#kiddyland #兒童親子書店
#購書優惠折扣碼 #文末送出購書禮券🎁

還記得前兩年帶過暴龍哥造訪過Kiddyland的銅鑼灣分店，它是全港最早的兒童專門書店，去年它的結業也讓我覺得好可惜😔

不過Kiddyland推廣兒童閱讀文化的腳步並未停下，近期他們成立了全港首個以圖書為主軸的親子教養線上平台👉🏻 Kiddyland (Kiddyland ) ，為0-12歲孩子及家長提供豐富童書分享、育兒知識，還可以直接到 一本 My Book One 網上購買書籍(www.mybookone.com.hk），除了線上平台，他們也於近期為將軍澳的實體店做了升級工程，提供家長及孩子一個共讀、體驗與交流的空間！ 最近我跟暴龍哥也造訪了將軍澳Kiddyland的實體店(將軍澳中心1樓139號舖)，這裡提供0-12歲書籍、教材及各類益智玩具，完全是為親子而設的兒童專門書店👍🏻 我最喜歡就是這裡設有閱讀區，可以帶著小朋友來這裡慢慢挑選、試閱❤️ 我也跟暴龍哥發現許多好書想跟大家分享😁

📋我的推薦書單給大家參考🥰
✔️優良蛋
✔️爺爺的天堂筆記本
✔️ 我們都好棒！
✔️批哩啪啦牙菌來了！
✔️英倫玫瑰
✔️小雞過生日
✔️小偵探找一找（3）-野生動物在哪裡
✔️等爸爸回家
✔️100層的巴士
✔️屁股裁判-屁和便便大決鬥

這是我在「一本文化閱讀購物平台」的書單 https://bit.ly/3ousylM，可以進去看看喔😉

#讀者專屬折扣碼 😁
有興趣的朋友可以上「一本 ─ 文化閱讀購物平台」看看喔www.mybookone.com.hk登記成為會員，於APP「會員卡」→ 「查看詳情」→「優惠碼」或於網頁「帳號」→「會籍資訊」→「優惠碼」輸入「trexmama」，即可獲取折上折優惠券，於全店購買兒童書籍可以享折上折 #9折優惠 喔（不包括教科書/教參及指定商品）☺️折扣碼使用日期至到11月22日，有需要的朋友，千萬不要錯過囉😉

#粉絲福利🎁暴龍媽媽還要送出港幣50元面值「聯合新零售文化禮券」，憑禮券於可於商務印書館、三聯書店及中華書局任何一間門市使用。共四個名額 👏🏻👏🏻👏🏻 做齊以下步驟就有機會獲得喔😉

✅ 讚好 港台混血小暴龍 & kiddyland
✅ 讚好&分享此post （請設為公開🌍）
✅ 留言「kiddyland」並tag三個朋友
。
。
。
。
⭕條款&細則
✔截止日期為2020年11月5日 11:59am
✔提供港幣50元面值「聯合新零售文化禮券」憑禮券於可於商務印書館、三聯書店及中華書局任何一間門市使用。共四個名額。
✔️每人只限參加一次，請勿使用假帳號。
✔將於活動結束7天內inbox聯絡得獎者
✔港台混血小暴龍 及kiddyland保留此活動的最終決定權。

【屍人屋苑】病毒變種、喪屍橫行，一個屋苑困獸鬥的故事……（完）
　
一切實在發生得太突然。當隻女喪屍撲低我準備咬埋嚟嘅時候，我真心以為自己死硬……
　
但佢咬唔中，可能係我掙扎之下改變咗佢咬嘅位置，又或者一瞬間嘅反射動作避開咗。總之，大難不死必有後福，我即刻出盡九牛二虎之力將佢推埋一邊。
　
「嘶啊啊啊啊啊！」但女喪屍依然死心不息，佢同我幾乎係同一時間撐起身。
　
我本身想抽刀，但佢早一步撲埋嚟，我剩低一隻左手擋唔住，結果俾佢撞埋去煮食爐嗰邊。佢再一次想咬埋嚟，但我右手正好掂到易潔鑊嘅手柄，用力握實向住女喪屍嘅頭直揮過去。
　
碰！
　
一聲悶響，女喪屍俾我直接打中失去平衡、動作亦都慢咗落嚟。見狀，我用一手一腳將佢推出廚房。見拉開咗一個安全距離，今次我順利抽出刀，下次攻勢一定可以殺死佢……
　
「啊啊啊啊啊啊啊！」
　
「唔好去呀！」
　
「琪琪！？」
　
女喪屍、阿俊、琪琪幾乎係同一時間大嗌。我唔知發生咩事，當刻只係一心想解決眼前隻女喪屍。但就喺佢再次衝埋嚟嘅一刻，突然有人擋喺我同佢之間……
　　　
－－－－－－－－－－－－－－－－－－
《屍人屋苑》前三回：
https://www.facebook.com/pg/Echo.of.Heart/photos/?tab=album&album_id=1935947799870360&__tn__=H-R
－－－－－－－－－－－－－－－－－－
　　
「媽！」喺琪琪，佢背對住我用力抱住隻女喪屍，「唔好啊！」
　
我當刻已經落刀，刀口只係差一吋就會插中琪琪嘅後頸。
　
「妳搞乜嘢呀！？」我當然係好難以置信。
　
但琪琪冇理我，佢出盡全身力量將女喪屍慢慢抱後。可以見到隻女喪屍依然係睜大雙眼望住我，雙手不斷揮舞、十指瘋狂咁亂抓，血盤大口又開又合。明明身邊就有一個可以咬嘅人，但佢依然將目標放喺我身上……
　
「媽！夠喇……我已經夠喇！妳入房先……求下妳……」
　
「真係神奇……」阿俊慢慢行入廚房，一直茫然咁望住琪琪同女喪屍，「隻喪屍居然唔會咬琪琪……呢種情況你以前有冇見過？」
　
「冇……」我冷冷咁回應，殺意依然係充斥住我腦海，「唔得，我要過去殺死佢……」
　
「喂！」阿俊伸手想拉住我。
　
「我差啲死呀！」我大聲咆哮，「差少少就會俾佢咬死！你唔係為咗條女搞到傻咗呀！？」
　
「我明……」
　
「你明條撚！」我一直盯住嗰兩母女，睇嚟琪琪係打算推佢入房。
　
「反正你都打算過去啦？」阿俊嘗試說服我，「呢邊不如交俾我處理？」
　
雖然好想拒絕，不顧一切咁衝埋去一刀插落女喪屍嘅天靈蓋。但而家咁樣俾打窒咗條氣，冷靜落嚟，恐懼感瞬間散播全身每一個角落。我可以感覺到雙手喺度震緊，背脊亦都出滿晒冷汗……
　
「你有冇受傷？」阿俊輕輕拍一拍我肩膀。
　
「唔好掂我！」我反應非常大，轉身行埋去窗邊，先搓一搓雙手，然後開始綁繩，「你自己望下個雪櫃……條女係癲㗎，你留喺度肯定死硬！」
　
「嗰條屍就係王伯。」琪琪返到嚟開聲回應，嚇到我成個人震一震。
　
我即刻轉身，再一次舉起刀，好驚隻女喪屍會再一次出現。
　
「就喺你哋闖入屋苑嗰一晚，王伯為咗避喪屍所以上咗嚟呢度。本來頭幾日都相安無事，係直到前晚，佢突然入我房……仲想強……」琪琪顯得相當痛苦，「……強姦我……」
　
「所以妳就殺咗佢？仲分佢屍？」我質問。
　
「唔係我……係我媽……趕到嚟殺死佢……然後……然後我……」
　
「嗰個唔係妳阿媽，係喪屍！妳媽已經死咗！」我咆哮，「哦……我明喇，妳之所以放王伯條屍喺雪櫃，就係想拎佢嘅肉嚟食……」
　
但因為斷電嘅緣故，雪櫃早就冇咗冷凍功能。但放入去多少可以阻隔氣味，所以我同阿俊先一直注意唔到。
　
「我唔係……我只係想……吖吖吖吖吖吖吖吖！」琪琪尖叫一聲，然後跪喺地上面抱住頭。
　
「你而家明喇！？」我望向阿俊，「條女分明有妄想症，覺得佢阿媽仲未死！佢仲要食人！我哋咁耐以嚟都冇試過咁做！」
　
「夠喇，老超……」阿俊跪喺琪琪旁邊，對住我搖搖頭，「你過去先喇。」
　
「算，你死你事！」
　
我用力推開廚房窗，先探頭望出去，可以見到外面有個固定咗嘅晾衫架。雖然唔敢保證踩上去穩陣，但只要事先綁好繩，就算發生咩事都應該唔會跌落去……
　
「我過去啦！」當一切準備就緒之後。我先回望阿俊一眼，佢依然安慰緊琪琪，「如果我跌咗落去，你就喺度同佢長相廝守啦！」
　
說罷，我小心翼翼咁爬出窗外面。一開始先坐喺窗邊，右腳稍微用力踩一踩晾衫架，感覺穩陣先慢慢起身，過程一直扶住窗框，唔敢將重心放喺下半身、更加唔敢直望落下方……
　
我開始感覺到掌心出汗，又擔心自己腰繩綁得唔夠緊……廿五樓，跌落去一定係粉身碎骨……我伸出左手抓住另一室嘅窗邊，好彩呢一戶嘅主人本身冇閂好窗，所以免去一層功夫。
　
我拎出預先準備好嘅爆窗工具，只要解開埋窗框嘅鎖就大功告成。呢三個月實際上已經爆過好幾次，可以話係駕輕就熟……
　
終於，「嘭」一聲爆開窗鎖之後，我即刻用力推開窗框，然後毫不猶豫直接爬入去隔離屋嘅廚房。雖然最難嘅部份完成咗，但我都未敢放鬆心情，因為屋裡面絕對有可能隱藏其他危機……
　
「Hello！？」我邊解開腰繩邊大嗌，同時用刀尖擊打廚房嘅瓦磚。
　
假如屋裡面有人或者喪屍嘅話，聲音咁大係肯定會聽到的。
　
但直到我行出廳，依然冇出現任何異樣。見係咁我終於鬆一口氣，行埋去梳化成個人瞓喺上面。當我望住天花板嘅時候，有一瞬間真係諗過乾脆成世人留喺度就算……
　
但我知道冇可能的。只要捱埋呢兩日，我先可以正式脫離呢個人間地獄。
　
休息咗大約五分鐘，我開始檢查屋入面嘅每一間房。呢間屋嘅主人係一對中年夫婦，佢哋仲有一個睇落似係中學生嘅仔。一啲都唔意外嘅係，間屋果然係冇晒食物。所以估計佢哋應該係為咗搵糧食而被迫離開屋企，結果就再返唔到嚟……
　
類似嘅故事，呢三個月應該發生喺好多家庭身上吧？
　
檢查完畢後，我重新返到去廚房，然後開口問：「阿俊喺唔喺度？」
　
「喺度。」阿俊好快就回應：「你嗰邊咩情況？」
　
「安全，你係咪而家過嚟？」我執返起地下嘅布繩。
　
「睇嚟你唔記得咗我哋要用電話鈴聲吸引班喪屍？」阿俊無奈咁講。
　　
喔，因為頭先根本係怒火中燒，所以確實冇咗件事。
　
「所以點都要有人留喺呢邊，個計劃先可以順利進行。」佢接住講：「你肯定係信唔過琪琪，所以一定係等我嚟。」
　
「你點解硬係要幫佢？」我問：「隻喪屍一直喺屋裡面仲要冇鎖好門，佢根本一早想我哋死。」
　
「真係咁嘅話，佢一開始就唔會千叮萬囑叫我哋唔好入廚房。」阿俊唔同意，「老超，唔怕老實講，頭先見琪琪攬住佢阿媽嘅時候，我真心覺得個畫面好感動……」
　
「吓？」我錯愕。
　
從我呢個受害者嘅角度睇，個畫面根本係又畸形又嘔心，諗返就覺得心寒。
　
「當初我阿媽變成喪屍嘅時候，佢先冇對我咁好。如果我唔係走得快，應該一直就成為下面班喪屍嘅同伴。所以，我真係好同情佢……佢身為一個女仔，可以捱到而家真係唔容易。」
　
我冇回應，而係望返大廈最底，喪屍數量依然係有增冇減。其實到而家，我都幾佩服自己有勇氣爬過嚟。
　
「係嘞，尋日同老豆傾電話嘅時候，佢留低咗個號碼俾我，話必要時可以用嚟聯絡聽晚揸直升機嗰班人。既然我部電話聽晚就會玩完，我想你幫手一齊記低個號碼，話唔埋之後有機會用得著。」
　
「講嚟聽下。」我裝作唔在乎。實際係趁佢見唔到拎出自己部電話，打開然後記低。
　
確認好聽晚九點半行動之後，我哋就各自返去休息。雖然阿俊講到自己好同情琪琪，但我始終唔係佢……我冇辦法原諒一個瞞住我嘅人，何況，我差少少就會俾佢阿媽咬死……
　
所以，我暗暗作出咗一個決定……
　
至於呢個決定最後會引至咩結果，就要交俾阿俊嚟決定。
　
*
　
【阿俊視角】
　
轉眼間就嚟到關鍵嘅一晚。半個鐘之後，直升機就會降落喺屋苑嘅天台。
　
早喺九點半之前，我已經預先較好電話鬧鐘，再將電話擺喺屋最入嘅嗰房間。
　
「媽，我要走喇。」行動之前，琪琪不忘向倒數第二嗰房間裡面嘅「媽媽」道別，睇得出佢仲係依依不捨。
　
……嗚……
　
尋晚我同琪琪傾咗差唔多一整晚，我幾乎係將自己三個月以嚟嘅故事原原本本咁話俾佢知──我阿媽係點死、我係點遇到老超佢哋、點解會剩低我哋兩個，最後又點解會避到嚟呢個屋苑……
　
當然，佢都有同我提到自己嘅故事。雖然三個月以嚟都係留喺屋企難免有啲乏味，但呢個都叫做係好開始……
　
雖然只係一晚，但我感覺同佢嘅距離一下子縮減咗好多。琪琪佢本性善良，正如我所講佢根本冇心害人，只係一直冇辦法放低「媽媽」。只要畀多少少時間，佢一定可以恢復過嚟……
　
而安全島，無疑係一個最好嘅療傷之地。
　
「妳搞掂就入廚房。」我企喺大門前同佢講：「之後等我指示……」
　
雖然隔住大門，但我可以聽到外面班喪屍開始躁動起嚟，就好似感覺到我哋即將會放佢哋入嚟咁。
　
我望住錶，等到最後十秒嘅時候，我先深呼吸一口氣，然後慢慢打開大門……
　
「嘶啊啊啊！」即刻有隻喪屍注意到呢邊然後用力撞過嚟，但結果當然係撞埋鐵閘。
　
雖然咬我唔到，但呢個舉動卻將其他喪屍一齊吸引過嚟。我鼓起最大勇氣解開鐵閘鎖，再輕輕用力拉開少少……
　
下一秒，最入嘅房間響起電話鬧鐘，而我就直奔入廚房。
　
「閂門！」我壓低聲同琪琪講。
　
佢即刻照做，臨閂門之際，可以見到班喪屍已經開始湧入屋。接住落嚟只可以寄望鬧鐘真係可以引晒佢哋入去，清空走廊……
　
我同琪琪合力將雪櫃擋喺門前，然後就照計劃，先由我過去……
　
「妳真係冇問題？」我綁繩嘅時候再問一次，「妳唔驚我過到去之後唔理妳？」
　
「唔驚，」琪琪搖搖頭，「我信得過你。」
　
確認繩綁得夠穩之後，我即刻把握時間爬出窗外。雖然我有少少懼高症，但呢刻已經冇得驚了。我踩上晾衫架，一個反身想直接爬過去隔離屋……
　
「吓？」
　
點會估到，隔離屋嘅窗框居然重新鎖上咗。而老超就企喺窗框後面冷冰冰咁望住我。
　
「老超你搞咩！？」我當然好驚訝，「做乜鎖返住個窗框……」
　
「好彩係阿俊你先過嚟，」老超舉起一條鎖匙，「咁成件事就易搞好多。」
　
「你到底玩咩呀！？」
　
「我冇玩，我要你拋低嗰個癲女人……只要你肯咁做，我就會開鎖俾你入嚟。」
　
「阿俊，發生咩事！？」可能見我留喺外面仲未入到屋，琪琪緊張咁問。
　
「冇事，妳千祈唔好出聲！」我抓實窗框盯住老超，「如果我唔應承呢？」
　　
「咁你哋就一齊留喺嗰邊喇！」老超呢個態度明顯係認真，「呢個女人咁痴線，就算我哋可以去到安全島，終有日都會俾佢害死！」
　
「你諗得太嚴重……」
　
「因為差啲死嗰個唔係你！」
　
「阿俊，班喪屍……班喪屍好似想撞入嚟！」琪琪慌張咁大喊。
　
見到呢個情況，我決定豁出去，直接喺外面解開腰繩，然後拋俾琪琪。
　
「琪琪，妳照我尋晚教妳咁，快啲綁繩爬出嚟！」
　
「阿俊，夠喇！放棄佢喇！」
　
「我唔會！老超，你仲記唔記得阿東？」我講到呢度伸隻手入去屋入面，「如果……我哋每一次都選擇見死不救嘅話，我哋同下面班喪屍又有咩分別？」
　
老超起初聽完係有少少動搖，佢先望咗眼手上嘅鎖匙，最後……
　
隨手將條鎖匙掉喺地上面。
　
「當然有分別……」老超邊講邊退後，「就係我依然生存緊。」
　
「喂，老超！」我終於忍唔住咆哮，「你咪走呀！」
　
但老超並冇停落嚟，一個轉身就跑出廚房。
　
「吖！？」我見到琪琪已經準備爬出窗外面，睇得出佢相當恐懼。
　
而同一時間，廚房嘅拍門聲亦都越嚟越響，班喪屍好快就會破門而入……
　　
「阿俊……到底點解會咁？」琪琪絕望咁望住我。
　
唔通，呢個就係我哋嘅命運？
　
*
　
【老超視角】
　
假如頭先係琪琪先爬過嚟嘅話，其實我係打算直接推佢落樓，一了百了。所以見到係阿俊先過嚟嘅時候，其實我仲鬆咗口氣……
　
但佢最後都係唔肯放棄嗰個女人，既然係咁，唯有等我放棄佢哋。
　
反正，早喺一星期之前我已經有意欲咁做了，只係佢老豆嘅電話改變咗我嘅諗法，所以而家只係回歸初心。
　
可能你哋會問，冇咗阿俊，直升機班人會唔會唔肯接我？我當然有認真考慮過呢點，事實上已經考慮咗成晚。
　
當我打開H室嘅大門，外面走廊果然係冇晒喪屍，睇嚟真係俾電話鬧鐘引晒入屋。我迅速咁推開後樓梯門，雖然聽到下方有喪屍叫聲，但我嘅目標係上層……
　
我一連跑咗好幾層，最後順利跑到天台。就好似怪我狠心一樣，天竟然開始落起滂沱大雨。但對於留喺窗外面嘅阿俊同琪琪嚟講，呢場雨無疑係雪上加霜……
　
我任由雨水拍打身體，一直提防住樓梯門，驚會有喪屍上嚟。等咗大約幾分鐘之後，終於可以聽到旋翼轉動嘅聲音。我抬起頭，見到有道光慢慢靠近。只要再過多陣，我就可以離開呢座大廈……
　
我先留喺安全位置，等到直升機停低落嚟先至敢行近，邊行邊大喊：「太好喇，我已經等咗你哋好耐！」
　
就喺下一刻，直升機一邊廂門打開，有個人舉住長槍指向我。
　
「你就係阿俊？」
　
我曾經有一秒諗過乾脆真係扮阿俊，但一諗到之後肯定會穿煲，最後都係「實話實說」：
　
「唔係，我唔係阿俊！」
　
「咩話！？」因為場雨太大，所以槍手聽得唔清楚。
　
「我唔係阿俊！阿俊佢已經死咗，但佢臨死之前留低咗個遺言俾我，叫我要親口同佢老豆講，所以你哋一定要送我去安全島！」
　
假遺言嘅內容我當然已經諗埋，但如果佢哋唔追問，我都唔會喺呢個緊張關頭慢慢解釋。呢刻，只希望佢哋會上當……
　
「好喇！」槍手揮一揮手，「快啲上嚟！」
　
我聽完當然好激動，正想快步走過去……
　
「喂，喪屍！你後面有喪屍呀！」槍手突然大嗌。
　
我一聽到警告即刻轉身，果然有隻男喪屍偷偷跑到我背後，因為直升機太嘈所以完全察覺唔到。好彩我反應得切，巧妙咁避過佢一撲，再順勢舉刀直插落佢後腦……
　
但危機仲未解決，有更多喪屍出現喺後樓梯位置，呢個數量我冇可能一個人解決。
　
「可惡！」我激動得咬牙切齒，「點解早唔嚟遲唔嚟，偏偏而家先出現？」
　
但令我更絕望嘅係，直升機嘅旋翼居然重新轉動起嚟。我望過去，見到直升機開始急速爬升。明顯係機師感覺到危機，所以唔敢冒險等埋我……
　
「喂！等埋呀！」
　
嘭嘭嘭嘭嘭嘭嘭嘭嘭嘭──！
　
連珠爆發嘅槍聲劃破長空，我下意識抱住頭，再擰轉身，見到班喪屍一隻一隻咁中槍倒地……
　
「好呀！就係咁……！」
　
嘭─────────
　
突然，右腹一下劇痛令我成個人失平衡跪喺地上面。我曾經有一刻以為係隻男喪屍未死，然後俾佢從後偷襲。但唔係，佢依然瞓喺地上面，就同其他喪屍一樣……
　
「……好痛……」
　
我伸手摸向右腹，可以摸到溫熱嘅液體不斷流緊出嚟。當血紅色嘅液體落到地板之後，隨即被雨水所沖淡……
　
「……唔係啩……」我有個好壞嘅念頭，但始終唔想承認。
　
唔通……我係……中槍……？
　
終於，一陣強烈嘅暈眩感襲來，我即刻支持唔住瞓落地。明明係好想起身，好想盡快離開呢個鬼地方，但身體卻開始變得僵硬起嚟。只能勉強向前爬，忍住痛楚不斷爬……
　
……可惡啊……好痛……點解會咁痛……
　
眼皮開始變重，但我知道自己唔可以瞓。就快了，就快會爬到後樓梯，之後我要即刻搵個地方止血……咦？
　
但就喺下一刻，有一個身影慢慢出現喺門前，我睜大雙眼想望清楚……
　
結果，出現眼前嘅，係一個未完嘅惡夢──
　
係琪琪嘅「媽媽」，佢居然嚟到天台，注意到我之後用緩慢嘅步伐行過嚟……
　
……等等先……
　
「……嗚……」
　
……搵人開槍……開槍幫我……喂……
　
一步、一步、又一步，琪琪「媽媽」嘅目標非常明確……
　
救命……救命……啊……好痛……
　
「……開……槍……」我嘅聲音變得好沙啞，「……救……」
　
終於，佢嚟到我面前，慢慢跪低。灰白空洞嘅雙眼裡面可以搵到我絕望嘅身影。
　
「嘶啊！」
　
*
　
*
　
*
　
感覺，好似發咗一場好耐嘅夢。
　
夢入面我去咗好多個地方，先係醫院、然後到地鐵站、辦公室、巴士車廂、最後係一間超市……過程中我遇到好多陌生人，每一個人都係用驚恐無比嘅眼神望住我。
　
尖叫、慘叫、最後恢復平靜……每次都係重複呢個輪迴。
　
記得，夢嘅最後，我去到一個中年女人面前，佢越望就越熟口面，唔知喺邊到見過。佢不斷走，最後俾我迫到去一個角落先嘗試反抗……
　
我本來差少少就會記得佢係邊個。但偏偏喺呢個時候，有一男一女嘅叫聲嘈醒咗我……
　
「係邊個？」我睜開雙眼。
　
返到現實之後，第一個感覺係全身上下都濕晒。慢慢撐起身，自己依然身處喺屋苑嘅天台。昏迷之前最後發生嘅事，係我好似中咗槍，然後琪琪嘅媽媽出現……
　
諗到呢度，我即刻望一望附近，見唔到嗰隻喪屍嘅身影，即刻鬆咗口氣……
　
「啊……」
　
我再摸一摸中槍嘅右腹位置，血好似已經冇再流，亦都再感覺唔到痛楚。
　
係好返咗？抑或我本來就冇中槍？越諗就越覺得神奇。見直升機已經飛走咗，我本來打算搵個安全地方避下。但就喺下一刻，有一對男女從後樓梯門走出嚟……
　
係阿俊同琪琪。
　
「嗄……嗄……」阿俊喘晒氣，見到我嗰刻不禁睜大雙眼，「老超……」
　
「估唔到你哋竟然可以上到嚟。」我無奈一笑，然後慢慢行過去。
　
「阿俊，佢係咪……」琪琪一臉驚慌，類似嘅表情好似喺夢入面見過。
　
「嗯，等我嚟。」阿俊擋喺琪琪面前，「老超，估唔到呢個就係你嘅下場……或者，呢個就係報應？」
　
「報應？」我不解，繼續慢慢行過去，「你到底講咩……」
　
就好似聽唔明我講咩一樣，阿俊居然舉起刀，而且擺出準備對我落手嘅姿勢。
　
「喂，既然情況變成咁，大家咪坐低好好傾下囉……」我就好似唔驚佢會落手咁，繼續行，「我有電話喺手，可以隨時打去叫直升機返嚟……」
　
但我錯了。
　
阿俊未等我講完就直衝過嚟，我完全反應唔切，結果俾佢一刀插落我頭蓋。
　
WTF？
　
發生咩事？
　
中刀後，我再一次倒後瞓低，想郁但係完全郁唔到。
　
阿俊，點解你要咁做？
　
為咗條女，你竟然可以咁狠心？
　
「阿俊，呢度有部電話……開到仲有電！」琪琪激動咁講。
　
「呢部電話係老超嘅，佢之前仲話冇電，原來係一直呃住我……琪琪，只要有電話，我就可以試下打去叫直升機返轉頭……」
　
啊，頭痛。
　
越聽就越頭痛，點解會咁……我係咪仲發緊夢？
　
照道理，頭中刀係冇可能頂到咁耐。冇錯，所以我肯定仲發緊夢……
　
「老超，」打完電話之後，阿俊跪喺我旁邊講：「我諗你將我同琪琪鎖喺窗外面嘅時候，應該估唔到最後嘅結果會係咁？」
　
結果……係咩結果？
　
「本來我真係好絕望，覺得自己死硬，差在係跌死定係俾喪屍咬死……但琪琪嘅媽媽居然救咗我哋。」
　
*
　
*
　
*
　
【回憶】
　
老超走咗之後，我不斷嘗試用蠻力撞開窗框，但結果都係唔成功。而且天仲要開始落雨，令到情況變得越嚟越惡劣。
　
「可惡！我應該一早要準備多套工具！」我自責咁講。
　
「阿俊……班喪屍已經爆咗道門！」琪琪驚慌咁講。
　
因為我身上已經冇綁繩，所以望過去嘅時候都唔敢太大動作。果然，廚房嘅門已經爆開咗個大窿。呢刻鬧鐘已經停咗冇再響，所以班喪屍開始將注意力放到我哋身上……
　
「妳過嚟！」我將琪琪拉近過嚟，喺佢耳邊講：「聽住，我哋可以頂住……等班喪屍走，又或者爬窗嘅時候跌落街……」
　　
但呢個過程班喪屍隨時會搞到琪琪身上嘅繩，又或者跌落去嘅時候撞到晾衫架最後整斷。無論點諗都係絕望，死路一條……

「嗚……」琪琪終於忍唔住喊起上嚟。
　
碰──當我聽到雪櫃跌落地嘅聲音，感覺就好似開始咗我人生最後嘅倒數階段……
　　
「……媽？」但就喺呢個時候，琪琪竟然睜大雙眼望返去廚房嗰邊。
　
「咩事？」我壓低聲問。
　
「係媽！」
　
「妳做咩！」見琪琪試圖想爬返入廚房，我當然想阻止佢，「喂！」
　
但晾衫架突然晃動一下嚇到我唔敢再亂郁，結果只可以眼白白睇住佢爬入去，一邊解開腰繩一邊行到門……
　
呢刻，我再見唔到門窿位置有喪屍手，聽落亦都冇再撞入嚟。見晾衫架好似越嚟越唔穩陣，一個大膽嘅念法突然浮現。我決定跟琪琪返到廚房，然後一齊望出門外……
　
班喪屍居然離開緊，一隻又一隻從大門行返出外面走廊。明明我同琪琪就喺門嘅另一邊，但佢哋完全冇望過嚟。
　
直到，最後一隻喪屍經過。佢先望咗我哋一眼，然後就轉身行出屋……
　
「……媽……」琪琪掩住嘴巴，淚水就好似湧泉一樣不斷咁流。
　
見到呢一幕，我當然都覺得好震撼……
　
「……再見喇……媽……」
　
然後，重拾希望嘅我哋，好自然咁牽住手，準備離開呢座屍人屋苑。
　
*
　
*
　
*　
　　
「雖然唔知實際係點做到，但琪琪嘅媽媽確實係引晒班喪屍走。」阿俊繼續講落去：「有啲應該係上咗嚟天台，但大部份都落返去樓下……我同琪琪見安全之後，先至行樓梯上嚟。」
　
荒謬！冇可能會咁！一隻喪屍點可能做到……
　
「假如我當時由得你殺死佢，或者結局就會好唔同。」阿俊搖搖頭，「點都好，老超……希望你可以安息。」
　
說罷，佢就用手幫我合埋雙眼。
　
「阿俊……佢……點解會變成喪屍？」琪琪問。
　
「我都唔知……直升機到喇。」阿俊回應：「琪琪，之後嘅日子就等我嚟保護妳。」
　
「嗯。」
　
我好想開聲痛罵佢哋、詛咒佢哋。但我講唔到任何嘢、見唔到任何嘢、身體亦都郁唔到，就好似會永遠被困喺呢個軀殼裡面……
　
一秒……
　
一個鐘……
　
一日……
　
一個星期……
　
………………
　
…………
　
……
　
……到底過咗幾耐？
　
終於，我腦海裡面所有複雜嘅思想、昔日嘅記憶，都隨住時間流逝而沖走。
　　
最後只係剩低一個單純嘅欲望。
　
　
　
……肚餓了。
　
（完）
　
　
《屍人屋苑》嘅主劇情到呢度正式完結，不過眼利嘅讀者應該會注意到故事入面仲留咗少少伏筆。我會睇反應決定下寫唔寫多幾篇外傳故事。😂 呢集足足成八千字，睇完記住幫手留個 LIKE 同分享出去呀！
　
各位感謝各位一直嘅支持，有讀者 PM 話好想呢本出書，我會認真研究下可能性！
　
最後，下面有嘢想講！見過嘅讀者可以直接無視，當然都希望可以繼續支持。
　
－－－－－－－－－－－－－－－－－
　
【地方的無默媽資助計劃】（試行中）（非呃嬲 post）
　
呢個計劃其實上年年初已經構思緊，但因為遇上反修例運動，覺得唔係適合嘅時間所以就一直擱置，結果到今年就撞正武漢肺炎。嚴峻疫情下，大眾書局突然宣告結業，令我下定決心要推出呢個計劃。
　
其實喺香港寫作真係好難，之前喺唔同場合都提過，作者透過賣書得到嘅錢真係好少好少。呢點絕對唔係出版社同書局嘅錯。講到底，一本書賣出去，最大筆錢係落咗去地產商身上。所以喺呢個大環境下根本培養唔到作者，一係要兼顧正職結果寫得太慢漸漸被淘汰，一係就主力寫但最後慘到要靠光合作用嚟維持生計……
　
所以我見到好多唔願意放棄嘅作者都開始轉型，一係自己賣書寄書、一係換個平台發展、一係直程轉第二種模式創作。而我暫時都係想寫，堅持寫落去。
　
有時見到讀者們話想支持作者，心裡面都會忍唔住覆一句：最好嘅方法，其實就係直接資助。既然遊戲平台可以資助，拍片嘅平台可以資助，點解寫作唔得？大家都係提供娛樂，無理由有呢種差別待遇。
　
而家大眾書局結業，大型書局其實就得返嗰幾間，而小型書店本身都經營困難。可以預見將來作者嘅生存空間只會越嚟越細，加上疫情持續落去書展隨時可能搞唔成。可以嘅話我都唔想用到呢種方式，但現階段……只想努力掙扎求存。因為我真係鍾意寫故事，好想一直寫落去。
　
而呢個計劃，就係基於以上種種理由出現。
　
放心，資助並唔係強迫性，有困難而資助唔到係絕對了解、想幫手足先更加係應該、剩係想買書支持亦都絕對歡迎。我唔會因為冇讀者資助而罷寫，亦唔會突然有篇故要畀錢先睇到（呢個平台都做唔到呢個效果）。當然，資助得多絕對會加速寫作速度。而資助金額係隨心而定，即使係一蚊都可以，只要有心就得。
　
當然，我都研究緊一啲方式答謝資助得多嘅讀者──例如聖誕送下聖誕卡、間中送下小禮物、甚至研究緊用資助嘅錢去整廣播劇、桌遊嘅可能性。但因為而家只係試行階段，唔想亂咁開空頭支票，有進展一定會即刻通知大家！
　
暫時只提供 payme 同轉數快兩個平台，會睇情況再考慮其他資助方式。再強調一次，資助唔係強制性，一蚊可以、繼續免費睇都得。只要有心，平時肯留個 like 分享下我都已經心滿意足了。
　
Payme 連結：
https://payme.hsbc/echoofheart
　
轉數快 FPS ID：6065460
　
－－－－－－－－－－－－－－－－－
　
【廣告時間】《無異之初》、《時間守衡者》、《絕命上映》、《絕望走廊》、《絕無轉機》各大書局有售！
　
－－－－－－－－－－－－－－－－－
　
IG：echoofheart

#香港出版業的寒色
從麥穗出版結業， 看獨立出版生態與危機

在瘟疫持續蔓延之時，繼在本地扎根超過40 年的大眾書局於3 月中旬突然宣布16 間書店全線結業，大型連鎖書店商務印書館亦宣布結束旗下兩間分店，連繫近日世界各地書業書商紛紛告急。近日，再次收到書業的哀號：一家在港經營20 年、主力文學及文化書籍出版的獨立出版社麥穗於4 月9 日宣布結業。連串敲響的喪鐘讓人惋惜感嘆，然而我們從中學懂什麼，或得到什麼啟示？

文———— 林凱敏

對香港文學稍有認識的，幾乎必然會知道陳滅的《市場，去死吧》，一本在2008年由麥穗出版、旋即絕版的詩集，麥穗更曾賣斷過的，有文於天《狼狽》、黃夏柏《憶記戲院記憶》及智海《默示錄》。從2000年代中起，麥穗就出版過不少得獎書集，在文學出版上佔一定席位，作家兼文化評論人鄭政恆如是說：「麥穗是在青文（書屋）最後階段時冒起的一家文學出版社，似乎是繼青文後比較重要的文學出版社。若從中文文學雙年獎得獎名單看，2005年至2006年算是麥穗比較出色的一段時間。」那屆雙年獎獲獎的麥穗出版包括黃茂林新詩集《魚化石》、葉輝散文集《煙迷你的眼》、可洛小說集《繪逃師》、陳智德文評集《愔齋書話：香港文學札記》，包含不同文學書種，有創作類及評論類。較宏觀地看，鄭政恆觀察到在1990年代尾，藝術發展局的資助對文學出版有一定影響，讓文學書籍開始有穩定的出版量，以及讓20多年來不同時期的文學出版社得以持續經營，其間以文學文化作為重點去建立自家品牌的出版社相繼而生，包括青文書屋、文化工房、匯智等，麥穗固然是其中之一，這類出版對本土文化裨益不淺：「文學出版本身不是一種很商業的行為，有藝發局是好事，可以平衡香港大眾市民的閱讀質素。」

可是，能成功申請藝發局資助的出版社始終有限，文學界相對其他藝文界別獲得的資助額可算寥寥，譬如不及於戲劇或音樂等界別，然則這類非主流出版社終究需面對外界市場機制及種種經營壓力，而隨着青文、麥穗等慢慢沒落，鄭政恆看到的是，「這是一個很困難的生存遊戲」，在殘酷困境下，一些出版社被迫淘汰。

出版人的「對手」太多

要在逆境下存活，不少獨立出版行內人都一兼多職、過着斜槓（slash）生活，麥穗負責人之一徐焯賢說：「跟很多其他文藝工作者一樣，我們很多心力其實都放在教學、教育工作坊等方面，若只做出版的話，很難維生。」回顧多年經驗，他說麥穗在做的更多是推廣、教育及舉辦工作坊等工作，以平衡收支。走進校園，接觸青少年市場是不少出版社其中策略，對出版社來說這市場較易掌握、比較「有數得計」。可是最近數年，他留意到「要令人對一件事感興趣、對書有反應」，比以往更形困難，「你不知道怎樣可以點燃別人的興趣」，即使是獲獎作品，他說也不見得會賣得好。

為何會有如此情况？徐焯賢以較寬容的角度看：「做出版的人要競爭的對象很多，也許要面對的，更多是非出版行業，你不看書，可以有很多其他事做，有很多其他選擇，人的時間畢竟有限。」在視像娛樂變化萬千、資訊爆棚的年代，書，對於很多人來說，不如別國意大利在疫症下優先放寬書店時所說的，是「必需品」。書業步入寒冬期，次文化堂社長彭志銘認為閱讀氣氛差、認真讀書的人減少是箇中原因，他形容現在是「碎片化」時代，「大家不讀長文、不再捧着一本書讀」，另外至關重要的因素，他認為是「教育制度出問題了」：「你令到啲學生淨係顧住睇教科書，或者教科書相關嘅嘢，而唔去睇雜書，呢個係好大影響嘅！」延伸到社會層面，「三中商壟斷，當它們入書有選擇時，變相冇咗多元化、多樣化，而出版社受制於它時，出版內容亦會變得較狹窄，大家便不會有興趣去寫一部大書，近來都沒有」。

若書展告吹 出版業雪上加霜

彭志銘解構出版行業的連鎖關係，出版行業包括出版社、印刷、發行 、運輸司機及服務、零售等，它們環環相扣。大型連鎖書店相繼結業，鏈帶表面出現問題，顯示買書的人減少，此外「當三中商壟斷了全港書業七至八成的零售額，即是說只有兩三成是其餘的獨立書店或其他書店」，然而矛盾又弔詭的是，「現在很多香港人都不喜歡三中商，一個中資大財團，以任務為先、意識形態為基調，有一班年輕人說罷買，雖然罷買似是在對付中資機構，但因為它佔據全港書業大部分零售額，即是說，最後受影響或受損的，都是小出版社」。代理多間港台出版圖書的獨立發行商里人文化，近來因經營困難無奈地結業，加上早前聯合書刊物流把倉庫由本地遷移至內地，對很多小型或獨立出版社造成的影響不小。再看看出版的另一環：印刷，據彭志銘所了解，很多印刷廠商已結業，競爭減少導致出版成本上漲，加上租金等問題，使小出版社小書店都在狹縫中顫顫巍巍地生存。這生產鏈上另一層，還有編者、作者，鄭政恆認為香港需要更多新的作者、新的策劃者以不同方式去編輯，在文學出版上需要持續展現活力動力。彭志銘觀察到本地出版量不斷下跌，雖然香港現時沒統計機制計算，但他說，以行內人自身觀察，香港本地出版持續減少，從台灣運過來的書種亦比以往少，以往久不久會有一本「好爆」、「坊間有voice有人討論」的書，但現在真的很少，「可能由舊年6月開始，運動再加瘟疫，大家都很忙、心情都放不下，所以現在爆出好多商店唔掂，唔止書或出版，即是說大家都冇心情去睇書」。

去年底因社會運動，自2009年起民間自發舉辦的九龍城書節需要取消，今年一年一度於7月舉辦的香港書展，又在全球疫情未轉好的時勢，具停辦隱憂，至今未有定案，兼任中小企書刊業商會副會長的彭志銘說，貿發局在6月中才能確定書展能否如期舉行，對出版業界潛藏着更大衝擊，鄭政恆指出：「這些透過書展去接觸讀者的活動，若接二連三再度取消，接觸讀者的渠道就更加有限，7月的書展對出版業界是一大盛事，也是營銷的命脈所在。」彭志銘以超過30年經營出版的經驗，闡釋書展的重要：「每年參加書展的現金流對書商影響好大，因為畀發行的話，發行商會在3個月後才找數，但如果在書展，可以即時收到現金，而每年書展佔據每間中小企平均40%收入，即是說全年接近一半的收入都在這個書展攞到，如果書展搞唔成，我哋係唔夠錢去運作或者會頂唔住。」

行業救亡亟待轉型

相比大型書商，獨立出版行業固然在出版內容上相對獨立自主，由年輕力壯時自己做發行、全港九新界拖着行李箱四圍走的徐焯賢，在談及近日麥穗結業時平靜地說：「我以為只是一家很普通的公司結業了，做了20年覺得很困難，希望轉一轉環境和工作模式。」問到有沒有不捨？他說當然也有，尤其近日愈多報道或文字紀錄湧現，但他豁然說：「我讀人類學㗎嘛，好多嘢都睇得好開，緣起緣滅，所有嘢都變幻不定，唔捨得都冇辦法。」對未來出版該怎樣轉變、如何走下去，他說大家要一起探討，「用以往模式去做是困難的，不可能像以往一樣，一個好出名作家的書賣賣賣賣，賣到好墟冚，現在要做的可能是完全不同的事」。

那麼獨立出版，或文學文化出版未來該如何走，有沒有出路呢？鄭政恆建議說：「可能是轉型，更多地在網絡上宣傳，第二點可能是，文學出版社不可單靠藝發局或單靠一個水喉、一個書種，始終任何單一化的營運，對於它的生存都不利，或許不止出文學書，應該多元化些，例如出版多一兩種書，無論是旅遊書、財經書也好，需要分散投資，令出版社的讀者圈不至太過狹窄。」

####

鄭政恆最喜歡的麥穗出版，由鄧阿藍和馬若著、也斯寫序、陳智德編的《兩種習作在交流》，是少有的二人詩合集，具關注民生的平實詩風。

青衣城是青衣區內主要的大型商場，絕對是全天候的吃喝玩樂國度！商場位於青衣站上蓋，鄰近著名旅遊景點，令人心曠神怡。商場佔地580,000平方尺，擁有逾170多間商舖食肆，從時尚衣飾、電子產品，到各國佳餚美食，包羅萬有。青衣城的每一處地方皆各具特色，帶給你無限驚喜。你可穿梭於百多間商舖食肆，邀約親朋共聚，盡享無盡購物樂趣，盡嚐各國佳餚美食，充份體驗「一站式」消費新模式。青衣城2期更設有逾50,000平方尺的平台及空中花園，盡享翠綠浪漫景致，讓你在購物之餘，也可以感受戶外閒適之樂。
商場共設兩期，1期及2期均設有時租停車場。1期一樓至三樓設有通道連接港鐵青衣站，而地下設通道連接青衣海濱公園及幼稚園；一樓則設通道通往青衣運動場、青衣游泳池及青衣公園。2期一樓亦設有通道連接港鐵青衣站、青衣站巴士總站、灝景灣及長安邨。

一期

地下

商場地下曾設有青衣島內唯一的戲院，名為「GH青衣電影城」，由嘉禾娛樂管理，已於2018年1月4日結業，由位於2期的UA接手。地下近青衣海濱公園位置設有多間食肆，包括Mr. Steak西餐廳、中式食肆包括稻香酒家及譽居。然而，扒王之王潛艇世界前身為潛艇餐廳，餐廳在2002年結業後，由扒王之王接手經營，部份潛艇裝飾得以保留，可惜最後扒王之王於2012年結業，由Pizzastage代替。至於稻香酒家前身為豉啤酥主題餐廳，以50-60年代香江景物為主題，於2001年結業。2017年12月中起，原有之麥當勞、元気壽司、及丼丼屋食堂分別搬遷至青衣城2及1期2樓，而Pizzastage則因生意欠佳而結業。

一樓

商場一樓為時尚服飾的集中地，主要店舖包括百老匯、馬莎、I.T、運動家、Catalog及UNIQLO等。此外還有多間健康、美容、飾物及鞋履連鎖店。該層更設有多個特色景點，「夢幻島」為商場的主要展覽場地之一，管理公司不少節目或展覽均會在該處舉行。「海の夢」為大型魚缸，養植了不少熱帶魚類。位於商場末端往青衣公園的「叮噹泉」為跳躍噴泉，隨著音樂而變化。現時已經拆除，同位置為美聯物業。該層設通道連接盈翠半島住宅入口大堂及青衣站。

二樓

商場二樓設有2%、Bershka、ZARA、三聯書店、萬寧、實惠傢居廣場等，而且設有不少食肆，如有Pokka Cafe、小王牛肉麵、牛摩、味千拉麵、Italian Tomato等。二樓原有玩具反斗城，但已於2008年3月31日結業，此位置開設了法國英格蜜兒美容護理中心及樓高兩層的馬莎百貨。英格蜜兒原位置為CD Warehouse，於2012年商場翻新中結業。

三樓

商場三樓設有鯉魚門紹香園、豐澤、new:vision、肯德基、奇華餅家、美亞公司、匯豐銀行、聯邦皇宮、樂天皇朝、前門飯莊等；此外，亦設有Taste超級市場，屬區內規模最大的超級市場，前身為百佳超級廣場。該層設通道連接青衣站。

二期地下:
商場地下近青衣站小巴總站位置設有幾間食肆和匯豐理財中心，包括大家樂、米線陣、一粥麵、101 Taiwanese Café及麥當勞餐廳，亦設有一間Fusion by ParknShop超級市場、髮型屋 LE TOO 和綠日堂。

一樓

一樓設有魚尚、聖安娜餅屋、Paper Stone Bakery、喜乳酪、茶廳、Snack Express，亦設有生活館和多間時裝及美容店如雞仔嘜、eGG optical、莎莎、Circle K等。

二樓

二樓是餐飲商戶集中地，設有多間食肆，包括元気壽司、Mee...lemongrass、南小館、Tiger San、OS Plus、天仁茗茶及味の亭網燒。戶外設花園平台。

三樓

三樓設Pizza Express及提供逾600個座位的UA戲院，已於2018年1月開幕，是青衣城1的「GH青衣電影城」結業後，青衣島內唯一的戲院。

四樓

為天台花園，主要以草坪為主。但只有樓梯才能到達。