Posted @withregram • @rs_cantopoppicks R Pick 新歌 #41 Aga〈CityPop〉 曲 | Aga 詞 | 林若寧 編 | 波多野裕介 監 | 舒文 MV: https://www.youtube.com/watch?v=bS8jotHs5W0 近年City Pop風潮重新受到樂迷的青睞與注視，繼去年年中方皓玟的〈All We Have Is Now〉、Zpecial的〈深夜告別練習〉，還有年末Delta T和楊雅餘的〈都市~Lonely Night~〉(找天說說這首歌吧，推介大家聽聽啊)後，Aga這次開宗明義派上〈CityPop〉，讓更多樂迷體會到城市流行樂的吸引之處。 話說Aga的歌曲有種標誌性的「迦味」，讓人一聽便知是她的作品；但未知是否曲風開始重複，去年她派上的歌曲中，倒只有〈Mad〉較有新鮮感。幸好在本年度的首支派台作，她又再次展現其無限的創作實力：她的旋律在波多野裕介的編曲下大放異彩，成功在約三分鐘的時間裏帶領聽眾坐上時光機，觀覽四十年前的都會風光。 一如早前在〈All We Have Is Now〉一文中所說，City Pop這種曲風旨在呈現八十年代都市飛速發展的社會狀況，而當中的表表者正是經濟泡沫爆破前的日本。其時東京經濟高速發展，股票證券市場向好，科技發展日新月異，市民生活質素飆升，整個社會由戰後的貧乏演變成國際都會的富裕繁華，成為全球趨之若騖的時尚都市。 後來在泡沫爆破後，這種反映豐盛生活和潮流文化的曲風日漸沒落；但近年City Pop的重新興起，有指正正映照出年輕一代懷緬，甚至神往舊時富泰無憂的理想生活。的確，在紛亂複雜的世代裏，想像中的安穩舊日正是從現實逃逸的最佳出口；故此現代音樂人在重塑City Pop時，往往規避對現實的批判，並以理想中的物質生活或及時行樂的心態取而代之，以利用當中的反差為聽眾構造反思的空間。 當然，〈CityPop〉亦與這路線一脈相承。波多野裕介在電結他與低音結他的基調上加上電子及弦樂，營造如萬花筒般的絢麗畫面，讓聽眾隨着聯想在城市的萬家燈火之間馳騁；迴聲與壓縮的科幻聲效，則勾勒出城市的興旺風光作為「想像」的重點。 而〈CityPop〉歌詞的立意亦非常配合曲中奔放流動的都會氣息：林若寧在詞中點出繁盛都市背後的孤獨心態，構成「大城」與「小我」之間的明顯對比。但必須要強調的是，Aga聲演的女主角並非三四十年前City Pop裏常見的深夜寂寞儷人，在林若寧筆下，她可是個享受獨處時光、習慣在城中獨行的爽朗女子。這非常配合現代女性獨立剛強的形象，真可謂與時並進。 值得一提的是，此曲的MV亦饒有心思地匯聚了City Pop (尤其以在視覺藝術方面因題材相近的而對之有所影響的蒸氣波(Vapourwave)為主)的各種元素，值得大家細看。從視覺效果而言，4:3的畫框把大家帶回傳統影像的視角，MV開頭的壓縮解像度效果則模仿以前的電視畫面，而MV整體以紫、藍、粉紅等顏色為基調亦展現出晚上的城市風光。 至於取材方面，MV裏則出現了各種象徵現代都市繁華的物品，例如霓虹燈、舊式電腦顯示屏、收音機、黑膠碟、洗衣機、街機，讓人聯想到經濟高度發展的時代；而日文、黑夜夕陽、日系跑車、廣告牌、棕櫚樹(衍生自美國邁亞密的風光)則象徵對八十年代物質生活的嚮往。有趣的是，MV裏除了「アガー」(Aga)、「シティーポップ」（City Pop)等以假亂真的日文外，更出現了不朽名曲〈Plastic Love〉的歌詞，真可算是對八十年代的日本City Pop致敬呢。 〈CityPop〉把聽眾帶回華麗而璀璨的八十年代，在城市的不同面向之間穿梭遊走。細心一想，我們對城市流行樂的嚮往或需求，其實也是源於逃離現實的希望嗎？相信大家心中自有答案。 - R’s Cantopop Picks 已經開咗MeWe啦 Find me at https://mewe.com/p/rscantopoppicks - #香港 #hk #hongkong #廣東歌 #cantopop #支持廣東歌 #廣東歌詞 #香港樂壇 #hksinger #香港歌手 #江海迦 #aga #citypop #vapourwave #林若寧 #波多野裕介 #舒文 #rpick_新歌

Cantopop 2020, 長文慎入。 當大家開始準備緊J自己今年ig個top9嘅同時 我想分享一下今年最鍾意嘅九首廣東歌 (其實係十首，睇到尾。) 同我不嬲寫嘅所謂嘅影評一樣 我嘅樂評都非常主觀 部份亦都涉及少少人身攻擊 所以純粹just for fun 不喜勿插 今年雖然疫情咁樣 但我覺得廣東歌嘅發展仍然都幾蓬勃 我揀嘅呢十首可以話係今年playlist裏面whenever播出嚟都唔會飛嘅 (因為我真係好鍾意飛歌) 排名不分先後 未知道。其實我playlist 9x9都係女人(同廣東)歌 安仔係我近年比較會聽嘅男人歌 應該係由在錯誤的宇宙尋找愛開始 又 大家知唔知個歌名有兩個意思？係未•知道同未知•道 呼吸有害。可能實在太耐無聽莫文蔚唱廣東歌 第一次聽已經起晒雞皮 佢同關淑怡一樣 畀首再閪再K嘅cctvb主題曲佢唱佢都可以唱到好有味道 雖然好多人話國語版好聽啲 原來仲有人話首歌係講TG 多咗嘞 零分。JUDE真係好醜樣 呢首歌仲幾明顯聽到佢嘅黐脷筋 不過就係好聽好洗腦 btw另外一個選擇會係隔離 不過零分就由年頭聽到年尾 深夜告別練習。不得不承認我一開始只係J Zpecial個鼓手 之後先慢慢聽返佢哋啲歌 到到呢一首出嚟真係不得了 好urban 好好un (阿媽鬧個仔唔好un腳嗰個”un”) Mad. Aga今年一定係今年903女金 又多產首首都好聽 真係唔識揀 不過由3am開始我都係鍾意佢呢種比較groovy嘅style所以揀咗Mad 又 我又grammar nazi上身 given佢咁鍾意用英文做歌名 今年錯咗兩首 Everyday應該係Every day; So called應該要So-called 鯨落。其實之前完全無留意Mirror任何一個人 直到前度介紹呢首歌俾我聽 首歌仲要係Ian自己作曲填詞 個歌詞背後好有意思 我又咁啱咁鍾意鯨魚 btw Ian真係越睇越順眼 不過我無睇男排女將 幸福門。從來都對Gin Lee無if not負感覺 但呢首真係好好好好聽 講完 網絡安全隱患。我想講嘅唔係呢首歌而係Serrini 要講今年最爆嘅一定係佢 其實佢今年出嘅咁多首歌我基本上都唔會飛 堅係高質 我之前已經喺story講過 喺瘋狂嘅時候我哋需要一啲瘋狂嘅人瘋狂嘅事 佢真係食正呢條水 仲要唔知點解吸納咗一大批gay fandom做打手 雖然亦有好多haters but gurl who cares 繼續叨下你光：proud to have taught you before! 1月1號就睇下我最喜愛女係佢嘅定係方皓玟 原始心態。從來都唔會鍾意吳業坤 但呢首歌真係今年嘅滄海遺珠 望埋份歌詞不得不承認真係underrated得好過份 我估佢應該真係得罪咗好多人 最後點解有第十首？係因為我對欣宜從來都唔能夠客觀 佢一定要上榜 不過小夜燈as一首轉會歌真係唔夠爆 我非常非常期待佢嘅2021 以上呢十首應該無cover到好幾首你哋今年嘅must pick 例如大熱嘅銀河Jay Fung林家謙 真係touch唔到我 又例如許廷鏗 基本上喺青春頌之後從來都無click過 仲有東京人壽 另外我想講大家都好似「原諒」咗容祖兒(今日搶演唱會DVD)同張敬軒(咁佢啲早餐又真係好好笑) 你話係咪英皇好嘢？ 不如話係人嘅問題 就正如大家並無打算原諒楊千嬅同埋Supper Moment let alone周柏豪 呢個現象好有趣 可以寫篇文 in connection to全民造星3 + 廣東歌同流行文化喺後反送中嘅香港擔當住一個乜嘢嘅角色 不過得閒先啦 我好忙 最後值得兩提 一係鄭秀文上年咁hit嘅我們都是這樣長大的諗住乘勝追擊今年出咗首乜撚嘢如何忍眼淚想食返如何掉眼淚 真係要借卓韻芝同Wyman講一句 唔好啦 二係今年靜晒嘅鄧小巧 可唔可以搵人話聲畀佢聽叫佢唔該佢唔好再黐住嗰隻藍奕邦 對身心都無益 諗落原本真係好想tag晒上面所有提過嘅人 不過好煩 算嚕 如果你哋竟然睇到呢度 多謝你支持廣東歌 亦恭喜你仲會/識得睇字 歡迎大家隨便留言話我知你哋今年嘅top picks吖

香港演藝人協會慈善有限公司第一屆慈善晚會2019 Amazing performance 🤜🤜🤜🤜🤜 #香港演藝人協會 #香港演藝人協會慈善有限公司第一屆慈善晚會2019 #王梓軒 #張敬軒 #DRX #黃浩邦 #SOR #Hinry #鄧思朗 #黃紫藍 #Myar #will #譚杏藍 #Hanatam #Logout #FreshLife #FreshLife #Sophiaso #莫家淦 #曾樂彤 #Zpecial #蘇慧恩 #opheliaso #ophelia_so_wai_yan