［百萬求一路我睬你都費事，千萬求一路就理下你］拿拿拿。之前有人唔鍾意睇字，有啦，有吹水節目！

內容，自己入去聽。但簡單嚟講，我同利世民及高明回應之前「百萬求一路」廣告。其實我地未傾之前，各自嘅諗法都已經係（節目開頭都有講）：X！一百萬咁少，首期都未夠畀呀。好心啦，真係寫文都費膠事，開個節目講都嘥我地寶貴時間—我地啲時間好值錢的

但舊文話過，錢解決唔到嘅問題，更多錢可以解決啦（http://bit.ly/30NxuFc）。金主冇耐就出到「千萬求一路」。冇錯，千萬都仲應該未係富翁，因為好可能仲要返工（如果物慾唔強又孤家寡人又肯搬去台南高雄就慳慳地夠洗過世嘅），要返工仲富乜鬼翁（http://bit.ly/2opdKuF）？

是的，供求定律之嘛，加到一千萬，我地就開個節目去吹半個鐘水，諗條好橋。Ideas for HK 一名尋路人見字好去聽，然後科水啦。橋畀咗你，PM我畀個戶口你入數.

雖然呢，其實我地都覺得，九撚成係騙局。好似啲大公司最鍾意叫啲天真無邪大學生，搞埋啲咩創業pitching呀 分組研究呀，而家就講英文叫Hackathon 好似型啲 – 無非都係偷橋。送張獎狀醒多幾千銀然後讚你兩句畀你同大老細影張相，就呃咗你條橋啦。然後話你知，拿，我地內部一早研發咗幾十年啦（然後高明補充：錯！有撚幾千銀畀你！更唔會讚你！係屌你一輪話你後生仔都係急咗啲，不切實際—然後都係偷走你條橋）。

但唔緊要，我地抱住呢個「第一個交問卷有獎人人以為其他人交咗冇人去交我去交就拎到錢」嘅精神。效率市場假說（Efficient Market Hypothesis，又順帶一講，本人論文題目）話，街上有張一百蚊，就梗係假嘢—真嘅有人執咗啦—但你咪就係去做執起佢嗰個。正所謂早起嘅鳥兒有蟲吃，但被吃果條蟲仲早起身添。

本人節目一開頭已經提到，千金買骨，兩位拍檔番書仔好似冇聽過呢個故事，都係等我啲大中華膠講—就係，我地啲橋雖然屎，但唔緊要，金主照畀千萬我地—然後真係有料嘅人見到，嘩，呢三條福祿壽，啲橋咁垃圾都拎到一千萬，呢個金主有料到呀，咁我度條堅料咪發達—咪自然拋磚引玉有好橋上門咯！（呢個　千金買骨　堪稱史上最強嘅self pitch）

拿，我地入面都有提到，其實個主題就係，要「向中國說不」。我地其實好和理非，絶對支持一國兩制。只係你諗下，個矛盾點嚟？咪就係北方同胞好屈機，下下出超必，乜都話係國家安全，咁冇得玩架喎

只要你偶然有一兩單嘢，證明香港可以說不（唔使反攻），大家已經好開心架啦。我地在另一節目都有講，咩叫法治啫？法治唔係判你隊波得益你就王上英明，判對面得益你就屌你老母係咪盲架咁。我地講實證嘅，好簡單，一個地方，政府會輸官司，咪就係有法治嘅證明。

同樣地，咩真係證明到民主運作？唔係投票或乜（北韓伊朗都有投票啦），而係，有政黨輪替嘛（新加坡表示……）。

同一原理下，咩係自由意志？咩真係體現一國兩制？有一單半單，我可以說不，咪就係體現咗自由意志，唔係橡皮圖章。

利世民話正如港交所可以唔買倫交所，正係一個例子，我一半半同意。不過我地節目入面，延續我地一貫，Defending the undefendable 嘅精神（好書一本，雖則有啲地方狡辯）。我地甚至拎梁振英，當年人人得以誅之嘅過街老鼠梁振英做例　—　但佢叫停雙非喎！你即管鬧，但你上連登睇下，都有人讚佢呢個功績—而你睇佢民望至少高過現任特首。ABC 丫拿！（咁而家都係C嘅）

畀咗咁大篇導讀你，自己去聽啦。有粗口內容（當然有），辦公室慎入，唔好畀女朋友知你聽。
—————————————————————————————

講返呢壇嘢。其實之前同吾友 高天佑吹水，高兄成日睇我啲文，甚至話睇我啲文大（其實我寫咗好多年嘢）。但佢強烈建議我開個youtube channel。原因有二，第一，佢認為我講嘢風趣生鬼（但其實我不認為，好多人都不認為）。第二，比較重要，就係你幾勁幾多人睇都好，Facebook一個仙都唔會畀你，你只能靠其他方法賺錢，所以飛時卜架唔係一個職業。但你夠多人睇，Youtube會分錢畀你，所以腰貼吧係一個職業。

（順帶一提，可能正因為咁Facebook賺到盤滿砵滿，而Youtube應該咁耐冇一年賺過錢，但唔緊要，有母公司Google射住—可能係最後贏家？定係人性就係唔收錢都要免費貼嘢刷存在感（所以你其實應該多謝小朱）？就另一篇文可以討論）

咁啱利世民話想搞節目，就搞吧！咁你話，做乜唔拍片？首先，窮，冇女。有女義工歡迎嚟。你睇杜汶澤都係睇女啫。我地三碌棍費事影響大家雅興。二來，其實之前錄過出樣嘅，感覺我地三位唔係好自然，未係可以拍AV咁投入，反而拎走個鏡頭就放好多啦（我地其實有叫導演不如下次偷拍，唔好話我地知，導演話我地痴線，當佢山田孝之咩）

又，本人，利世民同高明呢個組合，會繼續同大家見面。想話整返個名，有冇提議？一經採用，冇百萬，百萬yen都冇，百萬韓won都冇。不過百萬越南盾，請你食餐飯仲得嘅。留言提議下，拎走一百萬越南盾，同埋，證明你有將個post睇到尾。

熱暈了~今天學聰明，沒在正中午去暴曬，
上次曬了一件比基尼，褲子痕跡清晰可見，我像是穿了兩件泳褲😂
這幾天都沒健身，還吃了一堆碳水化合物😩
今天看見沙灘上，竟然也賣熱食😂
想試試看，在沙灘上吃東西的感覺，嗑了一碗鮮美的蛤蜊湯，總共27顆，話說一百萬越南盾，應該是貴了，但我就是想在沙灘吃蛤蜊╮(￣⊿￣)╭
VT Huang生活日誌:旅行,跳舞,健身

熱暈了~今天學聰明，沒在正中午去暴曬，
上次曬了一件比基尼，褲子痕跡清晰可見，我像是穿了兩件泳褲😂
這幾天都沒健身，還吃了一堆碳水化合物😩
今天看見沙灘上，竟然也賣熱食😂
想試試看，在沙灘上吃東西的感覺，嗑了一碗鮮美的蛤蜊湯，總共27顆，話說一百萬越南盾，應該是貴了，但我就是想在沙灘吃蛤蜊╮(￣⊿￣)╭這樣就吃到低脂，高蛋白，低熱量的食物了😋
主持人Yaya黃珮綸:愛跳舞的旅行者。

#一個人旅行 #健身女孩 #越南旅行