開講都有話：工欲善其事，必先利其器。做DESIGN既朋友都一定知道，KEYBOARD同ADOBE係我地既武器（有時加多個WACOM做盾牌😂）無一個就手用開既武器又點可以打拼天下呢？

丫仁受聘後第一時間諗到既就係「武器」版本唔一樣呢個嚴重大漏洞！返工頭一星期成個人好似無靈魂咁，一粒粒字慢慢打，打到天昏地暗先打到一句完整句子。對DESIGNER最重要既Command key (⌘)竟然變左打日英轉換鍵，次次想Copy & Paste個時都會㩒錯制😱😱有時按Alt DRAG去空白位既時候，竟然咩都複制唔到。望望對手個位置，點解會係Command key (⌘)到架？真係超級嬲嬲豬😡你地又揾唔揾到唔同既位係邊到呢？

除左KEYBOARD外，還有ADOBE由英文轉晒日文都不特止，平時用開既EFFECT、快捷鍵位置再來一個大兜亂！！！當時前輩迫我重新學用JP鍵盤，你係日本學開當然無問題，但我用左21年都係US鍵，一下子受到兩個大打擊呢？你都咪話唔HURT😖OFFICE內容我就唔清楚有無大變，因為我一直都係MAC用戶～霎時間我覺得自己勁似一個老人家去學iphone，爆多疑問同挫敗感～平時做LOGO DESIGN只係10分鐘，依家要用一個鐘去摸熟個環境，灰到爆。你習慣到咪叻豬囉，我就認定自己只會用US鍵盤。

於是乎襯朋友探我個時，把心一橫叫佢地幫我買個US鍵盤（因為有得退稅又可以儲分WIN WIN局面）唔理有無得Claim返錢都要買左先，返到事務所做同一個LOGO DESIGN，15分鐘出左4-5個左右！驚人既速度嚇到前輩都覺得唔實在，我真係唔想再做拖慢黎做野，太浪費私人吞POP時間😅😅😅我覺得自己做呢個決定係正確既～至少打字手勢都順晒，唔再要打幾粒字又要望下個KEYBOARD。

如果你係WH揾到寫字樓工，都一定要正視呢個問題！手勢習慣真係好易影響到心情同做野既速度，希望大家鼓起勇氣試下同HR傾。萬一唔受理，咪好似丫仁咁反叛自資囉～😈我無呃你喎！我真係做到個速度俾社長睇嘛～佢咪由得我！

ps：連交通津貼都無既事務所，當然唔會將部KEYBOARD入公數！小氣～

#工欲善其事必先利其器 #WACOM #ADOBE #Command #Alt #US鍵 #大丈夫 #工作遊記 #WINWIN #退稅 #JP鍵盤 #MAC用戶 #OFFICE #入公數 #交通津貼