【取消分手】-一個修補愛情嘅程式(3)
.
———————————————-
(故事簡介:「我」無意中下載咗一個名為《取消分手》嘅手機程式。佢話,只要我跟住指令去做,就可以一步一步改寫分手嘅命運,同女朋友再次熱戀⋯⋯)
———————————————-
.
「對方已經完成任務。」 念恩攤咗喺床一直大...
【取消分手】-一個修補愛情嘅程式(3)
.
———————————————-
(故事簡介:「我」無意中下載咗一個名為《取消分手》嘅手機程式。佢話,只要我跟住指令去做,就可以一步一步改寫分手嘅命運,同女朋友再次熱戀⋯⋯)
———————————————-
.
「對方已經完成任務。」 念恩攤咗喺床一直大笑,好似平時煲劇咁,睇晒成個打曱甴嘅過程。
.
「邊個之前叫你咁對我,抵死 !」
.
我任務完成,佢嘅目標亦完成:分手後玩我一餐。
.
佢好耐未試過笑得咁開心,對住螢光幕傻笑咗10幾分鐘,但當監控我嘅畫面停咗落嚟,佢都收起笑容,分手呢個決定,畢竟都令佢好心痛。今晚佢本來一返到屋企就瞓上床,喊到攰為止,直至瞓著。只係呢一個App嘅出現,令我地預期嘅「分後生活」同想像中有所出入。
.
念恩冷靜落嚟,佢開始覺得呢個App有少少恐怖,點解佢可以透過手機就可以控制另一個人、作為《取消分手》專員嘅中間人又係邊個?萬一佢嘅前男朋友,即係我,完成唔到任務,又有咩後果?
.
呢一堆問題,令佢諗起之前喺網上睇過嘅一單新聞。
.
「一名女子透過手機應用程式謀殺男朋友。據報該程式用以防止戀人出軌⋯⋯」
.
念思當時好激到咁同我講:「係咪真㗎,佢話個App可以Scan男朋友嗰度⋯⋯如果發現同其他女人搞過嘢,就會即刻爆炸。我都想用呀,如果你偷食,就一嘢炸爆你,係咪聽到都覺得痛呢?」
.
「黐線!妳咪睇埋呢啲咩『大榴槤』網啦,啲文假㗎,呃你入去㗎咋。」
.
為咗令自己要狠下心腸,唔會再一次回心轉意,念思已經Block晒我電話、WhatsApp,Unfriend咗我Facebook,連Instagram都Unfollow埋。
.
唔想再見到我,唔想再同我有任何聯絡,畀自己一個新開始。
.
但結果,我哋竟然透過呢個程式繼續聯繫。
.
「輸入新任務」念恩望住呢一個選項,最後都係忍唔住手,撳咗落去⋯⋯
.
「喂!咩都冇嘅有冇搞錯呀,畀我升下Level都好吖⋯⋯又或者有啲咩『復合度1%』畀我知道咩環境都好吖⋯⋯」打完曱甴之後,我慢慢行返屋企。
.
螢幕一直維持住:「等待新任務⋯⋯」無論我撳咩掣都冇反應。
.
大街上面,一個人都冇,我突然覺得自己好白痴,點解我會信呢個世界真係有個App可以幫到我復合?根本可能只係啲無聊人整出嚟玩一啲傷心過度嘅人。
.
分手,根本冇可能改變。
.
「你有一項新通知。」灰心絕望之際,電話響咗一響。
.
當念恩望住螢光幕發呆咗15分鐘,撳咗輸入新任務之後,螢幕出現咗一句:
.
「對方每次完成任務,你皆可以選擇與對方對話。」
.
「對方手機上顯示的名字是:《取消分手》專員,並不是您本人,您的身分仍然會保密。」
.
「要與對方對話嗎?」
.
「要/輸入新任務」
.
我打開新通知,版面由「「等待新任務⋯⋯」」變返同《取消分手》專員嘅對話。
.
畫面上只係傳嚟一句:「加油。」
.
唔知點解,我覺得呢個App好有人性,突然間充滿力量。
.
「加油呀,知唔知呀:)你女朋友我會全力支持你!」念恩同我,由中七開始認識,係同班嘅中學同學。嗰一年,我哋都有同一個目標,一齊考入大學,每日放學就一齊溫書,有佢係隔籬總係覺得好有動力,每次佢同我講加油,我都會灰心絕望,變到好有力量。
.
而結果,我哋兩個人都成功入咗大學,只係佢入咗Poly,而我入咗城大。
.
明明同一個階段,但已經好似活喺兩個唔同嘅世界。
.
望到《取消分手》專員嘅加油,我打開咗念恩嘅WhatsApp對話,我同佢之間嘅回憶,就儲滿晒喺呢個小小嘅視窗。當我存有一絲希望,可以再Send一句嘢畀佢嘅時候。
.
又有另一個通知彈出:「當使用《取消分手》服務後,你不得以其他方式聯絡復合對象。」
.
第二個任務。
.
念恩終於決定到。佢諗起一個女仔,呢一個女仔曾經令我哋差啲分手。
.
「究竟佢係邊個?點解你同佢講啲嘢曖昧?」念恩拎住我部電話,好激到咁質問我。
.
「點解妳又要Check我手機?我講咗幾多次係私隱,妳可唔可以尊重下?」
.
「私隱?私隱咪係你同其他女仔Flirt囉⋯⋯你夠膽畀我睇晒你哋講啲乜丫!」
.
「夠喇⋯唔好再搶呀。」
.
念恩記得,呢一個叫Sharon嘅女仔係我同學。
.
電話又響咗一下。
.
「你有一個新任務。」
.
「同Sharon Lau講『我好愛我女朋友,我哋冇可能,以後唔好再煩我。』」
.
‘「限時:60分鐘」
.
念恩望住電話,期待任務完成一刻。
.
(待續)
—————————————————
唔好意思呀,次次都咁短,因為返工真係好忙,每日抽到一、兩個鐘打故仔,一有時間一定打長啲!至於呢個故事冇咁快完,想寫長小小。
..
*睇完跪求大家上FB: 講句「已睇」同Share,我就知道努力打文都係值得。
.
*200個Shares就會出下一篇,愈多愈好啦當然!
.
(好似好麻煩咁成日要大家Share,但你撳一撳,就係我嘅最大動力,對我好重要㗎🙏)
.
我會每晚10點度post故仔。FB有時未必會Show到去你Timeline,記得就上嚟睇啦!
.
謝謝。
.
Like FB: 莎比亞 睇下篇故事
IG: sapeiar
*八卦先好Add嘅私人Acc: sapeiar
whatsapp彈出通知畫面 在 PC3 Magazine Facebook 的最佳貼文
【WhatsApp資訊】平日我地係iPhone收到WhatsApp訊息嘅時候,可以click訊息入WhatsApp睇或者回覆,而最近,WhatsApp測試係iOS版改進通知訊息嘅顯示方式,俾大家一次過閱覽同一群組入面更多訊息。
https://pc3mag.com/whatsapp-ios-test-new-notification/
#iPhone #WhatsApp #訊息 #iOS
————————————————————
記得Follow埋小編我哋PC3嘅帳號哦
MeWe:https://bit.ly/3mvanuO
Facebook:https://bit.ly/39zmTG8
Instgram:https://bit.ly/3gZz7b2
Youtube:https://bit.ly/37mQDdG10
————————————————————
設定小編我哋PC3專頁「搶先看」!優先取得科技生活著數玩樂情報
設定教學:https://bit.ly/335Fwwp
whatsapp彈出通知畫面 在 陳煩 Facebook 的最讚貼文
【他們開始追蹤你】EP1:自殺直播
⠀⠀
在夜深人靜的火車月台,只有數個加班後拖著疲憊腳步的候車乘客,機械式地低頭滑著電話,手機螢幕在每張木無表情的臉上蒙上一層冷寂的藍光。
⠀⠀
沒有任何人留意到,有一個少女緊握著電話在月台來回踱步,她的神情呆滯,雙目無光地盯緊手機內的Instagram頁面在喃喃自語,聲音低得猶如禱告。
⠀⠀
在她的手機畫面裡,正用Instagram開啟了直播,畫面角落顯示觀看人數為「3」。
⠀⠀
「三個……仲係三個……」她的聲音乾澀沙啞。
⠀⠀
直播中有人留言道:「jm9?」
⠀⠀
才說罷,觀看人數變成了2。
⠀⠀
「我原本諗住等到有10個人先㗎,不過架車嚟緊喇……10個啫,我只係想要有10個人咋……」
⠀⠀
隆隆的火車聲從遠處一陣緊似一陣飄盪過來,月台響起毫無感情的廣播:「列車即將到達,候車乘客請勿站越黃線。The train is arriving……」
⠀⠀
少女抬頭看了一眼駛入月台的列車,然後把眼光收回螢幕上,她的嘴角微微顫動著,看不清是笑還是哭,下一秒,她握著電話縱身跳下路軌,緊接著「嘭」的一聲巨響,直播中畫面全黑,訊號就此中斷。
⠀⠀
***
【當天下午】
⠀⠀
「Hello大家好,我叫莫巧兒,大家可以叫我Monica。」
⠀⠀
在流浪貓狗領養活動上,職員叫參觀人士靠攏過來圍成一個圈,先聽簡報然後才開始正式參觀。
⠀⠀
「大家今日嚟得呢度,相信都係有愛心嘅人士,但希望大家喺領養之前,要慎重考慮清楚。喺呢度嘅貓貓狗狗大部分都係被棄養,好似嗰幾隻摺耳貓為例吖,因為網上有好多吹捧摺耳貓有幾可愛嘅Post,搞到好多人貪得意就趁墟買佢哋返屋企,唔知道佢哋天生脊椎好易有毛病,到發現醫藥費太貴就即刻遺棄佢哋,好多棄養嘅寵物都係網絡嘅受害者。」
⠀⠀
職員說得忿忿不平,好像自己也深受網絡其害一樣,說個沒完沒了,一身亮麗打扮的Yumi不耐煩地打了個長長的呵欠,逕自從手袋中摸出手機來打發時間,好不容易待那職員終於說完開場白,Yumi領著陪她來的嘉嘉來回巡視了一圈,選定了全場最可愛的那隻小貓後,便把電話遞給嘉嘉吩咐道:「一陣我抱起隻貓,你就嗱嗱聲踎低啲幫我影,記住影得我隻腳長啲呀!」
⠀⠀
「但你對貓狗啲毛敏感㗎喎,怕唔怕呀?」嘉嘉蹲下來逗弄著另一隻瞎了眼睛的貓咪,剛才所有人經過牠的籠子時,只看了一眼就抽步離開,她知道這隻貓大概不會有人領養的了,不由得對牠生了憐愛,大概在其他人眼中,Yumi就是那隻全場最可愛的貓咪,而其貌不揚的自己就跟這隻瞎眼貓咪沒甚麼分別吧。
⠀⠀
「我出門口前食咗抗敏感藥㗎喇,我咁大犧牲,你要幫我影得靚啲添呀。」Yumi說著已一把抱起那隻漂亮的小貓,純熟地擺起姿勢來。
⠀⠀
嘉嘉馬上照她的說話去辦,可是Yumi檢視相片後說:「喂呀,頭先嗰張影得我塊面好漲呀!你試下企上嗰張凳仔度幫我再高炒幾張。」
⠀⠀
體態微胖的嘉嘉聽罷又笨拙地攀上小椅子,搖搖欲墜地替抱著小貓熟練變換姿態的Yumi拍了好幾十張照片,突然她的手袋裡的電話響起,她馬上失了魂似的掏出手機走到一旁接聽。
⠀⠀
Yumi自顧自地打開美圖秀秀,手勢嫻熟地修圖──調膚色、修面形、拉長腿、推細腰──然後打開Instagram,上傳完美的自拍,打上caption:
⠀⠀
「今日Yumi去咗領養活動呀😽見到啲貓貓狗狗真係好可愛💘大家記住要領養代替購買呀!知唔知?😘」
⠀⠀
不消幾分鐘,就有一堆男粉絲留言讚美Yumi人美心善,當中有一個留言特別引起了Yumi的注意:
⠀⠀
「Yumi公主,有人偷用你啲相開咗個假account呀!🤬🖕」
⠀⠀
Yumi點進那個留言附上的IG Tag,只見是一個新開通的帳號,裡頭有十多個貼文,全都是盜用Yumi本人的照片。
⠀⠀
Yumi從手袋掏出鏡盒補妝,然後對收了線的嘉嘉說:「一陣幫我拍條IG story吖。」
⠀⠀
「吓?」嘉嘉一臉心不在焉,只顧著在手機的Uber app內召車。
⠀⠀
「有人開咗個假account冒認我,我要叫啲fans幫我report到佢封號,同埋叫佢哋試用幫我人肉搜尋呢個人出嚟。」
⠀⠀
嘉嘉聽後才終於從電話中抬起頭來:「但網上面成日都有呢啲假account㗎啦,report咗佢咪得……」
⠀⠀
Yumi白她一眼:「你識咩吖,呢啲嘢最呃到like㗎,況且得個account根本就好難搵到邊個,我想拉長件事嚟賺下engagement之嘛。」
⠀⠀
嘉嘉還想說話,但此時一個中年男子走到Yumi面前問道:「請問你係唔係Yumi?」
⠀⠀
Yumi打量了一下眼前這個留著落腮鬍的男子,濃密黑髮用髮膠梳得一絲不苟,露出飽滿的額頭,一身休閒的馬球恤底下,隱約可見練得結實的胸膛和二頭肌。
⠀⠀
「你係?」
⠀⠀
「Hi我叫Alfred,我有follow你IG,你真人同上鏡都咁靚。」Alfred說時遞上自己卡片,Yumi聞到他身上有一股細細的古龍水,一般來說,Yumi不喜歡男人塗古龍水,但不知道Alfred用的是甚麼牌子,Yumi覺得很適合他。
⠀⠀
Yumi接過卡片說道:「你係心理醫生嚟㗎?點解會嚟呢度嘅?」
⠀⠀
「心理醫生先最需要吸貓。」Alfred故作認真地說,看見Yumi被自己逗笑了,便順勢問道:「介唔介意一齊影張相?」
⠀⠀
「好呀,叫我個friend幫手揸機吖。」
⠀⠀
嘉嘉少有地推托:「Sorry我有事要──」
⠀⠀
「你係Yumi朋友?一齊嚟影啦。」Alfred笑著說,露出一口整齊潔白的牙齒。
⠀⠀
嘉嘉似乎連一秒鐘也不想再待下去,她低下頭含糊地說:「我真係要走先……」說罷就轉身離開。
⠀⠀
Yumi於是向剛才長篇大論的那位職員招手:「Hello!可唔可以幫我哋影張相?」
⠀⠀
職員有點不情願地從她手中接過電話,Yumi把頭靠在Alfred的肩上,鏡頭裡不過初次見面的二人,親暱合襯得猶像一對情侶。
⠀⠀
***
【當日晚上】
⠀⠀
Yumi把堆滿床的衣服雜物移出鏡頭外,撥好頭髮,拉低一點領口後才按下直播鍵。她手持著一本一行禪師的《與自己和解》,向粉絲介紹「愛自己」的觀念。
⠀⠀
「Hello今日嘅直播開始喇~今日Yumi要同大家分享一本好有意思嘅書,就係一行禪師嘅《與自己和解》。因為Yumi覺得呢,人只有懂得愛自己,先有能力去愛人哋──」
⠀⠀
此時電話彈出嘉嘉的電話來電,Yumi怕影響直播所以馬上拒接,沒想到嘉嘉再用Facetime打來,Yumi心想她今天怎麼這樣的不識趣,馬上又伸手按了拒接。
⠀⠀
「尤其作為女仔,外間已經有太多太多惡意喇,一時有人話你唔夠瘦,一時又有人話你醜──」
⠀⠀
電話螢幕再次彈出嘉嘉傳來的WhatsApp訊息──我有嘢要同你講──Yumi索性關上通知功能,繼續直播。
⠀⠀
待直播完結後,Yumi一邊卸妝一邊打開和嘉嘉的WhatsApp對話框,見到嘉嘉在過去的一小時瘋狂傳短訊來,全都是胡言亂語。
⠀⠀
嘉嘉:我有嘢要同你講(22:33pm)
⠀⠀
嘉嘉:十個人都冇(22:34pm)
⠀⠀
嘉嘉:就嚟無時間喇(22:35pm)
⠀⠀
嘉嘉:我想親口聽你點講(22:36pm)
⠀⠀
嘉嘉:我幫你諗咗好耐,但係我諗唔到(22:37pm)
⠀⠀
嘉嘉:夠鐘(22:39pm)
⠀⠀
Yumi完全摸不著頭腦,她放下卸妝棉馬上回電給嘉嘉,可是電話直接駁進了留言信箱。
⠀⠀
Yumi有點不耐煩地說道:「你搞咩呀?明知我每晚呢個鐘數都開直播㗎啦?差啲畀你搞亂晒……唉算啦,你而家喺邊呀?今日喺狗場奇奇怪怪咁,WhatsApp又講到一嚿嚿,係咪Kenji個死仔呀?你睇到就打返畀我啦,幾夜都得。係咁啦。」
⠀⠀
因為要到領養活動拍照而吃了抗敏感藥,Yumi今天本已覺得昏昏沉沉,直播完後倒頭就睡,半夜卻被電話鈴聲吵醒,她勉強睜開一隻眼睛,看到來電者是嘉嘉的媽媽,只好收起想罵人的衝動接聽。
⠀⠀
「喂Yumi,我係契媽,嘉嘉佢……嘉嘉跳軌自殺……」
⠀⠀
──待續──
⠀⠀
================
連載長篇故事最困難的地方是,萬一開始後讀者沒有反應,那麼接下來除了要和創作故事的過程搏鬥,還要克服那種不知寫給誰看的無力感。
⠀⠀
雖然曾經想過,要是反應不好就砍掉吧,畢竟時間心力有限,再選另一個題材去寫好了。但是想到就算只有幾十個讀者在追看,要是不寫下去,那他們豈不是浪費時間看一個爛尾的故事?
⠀⠀
所以由6年前開始連載第一個故事至今,只要起了個頭的,不管有多少人看,我都堅持要把整個故事寫完,因此也更加感謝每個從頭到尾都陪著我完成故事的讀者。(虛擬跪謝)
⠀⠀
這個正在Patreon獨家連載的懸疑故事,現時只有幾十個讀者訂閱了,雖然無論如何我都會完成連載的,但也希望得到你們的支持: https://www.patreon.com/chanfan
⠀⠀
P.S. 要是不能付費訂閱也不用勉強,這裡還是會有其他免費故事及文章供應~
MeWe:https://mewe.com/p/chanfanwriting
IG:https://www.instagram.com/annoyingchan
FB: 陳煩