其實我都唔可以怪班攻擊我既人，就連Rocky改篇唱月半小夜曲，都比人插，留言仲好笑，有條友不停執著Ｄ歌詞：

「她似這月兒仍然是不開口
提琴獨奏獨奏著
明月半倚深秋

邊個字解激動? 佢係唱得好係勁
但點解要揀歌詞咁文靜既歌
佢大把歌可以改可以揀
唔會唱 紅日 d歌詞唔會岩爆d咩?
佢的確係唱得好 但真係破壞左歌詞既意境」

原來真係會有人價值觀可以扭曲到一個點，將一件開心值得讚賞既事，執著係一個無關痛癢既位，又加上陰謀論，其實，唱歌我覺得好簡單，自己唱得開心就好，因為歌詞無「激動」既詞同字就唔可以唱得激動？咩道理，俄羅斯個Vitas夠海豚音啦，個字都未必係關海豚事啦下話？

當然參加比賽有規則，佢無犯規則下令聽眾都聽得開心，感動，已經好足夠。

我都無犯動漫節規則，無一條係唔比著不完全既動漫衣著入場，拍片比大家睇純娛樂，我早在７月１７號講明我唔係Coser，我著喜愛既動漫人物既衣著入場，唔達到佢地心水，都比人加上影衰香港，偽Cos，On＿ Youtuber，侮辱左動漫界，要向全世界道歉等罪名啦，有幾出奇，以大家既價值觀，Rocky係絕對侮辱左樂壇:)

算＿數吧啦，小學雞同執著＿。

我話比大家聽，因為你地班hihi，我要「黑化」（精神上的崩壞，受到强大的刺激導致人格發生變化）啦！