【龔成問答信箱】（Q22421-Q22440）

Q22421：

龔成老師:澳門現時情況一般般，疫情遙遙無期，很難重拾過往輝煌，加上賭牌及中國監管，請問金沙$31蚊買入)還值得持有嗎?還是優質股嗎？

身邊朋友依靠程式買幣，炒細價股，都有十分不錯的回報，只有我每月出糧以部份資金儲貨，分別是:

823 $74 20%
1038 $45 15%
66 $44 15%
1398 $4.55 15%
1928 $31 20%
3067 $17 15%

看似投資有質素的股票, 結果還是蝕了不少，長遠真的是可以財富增值嗎?

龔成老師︰

好多事情，唔好只睇表面，你要了解事情本身存在風險，和其長線發展的情況。正如2003年香港樓，大部分人都認為無得玩，死得。買左樓的大部分人都後悔，但中短期過後，人人都話「如果我當年在沙士價買到就好了」，這就是散戶思維，我希望你不是這樣。

以往我做證券行，只過唔少人短炒有時會賺到錢，但最終絕大部都係倒輸，只有長線投資一群才嬴。

其實你想變有錢人，你就應該睇下真正有錢人的做法。你見巴菲特靠投資致富，但佢從來都唔短炒，只會長線持有一些優質股，就令財富累積起來。

所以，長線持有優質股，永遠都係最好做法。

你要記住，投資係一個長線計劃，所以不用太理會短期的股價，以及企業的短期問題。你所選的都是有長期投資價值的股票，照持有就可以。

但要留意一點，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

部分股略超左標，但由於超標不多，你可以用未來資金，慢慢去修正翻佢個比例就可以。

------------------------------------------------

Q22422：

龔sir 你好，我上年財務自由辭了職。雖衣食無憂但感到十分迷惘和失去方向，覺得自己已經停滯不前，每天只是家務運動看書看新聞沒有什麼突破；

另一方面感到非常不安，我的投資真的穩健嗎？股災來臨我能應付嗎？萬一血本無歸後我還能工作嗎？

早前更因為處理壓力不當沉迷打機煲劇，雖然暫時控制了惡習，但我覺得我需要尋求協助了。想請教龔sir，財務自由後應該如何生活，可以分享一下你的經驗嗎？

你是如何維持拼勁和熱情的？你的一天又是如何過呢？懇請指教

龔成老師︰

我講下自己。

雖然我可以財務自由，但我依然熱愛現時工作，所以我生活還很充實，除了工作教班、寫書、覆INBOX、出FB文章等。有時間，我會睇書增進知識，或者睇年報，去分析企業，同埋會做下運動。

我開心，同時認為對社會有貢獻。加上我仍有不同的目標。

其實你從全職變成退休狀態，係要時間適應。過去可能你係為工作而活，現在可以為自己而活，你可以諗下一些未實現的事情。

例如，一些係你以往想學想做，現在就可以實行。另外，你有更多時間做運動，可以為自己定下鍛鍊計劃，提升身體水平。

再有時間，你可以找一些義務工作，去回饋社會。

其實財務自由後，有好多事情都可以做，最重要係找到你所想做的事情，拼勁和熱情就自然會來。

------------------------------------------------

Q22423：

你好呀sir，本人近30歲，未婚，無物業，有計劃黎緊一兩年結婚/置業。

現月入$29000（已扣MPF），可供衡常投資金額約$11000，還有其它投資標的，如月供美股，以及每月保留現金（$5000）用於聯名戶口作緊急基金或將來結婚/置業支出。

有關港股月供股票想請教下，唔該呀sir

以下是我本人的月供股票組合

整個股票投資組合金額：$11000

快速增長 - 潛力股（$2000）

醫藥股 藥明生物（2269）$1000
汽車股 比亞迪（1211）$1000

平穩發展 - 增長股（$4000）

科網股 阿里（9988）$1000/小米（1810）$1000/騰訊（700）$1000
內險股 中國平安（2318）$1000

收息資產 - 收息股（$5000）

地產股 新鴻基地產（016）$500/長實集團（1113）$500/領展（823）$500
金融股 港交所（388）$1000/友邦保險（1299）$500
指數基金 盈富基金（2800）$500
內銀股 建設銀行（939）$500
澳門博彩股 銀河娛樂（027）$500
公用股 中華煤氣（003）$500

1. 有感以上月供組合過於分散，可否建議刪減邊隻股票，或更改那些月供港股？

2. 有感港股的市況不明朗，會否現時選擇暫停月供港股，保留現金作月供ETF/備用？

3. 如以7:3（潛力增長股：收息股）分配月供股票，請問有沒有好建議？

謝謝呀sir無私的解答

龔成老師︰

1) 你選股數量太多，最多5-10隻左右好了。一來會較易定期管理，二來你可以減低左個股月供費用成本比例。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你30歲，應以增值為主，建議你用「平穏增長股」(2318,0016,1113,0823,1299,0027,0003) + 「潛力股」(2269,1211,9988,1810,0700,0388)作組合，去創造一個增值平台。

「收息股」(0939)你就暫時唔好供住，因為佢地增長力好弱，只係用來收下息，唔適合你年紀。

我建議你，最好每個行業，選擇一間。另外，我幫你調整左個月供金額，你可以作為參考，每月餘下儲蓄就等大跌市，才動用。

「潛力股」
醫藥股 藥明生物（2269）- 這股不確定性高，不宜月供。可以考慮用中生(1177)代替 - $1000
汽車股 比亞迪（1211)，現時價格偏貴，要回到$180左右，才可以月共。你可以用ＧＸ中國電車ETF（2845）去作替代 - $1000
科網股 阿里（9988）$1000/小米（1810）$1000/騰訊（700），選其中一隻或用安碩恒生科技(3067)/代替 - $1000
金融股 港交所（388）- $1000

「平穏增長股」
保險股 中國平安（2318）/友邦保險（1299）選其中一隻 - $1000
地產股 新鴻基地產（016）$500/長實集團（1113）$500/領展（823）選其中一隻- $1000
指數基金 盈富基金（2800）$3000
澳門博彩股 銀河娛樂（027）$1000
公用股 中華煤氣（003）$1000

2) 我地投資係唔會"估"走勢，我地只會用平貴，去定入市策略。現時大市在合理水平，我地係無需要去停止月供。

因為月供係一個長線計劃，透過平均格價買入法，去拉平衡你個成本。如果你隨意去變動，好易破壞左個效果，影響長線回報。

如果你係初學者，未識定平貴，我建議你一直不理價格照供。除非你自問有充足投資經驗，你才可以考慮在大市明顯貴時，調整供款，甚至停供。

以現時市況，你每月保留$5000作備用，如果出現大跌市，你可以考慮用這部份資金入市掃平貨。

3) 以你年紀，大約「平穏增長股」和「潛力股」各一半，但若你投資經驗較弱，「潛力股」比重可以下調少少。

------------------------------------------------

Q22424：

老師，您好。我系由朋友極力推介之下開始睇你著作及fb專業的。

我做咗全職主婦10多年，育有一對仔女，全家收入盡在爸爸一人負責，眼見當下經濟負擔非常吃力，很渴望能有機會脱貧，望老師指點！衷心感謝。

爸爸月入2萬多，一家四口已啱啱夠糊口，儲蓄已經不用多說。

請教一下，我結婚時有些金器，如果賣哂套現投資股票(估計有3幾萬而已)，不知這想法可行嗎？望能指點，謝謝感激！！

龔成老師︰

首先，你要明白我地做財富增值，就係透過持有一些優質資產(如物業、優質股等)，讓其自然成長，去達至財富增值目的，所以成件事一定係長線。

你唔好預投資，可以為你短期財務造成任何改變。但只要持之以恆，長線一定會累積到一筆唔錯回報。

黃金是貴金屬，有「終極貨幣」之稱，是人類自古以來的貨幣，因此，有持有價值，而現時我地的現金，一定長期貶值，所以黃金長期會向上。

不過，黃金沒有現金流，持有無法創造出經濟價值，其主要作用是對沖黑天鵝事件。

所以，你可以持有黃金，但不用佔財富比例太多(<3%)，而且持有的應該為實金。但由於你那些是結婚金器，有紀念價值，所以不必跟我3%標準，可以自行衡量是否保留。

其實3幾萬，對你長線投資幫助係有，但唔算好大。反而你要想辦法，在生活上盡量開源節流。如果開支無法減少，你就要睇下點增加收入。

例如開網店、做兼職等，目的係希望每月都可以儲到一定資金，去定停進行財富增值。

當你能做到每月空出一定資金，就可以用月供模式，去累積優質股。

月供目標以增值為主，建議你用「平穏增長股」 + 「潛力股」作組合，去創造一個增值平台。若你偏年青，2者佔比大約一半。若你較近中年，就要進一步下調潛力股比例，因為佢風險較大。

你每月先用5成儲蓄做月供。其餘先儲起，用一邊月供一邊儲蓄的策略。

若你每月可用資金不多，可以先集中係指數基金，以免個股月供費用成本，佔比太重。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q22425：

龔成 你好呀 我搭入30歲，近期先留意到你既分享 對你既投資心得，好有興趣 想問下你既意見

我做緊一份有4XXXX人工既工作，不過大約有1XXXX會俾屋企人

平時都會自己記錄洗左幾多錢，己經紀錄左好幾年，設定左每月最少會儲$10000，計算下平均每個月都可以$12000-15000既儲蓄

依加我有大約60萬港幣現金，另外仲大約2XXXX既澳幣現金。澳幣係做左好多年定期 慢慢累積番黎。因為以前黎講做定期 息口仲好D 一直都keep住做

依加息口好低 暫時放左係銀行 未有計劃有咩投資。

我既計劃 其實想係香港置業 自己同屋企人一齊住港島，最理想係可以係番港島置業 希望可以買到大約400尺既單位。

依加平均尺價都要10000-20000 即係大約400-800萬。不過我既資金增長 應該唔能夠追得上樓價 有咩方法。可以係5年之內 做到我既目標？

有咩書/野 可以建議我睇 增長下基本知識

龔成老師︰

以你情況，可以投資一些有增長力優質股，去累積置業資金。

定期這類定息產品，無增長力，只係純收息，不太適合。而外幣，除非你有實際用途，否則你換回港元去投資，咁會較好。

投資增值方面，你可以選擇一些「平穩增值股」+「潛力股」，比例大約各一半。如果你投資經驗較淺，潛力股要再調低少少。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄(大約$7500)，另一半就先儲起架策略。

現時大市只是合理區，你現有60萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

我假設投資回報有10%（連股息再投資），你每月投資$15000 + 現金60萬，5年後大約會增值至200萬，相信對你置業有一定幫助。

但想提多你一點，係我地配置財富組合時，除了質素外，平衡性都好重要。

所以，你係置業同時，最好都留有一定優質股係手，以免成個組合偏重左係物業類，而造成過度集中性風險。

------------------------------------------------

Q22426：

hello老師。我係您既學生。請問下點解之前股市跌成咁。您如何睇是否係入市時機？謝謝

龔成老師︰

由於中央出了不少新政策，當中包括大型企業、科技、教育、醫藥等範疇，令不少企業營運風險高左。

而且，中國擬對在美上市中國企業加強監管，都令市場氣氛進一步轉差。

但我地做財富增值，只會用企業長線質素作考慮，只要這些政策對企業長線本質，無造成明顯負面影響。你要小心分析，政策對該企業，3年後是否仍影響，還是只是一些表面因素？

這種跌市，反而造就我會入市機會。

------------------------------------------------

Q22427：

Hello 龔成，over over，第一次pm 你，因為有啲驚驚

應該點部署？尤其是2100 loss咗一半

百奧家庭互動2100 $2.3入 78000股 on 16Apr2021 Now 1.07

大唐發電991 $1.22入 76000股 on 16Mar2021 Now. 1.13

另外：中銀3988 5.2入 42000股 on Sep2015 $2.89出32000股 on 17 Mar 2021，之後轉左［2100:百奧家庭互動］，Now 仲有10000股中銀.

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

百奧家庭互動（2100）是中國兒童網頁遊戲開發商，透過旗下門戶網站１００ｂｔ﹒ｃｏｍ開發與運作的虛擬世界為用戶提供在線互動娛樂和學習。

佢收入主要來自出售遊戲相關的虛擬物品及服務、為用戶提供高級功能的會員訂購費、廣告收入，及授權使用集團的專屬卡通形象所得的收入。

騰訊入股會提高發展力，長遠正面的。但你買入價有點高。你預佢有機會上落較大，若你佔你組很大比重，最好將部份換碼至其他優質股，去平衡風險。

大唐發電(0991)質素較一般，盈利都幾波動，而且賺錢能力唔強，同樣只宜小注。若持有較多，最好將部份換碼。

中行（3988）有投資價值，由於內地經濟無過往年代咁強，股價無過往咁好，由中美貿易戰開始，中國的經濟動力已有所減少，加上最近的疫情，都是影響經濟的因素。不過，初步已好轉，但不是高增長型。

這股主要係收息，但就唔好對股價有太大期望。若你係中年至退休人士，這股可以。但如果你係偏年青，就應該投資一些增長力較好股票，中行這類收息股，未必太適合。

------------------------------------------------

Q22428：

你好，龔sir

1.想問下手揸3690，但已蝕左三分一價錢。應唔應該止蝕？但我見佢其實係優質股，係咪應該等佢沉澱左大陸既政策先，再等佢慢慢上？主要係睇佢中長線

2.想問下1024快手算唔算係優質股？有2手係$193買左，想知應唔應該止蝕？因為1024既對手係抖音，相對之下會唔會輸蝕？定我應該等到佢2022年業務穩定先？

本身係短炒，點知係高位買入！

3.已經將儲蓄既3分2投放左係股票市場，所以比較擔心以上既股票

感謝回答

龔成老師︰

1) 當你已持有一隻股票，買入價已經唔係一個重點考慮因素。你應該分析佢企業本質，係唔係值得長線持有。

美團點評（3690）有潛力的，過往一直虧損，到近一年，開始有正現金流，這是一個實質的利好因素，因為之前一直在燒銀紙，現時初步見到成效，不過，估值的方法好虛無，因為現時的市盈率仍過百倍。

如果有利好消息，佢可以上好多，但如果估值修正，股價可大跌。

只可以話，此股潛力是有，但不確定性都大，故一定不能大注。若佢佔你組合比例不高，可以守。

2) 你先要明白一點，我地投資股票，其實等同投資一間企業。希望透過其自然增長，以達至財富增值的目的。

所以，我地投資一定係長線，而唔係短期炒賣，去賺差價。

快手（1024）係全球數一數二大的直播平台，絕對是一隻優質股，有獨特性，有客戶群，有潛力，長遠的發展力正面。這股有長線投資價值。

快手與業務夥伴合作提供了一系列產品和服務，於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等。

快手科技已建立了穩定的用戶，在全球已佔據了重要的位置，企業有一定的優勢，以及獨特地位。加上用戶仍在快速增長，以及增長趨勢仍持續，預期有一定的發展。

雖然這刻盈利不多，甚至因加強發展業務而出現虧損，但這類股的分析特點是將來，等之後的收成期。

由於已擁有一定的優勢，以及仍增長中，企業要將用戶化成現金並不困難，只是時間問題，以及多少問題，預期2022年盈利模式已穩定，同時有一定的盈利。

雖然市場有不少競爭者，如抖音等。但此企業有質素，相信長線發展都係正面。除非2手佔你組合好大比重，否則長線持有，就可以。

3) 現時大市在合理區，你股票和現金比例，係可以。你只要確定持股，係有長線投資價值，中短期波動可以唔洗理。

持股當中，有無一些股票，係佔組合比重過高(特別係一些不確定性高的股票)，就要調整。個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

之後，一直長線持有就可以。

------------------------------------------------

Q22429：

老師，阿里健康$18.5和平安好醫生$110各兩手，可以長持三年以上嗎？還是止蝕離場會較好

因為看這兩隻股票最近一個月跌幅比較大，唔知道應該繼續持有定係點好，謝謝

龔成老師：

其實這兩股，長遠業務有發展。但要注意幾個風險，第一，難估值，這令到佢由高位回落不少，就是之前貴。第二，業務變化大，投資這類股，要預左大上大落，因此，不宜持有太多，如果你太集中在這行業，會在一定的風險。第三，政策相關風險。

如果你持貨，要減。但如果不多，可守，但要預佢會較波動，要耐心先守得到。

阿里健康（0241）這是潛力股，佢營運醫藥電商、互聯網醫療等業務。

「醫藥電商業務」，這業務主要有兩種業務模式，由自營電商和天貓代運營，涉及非處方藥品、醫療器械、計生用品等。

另外，就是「互聯網醫療業務」，阿里健康與國內多家二三級醫院建立合作關係，患者可以通過阿裡健康、支付寶等平台，做到線上掛號、問診、諮詢用藥等等的服務。

阿里健康利用醫療AI系統「DoctorYou」去進行營運，該系統包括臨床醫學科研診斷平臺、醫療輔助檢測引擎、醫師能力培訓系統等，輔助醫生睇病。

業務上，有好大的潛力，不過，本質波動，股價上落大，消息多，市場炒作多，這類股風險都不少。最大問題是無人能正確估值，市場現時只是估估下，推將唔到佢將來的價值。

這類股只建議小注持有，但你預佢股價上落大。

平安好醫生（1833）長遠有發展力。

佢係中國領先的一站式醫療健康系統平台，透過「移動醫療+AI」，為每個家庭提供一位家庭醫生，為每個人提供一份電子健康檔案、一個健康管理計畫。

平安好醫生係中國互聯網醫療健康市場的先行者，以平均月活躍客戶，以及在線諮詢量計，是中國最大規模的互聯網醫療健康平台。

企業的業務有潛力，本身有優勢，大環境的配合，都成了這企業的機遇，前景正面，不過財務數據未算好理想。

雖然長遠的企業價值向上，但股價在中短期，可以十分波動，因為市場以「前景」作估值，故此變化必然很大。好難得出平貴的準確數，只能估估下，作參考。

因此，低風險者未必適合投資，若投資者考慮這股，亦不能大注投資，買入後就耐心長線持有，等待這企業改變整個行業的情況，現價算合理區中間至上部。

------------------------------------------------

Q22430：

龔Sir早晨，銀行向我sell一種產品，係向銀行借9成，例如270萬，利息係P-3，即現在係2厘，而自己攞30萬出嚟，合共300萬，每年保證有3.3厘收益，五年期滿，即是賺息差，係向太平保險買的。請問這類產品買得過嗎？謝謝老師

龔成老師：

風險度為中等，都可考慮，但要記住，不是無風險的，第一，如果外圍加息，P增加，你有可能息差變負數，你會得不償失。第二，如果你中途要賣出，可能要有損失。

------------------------------------------------

Q22431：

老師，我想問2878晶門半導體前景，是否為潛力股？上升空間如何？

2878是否比中芯國際更有值博率？

龔成老師：

中芯國際（0981）以平貴度來說，比晶門半導體（2878）貴，不過，中芯國際始終質素較好，應該先考慮這間。

先講晶門半導體，係一間無晶圓廠半導體公司，主要從事設計、開發及銷售專有集成電路晶片產品及系統解決方案業務。

佢的產品及方案可供應用於智能手機、平板電腦、電視╱顯示器、筆記本電腦以及其他智能產品。

雖然都有一定的生意，但多年來都出現虧損，到近年才算好轉。行業需求對佢是利好的。

這企業質素未算好高，因為技術未算好強，加上近期股價上升了不少，值博率只是一般。但如果可承受風險，這類股不是不能小注，但如果是穩健型，就不應投資這股。

中芯國際（0981）業務有增長力，但未必能稱為好優質的股。

睇翻佢過往的業務情況，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。

雖然這股都有前景，但以佢面對的情況，但好難將佢定義為最優質的股票。

加上此股近年升了不少，就算有所回落都唔算平，加上之前熱炒過，股價大上大落，投資要注意風險。這股唔建議大注，回翻D較合理。

------------------------------------------------

Q22432：

老師。1）中通快遞暫時唔好再加注我知道呀，上次問你時你都有提醒，咁需唔需要賣出呢？選其他股票更好？

2）明白，之後現金充裕或大跌市出現，平均買入水桶1和2的股票

3）明白3718現價可以加小小注，另外3067值博率算較高

另外，老師請問一下，我有渣打銀行股票戶口，之前問過職員不可做月供股票，但其實我係咪可以自己手動月供？

因為在買股票時，可選購入股數/金額，我自己入金額果欄，$2000/$3000就可以，就會自動買入碎股，然後我每月固定日子，自己買一次，就做到月供？

龔成老師︰

1) 中通快遞(2057)現貨照長線持有，不用沽出。

2) 無錯，緊記成個組合，唔好只理增長，我都都要照顧埋個平衡性。

3) 正確

至於月供，簡單來說，月供股票就是你每月將現金，買入某一隻或多隻股票，慢慢咁樣儲貨。

月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣，去減低價格波動的風險。

其實一手手買都可以做到以上效果，你現金只要平均地慢慢投入股市(如保持住每月定額買一手)就可以。2個方法都可以，一手手買更節省了銀行月供收費，但你必需確保自已可以有自律性地進行。

但如果跟你計劃，自行儲碎股有2個問題。首先，好多時係銀行買賣碎股，都會跟買賣1手正股，收一樣收費。計翻埋，其實你這個方法的費用成本佔投資金額比例+好重。

第二，部份銀行買賣碎股，唔係可以好似平時1手手咁係網上買賣，可能要找專人處理，比較麻煩。

其實你可以唔每個月做買賣，拉長少少，每3個先入完整1手，咁都可以做到平均價格風險的效果。

------------------------------------------------

Q22433：

龔sir你好啊 想請問01255同01919是否應該繼續持有

01255 12.78買入
01919 14.7買入

最近都跌了不少，合理價錢應該是多少 感謝你～

龔成老師︰

任何股票，都會出現中短期波動。只要佢當中核心質素無變，依然係有質素，我地就可以照持有。

ＴＡＴＡ健康(1255)從事銷售鞋類產品；提供金融服務，包括證券的顧問服務，投資管理服務和企業融資的顧問服務；銷售保健品及奶粉；以及線上醫療服務。

現時收入，絕大部份來自銷售鞋類分部。集團所銷售的鞋類產品品牌包括Ｃｌａｒｋｓ、Ｊｏｓｅｆ　Ｓｅｉｂｅｌ、Ｔｈｅ　Ｆｌｅｘｘ和Ｐｅｔｉｔｅ　Ｊｏｌｉｅ。

此股多年出現虧損，睇唔到明顯的投資價值，沽出較好。

中遠海控（1919）主要從事提供集裝箱航運、集裝箱碼頭管理與經營服務。

整體的質素算是不過不失，雖然在行業有一定的規模與優勢，但行業整體的賺錢能力無過往咁強。

經濟好轉會對佢有利，因為始終是對經濟較敏感的行業，現時的股價已反映相關利好因素。股價大升後，其後之後較難有高增長，因為已反映了利好因素，反而預佢之後轉為平穩增長。

現價略貴，回1成左右，會合理翻d。持股都有投資價值，可持巿。

------------------------------------------------

Q22434：

多謝之前回覆。持貨比例我古應該都是幾個%左右。。。本身我都只有500股恆汽。我倉比較重既都係 1810，9988，3067，5，11這些穩重既股票941，916 ，823就大概十零個％左右

恆汽，還有些聽人講無潛力既股（後悔當時未接觸龔老師）都只是倉比例2至5%。恆大系當中，恆汽好似比較易反彈

老師，你簡直係我恩人，响危急關頭你咁快覆我，好感動

龔成老師︰

唔好客氣!

如果恆大汽車(0708)只係佔你組合2-5%，勉強可以守。但你要記住，佢而家係一架車都未生產過，所有市值都係建基於"前景"2個字。

所以，你預佢一定會好波動。佢升架時候，可以升好多。但大市氣氛較弱，或者有壞消息，都可以跌得好勁，你要明白這股很高風險。

至於其他恆大系，好似恒大物業（6666）其實都有質素，有長線投資價值。

但受母企3333影響，風險高左，現價合理，但要控制注碼。

而母企恆大(3333)本身，負債很重，加上近期很多大利因素。無貨的話，就唔建議投資住。

另外，以你年紀匯控(0005)和恆生(0011)、中移動(0941)這類收息股，唔需要有太多，應較集中在增長股上。

但由於你已經有不少潛力股(1810, 9988, 3067)，未來方向，可以加大平穏增長股數量，去令組合更平衡。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

------------------------------------------------

Q22435：

呀sir 我之前同你講過有呢隻股(0698通達集團)

我平均$1有兩手，但而家咁樣我唔知點算好，一直想等返家鄉就走。但而家供股我唔識唔明，係未要再比錢？定係我d錢到扣？我係未止蝕走左好啲？

唔該呀sir幫幫我

龔成老師︰

正如之前所講，通達集團（0698）唔係劣質股，但整體質素只算是不過不失。

佢主要從事電器產品（包括手機、手提電腦及其他電器產品）零部件生產；為電子產品及電器提供金屬外殼及其他五金部件；及提供塑膠機頂盒及生產體育產品。

現價回落不少，已經算係偏平水平。但由於質素唔係咁高，只宜小注。

佢現時宣布2供1，意思係每持有2股的股東，就有權用作價$0.232，去供1股。如果你供的話，以你2手計，就要比$4640，之後你就會由20000股，變左有30000股。

當然，你有權唔去供，咁就唔需要額外出錢，照維持現有20000股。但由於市場在供股後，總發行股數多左，令每股可佔盈利下跌。

對不供股的股東，係不利。所以，你成日會聽到人講，供股供又死，唔供又死，就係這個意思。

此股畢竟質素較弱，我比較唔建議你再供，將供股權賣出，雖然會比人攤薄左將來利潤，但都無法子。現貨方面，你照持有就可以。

------------------------------------------------

Q22436：

你好，我都想報你的課程，但因為我住澳門，現在不能過香港。

希望你能過嚟澳門，我的兒子在香港，他報了你的課程，我每天都看你的Facebook

是的，你說得對，我的問題真是很大，心理質素好差。10幾年前投資港股輸了很多錢(幾百萬），從此不敢沾手，幾個月前開始看你Facebook，才敢買返。

No.1177$7.65是合理價嗎
多謝龔sir

龔成老師︰

其實我之前都有開過澳門班的，不過現時疫情，所以暫時停左，之後會再開翻的。

你或者可以預早留位，只要whatsapp 852-55457212我同事講，打「留位澳門班」就得。我地有具體資料就會 whatsapp你。

因為現時已有好多澳門人留左位。

在你全力重新投資前，你要先了解清楚，過往失敗的原因。

雖然而家你上唔到我堂，但你可以買《80後百萬富翁》、《財務自由行》和《股票勝經》睇住先。

這幾本書，我通常用來推介比初學者。希望我這幾本書內容，可以幫你找到過往投資失利的答案。

中生(1177)現價算合理區上部，近期受大市氣氛和中央政策影響，令佢有較大回調。但長線質素依然存在，現貨可持有，但你預佢中短期都會較波動。

我強烈建議你，在找到過往投資失利原因和學好正確投資方法前，唔好投資住。就算好想入貨，都係好小小注好了，這對你會較好。

------------------------------------------------

Q22437：

其實快手真的那麼差，我186有貨，是否已到入貨時機。

老師，如果李寧96入左，係唔係好大鑊，有無機會返家鄉其實我在李寧賺了好少，

只係果日見中國玻璃賺了三干，便以為轉去李寧穩陣，結果一直跌下去

龔成老師︰

快手(1024)不是劣質，但最大問題是貴，所以向下，加上近期大市氣氛和中央政策風險，令股價較為波動。若你持貨不多，係可以守。

現價只算係合理區頂，加上此股都有一定風險度，若你持貨已佔組合一定比例(大約可佔組合5-10%)，就算再平，都暫時不要加注。

李寧（2331）有質素，佢係中國領先的體育品牌企業之一，擁有品牌行銷、研發、設計、製造、經銷及零售能力。

產品主要包括運動及休閒鞋類、服裝、配件和器材系列。主要採用外包生產和特許分銷商模式，已於中國建立龐大的供應鏈管理體系以及分銷和零售網絡

亦自行經營李寧牌零售店，李寧牌產品的主要銷售渠道為特許經銷，亦通過直接經營之零售店舖進行銷售。

增長力不差，這股可長線。不過現價好貴，如果本身持有無問題，但要回到你買入價，你預當成個大環境和經濟，明顯轉好，或者佢賺錢能力大升，才有機會。

中國玻璃（3300）未到好高質，盈利有點不穩。從質素上分析，你換至李寧係正確做法。

記住，我地投資重點係"優質股"、"長線持有"、"定平貴，在合理價時，分注入貨"。只要你做到這幾點，長線回報唔會太差。

------------------------------------------------

Q22438：

老師你好，我好想做有錢人，所以我今天一直忍，一直管好理財，一直慳，我想將來過得比人舒服。好想聽你意見，你的意見一定是最平實穩重，聽你的點評會令我更有動力。

27歲，每月草20000。

1）現在的股票和現金比例好不好：
285@38
823@70
1177@7
1211$45
1810@23
2013@11
2800@26
2823@13

2）從未賣出過股票，但我想知這些股票的買入價好不好，在將來的值博率高不高。

3）在財務上，我有沒有地方可以做得更好，分配得更好，想累積更大財富，想聽你意見。

追蹤你4年，你幫左我好多，多謝你

龔成老師︰

多謝你一直支持!

1) 現時大市在合理區，你現金和股票比例，好理想。

2) 你這些持股，都係有質素，同時都適合你年紀。買入價都在合理區，都有一定值博率，你照長線持有，就可以。

比例上，你潛力股(0285, 1211, 2823, 1810, 1177, 2013)稍稍多於平穏增長股(0823, 2800)，由於你年青，所以無問題。

但將來再有新投資，就要留意，唔好再出潛力股比重上升，否則風險度就會偏高。

3) 除了以上持股，你可以用每月儲的2萬蚊，進行月供股票，去提升你財富增值能力。

策略上，你可以投資「平穏增長股」和「潛力股」。你每月5成儲蓄，即是用$10000做月供。其餘先儲起，用一邊月供一邊儲蓄的策略。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

餘下的另一半現金，就連同現有現金去等機會。當大市出現較大回調，就加大力度掃貨，然後作長線投資。

------------------------------------------------

Q22439：

老師，阿里巴巴點睇丫？我2百蚊入左，應唔應該再加柱大手買入呢？我覺得佢應該唔止呢個價。佢估價值幾多錢呢？

龔成老師︰

我唔會定個將來目標價，只要佢優質度不變，我就會一直持有。

阿里巴巴(9988)近期回落不少，算係合理區中，未算好平，不宜大手入貨。

但若果你係無貨，或者持貨不多，現價加注或入首注，係可以。

佢有質素，中短期一般，但長遠仍有增長力，之前貴，現價去翻合理區。

係業務層面，擁有相當的優勢，不少業務處於壟斷狀態，同時增長理想。加上正不斷發展延伸業務，這都會成為企業增長的潛力，預期增長會持續，這是阿里最大的賣點。

以企業的長期發展計，這股的確優質，但股價都有一定的波動，現價算是合理翻D，但都不是大手時候。

始終將面對內地監管可能收緊，因此風險度增加左，不過，我相信佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

對於這類優質、有發展，但現價未算特別平的股票，是較好的方法，算是平衡了風險與增長的考慮。這股可以長線投資的。預佢現價約合理區中間。

------------------------------------------------

Q22440：

龔成老師， 請問3918用呢五年嘅數據黎計 合理區大概5.6到11.2左右正確嗎？

老師請問本益比算唔算係計平貴嘅其中一個方法@.@

老師用市帳率計更正是5.6-8.0 求證

龔成老師︰

金界控股(3918)你個估值闊左少少，你現價合理區中下部至底。

至於本益比(即市盈率)和市帳率，都係其中一些較常用的估值方法。

但唔係每種企業，都適用。你要睇翻企業和行業本身特性，才決定用邊種，或者邊幾種估值方法，去進行估值。

如果有上過我堂的同學，都會掌握到這些技巧。如果你唔係太理解，我唔建議你亂用，因為用錯方法估算出來價值，可以會有很大落差。

在未掌握好估值前，若想投資，可以用分注或月供模式，去平衡買貴風險，咁會較安全。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【網絡安全】今時今日，用任何通訊程式最緊要係安全，不過Facebook旗下嘅Messenger同Instagram，最快要到下年先有點對點加密服務。
https://pc3mag.com/messenger-ig-dm-e2ee-2022/
#Messenger #Ig #點對點加密 #安全
————————————————————
記得Follow埋小編我哋PC3嘅帳號哦
MeWe:https://bit.ly/3mvanuO​
Facebook:https://bit.ly/39zmTG8
Instgram:https://bit.ly/3gZz7b2​
Youtube:https://bit.ly/37mQDdG10
————————————————————​
設定小編我哋PC3專頁「搶先看」！優先取得科技生活著數玩樂情報​
設定教學：https://bit.ly/335Fwwp

【#沈旭暉隨緣家書】「林鄭三大戰役」之後：敘利亞化的香港少數派政府，真能管下去？

香港主權移交以來，雖然特區政府施政一直有種種問題，但特首民望下跌至破歷史紀錄的20%以下，而且持續漫長時間，這是由林鄭月娥這個連周永新教授也稱之為「無能、無信、無德」的極左政權開始，彭博社更有文章以「failed state」形容香港。

不少建制精英在私人場合，儘管把林鄭罵得狗血淋頭，但依然相信現制度能苟延殘喘，認為只要2022年換上一個「正常啲」、「無咁癲」的特首，又可以享有一段蜜月期，就像曾蔭權任內初年，也享有超過70%的高民望；就算是林鄭月娥剛取代梁振英時，也算一度穩住局面。這些朋友又深信，就算特區政府民望多低，「反對派」還不是無能為力：從「送中條例」、「止暴制亂」、「同心抗(擴)疫」這三場林鄭「群眾鬥群眾」「三大戰役」可見，只要政府老是顧全政治正確、而犧牲港人利益，豁出去行極左路線，香港人就是文攻武衛國際本土萬箭齊發，「咁你都吹佢唔漲㗎」。

以上都是真實對白。一年前，這樣說，也許是事實。然而經過「三大戰役」，一切天翻地覆，今後這個「管治模式」，已「肯肯定」不能永續。為什麼？

一、 根據《基本法》原有設計，特首應超然於黨派利益之上，因此才不得有政黨背景（也許共產黨除外），擁有和不同勢力周旋的彈性，民望高時可以比所有政黨都高。但自從「三大戰役」，林鄭綑綁全體建制派支持、卻遭遇滑鐵盧，在廣大市民心目中，「特首+建制派」，已經成為一個單一政黨——一個只代表少數派利益的政黨。

以往建制派可以通過區議會的蛇齋餅粽，宣傳自己才是多數派，立法會的直選部份只是「protest vote」，但經過上次區議會選舉，建制派已成為全方位少數派，不見得未來可以逆轉。在過去22年，經過威逼利誘、滲透同化，非建制派的民意，始終固化在60%以上，本來他們自稱「泛民主派」，只以爭取民主為目標，和政府其他方面的合作空間頗大；但「三大戰役」之後，傳統泛民式微、本土主義大盛，這60%公民有了越來越強的身份認同，令執政少數派，也被賦予了「逆向認同」，合作幾不可能。

香港執政黨成了「永續少數派政府」，就像從前的台灣國民黨政權、伊拉克遜尼派薩達姆政權、敘利亞阿拉維派巴沙爾政權一樣。它們的下場，眾所週知。

二、 不滿少數派政府的人，真的做不了任何制衡嗎？自然不是。佔最少六成的非建制派公民，加上兩成只因自身崗位才不得不表面撐政府的「淺藍」，只要不順從，政府的管治成本無疑大增。

單是多數派區議會對一切地方施政制衡，哪怕只是權力有限的「非憲政機關」，政府已不可能黑箱作業。然後在真正的憲政機關立法會，只要議席按民意反映，又或非建制派得到70席當中的33-34席（須知建制派的老弱殘兵不可能長期開會），已足夠制衡所有立法工作。

在這社會氣氛下，商界、各專業的頭面人物，也會用自己擅長的官僚政治、文牘程序、法律條文，與少數派政府周旋，除非政府豁出去連這些也不顧，否則舉步維艱。

公務員更早已消極怠工，這次林鄭「抗(擴)疫」倒行逆施，一切都不具備可操作性，不少資深公務員私下都說：「你要玩呢套又要一言堂，我地咪申請一格廁紙都要seek clarification，任你啲荒謬嘢出街，睇你點死。」這還沒有把勇武派的衝擊、合法示威罷工的成本計算在內。以上種種也許不能直接令香港「攬炒」，卻會造成深遠的連鎖效應。

三、 香港「一國兩制」對北京的剩餘價值，就是以香港作為融資、集資、走資的白手套；當中美貿易戰變成持久戰，中國內部又沒有足以取代香港的機器，無論官方怎樣宣傳，香港的不可取代性，其實與日俱增。

在所有重要機構內部，信奉香港核心價值的真香港人，都肩負重任：為不合理的政策check and balance，這是為甚麼國際社會依然相信香港制度的原因。「留島不留人」要是可以成功，上海自貿區、或前海這個「深化港深戰略融合的東方曼哈頓」，早就成功了。但要是少數派政府繼續倒行逆施，各大機構內部的反彈，特別是涉及法律、標準、規範的，一定加大；假如這些反彈被強權以粗暴手段硬壓下去，卻是失去了「一國兩制」的最後價值。

試想像一旦所有香港企業公然「做數」、不理會行之有效的compliance，一如武漢肺炎因為「你懂的」原因被隱瞞疫情一個月，屆時國際社會不承認香港特殊身份，指日可待。假如北京願意香港變成那樣，在過去八個月，早就出動解放軍或武警了，也毋須在意美國的《香港人權與民主法案》吧。

四、 少數派政府眾叛親離，自欺欺人的救命稻草，只能向極左陣營靠攏，也就是林鄭這樣。「極左」凡事意識形態掛帥，即使在香港傳統建制當中，也是過街老鼠，長期受傳統精英鄙視，有強烈報復心態，此刻依然支持林鄭政府的不足20%，基本上就是這些人。

為了鞏固他們的支持，除了施政要政治正確、夠「左」，還要愚民，通過微信公眾號、深藍whatsapp群組KOL等不斷製造fake news，令支持者保留活在平行時空的快感，政府和現實只能進一步脫節。有見自己在香港不受歡迎，內部煽動群眾鬥群眾也成不了氣候，極左只能加強和內地民族主義者串連，再煽惑內地人鬥香港人，必然造成中港進一步區隔。

向這條路線靠攏的特區政府，連最後的理性也被庸眾騎劫，只會更進一步的「無能、無信、無德」。這樣一來，香港本土意識勢必高漲，和國際社會的互動越來越強，在全球化時代，製造的蝴蝶效應，足以令北京不希望出現的大事小事，變成自我實踐的預言。

中共最大綱領始終是維穩。鄧小平說「警惕右、但主要防左」，正因為歷史上每每是林鄭這類極左作風，「形左實右」，才帶來最大不穩定性。特區政府也好、北京也好，真的要用這方式「管治」下去嗎？對香港人民的利益固然相違背，就是對北京每天掛在口邊的國家利益，又有何好處？

改變這恐怖循環的最後機會，不是選了一個曾俊華、黃仁龍當特首，就能改變一切，而是必須選出一個願意動用特首權力、改變制度的人，配合已變天的立法機關通過改革，結構上落實特首和立法會雙普選。無論咬文嚼字的定義如何，一般市民認知的真普選，必須讓候選人無篩選的參與，每人的選票持分基本均等，不再出現功能組別和選委會的特權階層，才能避免林鄭政權借屍還魂。經過「三大戰役」，除了那不足20%依然支持政府的鐵桿深藍，誰不希望立刻換掉林鄭月娥？

假如錯過機會，香港的中產不會再有耐性，只會自尋後路；新一代更不可能對制度有任何信任，定然豁出去自由發揮；而北京欽點填補位置的那種人，卻絕不可能駕馭這部國際認可的香港機器。屆時，還會留下一個怎樣的香港？

明報筆陣，2020年2月10日

【大家可以開啟中文字幕】大家好～話說之前喺IG同大家提過上字幕嘅苦惱?好好彩得到觀眾嘅熱烈反應，一啲比較重要或者未出嘅片，已經陸陸續續搵到同學上字幕了?
而舊片我就整理咗喺一個Excel度：https://drive.google.com/file/d/1v8ICAZm7vlM5GKwl_M7xWknh4WpFfCFm/view?usp=sharing
其實唔知會唔會有觀眾肯幫手，但無論如何我放咗出嚟先?
睇睇會唔會有有心人喺YouTube關閉社群協作功能之前會幫手上字幕?
如果開始編輯，記住喺Excel sheet落翻個comment，咁就唔會overlap啦?～
多謝各位觀眾一直以來的支持?
---
HKDSE線上補習平台（免費試讀）：https://www.mteducationhk.com/
IELTS英文線上補習平台（免費試讀）：https://www.mteducationielts.com/
---
Melody Tam資歷：
- HKDSE 7科5**狀元，包括中英文科均4卷5**，選修科 (Biology, Chemistry, Economics) 分數大幅度拋離5**的最低要求
- 17歲時第一次應考雅思 (IELTS) 便取得滿分9分成績
- 一級榮譽畢業於香港中文大學修讀環球商業學 (Global Business)，總GPA達3.9/4.0，曾獲得多個獎學金及入選院長嘉許名單
- 曾於多家金融機構及投資銀行實習，尚未畢業已獲大型美資投行聘請為全職投資銀行分析師 (Investment Banking Analyst)
---
Instagram: melodytamhkdse
Email: admin@mteducationhk.com
WhatsApp (admin): 852 6049 1152