［泛美客機］可以回憶。埃汾以前追個空姐都係做港龍。但追不成。

南早報導：Cathay Pacific ‘to axe 6,000 staff and Dragon brand’ in bid to stay afloat（https://bityl.co/42zJ）

未係官方，係南早爆料，但南早明顯有內線（又或者根本有人放料）。正如上次 新加坡travel bubble都係佢地最早爆，1:00左右就出咗。「如果12點前爆就有得買」（而你睇嗰日，國泰十一點幾股價炒晒上去，我打死唔信冇人知，但不是本文重點）

畢竟好多人被炒，就正經啲唔好傷口落鹽了。埃汾向來都唔鍾意跟紅頂白，相反係人人吹捧我先潑冷水。

想講幾樣嘢，應該互相無關係，排名不分先後

第一，許仕仁識食。貫徹佢住又要禮頓山，紅酒又要靚，歌劇又飛去歐洲睇嘅作風。再講一次，許仕仁好識食。仲唔明？咁睇文。（https://bityl.co/42x7）

第二，其實疫情之前，已經有討論係咪應該放棄港龍呢個Brand．買埋快運後仲有冇必要？但當然，當中又涉及大陸啲麻煩嘢，搞搞搞一大輪，而家當然係big bath kitchen sinking 一鑊過全部做晒，幾時都係咁玩。但當然唔要個Brand per se不等於要炒人（頂多炒幾件marketing），正如留個Brand亦不等於不炒人，兩者可以冇乜相關

第三，又其實，「國泰港龍」呢個Brand先用咗三年幾。之前係乜？「之前就咁叫港龍」。所以好難怪啲人覺得管理層開會真係so 戇鳩，出trip一大堆brainstorming又搵consulting firm搞一大輪就係做啲咁嘅嘢。然後3年又摺埋佢。成件事十分WeWork，十分欣榮花園購物商場（https://fbook.cc/3HLx）．「可能兩年有快運港龍出返嚟」

第四，當年嘅任天堂灰機（＊），係有「港龍」品牌（https://bityl.co/42xx）的，唔關Airline事？但我記得個logo好似差不多？

第五，有網友問，買乜好（香港精神！），買293定19？答案：梗係買有港龍logo嘅嘢，絶版啦，飛機又好，杯又好，飛機杯都好。笑？上次廚叉咪賣過二手飛機盃！埃汾有報導！（https://fbook.cc/3HM7）。遲下啲制服呀，袋呀，好似PamAm咁成為絶唱了。

第六，私人嘢放最後。我未結婚前追過個港龍空姐（有乜出奇？），打後我就refer佢as「50萬空姐」，自己意會下點解。想當年我係開咗佢Excel研究呢個計劃嘅可行性（好友廖博士對此半佩服半恥笑）。而早排Economist 有篇文講A growing number of people are organising their love and sex lives via spreadsheets. （https://bityl.co/42xO），我真係走在時代尖端。

（＊）灰機（＊＊）呢樣嘢，值得我打多篇文回帶講。首先，後生仔真係唔識，但任天堂紅白機你可能聽過。紅白機係水貨，唔suppose在外國賣，冇代理，但當然要買好易買到，全旺角都係。灰機就係拎正代理嘅「行貨」。日本當年係有呢啲出口垃圾好嘢留返本土嘅習慣。灰機就是好撚垃圾，成撚日都接觸不良，個撚個小朋友都要用吹濕佢．但凡有人同我講「水貨」係犯法，或者劣質，我必定講「紅白機」三個字回應。真自由L右翼冇理由唔支持「水貨」，代理根本就係暴政，rent seeking，收貴你仲要賣垃及。「水貨」冇保障？你都戇鳩。日本人啲工藝咁好，我部紅白機玩撚到變超任都冇撚壞過。行貨灰機？你老味我冇撚見過個代理幫我吹（Literally）

（＊＊）資深讀者聽過，但冇法唔回多次帶。而家啲小朋友都仲打緊「薩爾達傳說」（＊＊＊），對不？但元祖「薩爾達傳說」當然係在紅白機，好撚好玩。但，打灰機你就仆街了。點解？因為有一關迷宮，有款怪物，好難打，叫大耳怪。就咁打打撚到天光。但，有秘技的—因為紅白機個控制器有咪高峰，你對住個咪叫，啲大耳怪就會消失！不得不服日本人創意。但，你打灰機就仆街！因為灰機係冇呢個米高峰的！戇鳩到一個點！

（＊＊＊）而家資訊咁流通應該好多人知，但都介紹返，個遊戲叫「薩爾達傳說」，但「薩爾達」係個公主，唔係主角。文青講句，埃汾偶像F. Scott Fitzgerald（大亨小傳 The Great Gatsby），佢老婆就叫Zelda．「薩爾達傳說」遊戲個主角，笠綠帽拎盾牌嗰位，叫「林克」（＊＊＊＊）。正如科學怪人Frankenstein，Frankenstein係個科學家，唔係隻嘢！

（＊＊＊＊）「薩爾達傳說」二代就叫「林克冒險」，更加好玩。

--------------------------------------------
Ivan Patreon 狼耳街華人，一星期至少三篇港美市場評點，其他免費好文推介，每日一圖，仲有FB Page post summary．一個月一舊水唔使，開張兩個月已 600人訂，仲有兩篇免費試睇：https://bit.ly/31QmYj7

--------------------------------------------
Instagram @ivanliresearch．七成金融（短打）兩成嘢食一成其他嘢。
--------------------------------------------
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010
內容:
*軟件股IPO狂潮
*買平台股好過
*人民幣強勢買咩好?
本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145

［欣榮花園購物商場］這不是惡搞，這不是Fake news。大名鼎鼎 aka惡名昭彰嘅We Company，新一輪嘅重組，亦都有rebranding．新名叫做，WeWork！是真的

路透社原文：The We Company reverts to WeWork name to emphasize office-sharing roots（https://bityl.co/3xog）

TLDR：最正係，舊年年頭，公司先由WeWork改名做WeCompany．6百萬美金嘅問題：啲改名嘅錢，去咗邊個度？識玩梗係做Start Up CEO

1. 老實講，班友可以忍住唔撚笑講出嚟，就已經值回咁高人工。我就冇咁嘅修為啦。

2. 係喎，原本（即係，早兩日）間公司，係叫做We Company。WeWork係個產品　　/牌子/其中一部份啫。類似例子都唔少，都幾煩，因為記者次次寫都要講「XX母公司XXX」，十分浪費時間，但唔寫又有讀者找碴（呢個世界好多人係冇其他更有意義嘅嘢做的）。例子？「Google 母公司Alphabet」「Gucci母公司Kering」「Uniqlo母公司迅銷」「Zara母公司Inditex」，我甚至見過人寫「LV母公司LVMH」「聯交所母公司港交所」「香港上海匯豐銀行母公司匯控」（OK，呢個係我玩嘢寫嘅）。

3. 雖然我有時覺得，寫Inditex話唔明，要你講明係Zara母公司嘅，you are in the wrong class啦。又講返個舊例子，穿Prada的惡魔，呀大口姐姐（BTW，從來都唔覺得靚，而家啲批蕩甩晒，我好性）接電話，幫老細take message，問人地「Can you please spell Gabbana？」，對家就冚撚你線，知你唔撚係路啦！You are in the wrong class

4. 而仲有啲更衰嘅，你寫Gucci Google股價乜乜乜，要出嚟找碴更正話係Kering Alphabet嗰啲，更加不知所謂，應該go get a fucking life。

5. 不過Wework嘅例子更撚加好笑，亦都充份反映到呢間公司嘅企業文化，就係假大空，把撚，懶撚係嘢。

6. 好笑在乜？好笑在，根本WeCompany 呢個名，又係舊年年頭先改嘅！（https://bityl.co/3xo0）果然神又係你鬼又係你。當時係強調，拿，我地唔止得WeWork，仲有WeLive同WeGrow。我地唔係地產公司，係科技公司，共享經濟，改變世界，噢耶。

7. 當然可以自圓其說啦，凱恩斯話齋， 'When the facts change, I change my mind - what do you do, sir?'。「落後三球同領先三球都同樣打法咩戇鳩」「一月時未有肺炎啦，世界都唔同晒」。我都識講

8. 當然，以上我講呢啲就太低層次。高層次點講？睇下條印度仔CEO點講：

9. “We want to be strategic. We want to be innovative. We want to be impactful. We want to be WeWork”

10. 嘩，真係邱吉爾再生呀！果然識英文有襟蚊籮同啲！拿，咪就係咁樣，所以人地拎咁嘅人工，我就拎咁嘅人工！（兩個「咁嘅」又見到中文幾咁偉大）

11. 今次點解改名？因為公司又再想大家留意返，我地係地產公司嚟的。我屌，大師（即係我）一早已經話搵笨實（https://fbook.cc/3H8r），擺明就係劏房，high乜撚tech

12. BTW，仲有一大堆AI乜乜乜嘅，得閒我都寫下。最新有間新加坡智能咖啡機，咩呀，開返畀我去就唔使屌？（當然我會照去）。其實之前仲有好多呢啲公司，但部份啲創辦人或者入面嘅員工我識，咁就費事寫了。所以同我做朋友都係好好的！訂埋Patreon更好！（https://bit.ly/31QmYj7）。當然我唔會埋沒良心（屌你咩，一個月一舊水就買個良心？我良心好大的）幫你唱好，但至少我唔會踩多兩腳。

13. Anyway，WeWork Rebranding呢啲咁嘅鬧劇，最開心真係啲歐嘥打，幫佢地印嘢嗰啲，換logo嗰啲，話咁撚快又可以換過晒。

14. 然後話你知，好多普通人，根本係連公司改過名做We Company都唔知的。可能睇完我呢篇文，佢地先發現：下？原來改過名？以為一路都叫We Work喎。證明呢啲乜柒rebranding，十居其九都係管理層自high，同埋益朋友，二奶，或者自己。最好請多班consulting firm出嚟幾球嘢講下個brand awareness，然後十球八球嘢整個logo，再出一堆新嘅rebranding campaign

15. 真架，估下上次rebranding啲錢去咗邊？We Company個Trademark用咗幾錢？用咗600萬美金。問邊個買？Adam Neumann。個名咁熟嘅？正係公司嘅創辦人兼上手CEO．係喎，左手交右手，公司畀錢買返自己嘅嘢。你話，喂，關聯交易喎，交易所唔理？Sorry喎，私人公司，唔使益萬惡金融撚。唔鍾意嘅，quit WeWork咯。（而Adam Neumann就真係quit WeWork！再拎多咗幾舊大錢，而家可以日日隊草）

———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張兩個月已600人訂！仲有兩篇免費試睇：https://bit.ly/31QmYj7

——————————————————————————
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010

內容:
*軟件股IPO狂潮
*買平台股好過
*人民幣強勢買咩好?

本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145

［列斯值幾錢？］班主話五年後要貼住Big Six，到時就值6-10億鎊。但呢一刻？應該3億鎊都唔值

擺明收視毒藥（我講我篇文，唔係列斯），只為自己過癮同教化世人先寫。順手賣下廣告，請支持本人Patreon（https://bit.ly/31QmYj7），等我多啲時間寫呢啲收視毒樂。睇到最尾先訂都得，因為會出多次廣告。但講明，Patreon唔寫足球文（暫時）

TLDR：全世界冇一間足球會收入多過維他奶，所以冇一間足球會值錢過維他奶。有幾難明？

1. 英超開鑼，我係冇睇嘅。但似乎利物浦同列斯踢咗場相當精彩嘅球賽。呢篇文亦由列斯講起，但同昨晚場波無關，一早已經打算寫。

2. 有位朋友講起，嘩，原來列斯聯已經唔再係Strongbow贊助。的確，好多人諗起列斯就諗起Strongbow（＊），但我都係諗起維他奶。留意呢篇文會經常提維他奶。講真的。睇開文應該知點解。

3. 故事由列斯嘅新（？）班主講起，Financial Times訪問（＊＊）。佢呢，就有個5年計劃，目標係將列斯打入頭七（睬！），在英超迫悉匙（＊＊＊）打後。

4. 首先留意返，呢啲目標梗係宏大啲—但即使好宏大，班主都唔敢脫離現實，目標都只係敢話做迫悉匙之後，有自知之明係好的。大家學下嘢。

5. 但都話講錢，班主重點其實係講錢！佢話，如果做到迫悉匙之後呢，咁列斯應該值6-10億英鎊。堅唔堅？多得滯定少得滯？

6. 然後就帶到Financial Times 探討嘅問題，一間英超球會值幾錢？Especially 一間迫悉匙以外嘅英超球會，又值幾錢？

7. 答案：應該唔會值6-10億金鎊。班主太進取了吧。但當然，佢係諗住賣嘅。冇講明，但肯定唔排除，因為呢排已經有人買，但佢話未到價。

8. 講到呢度，一間球會值幾錢？就梗係唔係你啲網友講（佢比錢？）。甚至你睇坊間有啲傳媒都係亂鳩咁嚟。有啲收入同利潤都未識分，有啲又唔知邊度嘅估值。

9. 一句，FT都有講，The true worth of an asset is what a buyer is willing to pay for it.　有幾難明？特別係球會之間，雖然間間不同，但相似性高。至少比球員之間嘅相似性高。

10. 幸好，多得足球全球化，商業化，膠化（下刪一萬字），耐唔耐都有啲球會賣盤，甚至有少數係上市。咁咪有數比較咯，唔係你啲網友把口鳩up．

11. 咁講個好殘忍嘅事實你知：差不多所有足球會，都係唔多值錢嘅。量化？一間維他奶，應該值錢過全世界99%足球會。十年後唔知，但呢刻係。

12. 至於影響力？食得架？名氣？同上。求其一間濕鳩英超會都出名過維他奶，但，我地而家講值唔值錢下話。

13. 維他奶，高位跌咗四成。但都仲有300億港紙市值，40億美金。你估下有幾多間球會值呢個價錢？答案係，應該得一間，甚至係冇。

14. Financial Times由最近一單撻咗Q嘅刁講起。紐卡素賣盤失敗，但留意沙地阿拉伯佬都只係出3億鎊，仲要係肺炎前價錢。十份一間維他奶。非迫悉匙球會，就係咁上下價錢。同列斯班主估嘅6-10億鎊，有啲距離，但當然世上有通脹，佢講五年後。有啲窄，但未必完全做唔到。

15. 另外，FT亦訪問咗另一位仁兄，Jim Ratcliffe。原本想買車路士，但車路士班主（正係艾巴莫域治）開價20億鎊。做石油化工嘅Jim Ratcliffe話，你當我水魚？車路士都值20億鎊？睬佢都有味。結果佢走去用咗1億歐元，買咗法甲嘅尼斯（OSG Nice）．佢認為性價比高好多。記住，車路士20億鎊都比人覺得天價，大半間維他奶咋。

16. 然後我地睇下上市公司，登登，曼聯。曼聯應該係最值錢嘅幾間球會之一。上市公司日日trade，夠公允，市值盛惠27億美金，亦係大半間維他奶。其實都係20億鎊左右，難怪Jim Ratcliffe覺得車路士話值20億鎊係搵佢笨。

17. 其他仲有一堆上市嘅，快手講下。意甲班霸祖雲達斯，市值12億歐元。其他嘅，全部係幾億歐貨仔。德甲多蒙特5億歐市值，荷超阿積士3億歐，意甲羅馬2億歐。

18. 我估就算收入又高財務又穩健嘅拜仁去上市，市值都應該唔會高得過間維他奶幾多。當然只係我估，你啲網友可以質疑，你估就係呀？但我呢啲係educate guess．你肯定你啲網友educated？

19. 唯一可能挑戰維他奶嘅，正係土豪球會曼城。舊文寫過的（https://fbook.cc/3FPK），曼城嗰時賣咗部份股份畀私募基金，計返成間公司估值就差不多48億美金。叫做大過間維他奶少少。但，兩樣嘢。首先呢個係肺炎前嘅價，而家賣仲有咁嘅價？另外，佢賣些少股份出去，推返成間嘢估值，就同真係成間拎去賣或上市唔同嘅。你睇WeWork上市前估值幾高？

20. 當然有人認為，英超球會仲係被低估嘅，但睇下你講10年後定而家。至少而家呢，你見美國啲球隊（NBA啦，其他冇睇唔知），就值錢好多。例如洛杉磯快艇，2014年已經賣超過20億美金（班主正係微軟嘅上任CEO Steve Ballmer）。但已經多年前，而家估計（係，估，但再講一次，educated，唔係鳩人鳩估），頂級嘅NBA隊，紐約人湖人金洲勇士嗰啲，冇40億美金你唔使買。

21. 點解NBA隊值錢咁多？當然因為收入都多好多，冇深究，但相信亦同成個Franchise 制呀，薪酬上限呀，唔會西甲同英超搶人呀，又十分商業化呀之類有關。

22. 講到尾，其實都係盈利—咁就算冇盈利（好多都冇），至少都係睇收入。你要班主長期自己荷包填數嘅，好難搵人買，除非係中東佬洗白。但你見馬拉加個班主都係玩幾嘢就算數，俄超咩安捷都好似係。

23. 點解球會唔值錢？好簡單，係好有影響力呀，係多人識，但收入唔多。（亦都代表，好多球迷嘅loyalty 十分廉價），更加唔好講利潤—收支平衡你已經還神，唔少係蝕錢嘅。

24. 又拎返維他奶出嚟講，舊文都寫過（https://fbook.cc/3FPK），維他奶，一間你覺得好豆泥嘅公司，一年收入10億美金！唔係好多？咁我話你知，冇一間足球會有呢個收入。5年後唔敢講，但而家一間都冇！收入最高嘅巴塞皇馬，講緊都係8億歐元收入。仲係肺炎前。利潤？更加唔好講，維他奶利錢唔算高，但至少有幾億港紙純利。球會？有幾多間有錢賺？

25. 點解球會搞嚟搞去都係唔賺錢？其實真係同個「行業」好大關係。正係因為好多公司都唔上市，仲有啲係私家雞（sorry 但諗唔到更好嘅形容），你啲對手係咁燒錢，咁你唔燒，點夠人鬥？你慳住嘅話，到頭嚟又係畀球迷鬧，越踢越差，就搞到歐聯都冇得踢，收入就更低！（即係阿仙奴！）。

26. 所以個遊戲，係注定冇乜得賺錢嘅。你可以想像你隔離間餐廳，係個有錢佬開，佢不停咁燒錢，出幾廿萬一個月請個廚，侍應佢又畀十皮八皮請晒啲靚仔靚女，賣佢就賣到平你一半。咁你點玩？

27. 只剩低最後一個問題：咁點解仲有人做班主？好簡單，唔係為賺錢。冇人買球會係為賺錢。賺到固然好，但買嗰刻已經知唔會點賺，唔使佢不停填已經超額。

28. 點解做班主？好簡單，巴閉咯！英雄主義！過癮，為童年夢想，高級玩具。當然仲有部份係為咗政治（俄國佬買英超），洗白（卡塔爾佬）。但更重要嘅係宣傳，界外利益。呢個世界上有唔少東西都係咁，例如搞傳媒，拍戲，全部都係為界外利益。為幫班主其他嘢，買影響力，或者只係溝女明星

29. 而最重要正係，球會唔使用好多錢！我係維他奶老細，哦，邊位？但十份一價錢，你係紐卡素FC老細，件事係咪型好多？溝女明星係咪易啲？識政客係咪易啲？你想上武漢（all due respect）睇廠整檸檬茶，定係想入聖占士公園睇……是但啦。但如果買間球會要幾十億美金甚至百億，又要再諗下啦。

30. 講返列斯到底值幾錢？好簡單，班主話早排有人買但佢唔賣，未到價。但佢唔排除賣少量股份拎啲新資金，希望大約估值係3億鎊—其實咪話畀你知，佢覺得列斯值幾錢咯！甚至根本篇訪問就係畀啲潛在投資者睇的。呢刻，咪就係咁上下價錢，合理丫，咪紐卡素咁上下，埋枱肯定仲有價講。5年後如果做到迫悉匙之後？再計啦。

（＊）但我諗起水晶宮會諗起TDK，富咸係Pizza Hut，曼聯當然係SHARP，阿仙奴係JVC，車路士係Autoglass，拜仁係OPEL，基達菲係Burger King，愉園係……中國銀行（有冇記錯？）。完全係出賣年紀。

（＊＊）其實Financial Times 直頭成條新beat去間體育產業，上次世界盃嘅文章亦都相當好。堅持咩金融撚數撚唔識嘅，係活在自己世界啫。

（＊＊＊）迫悉匙，曼聯曼城阿仙奴利物浦車路士熱刺，排名不分先後。點解係迫悉匙唔係迫科或迫快乎迫些焚？可能係因為戰績，但更加係因為財力—呢六隊嘅收入，明顯拋離打後其他會，甚麼愛華頓韋斯咸李斯特城之類。而當然收入就支持返戰績，十分簡單。正如巴塞皇馬係西甲最高收入球會，亦係戰績最好。

———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已500人訂！仲有兩篇免費試睇：https://bit.ly/31QmYj7

——————————————————————————
［收費短片第九擊］美股科技股是否泡沫爆破？價值投資之選

課程資訊：https://homebloggerhk.com/course_detail/?code=CC009

內容:
*美股急跌點算好
*科技股係咪泡沫爆煲？
*有乜價值投資之選？

本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145

另外想買返第八擊（美國總統大選股票部署）都仲可以：https://bityl.co/3NPn