［原諒我個人就係咁］好似測字咁，Trust your instinct．見到呢單新聞，你心入面第一句係乜？唔好呃自己。怕且唔係「鄧生熱心公益」

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

TLDR：人生在世，就係「冇嗰樣搞嗰樣」。大波女星想你讚佢演技好，靚女想你讚佢有才華。窮人想發達花天酒地，富二代當然就要證明自己。

1. 實情都有諗過，同人地三九唔識七，真係屍骨未寒，係咪唔應該咁寫文。不過後來諗下，都係睇寫嗰個嘅態度，同埋有冇咩嘢畀到讀者。

2. 咁況且，以前寫香港01時，讀者編輯都話我啲文好在：講中好多人心中想講，但礙於禮教面子怕冒犯人而唔敢講嘅嘢。即係，衰嘢等我講。

3. 真的，早兩日食飯先講起鄧生（唔好叫「波叔」咁懶熟），估唔到咁就去咗。而今日不同界別嘅朋友Whatsapp Group（BTW，又話冇人用？），講嘅都係不離嗰兩樣嘢。

4. 「真慘，臨老過唔到世」「畀個仔累死佢」

5. 即係，你話可能係市井之見（但我啲朋友都中產啦講真），或者仆街。但if you call this 仆街，咁民意就係仆街，我都係照寫。
＝＝＝＝＝＝＝＝＝＝＝＝＝＝＝＝＝＝＝＝＝＝＝
6. 我曾經見過波叔，講過幾句．但有乜特別？我見過李兆基添，仲改變咗我一生（＊）。見埋羅德丞添，傾完冇耐佢釘撚埋。
7. 講返，當年仲做大公司，大公司冇嘢多就係面子多。往往拉上拉，你會見到好多人。以前李靜高禮澤都大圍人食過飯（代言輪商嘛，真係香港精神）。咁所以，啲乜乜畀面派對，作為XXXX嘅鄧生會出現，好合理

8. 席間大大老細介紹我識，咁鄧生知我撈乜，咪循例問你兩句點睇個市。我心諗我雖然唔識做人，但都未低能到教鄧生投資下話。即係好似有一日你見到美斯，然後人地循例問下你覺得佢踢成點。屌，唔通你話：「我覺得呢，你可以練好啲頭槌啦，跑多啲啦，唔好成日頭耷耷咁好似冇乜領袖風範」。好心啦。

9. 咁所以，明顯地，我呢啲咁嘅卡拉蘇，鄧生一年食飯見一千幾百個，多過佢啲舖，當然重要生低過一個茶樓知客—是真的，知客幫到佢。我幫到佢乜？昆佢買我公司啲產品？

10. 但，無論如何，鄧生白手興家，本人當然十分尊敬。基本上我都係尊敬有錢人嘅，富二代就冇咁尊敬，除非預埋我。咁大家見到，鄧生呢幾年，甚至好似早幾個星期，都仲要撲水，實在令人感到有啲唏噓。（咁當然人地副身家縮水99%都勁過我啦，甚至人地破產都好，見過嘅風光都多過我十世，我全部知，唔使提醒）

11. 咁大家都知，好大程度，就多得佢個仔搞酒店咯。

12. 固然你可以話係黑天鵝，先搞一個社運，再搞一個肺炎，香港酒店真係大檸樂。但其他人似乎守得好啲，一來有啲係上市公司，二來有啲有其他業務，三來相信人地借錢冇咁狠。

13. 咁而我相信，如果只係老鄧生自己玩，就唔會玩到咁激嘅。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
14. 曾經都識過啲富二代，做過下傍友，後來人地疏遠我就後話。BTW，講富二代，講家族上富豪榜嗰啲啦，唔係你睇八卦雜誌先識嗰啲。講身家百億港紙嗰啲，OK？

15. 咁即係，我識嘅嗰位，同埋佢啲朋友。「其實都幾空虛」。哈哈，我唔係講咩「有錢人都未必快樂」呢啲貧窮限制你想像力嘅嘢，亦唔係太監仲去警告人做愛傷身。但真係的，我唔覺得佢地好快樂喎。「其實都真係幾空虛」。

16. 人生嘅梗，就係在呢度：誰會珍惜，當你還擁有？

17. 喂我後生時心諗，屌，畀著我係你，我日日瞓到自然醒，食米芝蓮三星做早餐，然後一年坐頭等去返十次八次日本，飛去東京聽濱崎步，食住個靜岡蜜瓜玩溫泉美少女啦。不知幾咁爽

18. 係喎，真爽，La Dolce Vita．但有冇諗過，「其實人地過去十幾廿年都係做緊呢啲嘢？」。咁仲有乜好玩？

19. 真係的，自從識咗富二代，「我個人開始有同理心」。你代入下佢地情況，喂，係真係好空虛架喎。由細到大你想食乜，都有。你要去邊，都可以。理論上，你要食乜女食乜仔，都有（百億身家喎，你自己計數）。

20. 咁，問題嚟啦，你嘅人生仲有乜意義？你成本飲食男女 成本忽然一周都食晒。跟住去邊度？

21. 呢個就係人生嘅梗啦。

22. 我冇小朋友，老豆又冇錢，但即係都可以代入下。我見啲富二代呢，全部都要做一樣嘢：證明自己。

23. 當然唔係好睇睇戲咁（掃毒2 謝君豪咩），唔見得佢地仇視老豆，好想佢快啲死。唔似（似都唔會同你講）。畢竟都有養育之恩。但由我睇眉頭眼額，你提起老豆，佢地多數都唔鍾意，會好快轉話題（我懷疑如果係富家女會唔同，可惜我冇泡過，你有嘅你話我知，你有冇一路砌佢佢一路叫爹哋）

24. 因為，就係要走出老豆陰影嘛！

25. 其實呢種心態好正常。吾友話頭，鄧不利多必然要死，否則哈利波特點長大？無數荷里活片都係咁拍，老餅師傅（奇雲高士拿，或黃敏德之類）收復少不更事有熱血但衝動嘅靚仔男主角，之後一定係任務教主角而犧牲，然後男主角先傳承，真正長大。

26. 咁但，個富二代唔可以叫老豆去做飛虎隊拎手榴彈嘛大佬！

27. 所以，就梗係要搞啲嘢，證明自己。

28. 然後咁就仆街啦。

29. 你可以諗下，再老一輩嘅富人，即係富二代啲老豆。其實夢想係乜？理想係乜？唔係搵多更多嘅錢。而係，富足三代，幾世無憂，搞掂。

30. 再講白啲嘛：仆街仔，我寧願你去花天酒地叫雞算啦，使得幾錢？真喎，聽聞鄧生一個月收租都成千萬，咁你計下數，真係照計晚晚扑明星都得，請埋老豆都仲得。正如你去飲飲食食，食得幾錢？開支La Fite 同條女鴛鴦嬉水好未？你自己計，一個浴缸幾大？有限錢。仲可以飲埋。

31. 賭錢就唔好，因為賭場上冇輸唔完嘅錢，你一晚可以輸晒成檔祖業。

32. 總之，正正經經花天酒地起雙飛三飛好啦，搞乜鬼生意呢！搞生意咪即係賭錢咯！

33. 但再講一次，人生嘅梗，就係在呢度嘛

34. 就係你唔想我做我偏要做嘛！

35. 就係大家嘅諗法唔同咯。老豆想個做無憂，但個仔心諗，咁我人生仲有乜意義？

36. 唔係話乜，但你真係留意下，人係咁的。窮人係咁，有錢人係咁。溝女好，叫人做生意都好，都係差不多。每個人都總係有啲嘢想要，你畀到佢，打得中嘅，就乜都可以幫你做，「其實唔難」

37. 人生嘅梗，就係「冇嗰樣搞嗰樣咯」。真的。佛家講「求不得苦」，就係呢嘢。

38. 咁具體啲啦，窮人當然想發達，唔使講啦？有錢人呢？屌你，唔會想變窮，「但想食返當年街邊檔味道」，「想人地真心鍾意佢靚仔唔係貪佢啲錢」。咁富二代呢？當然係想證明自己都有能力，唔係靠老豆。我唔使靠佢嘅錢，唔使靠佢嘅名。因為佢冇嘅嘢，咪要搞出嚟

39. 真的，埃汾叔叔教你，溝女都係咁上下，「其實唔難」。但真係冇嗰樣整嗰樣。肥佬黎都好似話過，「當妓女好似貴婦咁」（帶佢去米芝蓮三星啩），「當貴婦好似妓女咁」（自己睇套四仔參考）。都真係，「其實唔難」

40. 真的，大波女星鍾意乜呀？鍾意你留意佢演技咯。靚女鍾意乜呀？鍾意你覺得佢都幾識嘢喎。普通女呢？想人覺得佢特別—記住，冇嘢好刷，「特別」係萬能的。我地呢個年代就係咁，個個都刷存在感，想證明自己有乜咁特別。

41. 咁所以呢，我就真係冇乜資格講，但為人父母嘅呢，好簡單，香港人核心價值，三宅一生，留返三個太古城複式單位（唏，早兩日先去過）畀你個金叵羅。一個住一個炒一個收租。其他嘅？射落海啦，自己洗（請參考以上LaFite沖涼嘅玩法），或者送畀我，或者去勞蘇基金（置頂Post有），或者去訂我Patreon．好過你個仔同你敗晒佢

42. Last but not least，聽講呢個係金融專業，唔係講LaFite或明星。咁傾返生意。固然係黑天鵝，生不逢時，酒店一開就社運然後仲整個肺炎，真係點預先預到？轉時鐘（already做咗啦）都唔掂

43. 但，其他人總算守到。一來底子厚，二來冇借得咁盡，三來有其他生意頂住。其實同我叫你投資都差不多，分散啲嘛。一個浪打埋嚟你就知

44. 但仲有一點：上市公司是好東西。當然呢啲係金融101了，上市 vs 唔上市，有好有唔好。但，除非你係啲明星start up，拎private market 有價有市。否則即係做舖做酒店呢啲嘢，呢幾廿年社會高度金融化。都係上市好。

45. 上市嘅，印公仔紙又得，問銀行借錢又得。當然鄧生一樣問銀行借到錢，但似乎terms就都幾辣。銀行嘅嘢，梗係落雨收遮啦。平時叫你買I kill you later就靚女船P，你問佢借錢就西裝友，你爭佢錢就古惑仔啦。

（＊）呢個獎學金故事Personal FB成日講啦，但呢度有冇講過？冇嘅有機會寫一次。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

［Don't Fight the Fed］由Nasdaq 一萬點講到對沖人生

1. TLDR：唔係認叻post．而係記住，都唔使望人地仆街你贏錢。就當你跟大圍，但贏嗰時贏多人少少，輸嗰時輸少人少少。唔只講投資，人生都係。而唔好信咩「1.01嘅365次方，係38」嘅「成功方程式」廢話。你問下講嗰個減過肥未？

2. 其實一早講過，但亦冇乜咁特別。智商正常都估到一萬點。年頭都九千，升10%有幾難？啲網友號稱自己一日都執到啦

3. 不過認真，之前咪有幾日，啲科技股全部受壓，舊經濟股如銀行航空公司走晒上嚟嘅？咁就呃晒。

4. 當然，其實昨晚（星期二）晚都上過一萬點，但收市未能守在一萬點上。又睇下今日晚點。

5. 又，講到尾都係一樣嘢，唔好低估聯儲局印銀紙嘅能力。見到啦？恕我小器又舊事重提，3月尾時講呢樣嘢，不停畀人質疑話聯儲局又唔係發明到疫苗。銀紙救唔到人命。

6. 冇錯，銀紙救唔到人命。但講真，股市真係關心人命？「其實呢，早幾日啲新增確診人數日日新高」，不過out of sight out of mind．

7. 又，升到咁嘅位，其實唔少公司啲估值都唔平下。仲要見到技術上超買（一般唔講呢啲技術分析嘢，但RSI可以睇下），實情，隨時跌返10-15%，有幾奇？

8. 但係喎，又可能升架。股市可升可跌。咁即係係冇講過？錯了。問題係贏面。平嗰時你又唔敢買啫。3月我老母不知幾咁忙，好似我昆人買股票我有得分咁呀（＊），跌嗰時又唔敢買，升嗰時又話升咗，咁想點？最好你買完即升十倍，你沽完即時股災呀可（後者其實係好爽的）

9. 另外，就當然係注碼。係架，你睇Facebook 又好，Nasdaq又好，標普都好，就算用2021 盈利計，都絶對唔平。當你用book value 計，亦都唔平。點計都唔平。甚至恒指都唔平（so sad）．幾時平？3月中同尾咪平。但咪又係誰的老母性感好多人call。

10. 係架，升咗而家先買，就肯定值搏率冇3月咁高。鬼唔知咩。但仲買唔買？都係買。最多細注啲，攤慢啲。冇錯，真係買完後跌嘅機會唔細（主觀諗法），但，你想平啲買？可能永世都唔會跌返去3月中同平嗰啲水平架喎。買有風險，唔買一樣有風險。

11. 所以，有人話我寫嚟寫去，年頭到年尾都叫人買。的確係，你見而家我都仲係叫你買，不過小心啲咁買啫。因為，個個把口講到美帝點勁（事實係），咁點解仲同聯儲局對著幹？呢啲就係inconsistent，虛偽嘅後果（＊＊＊）。

12. 印晒咁多錢，唔係去金融資產，會去咗邊？有冇話你知，亞馬遜上星期發債？（https://bit.ly/2Uy6Lfs）。3年債券，估下幾多息？係0.4厘（＊＊＊）。咁嘅融資成本，做生意梗係發。都未講拎嚟回購添。

13. 所以你需要嘅，只係估下，啲錢會去咗邊。港股？美股？港樓？美樓？黃金？其實如果唔知嘅，咪why not all．資產配置嘛。

14. 再拉遠少少講，鱷少搞嘅All Weather Portfolio ，搞到出嚟，當然同投資者預期有啲分別。但原則上好簡單，亦係所謂「對沖基金」嘅原意—其實根本最初係叫hedge fund，唔係hedge fund．喂，一字之差好遠。你fuck 定係 fucked都係兩回事。亦所以你見「對沖基金」有啲地方譯「避險基金」。

15. 記住名句，至少好長期時間上呢，as far as securities law is concerned, there is no such thing as hedge-fund investing（https://bit.ly/2UvFvhX）。

16. Hedge(d) fund嘅原意，就係馬多夫。應該話，係馬多夫造出嚟嘅嘢。舊文寫過，馬多夫最聰明係，唔會作到啲回報年年升幾成　—　作到咁只能呃你啲網友，但昆唔到超級富豪（https://bit.ly/2Al7n16）（呢篇文其實我好滿意）。

17. 要講一句，貧窮限制你想像力。有錢人要乜？就係要千秋萬代。可以就長生不老（徐福呢啲咪中國定日本定韓國最早嘅venture，集完資著咗草，醒目），唔可以嘅，就富過十代八代，一千幾百年後仲有人記得。

18. 咁所以，有錢人根本唔使同你搏啲咩幾十倍嘅回報—佢身家本身就係你幾億倍啦。佢等於完場領先你3-1，使乜同你搏？攻門都唔要啦，梗係玩角球旗。正如你係落後嗰個，就要打罰規搏三分（OK，忽然變咗籃球場）。

19. 所以，有錢人要嘅嘢，最好就一年升返十個巴仙。夠晒。因為你諗下，佢起碼已經贏你咁多，佢咁樣一年十個巴仙，你永遠都冇可能追到。我畀你有有幾年年有四五成回報，叻仔，多數一鑊就輸返晒。馬多夫就係作一啲咁嘅回報出嚟，呢樣先係最天才！太誇張冇人信，只能昆到啲想一年贏幾倍窮西。但我昆晒你成副身家又點？

20. 呢個亦係對沖基金原原原本嘅哲學，當然而家講呢啲真係好似《大時代》葉天師傅教方展博講「股市原意」咁。但個原意，就真係All Weather，順境時我賺錢—但可能跑輸大市，但唔緊要，我換嚟嘅係，逆境時我都賺錢！唔會三更貧五更富，升三成跌五成。

21. 但，我其實唔只係講投資，係講你成個人生。總有順境逆境，有時係大環境（經濟崩潰，打仗），有時係自己問題（搞咗老細條女，之類），或者只係不幸（忽然大病，親人過身）。要人人輸錢你贏，唔係唔得，但極難。

22. 但可以做到嘅係，順境時，我推得畀別人盡，我贏得多過人（例如轉工，跳草裙舞）。逆境時，我縮得比人地快，輸得少過人（例如奶下鞋底，或者怨少幾句）。呢啲，幾個周期，上上落落後，你就拉開咗同其他人嘅距離了。

23. 可能另文再講，但講定。可能你都聽過，乜鬼嘢勵志方程式（https://bit.ly/3hdLVMj）（電腦大爆炸咩）。1.01嘅365次方，係38。每日進步1%，一年就38倍。0.99嘅365次方，0.03，每日退步1%，一年倒退九成七得返3%

24. 但我可以話你聽，呢啲係廢話，呃鳩人。你日日睇呢啲文，就係0.99啦。根本冇可能日日進步1%，你試下每日食多1%嘢丫。或者掉轉，每日食少1%丫。

25. 事實係，你一般都係365日入面，180日係進步，185日係退步（人生不如意事十常八九嘛，我呢度好保守架啦）。但，可能人地係變做0.99，你變做0.995咁。人地係1.01，你就係1.015咁。幾個周期後，就拉開晒了。

（＊）你可以再睇下用出面一般嘅佣金，你trade幾多股票先夠阿叔打次邊爐。仲要假設我公司會分畀我，而事實係一個仙都唔會分畀我，事實我根本唔會在呢度叫你去我公司開戶口，因為呢個係個人Page

（＊＊）所以國泰發畀政府啲優先股，其實啲息幾高，唔算太搵笨。

（＊＊＊）好似冇乜聽人用虛偽必死呢個角度去講投資？不過應該係有嘅，爭在我未睇過。其實呢個世界任何idea都已經有人諗過，只係嗰個山區嘅大陸仔或印度仔未有機會大紅大紫啫。

———————
版務：收費專欄已減價。支持埃汾高質文章。
一星期三篇，$175睇到6月22號，加埋過去兩個幾月所有文章。

請去呢度訂：bit.ly/2wVXndj
課程編號填: CC01
報完會有email通知，繳費後有Login及Password
逢一三五入去 homebloggerhk.com （入到去就睇到《事先張揚》）
亦睇得返以前嘅文。一般我都係會黃昏出文嘅。

滂沱大雨的一個下午，叱吒髮型界的星級神剪坐在一張屋邨內的公園長凳上，感到前所未有的迷失。

原因是，他剛剛在這個屋邨，幫襯了一位只收六十蚊的理髮師傅。

他迷失，因為當他往鏡裏一照的時候發現，咦，剪得幾好喎。

一向幫他剪頭髮的，都是他的同事，即是跟他一樣，是八百蚊剪一次的星級髮型師。為什麼，一個只收六十的師傅，跟一位八百蚊剪一次的，竟然是如此相近的距離？(講緊係二十年前，今日呢位髮型師收千八。)

兩個星期後，他又到屋邨剪一次，結果又是一樣，六十蚊跟八百蚊就是剪得一樣好。他開始懷疑自己的技術、收費、經驗，甚至開始懷疑人生。

再隔兩個星期，他又去剪，結果也是一樣。這次，他萌起了一個念頭，就是要回去告訴那位以前幫他剪頭髮的星級同事，喂，有人收得平過你但剪得同你差唔多，即係佢性價比高啲，咁即係佢正啲啦。

回去見到同事，那句話，卡在喉嚨，還是沒說出口，但那個想法揮之不去。

直到。

第五次。

就在第五次找那位屋邨理髮師，他發現有點不對勁。那個屋邨理髮師，退步了，還要是退步得很明顯。該薄的位置很厚，該碎的地方又很重。

然後，六、七、八次，就是在第八次，他發覺這個師傅再也剪不出以前的水準了。

離開屋邨理髮店，他又再走到公園的長凳，思考了很久，突然丁一聲的醒悟了。

屋邨師傅第一次可以剪得這樣好，是因為他可以順著之前的髮型來剪，只需輕輕幾刀，那個型便出來了。但久而久之，那個「原型」剩下的越來越少，去到最後，更加是面目全非。

人呀，總是這樣子的。

以為隨便換一個，都好過以前嗰個。

路遙知馬力，小學生都識。況且，邊有咁荀呀，性價比又高，技術又要好，唔存在㗎。

何家三小姐嘅身家，港姐大美人嘅樣貌，仲要有埋德蘭修女嘅性格？照照自己個樣啦，就算有啲咁嘅女，會唔會埋你身呀。

IG= drgntigrdr

香港製造回收颱風塌樹化身木家具 40年入榫職人：直至死都會做木
「入榫是一凹一凸，像做人一樣講求中庸之道。每個人都想做，但不是每個人做得好，我花了一生時間研究木工。」57歲的林池師傅當木匠接近40年，近年把入榫工藝發揮得淋漓盡致。別人眼中的廢木，如裝修後的舊地板或因颱風倒塌的樹木，他一一回收改造，化身成為一件件有血有汗的木製家具工藝品，把木材生命延續100年。

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

相關影片:
【香港職人】手袋神醫甩皮甩骨都救翻生 改短皮帶收$700：世上無嘢整唔到！ (果籽 Apple Daily) (https://youtu.be/JlYWNeg5Vxw)
【採耳師】25歲港女採耳師棄教職赴台灣讀採耳課程 記者實試：「第一次清晒耳屎的感覺，好爽」 (果籽 Apple Daily) (https://youtu.be/8uvIzhfy3hI)
【重案解密】前G4長七洪立明任李澤楷「小小超」保鑣逾十年 暗戰張子強 ：隨時冇命收工 (壹週刊 Next) (https://youtu.be/tBNL8NP5-H4)
【6億身家奉獻徐濠縈】Eason停工侍妻女 幫阿徐抹鼻做跑腿 疫市賺少半億（壹週刊 Next）(https://youtu.be/EYsm9v8VSvc)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女 Apple Daily) (https://youtu.be/svAF8pKszw0)
【深水埗兩餸飯】59歲大叔賣$32兩餸飯 月派100份送長者 由台灣派到香港：受過港人恩惠想回饋 (飲食男女 Apple Daily) (https://youtu.be/kyvNU86ntio)
【再現幕前零走樣】鄧上文生3個囝囝未夠數 計劃領養變六口之家 (蘋果日報 Apple Daily) (https://youtu.be/umTq9XNR6sA)
【頭條動新聞】Ep.4 林鄭月娥一個星期被放棄兩次有咩感受 (蘋果日報 Apple Daily) (https://youtu.be/TulvTCk2ZQ4)

#果籽 #木工 #回收 #颱風 #木家具 #工藝品 #專題 #StayHome #WithMe #跟我一樣 #宅在家

你問我答睇唔睇得出人詐病？ 急症醫生：好多時都知係扮病 #毒果農—果籽 Apple Daily
正所謂「因病請假合理合情，詐病請假人之常情」(好似係)，假期之後或者都有唔少射手想自製多日dayoff射波，不過詐病「唔係咁易㗎葉師傅」，當中亦講求很多技巧，例如神情、腔調、演技等等，均須配合得出神入化方可獲得醫生紙一張，在網上常有人自誇經常能瞞過醫生，但事實上醫生真的如此容易被騙嗎？

為了解決種種疑問，是次特派員就邀請到「問問Dr. Friend」平台的長頸鹿醫生，此平台其實是希望市民跟醫生可以像朋友之間交談，為大家解決一些醫學上的疑問。

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

相關影片:
【香港職人】手袋神醫甩皮甩骨都救翻生 改短皮帶收$700：世上無嘢整唔到！ (果籽 Apple daily) (https://youtu.be/JlYWNeg5Vxw)
【採耳師】25歲港女採耳師棄教職赴台灣讀採耳課程 記者實試：「第一次清晒耳屎的感覺，好爽」 (果籽 Apple Daily) (https://youtu.be/8uvIzhfy3hI)
【重案解密】前G4長七洪立明任李澤楷「小小超」保鑣逾十年 暗戰張子強 ：隨時冇命收工 (壹週刊 Next) (https://youtu.be/tBNL8NP5-H4)
【6億身家奉獻徐濠縈】Eason停工侍妻女 幫阿徐抹鼻做跑腿 疫市賺少半億（壹週刊 Next）(https://youtu.be/EYsm9v8VSvc)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女 Appledaily) (https://youtu.be/svAF8pKszw0)
【深水埗兩餸飯】59歲大叔賣$32兩餸飯 月派100份送長者 由台灣派到香港：受過港人恩惠想回饋 (飲食男女 Appledaily) (https://youtu.be/kyvNU86ntio)
【再現幕前零走樣】鄧上文生3個囝囝未夠數 計劃領養變六口之家 (蘋果日報 Appledaily) (https://youtu.be/umTq9XNR6sA)
【頭條動新聞】Ep.4 林鄭月娥一個星期被放棄兩次有咩感受 (蘋果日報 Appledaily) (https://youtu.be/TulvTCk2ZQ4)

#詐病 #射波 #醫生 #病假 #dayoff #果籽 #StayHome #WithMe #跟我一樣 #宅在家

靈異遊家養1,700隻鬼仔唔怕邪？泰國師傅：佢哋同人一樣，只係死咗 (果籽 Apple daily)
聞說泰國的「養鬼仔」能招財招運，只要請回家好好供奉，就能達成願望。但不時有鬼仔纏身、易請難送等恐怖傳聞，讓這件事更帶神秘色彩。所謂的「鬼仔」到底是甚麼？與近年越來越多人討論的「古曼童」又有甚麼分別呢？

「坊間常說養鬼仔，鬼仔是沒有守戒，有守戒的就是古曼童。」人稱古曼童之母的陳譽之，是一位泰國法科師傅。在泰國土生土長的她，家族成員同樣投身法科行業，十多年前她從泰國來到香港，為人看風水、算命、占卜、驅鬼及解降頭，家裏養了1,700隻各式各樣的古曼童。「古曼童就是和尚招一些被墮胎小朋友的靈體，再放進不同形狀的小朋友容器。古曼童有坐着、站着或是佩戴型的。材料方面有木雕型、塑膠型，傳統的更會把靈魂收到竹裏面。」陳師傅更說，每個古曼童的性格都會按照他本來的靈魂特性，男生大多比較調皮，而女生就比較文靜。

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

相關影片:
【香港職人】手袋神醫甩皮甩骨都救翻生 改短皮帶收$700：世上無嘢整唔到！ (果籽 Apple daily) (https://youtu.be/JlYWNeg5Vxw)
【採耳師】25歲港女採耳師棄教職赴台灣讀採耳課程 記者實試：「第一次清晒耳屎的感覺，好爽」 (果籽 Apple Daily) (https://youtu.be/8uvIzhfy3hI)
【重案解密】前G4長七洪立明任李澤楷「小小超」保鑣逾十年 暗戰張子強 ：隨時冇命收工 (壹週刊 Next) (https://youtu.be/tBNL8NP5-H4)
【6億身家奉獻徐濠縈】Eason停工侍妻女 幫阿徐抹鼻做跑腿 疫市賺少半億（壹週刊 Next）(https://youtu.be/EYsm9v8VSvc)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女 Appledaily) (https://youtu.be/svAF8pKszw0)
【深水埗兩餸飯】59歲大叔賣$32兩餸飯 月派100份送長者 由台灣派到香港：受過港人恩惠想回饋 (飲食男女 Appledaily) (https://youtu.be/kyvNU86ntio)
【再現幕前零走樣】鄧上文生3個囝囝未夠數 計劃領養變六口之家 (蘋果日報 Appledaily) (https://youtu.be/umTq9XNR6sA)
【頭條動新聞】Ep.4 林鄭月娥一個星期被放棄兩次有咩感受 (蘋果日報 Appledaily) (https://youtu.be/TulvTCk2ZQ4)

#果籽 #泰國 #養鬼仔 #鬼 #鬼故 #泰國 #StayHome #WithMe #跟我一樣 #宅在家