［薛丁格的租］有人就話冇減租，新地就話有。咁其實，影張相咪知咯，白紙黑字架嘛。新地咁高調咁快手同幾間傳媒澄清晒，照計唔會空口講白話，而家咁年代，講大話即時畀人踢爆啦。

之前有報導話新地唔肯減租，咁唔知有幾堅，反正訪問嘅都冇出樣冇開真名。但亦有可能係佢冇減，人地有減。所以就有呢啲羅生門。

其實咁環境，新地減租一早預咗。冇呃你，舊文寫過（http://bit.ly/2NwK735），但唔係一刀切個個免個個減嘛。上市公司嚟架大佬。

講開又講，聞說香港人好鍾意講「合約精神」（我到而家都唔知邊個發明呢啲中文，亦冇見過英文有呢個詞）。照計就應該租約話幾錢就幾錢，到期咪再傾，咁有理由相信再傾嘅實要減啦。

訪問冇講細節，但斷估都唔係就快到期嘅租戶。咁你租完之後就反修例，十分不幸，但冇計架喎。掉轉頭如果（純FF）好似沙士當年咁，你平簽租約，然後忽然間話開放自由行，地產商即時加你租，你又話唔公平啫。

不過當然啦，合約還合約，生意都要顧形象，有得傾咪傾下咯。但就真係不能自動免租嘛—waive 年費都要打上台啦下話。生意唔好要減租，我覺得等同你失業想房東減租一樣：你可以試，但未必實得。就睇各樣因素啦，包括房東有冇良心（有人覺得所有房東都係剝削，就好難討論），你紀錄好唔好，你租咗幾耐，各種東西。

BTW，上市公司，同股東交代嘛，對不？

［薛丁格的租］有人就話冇減租，新地就話有。咁其實，影張相咪知咯，白紙黑字架嘛。新地咁高調咁快手同幾間傳媒澄清晒，照計唔會空口講白話，而家咁年代，講大話即時畀人踢爆啦。

之前有報導話新地唔肯減租，咁唔知有幾堅，反正訪問嘅都冇出樣冇開真名。但亦有可能係佢冇減，人地有減。所以就有呢啲羅生門。

其實咁環境，新地減租一早預咗。冇呃你，舊文寫過（http://bit.ly/2NwK735），但唔係一刀切個個免個個減嘛。上市公司嚟架大佬。

講開又講，聞說香港人好鍾意講「合約精神」（我到而家都唔知邊個發明呢啲中文，亦冇見過英文有呢個詞）。照計就應該租約話幾錢就幾錢，到期咪再傾，咁有理由相信再傾嘅實要減啦。

訪問冇講細節，但斷估都唔係就快到期嘅租戶。咁你租完之後就反修例，十分不幸，但冇計架喎。掉轉頭如果（純FF）好似沙士當年咁，你平簽租約，然後忽然間話開放自由行，地產商即時加你租，你又話唔公平啫。

不過當然啦，合約還合約，生意都要顧形象，有得傾咪傾下咯。但就真係不能自動免租嘛—waive 年費都要打上台啦下話。生意唔好要減租，我覺得等同你失業想房東減租一樣：你可以試，但未必實得。就睇各樣因素啦，包括房東有冇良心（有人覺得所有房東都係剝削，就好難討論），你紀錄好唔好，你租咗幾耐，各種東西。

BTW，上市公司，同股東交代嘛，對不？