【#劇場版白箱】創作就是血和汗和淚水，係老套但好有共鳴😭 睇完《劇場版白箱》，終於明白點解《#EVA》總係臨上映先有片翻譯字幕。🙈 想將自己嘅作品做到最好，係每一個創作人嘅心願啊！就算去到最後一刻，都唔會放棄。😤《#白箱》就係一個爲創作最高汁卡通動畫，努力不懈到令旁人費解嘅青春故事。4年前嘅TV版，每集都睇到聲些超熱血。5位少女響高中學園祭製作「自主動畫」播放，唔算好成功，但造就佢哋畢業後各自加入動畫業界：宮森葵最初擔任「制作進行」，即係類似Project Manager咁，要睇哂成套動畫由零到完成嘅每一步：由構思、編劇、人物設定、作畫、演出、背景、配樂、攝影等等，帶住觀衆熟悉動畫製作進程！今時今日，人人都話做Youtuber拍片做動畫，又唔通真係一落手就識做咩？老實，睇《#白箱》又真係學到嘢，尤其一開始嘅企劃部分，睇住導演扭盡任督二脈畫分鏡，就覺得自己拍片真係好廢。😔（自省中） 4年後嘅電影版，主角們各自都累積咗相當工作經驗：有人做到滑哂牙，一開頭嘅熱情消耗哂； 有人4年間遇過重大失敗，企唔番起身； 更有人本業不成，轉咗去做唔啦更嘅工作，想追尋夢想又覺得冇哂力氣……呢啲都係出嚟做咗幾年嘢，俾殘酷嘅現實打磨過後，行屍走肉嘅寫照，聲些都曾經試過，迷茫到咩都唔想做，家陣諗番起都唔想再提嘅黑歷史。可能，你正經歷緊呢種人生交叉點，想繼續向夢想衝，現實又似乎諸多遮攔……或者，入場睇下「白箱」入面一衆角色點樣經歷幾番掙扎，先叫做搵到少少發展方向，對你會有少少啓發吧。 所謂嘅「白箱」（しろばこ・shirobako），其實係動畫製作公司用嚟放完成品錄影帶嘅盒。家陣嚟到DVD年代，呢個傳統依然冇變。錄影帶白盒變成DVD白盒，電腦技術勁咗，畫卡通成本確係比以前低咗，但無論係創作動畫，或是創作音樂／文字etc，依然係極度燃燒心血同腦力嘅工作。聲些表示極度尊敬嘅同時，亦不敢怠慢……係嘅係嘅，Youtube片好快就更新㗎喇，敬請期待喔。OTZ #好有共鳴嘅動畫啊 #做創作嘅人要睇 #努力爆埋啲翻譯就到剪片啦 #鳴謝 @neofilmshk #你是最好的🥰 #peggysensei #PEGGY先生