《關於拍片》 《About vlogging》 同 @goetheinstitut_hk 合作既《柏林，我黎喇！》已經去到最後幾集。其實一開始我好緊張，因為個Page 一路都係以文字為重心，由一開始不停上YouTube睇人剪片，到最近開咗有朋友俾啲正面既feedback，滿足感好大，而我覺得個拍片過程我自己學到好多野。 尋日有朋友問我一啲拍片既問題，我真心十分豆泥，但都可以分享下一啲好幫到手既Programme 同網頁，令剪出黎既片睇落Pro 多少少。 1. iMovie 冇錯，我一路都係用iMovie 剪片，入門級又免費，我覺得幾滿意，但如果遲啲再拍片的話，我會考慮其他programme。 2. VEED.io 我既字幕都係用VEED幫手，佢有一個transcribe同translate 功能（有繁體中文），但我都係自己人手譯。呢個website 上左手可以幾快下。 3. iStock photos/ Videos 成本最高既就係搵stock photo同video，但有好多專業既攝影師collaborators，有航拍片又有time lapse片，會令啲片個質素pro 好多。 4. Wiki Commons 係維基百科既免費stock photos，啲相唔算太update，但勝在免費。 5. Mixkit Music 有朋友講過話佢地好中意啲背景音樂，其實都係呢度黎既，佢仲有啲sound effect, 我唔洗剪片時都會上去搵下歌聽下。 6. Rode shotgun microphone mini 幾舊水黎講個Mic真心好好用，有次同《德國讀書之「真·洗濕左個頭」》既版主傾計，原來佢都有同一個。 希望幫到大家！ #德國 #柏林我黎喇 #柏林 #拍片 #vlogging #hkblogger #røde #mixkit #veedio #一路向德