【Void心事台R011】 搵到男朋友收埋以前所有EX的珍藏 小妺今年大學Year4，同宜家的男朋友一齊左3年，我地大學係唔同U讀，一直都相處都幾好，男朋友平時都好錫我好就我，雖然有時都會嘈下交，但我一直都好感恩有個咁好的男朋友....直至上星期發生左件事令我一直放唔低。 我男朋友屋企好亂，間唔中我都係幫佢執下屋，上星期我去左佢屋企，我男朋友沖涼果時我同平時一樣幫佢幫下間勁亂的房，係佢個櫃到發現左個從來都無見過的盒，個盒好特別我肯定唔係佢買，忍唔住好奇心打開左黎睇，一打開我完全唔敢相信我的眼睛，入面放左好多我男朋友同佢Ex的好多野，有信有貼紙相仲有手鐲頸鏈，仲要刻埋名果啲🙄仲要唔係得一個Ex的野，係5，6個咩事🙄🙄🙄而且我發現我同佢啲Year1影的貼紙相我送俾佢的禮物都有啲係入面，我心入面真係爆粗*1000000。。。我無細睇入去，因為真係無心機同埋男朋友都就沖完涼，我好快放番原位同埋扮無野，但真係內心想殺左佢🤬 我一直都知男朋友識我之前拍過幾次拖，而且中學都係受歡迎人物，好多女仔鍾意佢。。。但我真係過唔到自己心理關口，據我所知，佢同左我一齊已經無同其他女仔來往，但放埋啲野一齊真係有種戰利品的心態，宜家望到佢就會諗到佢果個盒，入面所有野都好清晰係眼前，佢問我呢排咩事心情咁差我又講唔出我發現左佢個盒，我明白佢其實無做錯到，但我心入面真係過唔到。。。。我應該點做 😢 小編的話： 多謝你嘅投稿，好明白你同男朋友都拍左拖一段時間，互相嘅信任有一定程度，所以見到有前度的紀念品個一刻一定會有更大打擊，始終發現到另一半可能對過去嘅關係有所留戀，點都會有少少失望同氣憤嘅情緒。但係如果呢件事真係令你好在意，可能你真係要同佢傾下，如果你就咁屈埋係個心度，之後好容易就會成為鬧交嘅導火線，佢都肯聽你講同其他女仔斷絕來往證明佢係認真看待你地的關係，不過千祈唔好迫對方必定要扔晒所有野，因為可能佢心面真係想留個紀念Only，如果迫對方可能會有反效果，到最後佢放係第二度你搵唔到又無意思😢。第一步先勇敢啲同男朋友講你嘅感受，講完之後個心先會抒懷到，溝通溝通溝通得重要呢。 ***投稿者有留下驗證碼，可能會有續集和投稿回應 ***小編查證網上無重覆內容 ***文章盡量原文出，但可能會修改小編也會感到怕怕的錯別字 -------------------------------------- 每一個心聲也值得被重視； 你會想分享你的心事給大家嗎？ 歡迎大家LinkIn Bio投稿【Void心事台】 期待收到大家的故事 ☺️ ***投稿內容不代表本台立場 ***切勿重覆投稿 ***暫時每天出稿有限，投稿後請耐心等待🙏🏻 #Void心事台 #香港情侶 #香港愛情故 #情侶 #couple #愛情故事 #愛情 #lovestory #情侶日常 #情侶問題 #感情 ##感情問題