《PolyuSD OCamp 2015 狙營🔫 20-22/08》
•
「見過LKM呢個表情未?」我自己就好耐都未見過,已經唔記得幾時開始失去笑容,而換嚟機械化🔩嘅招牌四萬咁口嘅笑(雖然好多時係真笑,但更多時候係強顏歡笑),為嘅係好想喺別人眼中留低開心印象。但忽略咗喺該時該刻嘅自己。見到呢一個久違了...
《PolyuSD OCamp 2015 狙營🔫 20-22/08》
•
「見過LKM呢個表情未?」我自己就好耐都未見過,已經唔記得幾時開始失去笑容,而換嚟機械化🔩嘅招牌四萬咁口嘅笑(雖然好多時係真笑,但更多時候係強顏歡笑),為嘅係好想喺別人眼中留低開心印象。但忽略咗喺該時該刻嘅自己。見到呢一個久違了、原本嘅自己,從心底裡面感動出嚟。但更重要同時呢一個係還原得嚟,係此時此刻嘅我(唔知大家明唔明)。呢一個係我人生第一個OCamp亦相信係最後一個,《狙營》係今屆學生會 #9thSDsapphire 送畀我作為一大班Freshman其中一份子、加入SD大家庭前嘅禮物,係無價嘅禮物🎁。《狙營》對我嚟講係完美OCamp。好有愛!
•
入到「第十組——拾亞人」真係好感恩。有最温柔體貼、無微不致照顧我哋每一個嘅好男人組爸Yorick👨🏻,又有得我專稱佢為蓋世寶嘅笑得最燦爛、玩得瘋癲嘅好組媽Yuki👩🏻。據說組爸媽Expect我哋揀組名十字死光,但開始時我呢個傻仔拋咗「拾亞人」個名。點知大家又同意採用。組色紅色、組物嘅地球頸鏈、紅色手繩,十字死光Tote Bag全部都已經係象徵🙈,最尾Dancing Night仲有超人面具。不過就讓「拾亞人」呢個名字成為美好嘅回憶。
•
聽說每一個在生命中出現嘅人,都有特別嘅用意。即使大部份組員之後都唔係同自己讀同科,但真係好感激呢幾日一齊同行。每個都各有特色。有自信爆登,但玩揭尾估驚到加零一嘅Anson。愛思考嘅Henry。Sunshine Girl Emmy。敢言嘅KaiMan。人哋話浮誇,但我覺後恰度好處嘅型女比。遇見眼前黑暗,就要瞓教嘅睡公主Isha。好開心樂天愛講電話嘅Julia。怕怕羞羞嘅Michelle。一齊努力跳Camp Dance嘅Annis。樂意Share嘅Lianne。仲要畀愛鼓每一個Helper,喺組媽暫別,陪住我哋嘅Fani。喺背後替我哋不停撥大紙皮扇嘅椰奶。分享自己學業經歷嘅AWing。
•
仲有好多說話,一言難盡。但要畀愛鼓💗每一個狙營嘅付出者。冇你哋,唔會有呢個美好回憶💫。
•
本來好想寫「有圖有真相,不用多說。」😌扮灑脫,但都係忍唔住寫翻一貫嘅千字文。
•
I love 拾亞人💥🌏♥️!容許我再Post呢張相,因為係最鐘意。其他靚相陸續有嚟。
•
#DancingNight跳完CampDance口水舞濕到好似游完水嘅留影
_
#第10組 #拾亞人 #狙營 #PolyuSD #Ocamp