大熱天時出街梗係會想飲嘢，今年香港淨係開台飲舖都開咗成十幾廿間，雖然我唔多飲珍奶，但冬瓜茶葡萄柚有呢啲實走唔甩，最近都試咗幾間： . 本身諗住響上環想試吓方形珍珠，點知去到已經執鳩咗，變咗呢間連招牌都未開封嘅品茶六境，好無厘頭咁樣叫咗杯葡萄柚泡泡，純粹想解渴完全冇期待點知又幾有驚喜，整咗勁耐後面啲人都攞齊先到我，原來佢好有心思咁除咗塞咗一塊厚切葡萄柚之外，仲榨咗啲柚碎落去，啜起上嚟啖啖肉好正囉✨ . 銅鑼灣其中一間新開嘅人龍店迷客夏，本身唔會咁戇鳩咁排勁耐隊買杯嘢飲，今次咁啱見到得兩三個人排先嚟試下，同樣地唔飲奶茶飲香柚綠茶，本身叫咗加珍珠但係啲面明顯冇咗件事，唯有搶朋友個杯啲珍珠嚟試，冇乜特別囉，而杯香柚綠茶雖然都有超微果肉碎，其實成杯野個味都幾人工，其實我係唔怕甜，但佢呢隻甜係好人工嘅甜而唔係果甜，而且都幾細杯下，試過就算囉😌 . 田籽茶事，開響旺角啲淡區分分鐘冇人知，menu啲茶名超有玩味超過癮，但係自己舖頭做緊優惠都唔知要睇成幾分鐘再打電話問經理，心諗你間舖頭又唔係有好多分店，得一間會唔會係連個客都清楚過你？🙄 叫咗杯青檸冬瓜，已經叫少冰，但係檸檬味同冬瓜味都係超微弱，淨係好似飲緊一杯糖水咁，我知道節省成本係好重要，但係溝淡都唔好溝到冇味咁過分丫🙄 . 最後係一啲都唔新嘅茶湯會，冬瓜鐵觀音，茶味幾濃又幾香，但千祈唔好幫襯銅鑼灣店，話說果晚見到迷客夏超長龍就入咗隔離呢間，本身諗住冇乜人應該好快手搞掂，點知等左成三四個字先飲到，個廚房明明有成三四個人響度做緊嘢，但係個個好似阿閃咁慢到癲，我已經企響佢面前望實佢，佢都仲要揸我杯嘢同人傾多兩句先肯俾我，果陣唔止我一個，其他人都屌鬼，都痴撚線🙄 . 品茶六境 🏠 上環皇后大道中255號曼哈頓大廈地下G01B號舖 迷客夏 🏠 銅鑼灣利園山道17號地舖 田籽茶事 🏠 旺角快富街37號地下 茶湯會 🏠 銅鑼灣利園山道9號地舖 📷 iPhone X ➡️ Slide the Slides #馬高食食食 #馬高食食食食在上環 #馬高食食食食在銅鑼灣 #馬高食食食食在旺角