. 開台將近五年嘅ViuTV，自家劇集題材較大膽、寫實及新鮮，如《黑巿》、《教束》及《歎息橋》等，今年年初播出嘅穿越燒腦劇《二月廿九》，短短十集留下好多伏線，唔少網友當希望有續集！而日前ViuTV播出節目巡禮《ViuTV 2021》，其中一套就係《940920》，即係《二月廿九》嘅續集，據知仲會原班人馬演出，預計明年4月拍攝！ . 有煲《二月廿九》嘅朋友都唔難明白《940920》嘅來由，因為呢組數字就係劉俊謙飾演嘅余家聰媽媽嘅死忌，亦係與女主角Yeesa （吳海昕 飾）穿越後相認嘅密碼。 . 《940920》除了有原班人馬演出之外，仲會加入《幻愛》女主角蔡思韵加入，從預告片所見「神聖幾何學會」其實係由蔡思韵成立，而佢同Yeesa 一樣都有穿越能力，余家聰更係佢第一位邀請入會嘅成員。 . 而現實生活中，蔡思韵同劉俊謙因拍攝《幻愛》戲假情真擦出愛火，相信劇集播出時，一定為劇集再掀話題！ . ❤Follow @be_hk 再Like埋BeautyExchange FB專頁睇更多最新美妝、吃喝玩樂情報⁠ 💛想搵返同類型情報👉🏻 #be_celeb #二月廿九