手機號碼跳船策略（中）

文：薯伯伯

上文提及 SIM 卡手機號碼是過時的科技，但卻是識別身份的其中一個有效方法，文章中提了一些場景去說明以上情況，建議先讀〈上篇〉，再讀這篇對策。

之前提出的問題，提及使用 SIM 卡時經常遇到的不便，例如要插入 SIM 卡才能收取驗證碼，而萬一丟失手機及 SIM 卡，即使有新手機，也要補領 SIM 卡後才能重新啟動 Signal 或 WhatsApp 等聊天軟件，費時失事。

最理想的處理方法，是使用「虛擬號碼」，英文叫 virtual number，或 VoIP 號碼。不需要 SIM 卡或電話線，只用透過服務供應商的 app 或網站，即能查看發至該號碼的短訊。

舉個例子，萬一你丟失了手機及 SIM 卡，你只要在新的手機安裝 Signal 或 WhatsApp，輸入虛擬號碼，然後登錄虛擬手機 app，即能收取驗證碼，極之方便，尤其身處外地之時。

一，虛擬號碼

虛擬電話通常是美國號碼，也就是開頭是 +1 字頭，成功申請後，這個 +1 字頭的電話號碼，將會成為 Signal 或 WhatsApp 等對外公開的號碼。坊間提供虛擬號碼的服務供應商雖多，但有些號碼似乎曾經過度使用，登記甚麼服務也會出現問題，另一些則要月費數十至百多元港幣，有比較之下就覺得不算太值得。

我測試最多的服務商有三家：MySudo、Google Voice 及 TextNow。我先說我最不推介的服務吧，不推介 TextNow，他們提供的號碼似乎有不少都曾經重複使用，登記服務時經常遇到問題，得物無所用，極不推介。

那就餘下 MySudo 及 Google Voice。兩者之間，我較為喜歡 Google Voice，但在這裡則會推介 MySudo。我雖然很想推介 Google Voice，但除非你身處美國，本身又有美國當地的手機號碼，否則申請過程頗為困難。即使用了 VPN 並連接至美國伺服器 ，Google 似乎偵測到是用 VPN 連線而拒絕服務申請。

比較容易讓大眾去申請的虛擬號碼服務，是 MySudo。下載該 app，必須要透過美國的 App Store，而不能使用香港 App Store。我一向很鼓勵離岸，所以除了銀行戶口要離岸，其實 App Store 也應該要離岸，這裡示範如何申請美國版的 App Store。

MySudo: https://mysudo.com
（這裡示範用 iPhone 設置，Android 手機用戶申請過程應該大同小異，請朝這個方向自己摸索一下。對了，其實很多時寫文章，就只是想開個方向，讓讀者自行探索一下，這樣會更有趣。）

申請美國版 App Store：

這部份最好在電腦上完成：

1. 使用 VPN，連接到美國伺服器。
2. 使用 Firefox 或其他瀏覽器，打開 https://appleid.apple.com/
3. 點擊 Create your Apple ID。
4. 輸入自己的資料，要填寫真實的電郵地址，要跟香港 App Store 的登錄電郵不同，這將是你的戶口登錄資料，稍後要收取一個驗證碼。
5. Country 選 United States。
6. 電話號碼，出奇地，可以使用香港電話，使用 +852，填上香港號碼，稍後要收取驗證碼。

完成以上步驟之後，轉用 iPhone 或 iPad：

1. 建議在手機上先開啟 VPN，連接去美國伺服器。
2. 打開 App Store，把原先的戶口退出。退出的方法，是點擊右上方的頭像，掃至最底，選擇 log out。
3. 登入美國帳號的資料，系統會顯示「This Apple ID has not been used in iTunes Store.」（這個Apple ID還沒有在 iTunes 商店中使用過。）
4. 選擇 Review，然後等待一會，畫面會一片空白，可能要等一分鐘。
5. 確保寫著 United States，選擇 Agree to Terms and Conditions（同意條款），選擇 Next。
6. Payment Method（付費方式）：選擇 None。
7. Billing Address（帳單地址）：寫個美國地址及電話，自己想，他們不查證。
8. 填完地址選 Next。
9. 如果出現 Apple ID Completed，這就代表你已經成功開設了 App Store 的離岸戶口了！

有關美國 App Store 戶口充值的方法，實在太多細節，請看看之前我寫的文章： https://www.patreon.com/posts/39576067

之後要用美國版 App Store 下載 MySudo：

1. 用美國的 App Store 戶口，下載免費的應用 MySudo：https://mysudo.com/
2. 用 VPN 連接到美國的伺服器。
3. 打開 MySudo，如果起始畫面一直沒有任何動靜，可能因為你還未連接到美國 VPN 吧。
4. 在 MySudo 的介面，選擇 Create your first Sudo。
5. 按 Next。如果這裡出現問題，可以嘗試重新連接 VPN，選擇另一些美國的伺服器。如果仍然出現問題，可能你以前曾經使用同一個美國 Apple ID 下載並申請過 MySudo，所以顯示出錯，要用一個之前沒有下載過 MySudo 的美國 Apple ID 再試一次。
6. 輸入名字，暫時輸入真名都可以，之後隨時可以改動，選 Next。
7. 關鍵步驟，選擇號碼，按 Create a Phone Number。
8. 選擇美國（其他國家也可以，按自己情況決定），輸入自己喜歡的三位數字組合，例如 314（314 是密蘇里州聖路易）
9. 選擇心水號碼，選定之後就不能更改了。
10. 之後會問能否取用咪高風，選擇不允許。
11. 選擇名字，這個名字要選個合用，因為之後修改較麻煩。
12. 之後問能否傳送通知，選擇「允許」。

MySudo 的免費版本，提供一個美國的虛擬號碼（也有英國號碼，但我沒有試用過），縱然這裡提供的虛擬號碼是免費，但亦可以接收認證短訊，能用作登記 Signal、Telegram 及 WhatsApp，亦能夠接受不少證券行、交易所之類的二步認證碼，但 VoIP 的號碼不能用作申請美國版本的 PayPal。

我申請的時候，MySudo 號碼是可以一直保留，但近日收到一些讀者回應，指 MySudo 號碼一個月不使用就會過期，我覺得也值得付費保留號碼，而且收費不貴，最便宜的收費計劃一個月才 US$ 0.99。

由於美國 App Store 不支援香港信用卡，所以最好最方便最快捷亦是較為安全的充值方法，是購買 Apple Gift Card（以前有分 iTunes 卡或 Apple Store 卡而且互不兼容，現在統一了，方便易明）。先到 https://www.apple.com/shop/buy-giftcard/giftcard ，選擇 Email，選擇 Other Amount，輸入 $10 試玩一下吧，在 Recipient/Sender Name 輸入自己（可以是代號）， Recipient/Sender Email 輸入自己電郵地址（要能接收訊息）。之後填信用卡資料時，只要確保信用卡號碼、日期及 CVC 正確就可以，至於 billing address 即使填了美國，其實也會通過的。可以支付的信用卡，例如獅子銀行信用卡、八達通 app 內的 MasterCard 等，比較容易出問題或被拒絕的是 DBS。支付後等一小時，收到禮品卡就按照指示充值。我自己最喜歡用這個方法充值，而不是把信用卡綁定在 App Store 內，方便易容，又減少信用卡被盜的風險。

🚫 注意：切勿把這個美國號碼登記接收銀行驗證碼，否則一些銀行以為你與美國有關，中了 FATCA（《美國海外帳戶稅收遵從法》，Foreign Account Tax Compliance Act）並要求你經常填寫表格 W-8BEN 申報，很麻煩。其他則沒有問題，只要不用來收銀行短訊就可以。

有一點必須留意，截至 2021 年 1 月 22 日，MySudo 仍然不能在 iPhone 與 Android 之間轉移，但該公司網站上稱會考慮加入此功能。而 MySudo 的備份一定要做得好，這個 app 用 iCloud 也合適（如果開 iCloud，其他大多數 app 的數據其實都沒必要同步，但 MySudo 有點例外）。如果沒有做好備份可能會失去這個號碼，所以要小心，做好備份。

二，把虛擬號碼融進日常生活

申請了並保存了虛擬號碼，確保 MySudo 的備份做得完美，那就開始逐步把虛擬號碼融進日常生活，取代用了十多年的電話號碼。

這部份還是留待續篇才寫。

注：我稍後（一月底）會在 Patreon 較私密的空間，再探討一下另一個我很推介的虛擬號碼 Google Voice 的申請及應用，但考慮到該文觸及 Google 的灰色地帶，所以設定為 Patreon 的獨家文章。反正大部份文章都是公開，有時設置一兩篇為 Patreon exclusive，我會原諒我自己的任性。

圖：Pixabay / mohamed_hassan

手機號碼跳船策略（上）：https://www.patreon.com/posts/46473280
手機號碼跳船策略（中）：https://www.patreon.com/posts/46491016
手機號碼跳船策略（下）：https://www.patreon.com/posts/46695482
手機號碼跳船策略（番外篇）：https://www.patreon.com/posts/46736756（Patreon 獨家文章）

🔑 【資訊保安文章整理，超務實長清單】 https://www.patreon.com/posts/46192115

▶️ 請訂閱 Patreon 頻道，支持不受干預的獨立創作及評論 | www.patreon.com/pazu

【「搬屋」幾日嘅感想】

睇戲睇得多，成日以為「搬屋」係好事，但好多時未見其利先見其弊，學師傅話齋「出事架嘛！」呢幾日都同其他Blogger、行家討論呢個城中熱話，無論Signal定MeWe，坦白講都有好有唔好啦，喺度都簡單講少少感想：

1. MeWe有感（疑似）100% organic reach（相信只係暫時），甚至你like咗嘅page，唔止會出現一次，對於Content provider嚟講，可以有呢個效果，堅吸引。

2. 正因為MeWe「真。content」可能太多，唔似得Facebook見到「真。content」大家好似「久旱逢甘露」咁會like，MeWe「俾反應」嘅人唔多，甚至出現0反應，呢樣Facebook從來唔會發生。都因為MeWe做到100% organic reach，佢數據係冇Reach呀Impression呀呢類「大數據」，當冇人俾反應時，你真係唔知有冇人睇，唯獨好在放外置連結，我睇到數據有冇人篤入嚟，呢樣堅係唔方便。

3. 暫時未試到到底你嘅Content係俾人睇到一次定多次、lifespan又會幾耐，係咪多人「俾反應」就會多人睇到，呢類我哋俾「朱生」玩咗多年嘅「演算法」，一下子推倒重來，喺「大數據」世界係反應唔嚟。喺冇得落廣告下，如果我有舊post想長期俾人睇到，暫時諗唔到可以點做。

4. 如果唔係link post，放一大抽連結都唔會影響到organic reach, I like it! 用家想promote乜可以放埋條連結落去，圖下會出埋，喂用MeWe要俾錢架，大家見到Payme link課下金，或者subscribe Patreon啦，多多益善少少無拘呀😂

5. MeWe最最最最最戇鳩一樣嘢係，如果你用desktop schedule，你打錯字順手篤一下esc，你成篇文會冇咗，係堅冇咗。我研究咗好耐唔知點樣可以chok返出嚟。

6. MeWe冇私隱權限雙重驗證，好多人已提出，但煩請大家唔好係咁add我私人account，其實我唔會分到你係邊個，冇頭像唔識你我都係唔會add。

7. 另一類麻煩係MeWe冇inbox message，如果我明年再搞投選，大家冇得Inbox投票，又或者經常出現留言有人搞事，「唔俾讚某套戲」、「唔俾彈某套戲」罵戰時，大家冇得Inbox叫我出面調停或刪Post，呢個係我預視到較麻煩一件事。

8. 8GB容量之後要課金，搞到我要將圖壓細，唔係我一日幾個post仲高清圖好快會爆。

9. Schedule冇得reschedule，亦冇得改圖，又係另一個唔習慣事，如果第時，都希望好快可以，戲院回復正常有多戲睇、多post出時，好易會唔覺意炒咗。

10. 無論MeWe定Signal，其實目前唔覺除咗香港以外嘅朋友同專頁用，尤其睇開外國新聞同Blogger，始終都要留返喺Facebook。為免太「同溫層」，問咗好多外國朋友，暫時冇一個人有MeWe或Signal，甚至講完都冇聽過，解釋完佢都唔知點解你哋要轉，都係叫返你，有咩Whatsapp/ Facebook Messenger/ IG DM傾啦。如果Social media只係流於香港人自己圍內「Social」，中文即係「圍圍喂」，似乎仲未推動到「朱生」霸權，革命尚未成功。

11. 一如當日大家叫我開IG，點知開完IG又冇反應，個個返返Facebook，最後搞到我有一期IG都半收皮，暫時MeWe好似都分別不大，當然以比例嚟講，兩日爆到幾百人，我估唔到大家咁好反應，但呢件事都要觀望一下。

12. 私人account方面，其實add咗嘅人都冇乜邊個真係有用，甚至連profile pic、cover pic都未更新，暫時睇唔到個反應係咪咁熱烈。

13. 個人最愛MeWe有一堆Emoji，唔係得個Like同果幾個樣，起碼知道大家咩反應，有時一個Like就等於你女神答你「嗯」「係」「哦」「哈」「噢」「ic」咁即係點呢？呢樣多啲玩啦大家。

唔係想呃Like，但都請大家幫我做個實驗，見到MeWe post可唔可以都俾個反應，唔止呢個，仲有嚟緊一段時間嘅，我想測試係咪真係輕易睇到。我自己follow嘅page就睇到，但有朋友話都係睇唔到我d post，點搞好？暫時小弟都係新手，解答唔到，過多個星期睇吓會唔會熟手啲。【MeWe請Follow】：mewe.com/p/travelerwithmovie

🏆第7屆晞。觀影記事讀者電影投選結果已公佈：http://bit.ly/39tMT3M

【Patreon加強版】閱讀更多精選深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

【IG請follow】www.instagram.com/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

2020，時窮節乃現。
2021，係一個更加大嘅考驗。

Reflection呢啲嘢唔係寫俾人睇，係寫比自己睇，幫自己做一個思想記錄。

我唔係一個鍾意寫回顧的人，曾經以為自己覺悟大家到唔需要同人交代人生，不過2020年實在太特別，要破例講。蘋果講過幾句，而家講長少少

整體來講，這10年我的人生過得非常精彩，起跌無常，亦有好多古怪嘅經歷，識埋好多古怪嘅人。以我這樣普通出生的階層是不應有這樣的認知圖像和人生軌跡，不過Anyway，我實在太幸運了......假如30歲前不幸急病埋單落地獄，也不枉，由進入大學，到畢業出來工作，冇一天白過。是的，我隨時可以去死，只要唔痛的話

我日常嘅工作係包括寫稿，玩社交媒體、炒股票、管下公司一啲行政瑣碎野、見人會客、睇吓自己啲項目、撩人傾偈、發下牛痘，睇吓書，總之就係個Slash。間中都會有啲突發情況，就以今日為例......

今朝我收到個電話。曾經我撮合了一個合作。本來以為自己做咗件好事，點知合作雙方有一啲不愉快嘅事件，最尾驚動到要搵社團人士，然後，我就要排難解紛。

本來個合作都幾好，佢哋都搵咗過千萬，明明贏錢應該開心，但係分贓永遠有拗撬，反面好簡單，商業世界就係咁脆弱。佢哋會搵我，證明我喺江湖上面都有少少信用，出嚟行都要講吓道義嘅，有時。

下晝冇食飯，同一個大型基金經理傾美國SPAC。

佢哋好有遠見，喺香港最早一批去美國搞SPAC借殼上市的團隊。唔使理係啲咩，唔重要，係一啲最新金融工具，佔咗美國IPO四成，不過香港金融機構比較濕鳩，啲商業機會流晒去美國。總之，我嘅下晝就咁過

中間搭車時間我就覆緊WhatsApp，搞下公司野，出下稿，睇吓社交媒體，落盤睇吓股票咁

今晚七點我一個讀撚book咗酒店staycation，叫room service食今日第一餐飯，然後開始處理今個學期碩士要做嘅paper。攰左成日，而家一個人係間房浸緊浴，寫緊呢篇野

呢一年我嘅人生大致就係咁，比起一年前更忙碌，更商業，趁個人體力應付得到，記憶力同學習能力未大幅下滑嘅時候，好貪心想成就一啲野，好貪心想學多一啲野

呢兩年如果你個人有良心有少少良知，好難過得快樂。擺脫心理壓力同精神抑鬱嘅最佳方法，就係令自己更加忙，更加沉醉喺金錢，用盡自己嘅體力心神。

同埋，我想做一個實驗，證明唔需要奶，唔需要放棄良心價值，人都可以活得好好，成就到一啲嘢出嚟

呢兩年我書讀得唔係咁好，冇乜心神去鑽研學問，因為亂世修行嘅得着，比起我神交古人得着更多。

以前我覺得意識形態係一啲政治立場嘅延伸，例如你係黃色，佢係藍色；你係民主，佢係極權；你支持自由市場，佢支持中央集權；你係左，佢係右

我覺得more than that，因為人嘅心理認知應該有重機制，會令到我哋自圓其說，自我肯定。意識形態嘅組成係有呢個部份。正如有啲人會覺得嗰班曱甴暴徒一定係人生失敗者，買唔到樓，上唔到位，所以先至反政府擲汽油彈。我唔同意，但係佢哋睇唔到另一啲原因，受制於自己嘅認知圖像。

又例如，會有啲人覺得個「政府好衰，咁你可以做啲咩啫，你只能夠服從」佢哋係認知到現實係出現咗一啲唔公平嘅狀況，例如721 ，但係佢哋選擇拒絕接受現實，嘗試搵個方法接受犬儒，認命，合理化自己。

我要繼續活得好，成就一啲野。除咗心態之外，亦係想證明唔需要放棄人生價值，放棄良知，依然生存到。嗱，當然唔會搵到大錢，好似我咁，做金融一定係要親建制先至可以搵到大錢，但係起碼我養得起自己，活得有尊嚴；開始有啲人會覺得，我係一個有趣、值得認識交朋友嘅人物，唔係路人甲。我未到30歲，睇住好多同輩朋友賴共暗共，做警察加入建制，但係暫時呢一刻，我諗我活得比好多奶共嘅90後更加精彩，更加有自尊，但又餓唔死

以前啲人成日話歷史係由勝利者書寫，時代改變了，檔案記錄方式係進步咗，有啲嘢係一世都唔會磨滅到。對錯嘅詮釋權不在於得勢的一方，亦都唔需要在乎勝利者點樣蓋棺定論我哋。我哋呢一刻做我自己，堅持信仰嘅價值，咁就ok了。

呢兩年我嘅名多咗喺媒體出現，對於作家嘅我來講，當然係好事。盧斯達嘅訪問將我寫得好好，文人馮睎乾、李怡文字提及過我，呢啲都值得攞嚟打飛機。

今年我俾人認知到嘅事大體有三樣，買壹傳媒嘅股票買到外國媒體都報道，丁葉劉，同埋玩Mewe玩到上國際傳媒

呢三樣嘢都有啲九唔搭八同我本身嘅專業毫不相干，不過既然人生咁有趣，做作家唔介意多啲人認識，嘻嘻

好多人將公開讚葉劉睇成娛樂效果，其實冇你諗到咁簡單，雖然童心未泯，但畢竟人成熟咗少少，做事會諗多幾步。港台同葉劉關係不特別好，葉劉下屬曾經公開叫人寄信批鬥利君雅，間接令到佢延長試用期。如果我當時唔咁做，港台分分鐘又中多一次核彈，雖然我成為笑話，但亦spin走一個潛在大危機。過程中，我了解自己更多，原來我都可以諗到呢一啲細節，有深謀遠慮，亦都懂得臨時應變

事業上都唔錯。今年股票回報幾好，正如大部份人嘅回報都非常之好，其中有一隻小基金贏咗超過一倍。我亦都想將而家自己嘅工作再規模化多啲，接近私募基金結構，而家努力當中。

自己曾經投資嘅業務都搵到融資窗口，我亦替佢哋高興。逆境下搵到錢，亦順利做到部份轉型，我自己退居了，減少參與管理

時窮節乃現，如果我好似周柏豪咁變節，分分鐘榮華富貴享之不盡。小確幸是好東西，唔需要追求太多物質慾望，好簡單越快樂就可以細水長流。正如我同我契女玩，老點佢搣爛本書，原來都係一件幾開心幾簡單嘅事。錢真係唔需要搵太多，追求卓越成就更加啱我而家呢種心境。最文藝嘅人我認識，政治人社會賢達我都認識，萬億身家嘅老闆係我讀者，咁又點？

有閑錢餘力，不如幫多啲身邊嘅人，我成立嘅自由人獎學金已經派咗30幾萬，下一年都會繼續幫有需要嘅中大同學仔。我係呢一世都唔會再相信任何慈善機構，時窮節乃現，上年香港出現人道危機嘅時候，佢哋袖手旁觀。經濟比較差，小弟有餘力已經盡量聘請大學同路part-time intern。做呢啲小恩小惠都改變唔到我係一個仆街冚家剷嘅本質，死咗我一定落地獄，唯有盡量令自己良心好過少少，做一個善良啲啲嘅仆街冚家剷。

我人際關係亦都好撲朔迷離，整體來講都算幾多朋友，大家唔會覺得認識我係一個包袱負累，多咗人用「渾水嘅朋友」來做自我介紹

鍾意我嘅人都幾鍾意我，憎我嘅人都幾憎我，有時都憎得幾無厘頭，例如恨屋及烏，即係我識某啲人，所以佢憎我啲朋友嘅時候都會憎埋我一份。呢啲真係唔講道理，好在都係佔少數。朋友太多，呢啲我處理唔到。始終係商業世界生存，我有少少世界仔，公害唔怕講，但係私事處理盡量世故，減少參與別人恩怨。教主黃毓民食飯都咁講我：「兆祺，你搵到錢，唔好咁小寶」唔關心人哋爭執嘅來龍去脈，係保存友誼嘅最佳方法，何況我咁Q忙，都有50幾人跟我搵食，自顧不暇。能力範圍做到，我會繼續對朋友好啲。

呢一年，我更加認識我自己，搵返我自己，同埋了解我自己。

下一年，想認真做多啲運動，同埋睇返多啲書，再讀多個學位，趁我40歲移民台灣之前，盡量將香港最好嘅東西學晒過嚟。事業上繼續平穩發展，慢慢諗多啲新計劃。成日都滿腹大計，但有時未必做到，我好高騖遠，有啲計劃淨係做到一半都已經唔錯，所以有時定計劃都不妨定得比較誇張啲

2021年一定比今年更加難過，要學習愛自己多啲，唔好介意中二病，多點欣賞自己，獎勵自己

寫咗咁多嘢，係時候學下蕭若元，賣下廣告。請支持訂閱，最近我不停改進我嘅產品，新加咗好多服務，多謝貨金。我睇唔明情感消費，我淨係識商業運作，做好自己嘅產品，就係對顧客最好嘅責任

對抗霸權，比自己一個更自由嘅選擇，立即加入Mewe一齊傾偈。

Muddy Water渾水財經Channel
https://mewe.com/p/%25E6%25B8%25BE%25E6%25B0%25B4%25E8%25B2%25A1%25E7%25B6%2593channel

渾水財經Channel x Fortune Insight 獨家眾籌出版《港斃。港完：國際金融中心崩壞史》率先網上預訂：https://muddywater.fortuneinsight.com/web/

你的支持，將會在香港金融史上烙下痕跡。

至於想知多點制裁對國際金融、香港個市的影響，可以訂閱我《金融經濟精神食糧》逢一、三、四出刊登專業財金分析文章，另設特別環節：每週解答觀眾問題、100萬模擬倉投資部署和每日金融財經Podcast，幫你補補腦

https://prime.fortuneinsight.com/web/muddydirtywater

每日金融Podcast、深度金融文章、外聘國際關係專家文章內容、特選國際刊物分析、每月閲讀企劃、平民化A I大數據分析和自己人群組互動，盡在Patreon:

https://www.patreon.com/muddywaterfinance