雖然這篇中信里昂炒人鄉民發文沒有被收入到精華區：在中信里昂炒人這個話題中，我們另外找到其它相關的精選爆讚文章
在 中信里昂炒人產品中有5篇Facebook貼文，粉絲數超過2萬的網紅君子馬蘭頭 - Ivan Li 李聲揚，也在其Facebook貼文中提到， ［深度＋101文］係喎，可以又深又淺，101文都有深度 FT原文：（https://bityl.co/3Ed8） Vanguard uproots staff from Hong Kong to focus on Shanghai。睇免費中文嘅，經濟，https://bityl.co/3EdB ...
中信里昂炒人 在 君子馬蘭頭 - Ivan Li 李聲揚 Facebook 的最讚貼文
［深度＋101文］係喎，可以又深又淺，101文都有深度
FT原文：（https://bityl.co/3Ed8） Vanguard uproots staff from Hong Kong to focus on Shanghai。睇免費中文嘅，經濟，https://bityl.co/3EdB
TLDR：你估真係貪你香港人識英文好撚醒咩？
1. 昨日呢個Vanguard領航撤出香港嘅消息，都引起行家一陣討論。雖然我懷疑好多非行家根本唔知乜嘢Vanguard。介紹返，全球第二大ETF發行商。撤離香港了，全部摺埋。
2. 你見我今日先寫，一來昨日忙（有人以為我係唔使做的），二來都係沉澱下，本專頁出文力求專業，唔係鸚鵡學舌咁人云亦云，knee jerk 反應咁，先有結論然後乜都塞入去自己個框架解。亦即係手拎住個槌仔就乜都係釘。
3. （廣告：Ivan Patreon 狼耳街華人，一個星期至少三篇，一個月一舊水唔使，兩星期已超過400人訂，仲有兩篇免費試睇：https://bit.ly/31QmYj7）
4. 乜槌？好簡單。領航美國嘢嘛，大公司嘛，撤離香港喎。大家都知個劇本點fit入去咯。外資撤尼 冇信心 國安法 香港已死 打響第一槍 下刪十萬字。Very fit
5. Except it doesn’t
6. 成單嘢，四個角度睇。先講政治（唔多想講），再講客，然後講生意，最後講行業。夠晒立體。
7. 政治嘅嘢。其實如果稍為識字，識英文嘅（你估咁多人識字？）。應該知道，冇錯，領航係摺埋香港嘅業務。搬去邊？搬去大陸！
8. 即係，由拍三仔，變做拍四仔。怕乜呢？一件污，兩件穢，三件冇所謂。豁出去啦。全面投共啦
9. 事實係咁喎，任你點屎片都好，領航寫到明，總部搬去上海。仲叫部份員工可以易路基。當然你可以唔去，亦都唔係全部人有得去（投共條隊都好長的說，排過就知）。
10. 但公司講到明，未來亞洲業務，重點就係大陸。相信唔係畀人拎住把刀拍片講。唔止，領航仲同螞蟻集團合作添，呢啲先係大茶飯。
11. 事實亦係咁，公司而家得返三個點。墨爾本（澳洲話自己係亞洲喎，特別係踢波嗰時），北京，上海。聽聞北京都會摺，但後話。咁，重點當然係在大陸。
12. 你話，其他地方呢？咁就要講埋啦。
13. 今次領航除咗摺埋香港，亦都摺埋日本業務（取代香港做亞洲金融中心喎，聽講）。喂，日本喎！亞洲最富有國家之一，人口又夠多。當然日本ETF生態我唔知，但其實絶大多數投資者都home biased，相信日本人更加係咁。有幾多日本人去買印度ETF？咁日本都摺得，仲有咩亞洲市場值得留戀？
14. 仲有，堅持講咩襟蚊籮呀識英文呀法治呀乜乜嘅。留意返，其實香港同日本之前，早兩年，領航摺咗另一個重要嘅亞洲據點。
15. 之唔係個個打飛機嘅新加坡。早兩年嘅事。而嗰時都炒咗香港五份一員工，所以今次摺埋香港，局內人都預咗啦。
16. 我嘅睇法，日本唔知，但點解摺新加坡同香港，其實都唔難理解：租貴，人工貴，但市場細。而好可能係市場細緊要過成本。ETF嘅嘢，好早講過，係極之士基拿普嘅生意，我10億AUM（Asset under management）咁多成本，但去到1000億AUM，收入差唔多100倍，仲可以減價鍊死啲細公司。但成本肯定唔會升100倍，可能幾倍，請多幾條友，租多個寫字樓，換下電腦，但唔會係跟住收入咁升的。呢啲明顯收費文講過
17. 而另一方，同你啲網友所講唔同。大陸開放緊佢嘅基金市場，算係真係開放。外資當然搶灘。正如之前貝萊德（Black Rock，BLK，呢間就全球最大了。iShares嘛）都同淡馬錫同建行合作。
18. 根本由始至終，你見大陸咁多外資，外資根本唔係完全介意咩冇法治呀乜乜物物。當然都介意，但計掂數咪得。
19. 但網友講得啱嘅係，如果香港變成同普通大陸城市一樣，咁做乜仲要香港呢？我不如直接投共好過啦。難聽講句就係，收三仔錢你要我拍四仔，咁我不如直頭拍四仔啦！
20. 以上種種，當然好多人聽到唔高興。但近期見到個發展係咁。亦都唔止一單。唔止美資，日資都係。睇下大和（Daiwa）講嘅嘢，相當誠實（https://bityl.co/3EbK）。佢地都話好擔心國安法乜乜乜，但同時間亦都話，扯，不如直頭將香港業務搬返大陸啦！
21. 正是如此，我勸香港人最好反省下，自己有乜咁巴撚閉。你識英文，大陸人唔識？你識日文，大陸人唔識？OK人地可能英文冇你咁好（I doubt it），但，收你三份一人工。美斯好波，咁我出廿二個人同你巴塞踢咯，得未？
22. 好，講完政治，講客。根據領航講法，話因為香港個生態適合機構投資者，但佢地戰略想主打散戶云云。於是有人就講到，「散戶教極都唔識」（https://bityl.co/3EbX）云云。
23. 首先，屌客，屌其他人，永遠係最好嘅理由。點解你隻嘢在香港賣唔到？香港人短視咯。點解你冇人請？香港啲華資老細廢拉HR短視咯。點解外國都冇人請？嗰啲友都短視咯。咁事實，做先知好辛苦，尼采自比係日頭拎蠟燭嘅癲佬，「我來得太早了」。不過仲有好多係假先知，係人地郁晒自己唔郁
24. 香港散戶係咪笨實呀炒上炒落呀，唔知。但講咁多，贏到錢先係王道。香港人冇嘢出名，出名貪，有著數會唔拎？
25. 香港散戶係咪冇人炒ETF？肯定唔係，你見咩盈富2800呀，A50 2823呀，仲有啲咩反向雙倍嗰啲ETF，好多人鍾意玩。
26. 所以殘酷嘅真相：唔係香港散戶唔玩ETF，係唔玩領航嘅ETF。得罪講句，領航嗰幾隻嘢，似乎冇乜吸引力。買標普500？咁我直接開美股戶口得啦。係喎，近年美股大盛，交易費用又低咗，亦都打擊咗領航香港生意。
27. 當然另外仲有，港交所偏高嘅交易費用，呢個就真係另文先講。舊文講過（https://bityl.co/3Ec1）
28. 講完政治，講完客。講生意。頭先講過，領航世界第二大，但在香港就不及地頭蟲。而家死剩6隻ETF，AUM係33億。香港ETF市場都唔係太大，但都近3300億，即係領航嘅孖劇些牙係1%左右。講到呢度，似乎都唔使點講落去。
29. 實數，33億AUM，有幾多收入？記住領航係賣平靚正，冇咩星級基金經理，唔揀股，冇two and twenty （https://bityl.co/3EcE）．33億AUM，講緊60萬收入一個月。夠出糧都唔夠交租啦，下話？
30. 最後，講完政治講完戶講完生意，講行業。其實正係早兩日，我都未得閒寫（永遠都幾萬樣嘢想寫唔得閒，所以靠你地幫我變全職作家了）（https://bit.ly/31QmYj7）。WSJ有篇文講（https://bityl.co/3EcX），ETF行業整合
31. 冇嘅，合久必分分久必合，有著數咪有人埋嚟，多人埋嚟咪冇肉食，冇肉食咪有人抬進場。今年已經超過200隻ETF冚旗，而新開嘅係2013年最少，但講美國啦
32. 再講一次，ETF呢門東西，其實技術門檻唔係好高。呢方面冇乜護城河可言。呢類生意，最初你頭幾個做咪舔一浸，之後就會搶人，最後大家冇肉食，就有人抬走。例子？你睇香港出輪咪係。最早期輪王輪后呼風喚雨，但後來其實你請到佢嚟就可以開檔，唔一定要買得準里昂輪。人人都知個撈烤，最後咪價格戰！
33. 而鬥平，就梗係有利大公司。好多金融生意（但唔係全部），都係相當士基拿保嘛。我公司夠大，壓到價夠低，多筆直吸到客，你細嘅點玩？所以你見嗰時有啲發行商出啲好偏門嘅輪，因為出建行輪唔夠你爭，嗰時隻183（唔係而家隻宏輝／田生，係中信嘉華年代！）都有人出輪！我點知？我炒過咯。咁但，即係你發行商take 更大嘅risk 咯。即係人地唔敢做嘅村屋 電單車位你走去做咁。得咪得，唔得咪返順德。
34. 所以呢，真係環環相扣架，唔好以為睇一篇半篇文可以了解成個世界。記住訂埃汾Patreon（係，一篇文賣三次廣告）
——————————————————————————————————
Ivan Patreon 狼耳街華人，一個星期至少三篇，一個月一舊水唔使，兩星期已超過400人訂，仲有兩篇免費試睇：https://bit.ly/31QmYj7
————————————————————————————
［收費短片第八擊］美國總統大選買股部署
課程資訊:https://homebloggerhk.com/course_detail/?code=CC008
到上link會見到紅色按扭直接購買及觀看
題目:「美國總統大選買股部署」 /cc008
內容:
*美國總統大選買股部署
*美股8月終極一升，然後…
*制裁美國上市中資股，有乜後果？
*蘋果2萬億市值，之後點？。下間2萬億市值係？
*未買記得買返CCO06（下半年選股）同CC007（買金）
本星期內特惠售價: $80
課程編號：CC008
觀看期限：首次播放後一星期及限每影片４次
客服whatsapp: 63832145
中信里昂炒人 在 IEObserve 國際經濟觀察 Facebook 的最讚貼文
計畫通，低利貸款來與其養員工不如來炒樓
畢竟沒生意的問題，不會因為有政府資助養員工就能解決
資本做最有效運用就是在大印鈔時代累積資產
聽起來可恥但是卻是合理的決策，靠良心不能保證生存，就像企業有錢就來回購自家股票是一樣道理
【彭博觀點】小企業拿到貸款後都做什麼？
https://bit.ly/2Y2wmQu
按照中國政府的設想，給中小企業提供低息貸款，讓它們繼續給員工發工資，這樣應該就能遏制新型冠狀病毒疫情給經濟帶來的負面影響。但到目前為止，這一舉措收效甚微。但結果令政府大失所望，這些企業將所貸款項投入到樓市當中，而不是用來發工資，或補充營運資本。
#新型冠狀病毒 #ShakeShack #SmallBusinessAdministration #中國人行 #中信里昂證券
中信里昂炒人 在 青冰投資 Facebook 的最佳解答
春來教育(1969)核數師德勤跳船，因為關注其債券、物業及廠房投資的商業理據。青冰無聊之下看看，原來股份於12月2日已開始停牌，當時係話延發業績。
公司於2018年9月上市，招股價2.08元，佢都算犀利喇，上市首天已經跌17%，上市至今從未上過招股價，作為教育股一次都未炒過，真係少有。再望一望保薦人，不是二打六呀，是中信里昂。教育股近年的IPO表現大多唔錯，但青冰仍然偏向信百記，其他的都是No thank you了。