【《七救星》ViuTV周一至周五收視三連霸 】
_
無綫電視公布的最新一期收視報告，已於周一（6/9）出爐，縱觀傳媒、網媒或KOL的討論焦點都落在上周六（4/9）TVB以「食老本」的《兒歌金曲Summer Fest》大戰ViuTV「食正奧運餘溫」的《力圖打排球》，兩個節目同樣於晚上八點半播出，結果前者只得11.7點慘勝，而後者則獲得5.1點成為全台收視冠軍。
_
其實還有甚麼好講呢？要不是大台勉強來說還有「慣性收視」（或固執地不肯轉台）這條「三斤釘」，無論節目包裝和演出陣容考量，《兒歌金曲Summer Fest》根本不應製作。雖說橋唔怕舊，最緊要受，問題在於，本地「兒歌」幾已「絕種」起碼十年，那夜歐倩怡唱的《問題天天都多》或者滕麗名唱的《魔法咕嚕咕嚕》，都是八、九十後的集體回憶，而這班人，今天都已經三十幾四十歲，但這個節目卻用上90年代《兒歌金曲頒獎典禮》的花紙包裝，今天的細路仔怎會有共鳴？反而製作團隊有勇氣以《流行經典50年 ─ 兒歌之夜》（2017年9月《流行經典50年唱爆周末》已試過，那集極受歡迎，網上討論度高），（https://bit.ly/3jXYUVC ）說不定收視會比現在多一倍。
_
做人跟做電視台一樣，最緊要知道自己定位，誠如近日人氣急升的「七師傅」七仙羽一樣，憑其超級神秘背景，加上強烈的個人風格（半鹹淡廣東話、說話方式時而呆滯時而直接），配合「風水師傅」這個身份，令她成為ViuTV主持的《七救星》最難以抗拒的賣點。最初看《七救星》，的確不太掌握得到節目的定位，再多看幾集，才知道那是一個頗為踩界，結合玄學、惡搞、爆笑、真人騷於一身的時尚心靈輔導綜藝節目，每位應邀出席的藝人，都有自己的孽障需要解決，可以是爛桃花，可以是妹仔命，可以是冇發達，只要七師傅出手，問題自然迎刃而解，但關鍵不在於師傅用上哪些招式，而是嘉賓有沒有認真看待自身問題，解開自己的心結，令觀眾有所領悟。
_
參考電視史上較相近例子，《七救星》算是《軟硬製造》（1993）的N代進化版，但今天《七》剛好繼承了《ERROR自肥企画》那種「觀眾硬係覺得呢個節目有啲嘢想講」的感覺，才會令到節目播出後大受歡迎（七師傅的IG粉絲暴升至7.2萬），單單「七連閃電鞭」已經不停洗板，甚至推出後續歌曲《OM7G》（P1X3L featuring 七師傅）（https://bit.ly/3A14vQN ），只有ViuTV能夠做得到，那是觀眾賦予給Sound Bear的特殊地位，大台無法複製，難怪節目於8月16日播出以來，收視愈升愈有：3.8、3.9及4.2，連續三個星期成為99台周一至周五黃金時段收視冠軍，頭兩周更是一星期最高收視節目，第三周僅僅輸給《力圖打排球》排第二。
_
對於節目播出後收視稱霸99台，「七師傅」透過WhatsApp語音短訊回覆查詢時指，《七救星》拍攝期長達兩個月，正值盛夏，拍外景需要上山下海，長時間曝曬，抵受高溫，加上跟支付寶和譚仔雲南米線的廣告拍攝期重疊，休息不足，相當疲倦，「今日拍完第二日又再拍，係冇時間休息㗎，所以好多時見到我個樣呢，可能有時靚啲，有時殘啲，有時可能肥啲，有時可能瘦啲，次次個樣都唔同，因為有時係捱到病晒，我本身有好多活動，加上每日有好多客嚟搵我，所以係非常之辛苦，但係咁辛苦我都要堅持去做好呢個節目，主要係想帶畀大家多啲歡樂，呢個係主要嘅原因，因為拍呢啲節目係冇錢賺㗎，好少錢，太濕碎，非常濕碎，主要都係為咗帶一啲嘅歡喜、快樂畀香港人，呢個係主要目的，係電視台導演同埋監製嘅共同願望。」
_
「七師傅」直言，台前幕後都視這個願望為一種布施，只想幫助別人，「我哋就冇諗自己個人嘅得失，冇諗過話我拍完呢套嘢會點樣紅，只係希望呢個節目能夠畀到正能量大家，令到大家歡喜，輕輕鬆鬆咁睇一套戲（節目），開開心心忘記唔開心嘅嘢，減低啲壓力，呢個都係我哋工作人員共同期待㗎，（節目）出咗嚟之後呢，見到大家真係好開心，真係每晚都喺度追睇呢個節目，大家睇完都面帶微笑去瞓覺，都真係改變咗好多人嘅思想，有啲人本身諗唔通呀，或者想自殘嘅，都發咗好多訊息過嚟，話多謝你呀師傅，睇完呢個節目之後呢，睇嘢正面咗，諗嘢開心咗，所以見到呢樣嘢，我哋都係好開心。」
_
不過，當很多觀眾大叫「師傅愛你」的時候，亦會有人不喜歡，「七師傅」承認有負評，但她不會介意：「都好多人鬧我騎呢，鬧我另類，鬧我神棍，其實呢樣嘢冇問題㗎，我寫咗嗰首歌詞都係咁講：『網民令我成熟』（面對網民會令佢哋更加成熟），大家睇問題嘅角度都唔同，所以大家都覺得我騎呢，我都覺得自己係有少少騎呢，因為你做呢啲綜藝節目，有少少搞笑嘅節目呢，有少少騎呢其實係冇問題㗎，總之大家開心就得，唔使睇呢個節目睇得咁沉重，將佢睇到咁深仇大恨，何必呢？」

緊貼「游大東影視筆記」最新資訊：
▇ facebook專頁： 游大東【鴻鵠志－影視筆記】
▇ instagram： instagram.com/yautaitung
▇ MeWe專頁： mewe.com/p/yautaitung
▇ Telegram：https://t.me/yautaitung
▇ Medium：https://yautaitung.medium.com
_
（10092021）
_
#游大東影視筆記 #游大東 #七救星 #七師傅 #ViuTV #陳安立 #王頌茵 #力圖打排球 #師傅愛你 #TVB 七仙羽 譚仔雲南米線 AlipayHK Brian 陳安立 Kathy仔 ViuTV 做乜膠睇電視 港人講電視 #P1X3L William on the way 浪遊旅人 Pazu 薯伯伯

【 #大智若愚嘅最佳典範 - 《七救星》七師傅嘅貼地愛情哲學】

唔知大家最近有無睇好紅嘅《七救星》？有日小編收工搭車無聊打算睇咗一集，之後一個唔小心就睇晒而家播出咗嘅五集... 雖然你每次睇完都想問自己「睇咗啲乜L」，但又忍唔住繼續睇埋入去。可能師傅有種神奇嘅魔力就係，佢成日都好正經咁做埋啲膠嘢，但當你覺得佢份人唔正經，佢有時講啲嘢又好有道理，個感覺都幾奇幻下，亦都造就咗節目唔少非常貼地嘅爆笑金句～ 今次就等小編趁呢個機會，同大家一齊探索下七師傅...嘅哲學世界！
.
「搵另一半要搵一個 肯花時間喺你身上嘅人」

七師傅喺節目中曾經講過：「 有啲男人等咗幾日，等唔到呢就搵第二家喇； 但有啲男人有耐性呢，等五六個月都肯等，等到食到你為止嘅！」相信好多人都經歷過，曖昧期嗰陣，個曖昧對象見等咗排都未有進展，就從此失蹤無再搵過你... 令你忍唔住懷疑，係咪自己做錯啲咩嚇走咗佢，但其實更大機會係，人地等唔切覺得無聊就走咗，甚至一開頭都只係想呃你薯條（按照師傅講法，佢覺得唔一定要講呃蝦條，薯條都得...）。而七師傅就話畀大家知，其實唔使為一個唔願意等你嘅人傷心，因為真正愛你嘅人，喺願意花時間等你一個答案，而無耐性走咗嘅，或者注定係你生命中嘅過客。
.
「唔識欣賞你嘅人 只係佢學識唔夠唔sick嘢」

喺第三集入面，七師傅為咗幫想改善事業運嘅小肥「吸收能量」，帶咗佢去海旁對住個海大嗌，仲叫小肥唔夠大聲都唔緊要，自己可以幫佢千里傳音... 而七師傅就有提到話「一定會有人覺得禾哋好傻」，正如有時有啲人都會覺得佢係神棍一樣，但師傅就話「識嘢嘅人都知禾哋係有料、勁，有時人地欣唔欣賞你，都要視乎嗰個人識唔識嘢」，名副其實「別人笑禾太瘋癲，禾笑他人看不穿」！

雖然七師傅有幫自己「打飛機」之嫌，但其實都係安慰緊小肥，同埋有樣嘢好真嘅就係，職場又好，愛情又好，你永遠無辦法令全世界都鍾意你，但你可以改變自己諗法：「車！咁係你唔識嘢姐！」有時有啲嘢，你知自己咩料就夠了。
.
由於七師傅金句太多，好似「買衫係種善因、得善果🙂」>>> 幫到間鋪（因）自己又有靚衫着（果）、「有時打你，禾都好疲倦，但為咗幫你消孽都無計」，打你其實真係打救緊你...等等等等不能盡錄。有人笑佢太gag，但又唔能夠否認佢嘅真心，例如師傅雖然搶咗（聲稱係攞住先）杜如風個名牌袋，仲靜靜雞賣埋，但佢就攞晒啲錢去買物資派街坊...... 或者大智若愚最適合形容佢，因為喺9下9下嘅背後，七師傅其實有好多大道理～ 最後循例都要講返句：師傅（我）愛你！
.
#有人有師傅全套sticker麻煩DM返小編 #有種正經嘅9味 #9得黎又無啦啦有啲正經位 #集集我都想問到底睇咗乜 #但諗落又有啲道理 #引人入勝 #情侶 #愛 #愛情 #語錄 #拍拖 #香港 #搞笑 #七救星 #viutv #七師傅 #七仙羽 #節目 七仙羽
.
睇咗笑完就算？不如追蹤埋我哋啦！
即Like @港式情侶 HKstyleCouple 收聽更多港式愛情趣事、一齊學識點樣愛❤️
IG : https://instagram.com/hkstylecouple
歡迎DM投稿戀愛趣事/愛情煩惱，我哋等緊你㗎😙！

網民對罵...

以前網上打手罵我丶同行罵我丶其他宗教的人罵我丶心理有問題的人罵我....我從不出聲從不平反，徒弟更加不理這些，徒弟們都是中年人根本不懂玩綱上的留言...所以我被人冤屈了好多年，不了解我的人一直誤解我....但是， 最近多了好多好多人替我駁斥回罵這些罵我的人，我心想這些人都是誰呢？而且他們回應的非常有道理，
例如：
1.七仙羽這個x街，去放生，一個放生撚，你們都支持她？
網民：你才x街，你日日殺生食肉，你最x街....
2.七仙羽有去放生，你們看看，這些是她的新聞..她是神棍x街，你們不要看她的電視..
網民：你不要再小題大作啦，沒完沒了，日日罵人，她放生救護小動物有什麼錯？你都不用腦去分析！其他人日日殺生食肉，你不罵，卻罵她放生，你有病！我不是幫她，我說道理；她紅了，仍然每週親自落全香港的社區到處派食物派發日用品，照顧基層家庭，我家樓下她都來過.....那你呢？？
3.有人說，她專騙阿婆，好多阿婆都封利是給她...
網民：你唔好屈得就屈，你有證據拿出證據！就算有些阿婆因為師傅的幫忙而想封利是給她，希望師傅能幫忙更多人，你知道這種實情嗎？你自己有幫過人嗎？否則，關你x事.....
4.她賣宗教產品，會落地獄...
網民：哪家寺廟不賣宗教產品丶哪個中心不賣宗教產品，如果沒人賣，宗教用品如何流通？你罵人前，先做好功課再駡...........

我平時沒空看這些留言，經理人將這些對話给我看時，我哈哈哈大笑。

我心想，幫助我的這些人是誰呢？
昨日出席「go Canada 加拿大日」活動，有幾百位粉絲來等我，由於限聚令，粉絲們要分批排隊來見我及拍照，從1點到3點，站了三個小時不停和粉絲們拍照丶簽名.....📸
粉絲們：七師傅，我們都非常喜歡你，我們實在忍無可忍，見到一些有問題的人攻擊你，我們會集體行動，要罵這些衰人，如果她/他們再屈你，我們可以找出她們的account 及.....

我：哈哈哈，原來是你們...我仲諗，突然網上這麽多人幫我平反，哈哈哈，原來是你們，哈哈哈，謝謝你們，師傅愛唒你地😁🌹
七仙羽 Master 7 Int’l Fans Club -國際粉絲會

#七師傅愛你
#七仙羽師傅
#師傅愛你
#七仙羽商場活動
#七仙羽粉絲club
#多謝每一位愛七師傅的你