熱門Ptt文章

[爆卦]中國解體是什麼？優點缺點精華區懶人包

雖然這篇中國解體鄉民發文沒有被收入到精華區：在中國解體這個話題中，我們另外找到其它相關的精選爆讚文章

在 中國解體產品中有31篇Facebook貼文，粉絲數超過9,829的網紅逆嘶亭，也在其Facebook貼文中提到， 弱小民族嘅神奇加速 由反送中運動爆發開始，香港出現攬炒呼聲，亦有人以加速主義形容香港抗爭運動路線。呢種不惜同歸於盡嘅決心既係民眾自主嘅選擇，其實亦係不由自主嘅歷史結果。以下我會講吓香港不由自主捲入東亞變局嘅遠因，希望大家會明白香港同中國嘅距離，繼續相信中國解體必然發生嘅預言，喺運動由熱烈轉向平淡嘅...

　同時也有36部Youtube影片，追蹤數超過15萬的網紅中環孫老師 Mr. Central Official，也在其Youtube影片中提到，美國出現十三年來最大的通脹，中國和美國同時受其影響。現在的通脹預示著未來的兩大趨勢。一是美元體系的解體，二是中華帝國的體系解體。中國現在政府唯一能做的事，就是進行價格管制。逐漸的回歸計劃經濟。 #通脹 #中國經濟 #美國經濟 ---------------------- 相關連接 綠色經濟，壓垮中...

「中國解體」的推薦目錄

中國解體 在 鯤腹腳史蹟-張鎧臣de台南 Instagram 的精選貼文

2021-09-17 18:21:22

【故一等飛行士-楊清溪之墓】210823 (為了放老照片 我只好把不同角度的刪一些掉) 楊清溪，1908年5月3日生於鳳山廳楠梓坑支廳後勁區右沖庄(今楠梓右昌)，為右昌望族楊氏來臺第八代，排行老三，聞名於臺灣航空史。 其自學生時代即熱愛運動，並有志於飛行。於臺南長老教中學校(今長榮中學)畢業後負...

中國解體 在 古家私房菜-Keith Ku Instagram 的精選貼文

2021-09-24 07:35:43

近年品酒潮流指向了傳統烈酒威士忌，從不同國家不同年份，以至用上怎様的木桶釀製也各有喜好，而向來愛好杯中物的筆者當然也會湊湊熱鬧，間中和朋友交流一下。 俗語有謂「酒乃穿腸之物」，但其實只是輕嚐淺酌也無傷大雅，當中似醉還醒的意境更造就了不少千古傳誦的佳作，就像是詩仙李白、詩聖杜甫的五言古詩、七言絕詩...

中國解體 在 運動勵志撚 Instagram 的最佳貼文

2021-08-18 22:02:45

東京奧運剛剛正式完左, 其實我諗大家都好失落 總結一下呢一屆對我自己黎講比較難忘既片段 -張家朗個人花劍金牌 -何詩蓓100 200自由泳銀牌 -李慧詩凱琳賽同爭先賽睇哂仲有銅牌 -劉慕裳空手道個人形銅牌(真心好撚型) -「屌你企係中間, 佢發個長既你就打返落佢個西度」 -蘇慧音熱血單打兩連勝銅牌 ...

  • 逆嘶亭

    中國解體 在 逆嘶亭 Facebook 的最讚貼文

    2020-09-08 21:01:36
    有 77 人按讚

    弱小民族嘅神奇加速

    由反送中運動爆發開始，香港出現攬炒呼聲，亦有人以加速主義形容香港抗爭運動路線。呢種不惜同歸於盡嘅決心既係民眾自主嘅選擇，其實亦係不由自主嘅歷史結果。以下我會講吓香港不由自主捲入東亞變局嘅遠因，希望大家會明白香港同中國嘅距離，繼續相信中國解體必然發生嘅預言，喺運動由熱烈轉向平淡嘅呢段時間，毋忘初衷，努力精進，為下一波嘅抗爭做好精神上嘅準備。

    文明開化，分道揚鑣

    香港其實由一八四二年起，就已經受惠於英國殖民主義而植入咗同華夏唔一樣嘅文化基因，由嗰一刻開始，我地香港嘅成長軌道已經同滿清、中華民國同中共政權完全分開。當今中國政治制度嘅百病叢生，正係因為佢地仍然未進入現代，仍然以敵我矛盾思維看待一切，而香港則一早已經超越因為生命時刻受到威脅而無法發展出互助精神嘅華夏食人文化。喺英國人嘅管治之下，香港先民走出自相殘殺嘅歷史輪迴，喺殖民地裡面以半農耕半漁獵模式生活，然後開始有工業商業發展，逐漸成長為享譽全球嘅國際城市，撇除兩次世界大戰帶黎嘅破壞，以太平盛世形容香港先民嘅生活，可以話係相當恰當。

    反觀中國境內，由滿清解體去到軍閥混戰，再去到中共建國七十年，平民一直都係喺生死關頭徘徊。處於朝不保夕嘅叢林狀態，佢地無法想像未來，長遠經營人際關係嘅概念亦無法紮根於佢地嘅思維之中。中國嘅長期滯後，以及將會持續多至少一個世紀嘅時間滯後，直至各個族群喺後中國解體時代搵到向心而凝聚之前，都會成為東亞嘅不穩定因素。由此可知，香港先民得天獨厚，疏遠精神世界極為狹窄嘅華夏食人族，一方面安然接受基督新教國家嘅文明開化，另一方面繼續從同中國嘅交流之中消化同沉澱專屬於香港嘅某種東方精神，所謂加速，喺香港人嘅歷史裡面一早就已經埋下伏線。

    港英政府嘅管治，係會尊重其他文化，甚至會鼓勵當地人堅持原有傳統，香港因此自然而然就成為咗免於戰亂而又宜於居住嘅城市，而香港人順勢而為，亦自然難以倒退返去接受中共治下嘅生活形態。喺單一殖民者嘅有力保護之下，香港先民獲得建立庶民文化嘅足夠空間，承載香港文化嘅共同語言亦得以傳承不衰，影視作品喺最輝煌嘅黃金時期更一度向亞洲其他地區輸出。兩相對比，我地就會發現，香港同華夏嘅距離，固然係文化上嘅距離同地理上嘅距離，但最重要嘅，其實係時間上嘅距離，因為香港係比成個中國提早接近兩個世紀進入現代社會，好早就開始咗成為準世界公民嘅文明練習，堅實嘅族群文化認同，已經高速咁達到咗現今中國人所難以想像嘅高度。

    加速嘅契機，在於文明開化嘅突入、歷史軌道嘅轉向，令人類得以避開不得不行惡嘅艱苦環境，休養生息，培養內心善性。以前嘅香港人同英國人好常講，香港係「借黎嘅時間，借黎嘅空間」，所以註定煙消雲散，再次融入華夏穢土之中，但當獨一無二嘅歷史軌跡開始浮現，我則認為以「特定嘅時間，特定嘅空間」去形容似乎更為貼切。喺成為殖民地嘅呢段時間，香港先民逐漸搵返何謂愛，何謂敬神，何謂倫理道德，於是成為民族，成為值得擁有主權國家嘅族群。呢啲概念唔係源於西方，而係屬於全人類所共有，但英國具備成熟而強大嘅歷史傳統可作借鑑，至自然咁成為咗香港先民再次擁抱美好生活嘅借力對象。故此，殖民香港，令東方人因西方文明撼動而振作，既係文明匯聚嘅難得因緣，亦係大英帝國嘅偉大成就。

    日本飛躍，華夏滯後

    談論撼動，不得不提嘅就係日本幕末至明治時期嘅驚人加速，急起直追。香港民族從港日比較之中，會更領略得到人類如何主宰時間。明治維新之所以用短短三十年嘅時間就追上西方列強嘅工業水平，正係因為佢地擁有可以幫助佢地加速嘅深厚歷史傳統（日本同華夏溝通總係困難重重，正係因為華夏缺乏歷史傳統），引導佢地用極短時間吸收得到外國文化嘅精髓，繼而篩選同翻譯為可以喺本國之內快速普及嘅知識。明治日本大幅躍進嘅關鍵，正在於喺接收外國文化之時，明治時期嘅日本人可以喺歷史傳統嘅基礎之上，快速分辨得到新事物對自身而言係有用定多餘，因而可以較為輕鬆咁排好事態嘅緩急輕重，擇其善者而從之，集中火力發展，同時繼續靠自己嘗試研發——呢種處理文化交流嘅思考模式從來都係人類之所以一直進步嘅重要原因，但喺華夏文化之中，則長年受到壓抑，淪為社會嘅末流。現代日本嘅崛起，係江戶時代職人同產業技術結合嘅成果，係森林哲學同征服意志混合嘅神風，西方國家無法理解，只因佢地意識唔到日本居然傳承得到咁強大嘅意志力。

    面對西方列強進迫，日本堅持「日體」，華夏則懶得放低「中體」，各有各嘅頑固。然而，喺「本學為體，西學為用」嘅相同口號所掩藏嘅實況之中，華夏喺實際執行上係完全缺乏潛力，最後自然只有繼續滯後於世嘅下場。十九世紀日華走向之差天共地，正係源於華夏所因循嘅歷史傳統就係以直接抄襲為常，唔重視徹底消化完再加以改良，而日本所堅持嘅歷史傳統則係已經相當穩定嘅獨立秩序，阻隔佢地輕易將外來之物全盤接受。日本嘅歷史傳統同精神力量，令佢地喺明治八年就已經起好大約兩萬四千間小學，明治廿二年就已經制定出憲法，明治廿三年就已經建立到議會，到戰敗之後又喺短短十年之內就奠定產業復興嘅基礎，進而喺短短廿年之後就再次對美國產品構成威脅，唔難想像，日本呢種因文化獨立而激發出嘅爆發力對唔了解日本嘅人而言有幾咁難以消化。換言之，速度之所以突然改變，並唔係偶然，而係因為肌肉本來就有爆發力，目標本來就清晰明確，同埋歷史傳統本來就有異於其他文化嘅獨特之處。香港速度自然唔可以同日本相提並論，但同滯後狀態以千年計嘅華夏文化比較，香港可以話係有絕對優勢。

    日本嘅飛躍進步，根本原因在於江戶時代嘅繁榮並唔係建基於剝削，而且日本文化對大自然係由始至終都相當崇敬。明治時代，日本政府深受西方思想影響，一度推行神社合祀運動，打算為增加土地利益而大規模拆毀神社同砍伐同神社相連嘅森林，但從未受俗世所污染嘅學者南方熊楠意識到森林對人類有幾重要，於是同日本民俗學之父柳田國男聯手抗議，最終成功制止政府魯莽舉措，為人類文明保留大片淨土。南方熊楠曾經出國留學，知道文明開化嘅意義，但同時亦清楚以西歐為中心發展而成嘅西方文明並非唯一正確之進路，可見佢根本唔係用緊現代國家之爭嘅框架去思考東方同西方嘅差異。生長於日本嘅機緣，係佢具有貼近人類祖先原始視野嘅靈性起點。日本速度之所以令人驚撼，正係因為日本唔只係代表現代日本，而係傳承緊喺華夏食人族領域已經近乎失傳嘅人類文明珍貴精神遺產，一接觸到有益於人類嘅西方科技產物自然就會一拍即合。

    帝國失速，香港反超

    速度係相對嘅概念，我地由唔同觀點角度出發，就會睇到唔同速度。因此，我地亦可以話速度只係表象，唔可以忽略嘅係令速度形成嘅距離同埋時間。香港獨立之路之所以由一直浮浮沉沉，突然發展到如同小跑車於高速公路之上奔馳，係因為香港民族就係要等到英治遺產徹底消失，至會忽然反彈，繼而暴走。送中條例所揭示嘅法治已死，英治遺產嘅土崩瓦解，令香港人無法再逃避現實，怒火因而突然引爆，一切不設實際嘅幻想瞬間燒毀。因為英治，我地擁有過比其他族群更多嘅保障，於是軟弱，因為英治，我地亦培養出比其他族群更強嘅惰性，於是自省。承擔集體嘅錯誤，為民族解放付出鮮血嘅代價，既係我地遲到嘅報應，亦係我地覺醒嘅儀式。由少數有識之士對香港民族嘅關懷思考，去到民族主義嘅大規模動員，再去到由雨革至反送中嘅民族運動，只係香港民族發揮應有民族性而觸發之民族成人禮必經程序。

    進化失敗嘅華夏食人族之所以繼續以極其殘忍嘅方式傷害已經進化嘅香港民族，原因在於佢地始終無法進入文明開化之現代世界。香港民族之所以暫時淪為刀俎魚肉，原因則在於我地尚未累積得到足以一舉殲滅對方嘅力量。目前中國具有一定實力，敵我力量對等之期尚未出現，我地身為弱小民族，一定要識得忍耐，一邊裝備自己，一邊靜候合適時機尋求突破，因為其他國家都需要時間去醞釀戰意，準備迎接中國解體呢個大變局。等到中國瀕臨絕境，我地同中國嘅力量就會轉為對等，屆時就會係香港彎道超速嘅絕殺良機。

    香港有香港喺人類文明同世界歷史上獨有嘅歷史發展同歷史位置，因此香港獨立係未來必然會發生嘅事。我地嘅歷史傳統，固然唔可以同以上嘅英國同日本相提並論，但人地有風光嘅大國歷史，唔等於我地嘅小國歷史就乏善可陳，無人問津。我地毋須否認香港歷史受到華夏征服者嘅影響，亦唔應該隱瞞前人民誤信五十年不變之短視。我地要時刻記得，我地身上既同時有農耕民同海洋民嘅血統，亦有近代英國文明開化留低嘅啟蒙，但最重要嘅係，我地努力恢復人類生而知之嘅良善心性，已經喺群眾運動之中互相確認，齊上齊落，已經成為民族嘅共識。我地遇到征服，會保護自己人，挺身對抗，遇到逆境，則會互助互愛，共渡時艱，當一切努力生存嘅痕跡經歷時間嘅濃縮然後結晶，就會成為香港民族嘅信仰依靠，亦必然會成為我地嘅下一代奮鬥不息嘅勇氣源頭。自由即獨立，有愛即民族，呢個係超越時空而且放諸四海皆準嘅永恆真理，而民族主義，亦只不過係呼應緊百萬年前已經出現喺人類生活之中嘅族群情感，係家庭主義嘅擴展復興。

    未來十年，帝國將會山泥傾瀉式極速崩潰，香港人亦將會從大量沙石之中再次企返起身，以現代國家之姿立足於世。因此，我將眼前嘅苦難，視為徹底排除自己內心華夏餘毒嘅精神戰，始終相信等待緊我地嘅係帝國陰影完全驅散嘅和平新世界。反送中運動暫時受挫，並唔代表一切已經劃上句號，因為香港民族只係進入咗準備繼續蛻變、長期抗戰嘅休養期。我相信，對香港民族同世界而言都具有劃時代意義嘅香港人歷史敘事，將會喺我地呢一代人手上建構而成，所以，懇請大家繼續忍耐，繼續精進，因為我地好快就會再次起跑，然後戰勝黑暗，陽光普照嘅未來，將會喺望得到嘅前面，等待我地加速追近。
    https://gnimmm.com/2020/09/08/acceleration/

  • 逆嘶亭

    中國解體 在 逆嘶亭 Facebook 的最佳貼文

    2020-09-02 13:59:24
    有 35 人按讚

    呢本對一般香港人而言應該相當eye-opening，畢竟香港嘅中史教育係直接閹割咗滿洲史，有關滿洲嘅歷史事件，有啲係連wiki都唔見，得少數日本歷史學者繼續研究緊。

    ———

    直搗中國歷史A貨批發市場：《這才是真實的滿洲史》

    老一輩香港人一直都受中國國族主義洗腦影響而無視、輕視以至仇視日本，只睇書名，必然會不假思索即為作者貼上大日本主義者標籤，先入為主咁認定日本人都會如同華夏食人族一樣為求達到目的而歪曲歷史。然而，宮脇淳子喺《這才是真實的滿洲史》之中不但未有盲目褒揚自己民族，更相當勇敢咁呈現自己所相信嘅真實，展現出研究歷史之人應有嘅歷史意識，證明自己並非中國人口中死唔認錯嘅日本極右人士，而係認真點出問題癥結所在、討論改變局面之路嘅歷史學者——認識真實嘅滿洲史之外，感受作者因知己知彼而生嘅執著亦係閱讀樂趣所在。

    中國解體之後，香港會光復成為主權國家，日本會恢復東亞強國地位，此之所以，香港民族一定要以增加同日本嘅聯繫為目標，對日本歷史文化同政治光譜嘅正確認知可以話係如同遊戲中嘅支線任務。日本學者出版嘅書，無可避免會有日本人要重塑東亞史以至世界史嘅明確意圖，但身為受到中國殖民壓迫嘅香港民族，正應該借用大日本主義呢把利器去刮清華夏意識形態嘅污垢，因為敵人嘅敵人即係朋友，而中共政權嘅最大敵人正係日本。呢本書以問答形式寫成，有助讀者糾正中國大肆宣傳嘅錯誤概念，例如澄清大日本帝國並非由一開始就想建立滿洲國、張學良並非中國愛國者、南京屠殺之事係中國炒作等等，簡單易讀，中學生同大學生都睇得明。

    睇埋落去：https://bit.ly/3fnxYct

  • 逆嘶亭

    中國解體 在 逆嘶亭 Facebook 的最佳貼文

    2020-06-15 14:03:26
    有 420 人按讚

    睇咗集李怡做嘉賓嘅《鏗鏘說》，相當欣賞佢講得出以學生心態向後生一代學習嘅說話，因為人生在世最需要練就嘅就係學養、器度，願意企喺他人角度思考，願意同後生仔並肩而行，呢種思維轉換本身就係遠離華夏食人族嘅第一步。李怡嘅存在之所以有價值，正在於佢證明咗人類係會因為見到人性光輝而改邪歸正，恢復本性，即使佢嘅成長經驗始終限制咗佢對香港民族嘅理解，佢已經稱得上係一位非常難得嘅香港人。

    因此我想借題發揮講民族嘅誕生。節目裡面李怡提及，自己已經七老八十，但人生之中從來未見識過反送中所釋放出嘅力量，呢種反應正正就係香港民族已經係事實嘅最佳證據。佢人生經驗如此豐富，佢都無法輕易消化同理解所謂後生仔嘅勇氣，於是更覺震撼，原因其實非常簡單，事關香港民族嘅內在精神就係要醞釀到呢一刻至夠力徹底爆炸，而於我而言，一切都唔係無中生有，而係厚積薄發。

    歷史從來都係為政治服務，所以蘇聯同中共都會篡改歷史，設計佢地想要嘅真相。重塑香港歷史嘅途中，我都成日遇到人地話我係過度樂觀嘅批評，但我只係用我生於香港而育成嘅一種歷史之眼，對世界歷史同香港歷史作出回應——要對抗深知歷史嘅功能嘅無恥之徒，唯一方法就係盡力去呈現自己相信嘅真相，而可以睇得出香港民族存在嘅人，睇得出華夏文化純粹虛妄之人，就只有香港民族。

    李怡經歷中共統治，又無法全盤否定華夏文化，但佢因為明白何謂愛而棄暗投明，以一個經歷二戰嘅老人而言，其實已經係超額完成。香港民族初生代嘅強大力量，係源於已經徹底去除華夏食人族遺毒，源於忠於自我而自然而生嘅無畏無懼，源於傾向願意信任而非計算嘅天性善良，呢啲都係中國人同埋唔少香港人覺得事態發展出乎意料但對香港民族而言則係合情合理嘅解釋。

    李怡有一段說話講得合理，佢清楚意識到大時代唔係由他人定義，而係視乎人對自己身處嘅時代有點樣嘅感覺，產唔產生得出使命感。而家世界正觀望緊一個先由英國扶植而起，繼而靠自身努力去克服缺點、步步向前嘅民族，而香港人亦正處於一個民族誕生嘅過程之中——呢種難以言喻嘅激動既令人興奮，亦註定因注滿鮮血而感傷，但天命降臨，大家都只可以頂硬上，為自己人生同世界歷史譜寫出必然嘅劇情。香港獨立係必定會發生，中國解體亦然，但我地嘅集體意識係咪已經追得上面對所謂大時代所需要嘅歷史視野？呢一點正係已經展示出勇氣嘅香港民族下一步要思考嘅事。

    要擁有所謂歷史視野，既要靠經驗累積，亦要靠思考推理，但更重要嘅係感受生活，努力生活，首先成為健康嘅個體。愛情又好，政治又好，其實一開始都係一個人嘅事，人生態度未做到精進自身，未做到嚴己寬人，就會不停向身邊人輸出負面情緒，最後導致集體嘅挫敗崩潰，華夏食人族嘅五千年腐敗，已經係人類歷史上最血淋淋嘅教訓。

    願大家睇完李怡訪問之後，都會更加愛自己，愛自己人，感受到做人就係政治，政治亦永遠離唔開好好做人。

    https://www.youtube.com/watch?v=BS_-G3m4-9A

你可能也想看看

搜尋相關網站