休息咗幾日，終於可以重新投產。

Medium link: link.medium.com/NjSTu2Amq1#HK

//

2019 年 11 月 7 日，香港「反送中」浪潮持續近五個月，抗爭者怒火越燒越旺，但前路越見崎嶇。折損嘅手足數字天天向上，其中香港科技大學男生喺將軍澳一個屋苑嘅停車場離奇墮下，執筆之時情況仍然危殆，生死未卜。

誠如仲未辭職、辭世或一死以謝天下嘅行政長官林鄭月娥所言，莘莘學子佔被捕人士超過三分之一，情況令人心痛。呢一番說話為滿手鮮血嘅始作俑者講出嚟，充份體現何謂貓哭老鼠。

與此同時，中文大學及科技大學今日舉行畢業典禮，有大學生喺畢業典禮舉行期間，用唔同嘅行式表達抗爭訴求。拉橫額、吶喊口號、高舉「五大訴求」嘅手勢、拒絕向校董或校長鞠躬、唱《願榮光歸香港》⋯⋯基本上，能夠做嘅，都做咗。

然後，中大畢業典禮提早結束。然後，兩家大學嘅校長不約而同地表示，畢業禮係畢業生及其親友慶祝嘅喜慶日子，希望表達訴求嘅畢業生尊重場合。

我即時諗起，喺十年八載之前，其時香港尚算太平，惟爭取雙普選嘅呼聲早已植根民間，有畢業生選擇喺畢業禮上表達政治取態。

當年當然已經有臉書，人人都有自由表達呢種表態方式嘅取態。其中，有份屬傳統泛民支持者嘅同學認為，喺畢業禮上「搞事」並唔恰當。理據，其實同兩位大學校長今日嘅演辭大同小異。

或者係我思想走得前咗少少，亦即係同學口中嘅「激進」甚至「偏激」。我記得，同學同我係隔空激辯嘅。如果，嗰次唔算一場罵戰嘅話。同學嗰副道貌岸然，「總之你影響到其他人就唔啱」嘅嘴臉，基本上完全符合我對中產和理非嘅刻版印象。
之後呢位同學仲有同我開多一兩次拖。其實冇話邊個特別啱或者唔啱嘅，只係我執著於公義，或者已經見到制度暴力缺乏制衡，而佢仍然覺得「嘢唔係咁做」、「所有嘢都有規有矩」、「你哋咁樣諗係你哋唔識嘢」。諸如此類。

- - -

事隔幾年，我已經同呢位同學再冇任何聯絡。或者佢曾經 like 過賴叔個 Page ，但我相信佢應該都覺得道不同、不相為謀，又或者膠都廢事畀，所以 unlike 咗好耐好耐。佢活得好唔好，衰啲講，關我撚事。但係佢同佢嘅同類所擁有嘅價值觀，確實令香港人承受緊某種共業。

當然唔係 2019 年嘅事咁簡單。早喺 2014 年，「邊個衝，邊個就係鬼」呢句說話，就好成功地令佔領行動嘅參與者分化，中環、銅鑼灣、旺角，基本上代表緊唔同嘅價值或理念。

「衝衝子」同「和理非」去到 2019 年終於合流，不篤灰、不分化、不指摘， right ？但係我覺得，喺呢五個月以來，大家能夠目標一致，略過價值觀方面嘅差異，某程度上係一個奇跡。又或者，係香港人積落嘅陰德，喺呢一次「反送中」運動入面，畀前線或者主流抗爭者一種智慧，能夠凌駕各種有心或無意嘅搞事或者從內部策反嘅詭計。

「 Mon Po 狗」做得低莊固之然令人唔知好嬲定好笑，但即使係齊上齊落嘅手足，由前到後，我都相信總有分歧、差距嘅時候。例如話，當美國眾議院喺 10 月份通過《香港人權及民主法案》之後，忽然有一班信奉 Solomon Yue 嘅信眾，喺社交網絡上提倡大家要抖抖，等議案通過，唔好倒米，搞到臨門一腳先至嚟撻 Q 或如何。

而到咗今日，議案又真真切切咁喺參議院遇上阻滯。或者係中共嘅無形之手，或者係有啲州份嘅參議院利益掛帥，或者美國人有其他更重要嘅嘢忙緊。但係爭取屬於自己嘅自由，同期盼外國勢力干預去制衡專權政府，兩件事本來就並行不悖。何以要迫大家都做聖人，白璧無瑕一般做個人見人愛嘅乖寶寶去等外人打救？呢種道德上嘅潔癖，一方面成事不足，另一方面亦有利於政府去「止暴製亂」。

- - -

我知咁講好老套，但係歷史遺物「中國語文及文化科」 (冇讀過中七嘅朋友仔，你哋太年輕了) 入面有一篇範文，叫《人生的意義》，殷海光被引用過無數次嘅人生四大層次，由下至上係物理層、生物邏輯層、生物文化層到生物價值層。

能夠永遠喺企喺紫禁之巔屹立不倒當然非常之好，但係香港人幾時修到咁嘅福氣，喺中共強權面前仍然可以打不還手、罵不還口？ 2014 年嘅時候，佔領人士就係咁樣戇鳩鳩、和理非地逐一被警察抬走、清場。

2019 年，香港人終於有所進化，學會「私了」、「Be Water」、「裝修」、「佈置」等新招式去應付無限大嘅警權，以及其所庇蔭嘅打手、白衣人、藍衣人、黑社會， whoever 。如果抗爭者仍然擁抱當年嘅政治潔癖或者企喺道德高地上面，睇係好睇，畫面係好靚，但係香港人一早輸撚咗啦。

以前香港人或者窮得只剩下錢，而家，香港人其實一樣冇咩條件學人追求所謂「真善美」。喺要求大家「尊重場合」之前，擘大你對眼，睇清楚香港人呢幾個月受咗幾多屈辱、苦難、煎熬先啦。凡此種種，如果大家親自承受過，我相信大家都會好謙卑而貼地，因為喺「慶祝開心嘅活動」之前，能夠互相扶持、生存落去，已經成為當務之急。

【#語錄與它們的產地｜#人生的意義】
https://beginneros.com/triviaDetail.php?trivia_id=936
「人生的意義，人生的目的，人生的價值，人生的道路是否就停在這一層呢？你如何把你與其他高等動物分別開？豐衣足食後是否安心在此停頓？人之所以為人是否這就夠了呢？」—— 殷海光, 《人生的意義》
-
有人認為沒有甚麼比安穩、豐衣足食重要，也有人認為有其它比上班更重要的事。究竟為甚麼會存在這樣的差異？曾讀過中國語文及文化科的人，一定對台灣哲學家殷海光所寫的 《人生的意義》不陌生。
-
殷海光將人生簡單分成四層，由下至上為「物理層」、「生物邏輯層」、「生物文化層」、「真善美、理想、道德」。他認為人無法不受物理定律的支配，即「物理層」；也無法不受生物法則的支配，例如吃飯喝水尋配偶，即「生物邏輯層」。與一般生物不同在於，人類與高等動物更會講求文化，有生死意識，即「生物文化層」。
-
可是，人之所以為人，是因為人有理想、有道德，這是人類獨有的，是高等動物也無法分享。在滿足了基礎生活後，人不能只停留於生活，「前面所說的生物邏輯的條件沒有滿足時，固然到不了最上層。但滿足之後，高尚的理想和價值都可不要嗎？」若果只滿足於豐衣足食，人生會完滿嗎？「顯然得很，要人生完美，必須透過生物文化層再往上昇。生物文化層滿足了，我們還要真善美、理想、道德，這樣人生的道路才算完成。」
-
最後，他寫到：「現在你們都有理想，但出了社會便可能不同了。那時各奔前程，各種打擊，各種現實的考慮，都可能使得你把崇高的理想收歛起來。這就是現實在考驗我們的道德力，我們的理想性，我們對真對善對美的追求是否迫切。在世界上每一個角落都是如此的。我們是否能撐得住，就在這個關頭。現在是考驗我們的時候了。」
-
也許每個人對真善美、理想、道德的看法不同，可是人生的意義不就在於尋找其價值嗎？
-
完整文章可參考：
http://res.hkedcity.net/general/0004/00/48/846702560.htm
------------------------
<想每日閱讀冷知識？將專頁設為搶先看吧！>
◆ 每日分享知識、每月推出課程
◆ 網站：https://www.beginneros.com/
◆ Youtube：https://goo.gl/OEJrGt
◆ Instagram：@beginneros
------------------------
#Beginneros #冷知識

【#語錄與它們的產地｜#人生的意義】
https://beginneros.com/triviaDetail.php?trivia_id=936
「人生的意義，人生的目的，人生的價值，人生的道路是否就停在這一層呢？你如何把你與其他高等動物分別開？豐衣足食後是否安心在此停頓？人之所以為人是否這就夠了呢？」—— 殷海光, 《人生的意義》
-
有人認為沒有甚麼比安穩、豐衣足食重要，也有人認為有其它比上班更重要的事。究竟為甚麼會存在這樣的差異？曾讀過中國語文及文化科的人，一定對台灣哲學家殷海光所寫的 《人生的意義》不陌生。...
See More