[bfmurmur1586] (下) 第三，住址方面，大家都上過大家屋企食飯，由於我住新界，所以返工能力比任何人都強，公司喺西九龍，而且工作時間都太長，我發覺自己都幾捱得，一日來回公司同埋工作就佔我最少12個鐘(未計要OT)，佢亦試過要等我收工之後發牌氣(嗰次係我錯，因為佢等得太耐)，而佢住西九龍，公司喺佢屋企附近，搭車15分鐘左右就到，有次佢放工去我屋企食飯，唔知有意定無意，講咗一句:「好遠呀。」 我心入面其實有啲唔開心，因為我住邊唔係我出世就可以選擇，而有次佢喺我屋企訓醒之後收到公司電話要返去公司開OT做嘢，佢又講咗句:「要搭的士呀，好L貴呀。」所以之後佢都盡量少去我屋企。其實我想佢加油鼓勵我講句:「返工咁遠仲要做咁耐辛苦啦BB。」，我就會好開心…….. 第四，由於我同佢住得遠，而我亦年近30歲，有諗過同佢結婚組織家庭，股票唔係咁聽話，所以我想買樓保本之餘，又想住得近九龍(不論係近公司定係近佢屋企)，我有意無意會講買樓結婚諗法比佢知，但佢好似無乜意思想幫手比首期，亦無諗住幫手供，以我嘅能力+儲到嘅首期，我可以買500萬左右嘅樓，但自己一個供會比較吃力，而佢又有3至4萬蚊人工，要供一齊供，絕對輕鬆，但好可惜，我無諗過佢會唔出聲。其實，只要佢有心講一句想幫手，我就會好開心，層樓我會加佢名再自己供…… 第四，我地拍拖上半年，都有計劃去旅行去玩，但又遇到肺炎事件封關，邊度都去唔到，連海洋公園都關埋，所以我哋邊度都無去過，無乜特別經歷，淨係食飯睇戲每晚講電話去按下摩，但肺炎事件之後，佢就話周圍都好污髒，唔好扑嘢住啦，連錫咀都少咗……我好就佢，唔會亂咁嚟，所以咁樣嘅情況持續咗半年，直到今年年中分手，諗返起都覺得好西利，本身扑嘢次數都唔多，仲要唔扑嘢半年咁耐……而呢半年我都唔覺得有咩問題，因為我掛住做嘢，亦唔覺佢有異樣，我好相信佢，大家都唔會睇大家電話，佢可以同女仔去飲嘢食飯，有男仔喺度佢會同我講。 最後，直到今年年中，有次拖住佢隻手送佢返屋企時，佢無啦啦喊，之後同我講佢想分手，原因係我太忙，佢放假時我返工，我放假時佢又返工，成日都掛住做嘢，佢想見我時我陪佢唔到，佢處理唔到呢方面個壓力，呢樣又真係嘅，佢無講錯，本身諗住同佢傾點樣解決呢個問題，而我亦有諗過不如放過佢，等佢搵一個更好嘅男人，點知係佢出聲講分手先，我聽到分手之後都好啖定，因為我覺得呢一日始終會嚟，而佢亦問咗句:「如果到時我想搵返你，可唔可以呀?」，我內心淡定但係又嬲，當我係咩? 我似係啲溝唔到女嘅人咩屌? 但我concern嘅野係佢係咪有第2個，而佢係答無嘅，最後我地都係和平分手，但係分手幾日之後，佢就DEL哂我FACEBOOK及IG，原因係佢覺得分咗手之後，無必要再聯絡。 而我喺分手之後幾個月，一直都係工作，本來都無乜特別，但突然間有一日，我掛住佢，所以Whatsapp佢想約佢出嚟食飯見面，但佢回答已經變得冷啖，亦回答我已經有一個關心佢、鍚佢嘅人出現咗，所以拒絕咗我。 我都唔知我自己嬲乜，都分咗手啦，但我心酸，係因為分手幾個月已經變咗陌生人，然後我透過朋友得知，原來佢同佢嗰TEAM嘅男仔一齊咗，佢地一齊放假，返工放工時間一樣，無疑地佢地呢個組合拍拖上絕對比我好，而呢個男仔係會食煙飲酒(同EX當初溝我時嘅要求唔同咗嘅??)，我平時同個男仔都會打招呼 (吊，我同EX未分手前，已經知道男仔同EX都玩得埋，分手後更加玩得埋，有幾次仲比我見到佢地一齊行同埋攬頸，佢知我曾經同EX拍拖，原來已經係襟兄弟)，但唔熟，呢個男仔係我以前同EX傾電話時，EX成日屌9佢話佢痴身痴勢，又白白痴痴嗰啲，真係估唔L到，佢地一齊咗，仲要比我朋友搵到佢地咀錫咀嘅相SEND咗比我睇，我留意到EX喺張相個髮型係同我分手時留嘅，同依家我公司見到佢嘅髮型唔同，所以我都幾肯定EX同呢個男仔係同我無縫交接咁濟嘅……我已經諗咗好多嘢出嚟，唔同我扑嘢係咪出邊食飽咗??點解拍拖時喺公司附近都唔可拖手??個男仔原來儲心積累溝EX定係一直都一齊緊????我完全唔知，諗到愈來愈嬲自己…… 純粹一問，大家覺得我係咪戴咗綠帽? 我放低哂架啦，依家我已經有另一個好好嘅女朋友，人工仲高我一倍，又咗樓又買咗車，手頭現金又多，開始開始美好生活，謝謝。 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig

最近經常同麥皮妹妹👧🏻去 playgroup 試堂，等佢接觸下其他小朋友，同埋訓練下小肌肉大肌肉！ . 早幾日就去左銅鑼灣既 Witty Kids Education 慧兒教育，佢地係一間英語學習中心，適合1-9歲既小朋友！全程由外籍老師👩‍🏫教授，課堂係從遊戲中引導孩子參與，#從玩中學 等佢地不知不覺中學習到英語！ . 我地上既係 12-18m 既課堂 大致上都係玩下玩具、打招呼👋、唱hello song、唱歌🎼、學天氣、學生字、睇故事書、做勞作、唱goodbye song！ 雖然小朋友太細專力唔夠，又走黎走去，不過老師話可以由佢地自由探索，接觸唔同既物件！ . 不過麥皮妹妹可能出得街多，所以唔太怕陌生人，而且佢最鐘意同人 share 同互動，希望上 playgroup 可以令佢學到更多野啦💕 . Witty Kids Education 📍銅鑼灣軒尼詩道467-473號建德豐商業大廈603室 ☎ 67481971（可收whatsapp) . . #WittyKidsEducation #EnglishPlaygroup #FunEnglishClass #CambridgeEnglish #JollyPhonics #HappyChildrenLearnBetter #playgroupclass #麥皮妹妹 #麥皮bli爸媽

#bfmurmur1217 三年前，我喺教會先後對兩個女仔有好感，女仔A就住喺我附近，嗰陣我地差唔多日日一齊跑步，暑假每個星期一齊去飲下午茶，所有人都覺得我同佢搞緊曖昧，應該好快會開始拍拖，只有我一個係咁話我同佢單獨相處得最耐，我覺得佢唔係鐘意我。 而女仔B，我試過同佢成班人去第二個地方旅行，當時佢好照顧我，亦覺得同佢好傾得埋，好似同佢好夾。返到香港只係每星期見喺教會見一次，不過會日日whatsapp嘅關係。 ***嗰時我鐘意女仔A多過女仔B。*** 當時我聽講女仔A要搬，佢可能都唔開心，嗰幾日佢無理過我，直到過左一排，我再同佢去跑步，我地差唔多返到佢屋企嘅時候，我諗住向佢表白，不過我最後好似啞左咁無講出口。同時期我同女仔B只係普通朋友咁吹水。 過左幾個月，我約左幾個朋友去旅行，女仔A同女仔B都不約而同話想一齊去。嗰時我同女仔A負責行程，當時我開始覺得佢蠢，覺得佢煩，亦有人同我講佢壞話。但係同時又因爲之前嘅約定同佢去左睇日落。 旅行途中女仔B好似大姐姐咁照顧我地幾個男仔同女仔A，令到佢好辛苦，而我覺得佢好可憐，有衝動想保護佢。 ***依幾個月我開始鐘意女仔B多過女仔A*** 去完旅行返黎幾日，女仔B問我到底係咪鐘意佢，我考慮左一個下午之後應承左同佢拍拖。 之後佢要求我同女仔A斷絕來往，同樣地女仔A亦喺幾個月之後自動於教會消失，亦block咗我。嗰一年我雖然拍緊拖，但係一諗起就覺得我呃左女仔A，大概每個月都會頹兩三日。 我同女仔B大概拍左一年拖就分開咗，當中有少少係女仔B接受唔到我鐘意過女仔A，所以成日攞返出黎講。又因為佢覺得自己有情緒病，所以亂發我脾氣，最後佢係我同朋友去緊旅行同我講分手。 自從女仔A離開左我間教會後，我每次見到女仔A嘅情況都歷歷在目，每次都只係擦身而過。喺一年前終於有一次我鼓起勇氣截停左佢，同佢講嘢。我同咗佢講左好多嘢同好多句對唔住，我同佢講我同女仔B分開咗，佢仲叫我快啲搵過個女仔。跟住我同佢講其實我鐘意你，佢話佢知，佢仲話以為我地繼續曖昧落去會有結果。我先知道其實唔係佢蠢，佢一直俾signal我，我都唔明，仲因爲佢同我獨處嘅時候一時同我講掛住邊個，一時講未讀完書唔拍拖，一時講唔鐘意我，令到我徹底覺得佢根本唔會鐘意我。 最後我約佢話不如第日一齊跑返步，佢都話好，但係嗰晚佢send咗個whatsapp同我講佢頭先講得唔夠清楚，佢話我地唔需要再有任何交流。 我由嗰一刻就無再搵女仔A，亦無渠道搵佢，只係每次諗起佢嘅時候就落多啲街，希望撞到佢。每次見到佢就好似陌生人咁，無打招呼，亦無眼神交流，每次都只係低頭望電話，又或者㩒低把遮，唔俾我見到佢，然後默默地經過。每個月我都會諗起佢，每次撞到佢我都好開心，亦會回頭望多佢幾眼，可惜佢次次都係無回過頭望返我一眼。究竟佢個心入面係咪好憎我？我下次再撞到佢可以點做？我點先可以令佢理返我？ -- #hkig #couple #murmur