. [韓劇][紅天機] 又係宮廷戀曲捲入爭權上位爭鬥漩渦嘅故事，但加咗啲神怪嘢落去，就變得吸引好多，頭幾集有巫女法師封印魔王，又有虎神，同埋成日喺韓國鬼神劇出現嘅無敵三神婆婆，睇睇吓就睇到第四集。 韓劇有度勁，就係啲人物關係錯綜複雜而穩陣，呢套劇將畫畫同封印魔王連結，就將女主角畫師紅天機（金裕貞 飾）同三位男主角河藍（安孝燮 飾）、陽明大君（孔明 飾）同周向大君（郭時暘 飾）連埋一齊。全劇16集，睇到第4集紅天機都未入宮，希望唔好搞到最後倉卒埋尾。 我係因為安孝燮同金裕貞去睇。之前《先熱情地打掃吧》聽到佢哋兩個拍檔做主角已經想睇，可惜因為金裕貞健康出問題要押後拍攝，最後安孝燮因為就唔到期而冇拍到，終於等到佢哋今次做男女主角。 安孝燮喺魔王形態時唔夠型，反而做日月星時仲型啲，做主簿時就幾靚仔。金裕貞發揮穩定。兩位做主角年輕版嘅小演員都做得唔錯，紅天機細個時對住河藍咁進取真係有啲嚇親😏😏😏 孔明演嘅陽明大君活潑得意暫時搶晒鏡。 河藍戴住副紅色con，有冇人同我一樣覺得佢會變殭屍？😅 📺 @viuhongkong 逢周一二 晚上2230上架 [傳送] https://bit.ly/2X6PIWt #紅天機 #金裕貞 #安孝燮 #孔明 #郭時暘 #홍천기 #김유정 #안효섭 #공명 #곽시양 #黃Viu #Viu #OneOOne #先熱情地打掃吧

【 紅天機 ── 點解香港出唔到金裕貞？】 _ 世界好大，香港娛樂影視發展都可以好勁。 _ 說的不是廿幾三十年前無綫（TVB）的輝煌盛世，而是現在。 _ 由香港起家的「黃Viu」創立至今僅6年，然而發展之快超乎想像，合作夥伴更遍布亞洲，除了外購劇集，2020年起更將發展重心移向自家製作內容，上年便參與製作Nichkhun主演的泰國浪漫喜劇《My Bubble Tea》，以及型格美女Linn主演的奇幻愛情劇《Voice in the Rain》，到今年再開多瓣拍埋韓劇，金所泫主演的《月升之江》便以「Viu Original」名義在2月推出，而金裕貞主演的《紅天機》則是新鮮滾熱辣剛剛正式上架，逢周一及二更新，現時已播放至第四集。 _ 《紅天機》改編「韓國小說天后」廷銀闕（《懷抱太陽的月亮》、《成均館緋聞》原作者）同名作品，以架空歷史的「端王朝」為背景，講述主角紅天機（金裕貞飾，童年版由李南京飾演）出生時雙目失明，後來因捲入神魔角力而奇蹟地復明，可是貴族少年河藍（安孝燮飾，童年版由崔乘訓飾演）卻意外失去視力，魔王更被封印到其體內。差不多20年後，本應失散的兩人如命運安排般重逢，一個成為了天才女畫師，在帛瑜畫團工作；一個擁有雙重身份，既是書文觀主簿（類如中國古代的欽天監，故又名河主簿），又是暗地經營古畫買賣商的「月星堂」堂主，兩人再次結緣的同時，神秘事件亦接連發生。 _ 年僅21歲的金裕貞絕對是《紅天機》最大的賣點，亦是觀眾最關心的地方，「金裕貞」三個字於八月第四周（首播前一周）和九月首周輕易拿下韓國Gooddata調查公司「韓國演出者熱搜排行榜」第一位，加上相比廷銀闕另外兩套舊作，今次在愛情綫以外，奇幻成份明顯更強，照計應該能夠吸引劇迷，事實上收視也如此，每集皆創新高，由第一集的6.6%，升至第四集的9.6％，成為同時段（月火劇）冠軍，可是首兩集的劇情鋪排輕重上頗失預算。 第一集人、神、魔合力搞了幾場「大龍鳳」甚有睇頭之後，竟然花了大量篇幅描述年輕版的紅天機和江藍如何邂逅，文戲太多就會變得譖氣，為免悶到瞓著，只好靠Fast Forward跳過這段，結果首集70分鐘，去到臨尾兩分鐘才輪到金裕貞。第二集亦略嫌拖戲，無端端又加插一幕安孝燮「曬肌」，認真離題，去到最後一段才出現打鬥場面，幸而故事播到第三、四集愈來愈順，加上有孔明飾演的三王子「亮明大君」相當搶鏡，與金裕貞甚有火花，令追看度大增，而後者個人表演的機會亦愈來愈多，譬如照顧失心瘋父親（紅恩吾）時表現的心疼、對付騙徒的機智潑辣，以及畫出幾可亂真的高仿畫的得戚樣，樣樣都恰到好處毫不過火。 _ 撇除標緻可愛的靚樣，金裕貞擁有的最強武器，便是其超越年齡的演技，但韓國領土裏並非只得金裕貞有此威力，金賽綸、金所泫便是與她既出名又有同級配置的後生女，她們合稱「三金」，廿歲頭，大把世界。反觀香港，剛剛踏入雙十年華又好戲到令人難忘的女藝人，一個都冇。 _ It’s all about time，金裕貞起步得早，4歲做童星拍廣告，5歲正式演戲，其後數度在劇集中飾演女主角的童年時代，在13歲靠《懷抱太陽的月亮》（2012）爆紅前，已經演過超過20套劇集、10套電影，2014年更擔大旗於《秘密之門》做女一，對手是演技超卓的韓石圭和李帝勳，而劇集亦令她贏得「第21屆SBS演技大賞」的新星獎，之後接拍與朴寶劍共同主演的《雲畫的月光》（2016），人氣更愈來愈勁。 _ 香港女演員大多廿頭才出道，紅得再快都要等多兩三年才企穩陣腳，被迫「大器晚成」，但培訓少，港姐出身的參與完短短三個月的「速食班」，便要提槍上陣，演戲根底遠不及5歲演戲的紮實，而童星出身的莊錠欣（Elkie）或多或少本應有機會做到半個金裕貞，11歲參演無綫劇集，作品十隻手指都數唔晒，興許香港市場細，未夠魅力留住人才，她2016年便轉戰韓國追女團夢，加入CLC做領唱，人氣三級跳，去到今年2月才正式離隊決定作個人發展，若她選擇回港而非主攻內地市場，就不會撞正中央整頓娛樂圈，令自己的前景充滿變數。 「黃Viu」以自家製作、OTT平台打開了香港以外地區的門戶，利用有別於過往劇集賣埠的方式「做大個餅」，根據《彭博》（Bloomberg）一篇引述研究公司Media Partners Asia數據的報道，截至今年六月底，「黃Viu」在東南亞市場的付費訂戶人數多達530萬，成功超越Netflix，躋身區內第二大串流平台，與坐擁620萬用戶的龍頭Disney+僅少90萬人，換句話講，香港影視界短期內產出不到十八廿二的「港版金裕貞」、「港版金所泫」絕對不緊要，永遠無法復刻40年前《靚妹仔》（1982）林碧琪也沒相干，因為來到2021年，世界好大，要贏、要企到最後，也不是只有一種方法，將來的事，誰人能夠預料？ _ （11092021） _ #游大東 #游大東影視筆記 #韓劇 #紅天機 #金裕貞 #安孝燮 #孔明 #郭時暘 #홍천기 #김유정 #안효섭 #공명 #곽시양 #ViuOriginal #黃Viu煲劇平台 #Viu @kimyoojunghk @goddessyoojung @spaulight.0219 @hyoseop_hk @rencontrer_paulahn_chinesefans @hkgirltalkdrama @viuhongkong

🌤 如果生命只剩下100天⋯⋯ 我想我會在海邊租一間房子，每天跟他一起過退休般的生活 曬曬太陽、吹吹海風、看著無邊際的海岸和落日🌅 休閑的渡過剩下的日子🤍 - 最近睇緊呢套韓劇《某一天滅亡來到我家門前》，除左男女主角好吸睛之外，題材都好特別!! 有啲《鬼怪》嘅feel，同埋好期待男女主角派糖😆如果有一日“滅亡”嚟搵我，我應該會毫不猶豫拖起佢隻手(痴女出現)，我哋一齊私奔(*´∀｀) PS. Viu.com有得免費睇架，歡迎大家一齊入坑🤣 @viuhongkong #某一天滅亡來到我家門前 #朴寶英 #徐仁國 #李洙赫 #黃Viu煲劇平台 #Viu