［DSE 相關系數］英文嘅嘢，重考生兩年成績，相關系數90%以上。極少係唔好彩。中文就唔同啦！

TL:DR –　中文通識中西史分數失望嘅，不妨考多次。因為可能只係唔好彩。理科嘅就算吧啦。英文其實都係冇乜翻身機會，但好多人都係一定要試，明白嘅。

話時話，呢排記得keep 住like and share，主動入嚟睇，同埋設定做see first．真係搵食艱難。但感激大家

1. 幫考試局蔡熾昌（我知唔係考試局，亦唔係蔡熾昌好耐，但我到而都係講旺角火車站）平反下。考試局拎咗咁多錢呢，至少在年度報告，都係有啲貢獻。你咪話，真係詳細過唔少上市公司或者NGO。至少詳細過海洋公園

2. 考試局居然有出，每一科，係每一科，重考生嗰年成績，同上年成績，嘅相關系數（correlation coefficient）。真偉大。但唔知點解，去到2017年後就冇咗。

3. 唔係教數學，但相關系數不能理解：相關系數高嘅，即係舊年高分嘅好多今年都高分，反之亦然。相關系數低嘅，即係好似關係唔太大。負數？即係多數人舊年高今年低，呢度就唔會嘅。方便起見，原本係百份比，我全部倍大100倍。100分為之完美正相關，個個同舊年一樣分。

4. 實務上代表乜？如果嗰科嘅相關系數高，即係你舊年同今年都會咁上下分數。可能代表好難進步或退步，或者係個考試好能夠分辨出邊啲人得邊啲唔得。相關系數低呢？代表一年間可以好唔同，或者代表個考試好陽春，同擲公字差不多，舊年高分嘅今年可以走晒樣。

5. 之前講DSE重考，都係用英文做例子。一來英文緊要，二來多人考，亦多人重考。咁嗰時結論係好少可會升呢，亦都好多讀者指出，正常，因為英文浸十幾年，未必一年之間可以改變乜。雖然我有啲保留：「英文水平」未必可以好快改進，但「英文考試分數」係可以的。

6. 睇表啦喎，每一年之中，相關系數高嘅，紅色。相關系數低嘅，綠色。咁以下就係以所有重考生數字（＊）出嘅結論：

7. 首先，你見相關系數，普遍都幾高。好多都八十幾九十，極少會低過七十。

8. 另外，我啲紅綠色，係一年一年咁做，但你發現年年都差不多。紅嘅年年紅，綠嘅年年綠。即係基本上同考生無關，同年份亦無關，同嗰年份卷深唔深都冇乜關。係嗰科嘅性質，同埋份卷嘅本質。

9. 好啦，英文。眾望所歸，你見到英文科，紅過韓紅，紅過秦虹，紅過喬紅。九成幾嘅相關系數，差不多每一年都係最高。證實咗讀者嘅假設：英文嘅嘢，其實好難一年間改善。即使唔講英文水平，講英文成績，都係好難有乜大改。其實考多次最冇so就係呢科。但當然明白，偏偏呢科係好多人要考多次。正面啲睇，你可以話英文卷嘅甄別能力好好，冇死錯人，你係唔掂嘅，下年嚟多次都係唔掂。但你係進步咗嘅，應該有回報。

10. 但另一個極端，就過癮啦。中文呢？中文科年年綠色，相關系數極低。即係老老實實，分數唔滿意嘅，記住考多次。可能只係運氣，改卷嘅唔妥你。同樣係語言，點解分別咁大？我估係因為兩樣嘢：第一中文係母語英文唔係，唔少人都認為考中文會話或聆聽十分反智。低分嗰啲，咁平時點生存嘅？啞嘅？講法文定手語定手指指send message？考會話其實你考佢演講技巧，考聆聽其實你考佢專注力，同語言能力per se冇乜關。第二，當然係啲卷嘅設計。其實我冇教書多年，但而家中文應該都仲係冇MC玩？英文有下話？咁中文卷就變咗比較主觀。主觀唔一定差，但你重考嘅，下年唔同人，可能你同一份嘢佢畀高分你呢？

11. 另外仲有幾科綠色，相關系數低嘅，差不多全部係文科，「主觀」。亦即係你下年玩過係比較大機會翻身嘅。中史西史，中國文學，仲有惡名昭彰嘅通識都係咁。而啲友明明話通識卷有個指引唔會好主觀喎。數字唔係咁講咯。

12. 當然，仲有表上最低系數，最綠，唯一低過50嘅，視覺藝術（即係美術啦？）。原因同上。藝術嘅嘢，你識條鐵咩。畢加索去考應該拎個U（講笑，唔好咁天真，你估愛恩斯坦真係考試好低分咩）

13. 紅色，相關系數高嘅，除咗英文，就係Phy Chem Bio IT，簡單易明啦。啱就啱錯就錯，大腸就大腸架啦。易乾都係，可以問下呢度讀者，有人教易乾。但我記得都係有MC題？而家咁大鑊飯民粹嘅社會，MC題其實好東西，啱就啱錯就錯，又慳改卷時間。相反，你教文學嗰啲，分分鐘畀個學生老母（甚至學生本人）大返你轉頭。我老母年年睇莎劇喎，你邊位？

14. 仲有乜大科未講？梗係留到最後，數學。理所當然地，數學compul嗰部份，好紅，同英文有得比，相關系數好高。得就得，唔得就唔得架啦。雖然我覺得數學升呢不難的，我私人補習嘅重考生，全部都升呢。「因為U嘅我會叫醒佢去考試，F嘅會教下佢做啲初中甚至小學數」

15. 但奇怪係，分拆開兩部份嘅，唔知點解就綠，相關系數幾低。可能因為人太少？

16. 呀係啦，你見有啲科目NA嘅。如果日校學生唔夠30個人重考，就唔會出現。但好可能全體重考生係仲有幾百友嘅。例如IT在2017 NA咗，只代表唔夠30個日校重考生，但全體應該一定唔止

17. 最左邊，你可以見到2017年，全體重考生，有幾多人考各科。亦見到有啲科係邊緣化咗—其實會考年代已經係咁，只係DSE又吊多次命。

18. 你見到中國文學嗰啲，早幾年上榜，而家已變NA，Visual Arts亦係。仲在榜上嘅，你見中西史地理呢啲，都相當少人重考—固然少人重考唔等於少人考，我懶搵，但個大方向應一樣。

19. 另外小小技術嘢，我見BAFS（企會財），我見2013 2014係冇分類的，但2016就有。一拆二？無論如何，啲系數轉變不大，亦係偏高嘅

20. 最後弱弱一問，而家英國文學係咪冇人讀架啦？至少應該冇乜人重考，咁多年都唔見有上榜（咁可能因為日校不足30件重考）。不過傳說中都係巴閉名校啲女先讀咁話，呢班友唔重考亦好正路。但話說回頭，當年埃汾間屋村學校，學校普通都幾草根（我學生嘅創舉：踢完波買麥當勞新地筒一杯成隊人食！唔知佢踢五人定十一人呢）。但老校都堅持開英國文學，哈。可以話扮嘢，但又可以話堅持。邊個話草根唔可以欣賞文學先？富豪落難都要優雅嘛。

21. 正文完全講完。但忽然間感概，仲有篇後記在後面（其實我係寫咗後記先）。鍾意就睇，唔鍾意唔睇亦冇乜影響正題。

————————————————————————————
甲、 李天命講過個故事，講「命中注定」呢個字嘅含糊。羅素命中注定有四個太太，他實現了自己的命運。李天命命中注定有四個太太。可惜他沒有實現了自己的命運。

乙、 而我，都係「命中注定」教書嘅。但正如友人話齋，我冇做傳媒，係傳媒嘅損失。但做咗，就係我嘅損失。相信教書都係。我冇教書，係香港新一代嘅損失。但我教書，就係我自己嘅損失。咁我都係鍾意自己多啲。

丙、 真的，我係「命中注定」教書。你應該聽過有啲分析員或者散戶，興趣係「睇年報」。冇乜特別。你知唔知我十八廿二時有個興趣係乜？都係睇年報。但我睇考試局年報！當然我最鍾意睇啲考生錯處之類。但亦好鍾意睇啲數字

丁、 一套古惑仔收得，就有成個universe（勁過DC或Marvel），有前傳少年激鬥篇，有外傳洪興十三妹，有山雞故事，仲有reboot嘅江湖新秩序。有紅燈區，有龍虎砵蘭街，甚至有crossover開心鬼大戰古惑仔，真係勁過正義聯盟Capcom vs SNK。

戊、 亦都係好似以前香港啲殭屍片咁，一套鬼打鬼收得，就有人嚇人，人嚇鬼，鬼咬鬼，人鬼神。一套殭屍先生後，就有殭屍翻生，殭屍家族，殭屍叔叔，殭屍至尊—爭在冇殭屍超級至尊或者殭屍華堡

己、 一套收得，繼續拍，玩到爛為止，一路係香港精神。所以我今篇又講DSE重考。但轉個角度，冇魚缸溫度計了

庚、 你諗下，如果我仲教緊中學，加埋當年本人係呢個「教務組」（＊＊），若搞啲咁嘅嘢，老校家長應該都幾歡喜。一個唔該仲可以包裝做乜柒大數據分析添（都話個Excel放埋上Dropbox就雲端計算，加個密碼再track changes 就係區塊鏈技術，整個regression就係人工智能了）。但即係，What for ？讚我兩句又點？即時有女同事投懷送抱（係冇嘅，因為老校其實成日讚我）？定升我做附加數學科科主任？（＊＊＊）。

辛、 掉轉頭，我在呢度寫，即係「這雙手雖然少」，但每個like都自己呃返嚟，睇住自己成長，遇然仲搵到啲錢，唔係更好咩？

壬、 有機會再講，同樣道理，有啲金融文，其實真係我在星展年代做嘅嘢都差不多。只不過係轉做中文。但，肯定我轉做收費文（亦有試過），收到嘅錢，多過佢地畀我嘅人工。唔係話乜，願打願捱，但我覺得係值得諗下的。邊個食咗我嘅錢？點解我要經你接客？

（＊）我呢個表係所有重考生，但亦都有只係日校重考生數字。兩組有啲唔同，但我下唔到咩有意義結論，所以唔節外生枝。「或者遲下嚟多篇」

（＊＊）老師一樣有社團，基本上係強制，好多時冇得揀，負責啲非教學工作。「教務組」負責非教學嘅教務嘢，例如編成績表，編考試時間表之類。聽聞想上位，搏升SGM（所謂嘅主任）或副校或校長，做「教務組」就啱。另外仲有大家都知係乜嘅「輔導組」同「訓導組」。有啲學校（敝校）有「資訊科技組」，俗稱就唔方便講。仲有「課外活動組」。不過最堪玩味都係「教師發展組」，實不相瞞，我都唔知佢地係做乜春的。Hea人必做，守水塘守證物房咁，但就唔使諗升職。

（＊＊＊）附加數學科科主任呢單嘢，簡直係教書生涯中嘅高潮。詳見　我的辭職記　第一回（https://bit.ly/32QpCHN）

-------------------------------------------------------------------------
香港聯匯何去何從？新收費片已出，講足一個鐘，單次買200

想睇簡介嘅，呢度。亦有埋以前嘅片，有興趣可訂：https://bit.ly/3iYMD0F
報名嘅，呢度。今次課程編號填 CC005。唔想填信用卡亦可以FPS： https://bit.ly/3j0r9QZ　
Log in 呢度：https://bit.ly/3gYXu9e
已付費嘅，log in後按最頂「按此觀看」就得。再唔係返呢度睇：https://bit.ly/3fyKbw0
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:「聯繫匯率會否脫勾？散戶應如何應對？」
影片/課程編號：CC005
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC005]
2/利用信用卡網上付款
3/及後有登入資料可以立即收看
查詢：whatsapp 63832145

我也模擬出一條DSE歷史題：

1900年，清國拳匪暴亂，慈禧太后向西方連同日本等八國宣戰，不幸慘敗，並簽訂辛丑條約，向八國賠償銀子三億二千萬兩。

其中美國答應將大部份賠款用於在中國辦學，包括清華大學，並於1909年資助胡適、趙元任、梅貽琦等留學生前往美國進修哲學、法學、文學等人文與科技學系。

胡適等由美國回國後，領導五四運動，提出民主與科學精神，並鼓勵寬容異見、理性思考。

一百二十年後，北京一家國際學校的招生通告（見資料）。主題口號為：1，It all begins here（一切由此處開始）；以及2， Preferred by expatriate families since 1980（本校自一九八〇年以來是北京外國僑民送子女入學之首選）

請答以下題目：

1， 你認為It all begins here 的It ，是指：

a, 做一個正常人，而不是奴才或一頭人型的牲畜，必須由入讀此一英國人在北京開辦的國際學校接受開化改造開始，這個It，指The transformation into a human being ?

b, 由入讀這間學校開始，學生將通向英美名牌大學，領取文憑而回國之後，即可進入外資企業賺取高薪，或為億萬財富之起跑線。It，指Money？

c, 入讀這間學校，將來去英美升學，最終可獲得英美居留權與入籍英美加澳的光明前景。這個It，指US Green Card，British Passport，或Australian Nationality ？

2，為何此校要強調是居住在中國的外國僑民之首選、以吸引中國家長報名？

3，為何一百二十年過去，據稱中國科技和軍事早已超越了美國，中國和香港特區政府的官員，仍不停以西方白人國家主辦的國際學校為子女受教育的首選，而不是他們自己為中國人下一代設計的教育制度？

4，「庚子賠款120年、五四運動101年之後，中國人及其下一代還須接受西方文明教育並須輸送大量學費，尤其國際學校，是西方列強在中國人社會圈設的殖民租界，其實是一種國恥。」

就你所知，在多大程度上（To what extent do you agree ) 同意以上此一論斷？

5，中國官員與香港特區政府包括教育局官員、中港富豪紛紛將子女送去It all begins here 的英美學校，對於他們在自己的領土推行所謂「母語教學」、「國民身份認同」等政策，是否利多於弊？

暑假到了，很多升中四學生的家長，最近都開始積極為子女尋找補習班和教材，期望在開學前對DSE課程做一次預習。

很多DSE學生家長都說，四大主科中的「通識」是最難協助子女準備的。第一，因為在大家以往求學生涯中，基本上未接觸過通識，所以，基本上是無從下手。第二是資訊太多，行一次書局，不難發現有很多補充練習教材和議題集，看上去範圍很廣，橫跨個人、香港、中國、全球議題。有家長話，通識好似考AO，就算大人去考，也不知道要如何準備，更何況還是年輕人。

我從事通識考試培訓9年，曾經教出不少狀元學生，在youtube的單一試堂Video達30萬點擊。我經常總結他們的成功方程式，希望未考的師弟師妹可以用更有效率的方法提早感受進步的喜悅。這篇文章，希望用最簡單的角度，讓家長們了解遊戲本質，清除一些迷思和誤區，因而能選擇更有效的策略協助子女。

1. 通識考試不是通識
首先，家長和學生必須搞清楚目的，究竟是為考試而準備通識，還是為培養興趣而讀通識，兩條路線差天共地，而且在高中分秒必爭的時段，策略和路線有其緊要。如果為興趣，廣泛閱讀新聞和時事分析讀物有幫助；但如果要為分數，應該先研究DSE考題，看看最後的戰場是怎樣的，看看考卷需要達到什麼標準，需要展示什麼能力值，才返轉頭針對準備，這樣會比較efficient。

2. 通識科不是考通識
很多家長搞不清什麼「通識」和「通識科」，誤以為通識就是天文地理文學樣樣識。其實不是的，這些叫常識。「通識科」是有課程大綱的，它的課程大綱是由一連串課題組成，例如個人、香港、中國、全球化、公共衛生、能源與環境。每一個單元，都有一些重點考問的知識點和概念。考試的時候，我們會要求學生用不同角度拆解關鍵詞。例如，生活素質需要用政治、社會、經濟、環境、文化等角度開展，而這些要求，全都是考試要求。

3. 通識考試不需要樣樣識
既然你明白通識考試本質上是答題遊戲，那麼，我們更加需要引導子女明白什麼是影響分數的重點。這點非常重要，因為很多人一廂情願地覺得，只要有廣泛閱讀，就能自然考好通識。但事實證明，才華如陶傑，在沒有訓練答題技巧情況下，考通識都會炒。9年教學經驗，我得出的結論是：70%靠刻意訓練，30%靠內容積累。

4. 影響分數的關鍵是對遊戲的認知
一條8分題目，究竟要出幾多個Point？每個point要延伸到什麼程度？什麼才算完成答題動作？什麼情況下全篇離題？看見題目，第一個step要做什麼？這些都是答題技巧，都是技術性的要求。情況就如考車牌一樣，在考官面前，你開停過線一定要非常誇張地望鏡，否則一定肥。對考試遊戲的掌握，是成敗關鍵。

5. 操pastpaper前需要完成單元知識
那麼，我可以直接叫子女操pastpaper嗎？當然可以，但效果肯定不理想。因為通識考試設計很得意，所有題目都是跨單元的。如果未完成六大單元，就衝落去做題目，是很難寫到高水平答案。問題是，很多學校都可能會把單元知識拖到中六才完成，結果很多同學都是在last minute才開始形成一個full picture，即使消化得來，也沒有時間操卷。

6. 越早完成課程越好
所以，結論是越早準備越好。DSE課程是沒有honeymood，很多同學會覺得中四是摸索期，但已傷到中五，各種SBA、IES、OLE接踵而來，基本上沒有時間準備考試。更惡劣的情況是，很多學校和補習社喜歡拖長來教，而不是一開始呈現full picture給學生看。在見步行步，加上壓力之下，容易迷失。如果能早一點完成課程，就能節省時間給其他科目，和更早進入操卷程序。

有人問，DSE學生最寶貴的資源是什麼？我會答你是時間。人腦需要時間吸收知識和累積經驗值，而能力提升並非一朝一夕，分數提升是時間和正確方法的果實。

作為父母，不能替子女落場考試，只能為他們收集有用的資源和教材，默默在背後支援他們。

歡迎家長和我們分享一下子女的面對的困難，我們樂意和你分享學習策略。你也可以訂購我們的速效課程，我們會速遞全套筆記和教學Video到家，在家中上網補習，秘密練兵。

課程訂購：
https://lshenrysir.skx.io/courses/4812421331943424