢業，你猜這位人生勝利組，今日是政商名人？唔係律師都應該係會計師？統統都不是。畢業後，他選擇了做教師，走進新界一所band 5學校，執起教鞭，一教便是二十年。時日沒有磨滅他的棱角，談起香港教育，他仍然心中有氣：「如果叻嘅老師都去教晒最叻嘅學生，搵唔到工嘅老師走去教啲弱嘅學生，咁呢個社會係無得救。」 在卍慈中學當了副校長已十年有多，但潘啟祥不嚴肅，不學究，梳著年輕俐落的髮型。口說「弱嘅學生」，但在他心目中，學生本來就各有長短，他深信教育應是有教無類。在2006年學校面臨殺校危機時，他正好升任副校，索性破釜沉舟，向校董會提交計劃書，推動教學改革，就是希望利用「 #適異教學法」，讓學生可以發揮所長。 「我哋成日以為只要勤力啲，一日就有28小時，其實呢個係錯架。呢個係零和遊戲——當我用雙倍時間去練弱嘅科目，你叻嘅科目仲可唔可以有長遠空間發展呢？佢將來能夠在社會立足、有貢獻，唔係因為佢嘅缺點，而係強項。」 他口中的「適異教學法」將課程分為三層，較基礎的是「核心」，深一點的有「延展」，之後是「挑戰」，讓學生因應自己的能力和興趣學習。「每一個細路仔喺每一科都有強弱，如果嗰科係佢最驚嘅，佢就唔好花佢人生嘅時間做到所謂嘅要求，而係做到個核心就夠；如果佢嗰科係資優，佢就唔好等老師教晒書就當識咗，而係要繼續挑戰自己。每個學生都可以找到適合的位置去進入課程。」培訓過上千名老師的他，談起理想時不慌不忙，理直而氣壯。 即使同一課的練習也有深有淺，任君選擇。那豈不是人人取易不取難？潘啟祥卻從不擔心，也許是出於師生間的一份心意相通。他訪問過一名成績優異的中三男同學：「你會唔會有時都想揀『核心』嚟做，等你可以快啲做完功課？」男孩堂堂回了兩個大字：「咁悶！」他認為，學生這個回應已說明一切，勝過他千言萬語。 「教育本身唔係為咗令學生變學者，而係令學生不斷有進步。當佢揀啱選擇，我哋相信佢嘅進步係最快。」驟耳聽來似有那麼一點離地，但事實卻為他佐證。卍慈中學的學校增值率在全港中學排名頭30%。增值率的計算，主要建基於學生入學前後的學習能力增長。 學生學業有所進步，固然是教育工作者的夙願。但潘啟祥更重視的，似乎是學生如何看待自己。「當你可以英文揀做『延展』，中文只做『核心』。學生只會覺得自己中文無英文咁好，而唔會覺得自己係個好渣嘅人。只要你覺得人生有得揀，你就唔會絕望。」 沒有一個學生睇低自己，除了歸功適異教學模式，也有賴融合教育的環境。學校有近半學生是SEN，也有資優生和一般學生，拒絕區隔，全部一起上課。 「融合會令弱的學生更無自信心嗎？」面對POPA提問，潘啟祥的回應依然拒絕轉彎抹角，批評一針見血。「過去幾十年就係分精英班同差班，都行咗幾十年，要成功就成功咗啦。將弱嘅放埋一班，呢個推枱嗰個又推櫈，因為佢哋無學習氛圍、無role model，佢覺得自己係俾學校遺棄嗰啲人。所以我哋無差班，我哋每一班都有role model，每一科都有role model。」 優生也受惠於融合教育。「喺融合教育嘅環境下，我哋先能夠訓練到社會上最精英的人，一方面佢能夠做好自己想做嘅嘢，又會關顧身邊嘅人；而唔係自私自利、睇低人。小朋友細細個接觸到唔同嘅人，並且可以包容、協助、互相合作同埋成長，對於社會人文價值好重要。」取捨過後，決定將有限資源都投放在此，「好過我放學搞個共融活動，大家拖住隻手喺度喊，你做咩啫？我哋唔做呢啲門面嘢囉。」坦率得令人替他捏一把冷汗。 今天來到第12年，昔日的革新已成為制度。學校目前已建立成熟的系統，中央教材儲存庫收藏了老師每年設計的分層教材，集眾人之智慧，供全校共享。 潘啟祥也知道同事的辛勞，走去探問他們的想法：「如果我俾你唔好咁辛苦準備咁多教材，淨係一份筆記咁教好唔好？」他轉述，這位已有三十年教學經驗的老師只擱下一句：「咁你去教啦！」臉上隱隱透露著一點點自豪。 圖片由受訪者提供 ＝＝＝＝＝＝＝ #popa #popachannel #positiveparenting ##POPAim #教育的意義 #教育制度 #SEN #共融 #親子 #育兒 #教養 #父母 #學生 #特殊教育需要

別讓孩子睇低自己 #123 潘啟祥副校長（45歲） 編按：早前探討「學得慢」嘅教育短片出街後，引來好大回響，有教育界人士告訴我們香港原來早有學校正實施類似教學模式，於是POPA膽粗粗約訪問，有幸得到對方一口答應。在POPA仝人萬分期待下，完成以下這篇訪問，誠意同大家分享返～ 👇👇👇👇 二十多年前，能夠繞過高考，只憑會考成績就入讀中大，更拿獎學金畢業，你猜這位人生勝利組，今日是政商名人？唔係律師都應該係會計師？統統都不是。畢業後，他選擇了做教師，走進新界一所band 5學校，執起教鞭，一教便是二十年。時日沒有磨滅他的棱角，談起香港教育，他仍然心中有氣：「如果叻嘅老師都去教晒最叻嘅學生，搵唔到工嘅老師走去教啲弱嘅學生，咁呢個社會係無得救。」 在卍慈中學當了副校長已十年有多，但潘啟祥不嚴肅，不學究，梳著年輕俐落的髮型。口說「弱嘅學生」，但在他心目中，學生本來就各有長短，他深信教育應是有教無類。在2006年學校面臨殺校危機時，他正好升任副校，索性破釜沉舟，向校董會提交計劃書，推動教學改革，就是希望利用「 #適異教學法」，讓學生可以發揮所長。 「我哋成日以為只要勤力啲，一日就有28小時，其實呢個係錯架。呢個係零和遊戲——當我用雙倍時間去練弱嘅科目，你叻嘅科目仲可唔可以有長遠空間發展呢？佢將來能夠在社會立足、有貢獻，唔係因為佢嘅缺點，而係強項。」 他口中的「適異教學法」將課程分為三層，較基礎的是「核心」，深一點的有「延展」，之後是「挑戰」，讓學生因應自己的能力和興趣學習。「每一個細路仔喺每一科都有強弱，如果嗰科係佢最驚嘅，佢就唔好花佢人生嘅時間做到所謂嘅要求，而係做到個核心就夠；如果佢嗰科係資優，佢就唔好等老師教晒書就當識咗，而係要繼續挑戰自己。每個學生都可以找到適合的位置去進入課程。」培訓過上千名老師的他，談起理想時不慌不忙，理直而氣壯。 即使同一課的練習也有深有淺，任君選擇。那豈不是人人取易不取難？潘啟祥卻從不擔心，也許是出於師生間的一份心意相通。他訪問過一名成績優異的中三男同學：「你會唔會有時都想揀『核心』嚟做，等你可以快啲做完功課？」男孩堂堂回了兩個大字：「咁悶！」他認為，學生這個回應已說明一切，勝過他千言萬語。 「教育本身唔係為咗令學生變學者，而係令學生不斷有進步。當佢揀啱選擇，我哋相信佢嘅進步係最快。」驟耳聽來似有那麼一點離地，但事實卻為他佐證。卍慈中學的學校增值率在全港中學排名頭30%。增值率的計算，主要建基於學生入學前後的學習能力增長。 學生學業有所進步，固然是教育工作者的夙願。但潘啟祥更重視的，似乎是學生如何看待自己。「當你可以英文揀做『延展』，中文只做『核心』。學生只會覺得自己中文無英文咁好，而唔會覺得自己係個好渣嘅人。只要你覺得人生有得揀，你就唔會絕望。」 沒有一個學生睇低自己，除了歸功適異教學模式，也有賴融合教育的環境。學校有近半學生是SEN，也有資優生和一般學生，拒絕區隔，全部一起上課。 「融合會令弱的學生更無自信心嗎？」面對POPA提問，潘啟祥的回應依然拒絕轉彎抹角，批評一針見血。「過去幾十年就係分精英班同差班，都行咗幾十年，要成功就成功咗啦。將弱嘅放埋一班，呢個推枱嗰個又推櫈，因為佢哋無學習氛圍、無role model，佢覺得自己係俾學校遺棄嗰啲人。所以我哋無差班，我哋每一班都有role model，每一科都有role model。」 優生也受惠於融合教育。「喺融合教育嘅環境下，我哋先能夠訓練到社會上最精英的人，一方面佢能夠做好自己想做嘅嘢，又會關顧身邊嘅人；而唔係自私自利、睇低人。小朋友細細個接觸到唔同嘅人，並且可以包容、協助、互相合作同埋成長，對於社會人文價值好重要。」取捨過後，決定將有限資源都投放在此，「好過我放學搞個共融活動，大家拖住隻手喺度喊，你做咩啫？我哋唔做呢啲門面嘢囉。」坦率得令人替他捏一把冷汗。 今天來到第12年，昔日的革新已成為制度。學校目前已建立成熟的系統，中央教材儲存庫收藏了老師每年設計的分層教材，集眾人之智慧，供全校共享。 潘啟祥也知道同事的辛勞，走去探問他們的想法：「如果我俾你唔好咁辛苦準備咁多教材，淨係一份筆記咁教好唔好？」他轉述，這位已有三十年教學經驗的老師只擱下一句：「咁你去教啦！」臉上隱隱透露著一點點自豪。 圖片由受訪者提供 ＝＝＝＝＝＝＝ #popa #popachannel #positiveparenting ##POPAim #教育的意義 #教育制度 #SEN #共融 #親子 #育兒 #教養 #父母 #學生 #特殊教育需要