熱門Ptt文章

[爆卦]vba免費課程是什麼？優點缺點精華區懶人包

雖然這篇vba免費課程鄉民發文沒有被收入到精華區：在vba免費課程這個話題中，我們另外找到其它相關的精選爆讚文章

在 vba免費課程產品中有5篇Facebook貼文，粉絲數超過2萬的網紅君子馬蘭頭 - Ivan Li 李聲揚，也在其Facebook貼文中提到， ［挑戰Excel Google Shit］得唔得架？人地萬億美金市值喎。 彭博原文：Spreadsheet Maker Airtable Taps Funds at $2.5 Billion Value（https://bityl.co/3YWw） TLDR：介面幾靚，收費又好似唔貴。但，辦公室...

　同時也有1部Youtube影片，追蹤數超過4萬的網紅吳老師教學部落格，也在其Youtube影片中提到，ACCESS 基礎入門 免費課程 湜憶電腦 吳清輝老師 博士 EXCEL函數與VBA設計課程分享 EXCEL函數與VBA進階班總整理 http://terry55wu.blogspot.com/p/excelvba.html 北市公訓處 EXCEL VBA應用班上課分享(公訓處2012年2月2...

「vba免費課程」的推薦目錄
  • 君子馬蘭頭 - Ivan Li 李聲揚

    vba免費課程 在 君子馬蘭頭 - Ivan Li 李聲揚 Facebook 的最佳解答

    2020-09-18 07:31:00
    有 106 人按讚

    ［挑戰Excel Google Shit］得唔得架？人地萬億美金市值喎。

    彭博原文：Spreadsheet Maker Airtable Taps Funds at $2.5 Billion Value（https://bityl.co/3YWw）

    TLDR：介面幾靚，收費又好似唔貴。但，辦公室軟件，好難挑戰巨頭喎，仲要做埋同佢地差不多嘅嘢。

    1. 呢檔新Startup（＊），最成功係個名。AirTable，易記，又唔會諗起其他嘢，但又唔係唔啦更。正如Bloomgerg所講，Spread Sheet，「哦，即係挑戰Excel 同Google Shit」

    2. 其實話新都唔係好新，2012年成立。另外，都玩到D輪融資，最新集資近2億美金，估值25億美金，唔係蚊型嘢了。創辦人話唔會賣盤呀下，至少而家唔會（never say never），1000億機會輕而易舉喎（計乜先？）

    3. 得唔得架？之前都有啦，EditGrid嘛，香港嘢添，好似話仲早過Google，我有用過，還好．「但而家都係用返Excel同Google」．咁今次呢舊又乜家伙？

    4. 利申：只係快望過，當然冇用過，亦冇好細心咁去睇。趕住訓。其實我之前聽都未聽過間公司。當然可能只係我問題，我見都有唔少教學，中文嘅都有（https://bityl.co/3YVr）

    5. 呢篇中文簡介反而幾好，至少有個「Vision」．入面講咗句嘢，唔知係咪公司原本講，（甚至可能根本條友有份），總之就係：1985年，已經係Word Excel同Powerpoint，而家2020年啦喎。中途Google有搞下Google Shit Google Dog之類，但本質都係一樣。應該改變下，云云

    6. （不過說實話，本人呢啲腦盲，應該去到1995年先接觸Word，之前同學屋企玩過WordPerfect，至於試算表嘛，反而90前已經IBM玩過，但唔記得叫乜名）

    7. Bloomberg篇嘢，叫佢做Spread Sheet，唔知公司會唔會覺得唔恰當。篇報導將公司產品定位為「冇咁強大但易用嘅Excel」

    8. 但我見公司網頁反而講自己係Spread Sheet＋Database，我望落亦都覺得似係。

    9. 第一印象，介面幾靚嘅。見佢啲template，亦唔似同Excel好相似，反而係integrate 更多其他嘢，特別係相同埋片。好似，幫到啲一大堆資料但好零散嘅友，例如會幫到我寫文？或者公司做product system呀，CRM呀乜鬼，其實可能都有用。我見過啲唔少系統，都係介面唔多靚仔，亦有點兒複雜嘅

    10. 唔好睇少呢樣嘢，都未得閒寫，但早排我問過下人，點解Zoom跑出？講最早又唔係，早多錢又唔係。根據專家朋友講，似乎就係因為夠易用，介面簡單靚仔，廢老都識用。好重要的！

    11. 唔知個比喻啱唔啱，但你睇真係去到智能電話大盛後，你老母甚至你阿爺嗰啲先會變埋「上網」。你畀部電腦佢，佢係唔會玩的。但拎部電話佢就識同你發長輩圖。當然可以拎住周圍用亦係原因，Network effect佢地其他朋友都用亦係原因

    12. 講到Network effect，我諗又係呢類公司嘅死症。拿我唔係專家，但你見MS Office雄霸多年，當然亦因為人人用，你都要用。你整個file對家開唔到嘅，點玩？掉轉都係。就當你有兼容性（個個都會做啦），但你公司一用，又要啲員工全部識用喎。固然AirTable之類實會幫你培訓，而家有埋Zoom之類更好。但，你都知多數員工都係好似我呢類嘅腦盲，「學咗咁多年先識VLookup先識VBA寫Macro你而家又要我學第樣嘢」，好煩的

    13. 我見佢AirTable都有啲大公司客，很重要。但個出路會唔會都係個人，或者中小企？見啲收費似乎唔貴，應該有競爭力。

    14. 其他？唔知。但直覺好難玩，又係嗰個問題，大公司當道，抄你又得，搶你啲人又得。你話你做啲同佢完全唔同嘅嘢都話，但你同佢做差不多嘅嘢，扮公室軟件，得唔得架？

    15. 呢，你見Slack，應該已經算係相當成功。但，「本人用都冇用過」「用MS Teams我都覺得麻撚煩」，「點解唔Whatsapp講或打電話講？」。固然唔好咁中二病，你冇用過唔等於冇人用，但，用家數字爭好遠下話。Zoom就真係殺出一條血路。

    16. 拿，本人嘅tech 撚朋友評曰：「簡單來講，佢個媽劇係邊？就係只剩唔多願意科水俾錢既Startup或中小企，企業巿場實在難以同一條龍及深受IT高層信賴既Microsoft Teams搶。咁大個餅你淨係咬得幾啖，仲要啲豆沙餡係哂人地果邊。筆者想科水俾Slack時，公司IT、Finance都輪流質疑「點解唔用返Teams？」，而當你科水時，你就會發現科水跟本買唔到幾多，「好似有少少貴」，你最愛既功能跟本唔科水都夠用。然後⋯⋯Github而家Integrate埋Teams了，點搞？又，唔係你以為Microsoft而買Github？呢啲咪「仙甩治」。」

    17. （而再講一次，本人連用Teams都覺得麻撚煩，「點解唔用Whatsapp」）

    18. 另一tech 撚朋友評曰：「我個人經驗，工作溝通通常都只係文字對話，或者開會。呢類 app 除非提供到一啲其他 instant messenger 一定提供唔到嘅功能，否則啲人用用下就會自然地用返一般用開的 instant messenger嘅 group chat。因為方便，唔駛開多樣。」

    19. 我不負責任咁講句：唔係咁易架葉師傅。技術背景嘅，當然係留意隻嘢有幾勁有幾多功能，但女人嘅嘢，絶世好Bra話頭，唔使你轉幾十個 pose架！你睇電飯煲（＊＊），就一個大掣，你阿麻都識用，幾咁撚簡單！呢啲就Design thinking啦！你睇微波爐？其實你有用過乜功能？我用嘅功能就只係較時間，然後叮。「我好多時連大中小火都唔搞」「唔夠熱咪再叮耐啲」

    20. 另外當然，就係大公司點都以本傷人，綑綁銷售又好，價格戰又好，利用現有嘅優勢去打你又好（Microsoft玩咗幾廿年啦），點會咁易畀你搶灘？

    21. 咁但不過，潑冷水之類後，又要講，成件事係冇矛盾的。係呀，好撚難架。但正係難先有機會發嘛，如果個個做到，就唔會有得發啦。你做到一間Zoom突圍成功，你睇袁征副身家幾咁勁？

    22. AirTable嘛，好在仲係唔係太大，雖則都話20萬個公司客了（嘩），但25億美金估值唔算係咩好誇張，「王維基咁上下」。相反，Slack嗰啲，已經都幾成熟，玩咗咁多年，市都上埋，140億美金市值，但依然冇錢賺，點玩落去？

    23. 不過唔緊要，沒有最泡，只有更泡。Slack今年啲表現都還不錯的。早兩日上嗰隻Snowflake先CSL挑戰你三觀，啲估值令我懷疑人生。一度成900億美金市值，而家跌返啲都仲有600億美金。我就唔知點計數了，但900億美金市值，講緊在標普500指數都排70—但公司收入？得4億，低過任何一間標普500指數成份股公司。

    24. 4億收入撐900億市值？亞馬遜1997年上市，玩到2011年先有800億市值—但當時收入係400億

    25. 呀，又賣廣告了，Snowflake嘅嘢，其實Patreon有講，仲有大把其他嘢（https://bit.ly/31QmYj7）

    26. 真的，有機會我都想試用下呢個AirTable—但你睇到問題了，「老人家邊有時間慢慢學」，但，後生有時間嘅，又唔肯科水喎。「所以你見手遊都係男兒當入樽，因為啲廢老有錢畀」

    （＊）有舊Startup？有的，Palantir成立咗17年，都仲扮係Start up，或者想人當佢係，或者有人當佢係

    （＊＊）唔係做愛姿勢嚟的，唔係講緊乞兒煲飯OK？雖則我到而家都唔知乞兒點煲飯，更加唔明外國嘅乞兒煲唔煲飯？煲Risotto？

    ———————————————————
    Ivan Patreon 狼耳街華人，一星期至少三篇港美市場評點，一個月一舊水唔使，開張一個月已500人訂！仲有兩篇免費試睇：https://bit.ly/31QmYj7
    ——————————————————————————
    ［收費短片第九擊］美股科技股是否泡沫爆破？價值投資之選

    課程資訊：https://homebloggerhk.com/course_detail/?code=CC009

    內容:
    *美股急跌點算好
    *科技股係咪泡沫爆煲？
    *有乜價值投資之選？

    本星期內特惠售價: $80
    課程編號：CC009
    觀看期限：首次播放後一星期及限每影片４次
    客服whatsapp: 63832145

    另外想買返第八擊（美國總統大選股票部署）都仲可以：https://bityl.co/3NPn

  • 君子馬蘭頭 - Ivan Li 李聲揚

    vba免費課程 在 君子馬蘭頭 - Ivan Li 李聲揚 Facebook 的最佳解答

    2020-07-07 16:05:35
    有 333 人按讚

    ［人工得返四份一］昨日明報經濟版，最多人睇就係呢篇文

    1. 登登登登，隆重推介呢篇文。講我搞移民台灣嘅種種。明報文，昨日出，所以我今日先貼。反正亦免費。Link在此，（https://bit.ly/3gwlZdB），最底下我都會貼全文。

    2. 咁文中講過嘅不再全部重覆。但想講啲場外花絮。

    3. 首先，呢篇文收視係好好嘅，昨日係明報經濟版網上第一。仲要其實我未在呢度貼出嚟的。問返朋友，佢話可能因為上一期個主角係三哥個仔（https://fbook.cc/3BgR），講兩萬蚊人工可以買樓娶老婆，一般讀者就冇乜代入感了。但我呢啲比較真實個案，素人，大家投入到。

    4. 留意，其實個訪問好長，好似講咗成粒鐘，我係唔知邊啲部份會出街的（＊）。記者朋友本身我都識，當普通傾計咁，結果佢好詫異我居然成個鐘一句粗口都冇講過！話「早知拍段片出街啦」。即係原本其實怕我講到一半太興奮爆粗，雖然唔係直播，但總不能「嘟」咗佢嘛。

    5. 我覺得，篇文咁好反應，除咗時機（但其實訪問係七一之前做的），主要係因為個題起得好。先頭部隊固然正，但最重要都係：忠告你，金融人或只「搵得番四分一」。呢個真係一個好好嘅bite

    6. 四分一呢個概念，你見我講台灣嘅文必講。仲咁啱大約就係台幣對港紙嘅匯率。我唔止一次識得在港嘅台灣金融行家講，返台灣？人工不變，不過由港幣變台幣。

    7. 真的，之前貼過我同事（其實係姐妹公司），台灣女仔，反服貿訪問（https://bit.ly/2VPlKCs），不介意公開自己收入（當然因為高就唔介意），香港就年薪百萬港紙，台灣就百萬台幣都冇。

    8. 其他行業可能折讓冇咁多（你搵到的話），但金融業，真係四份一係magic number。冇法，香港就金融業發達，台灣就金融業較弱，一來一回，好係嘢。咁其他工種可能好啲，但，可能都係三份一咁上下？

    9. 所以，我就認為，文中有講，香港人「係台灣返工唔係一個Option」，我真係冇乜見香港人走去打工。一係就退休金或有樓收租食過世，一係就可以在台灣做香港嘅freelance收香港客香港錢。創業嘅，就梗係香港人「三寶」：茶餐廳、燒味店、咖啡店。但，固然唔少執笠，最慘係，賺錢嘅，識個朋友間嘢賺到三四皮嘢港紙，但做到PK，朝七晚十星期一至星期七，畀你班文青嚟打卡小確幸匠人精神。咁不如返香港打工算啦。

    10. 當然有啲人，我地稱之為　鄧小平粉絲，係包拗項，又會話唏我有個朋友在台灣搵幾十萬港紙個月，唏我個朋友點點點。唔拗，大家都知鄧小平係煙鏟但好長命。但我講in general，我做台資公司時，睇埋啲高層嘅人工（上市公司嘛，邊有咁多秘密），亦見到台灣同香港比，真係四份一都未必有。

    11. 另外，你見有個移民開支表（好似網上版睇唔到，我在comment貼），講用咗30萬港紙—原來好多人見到話平！我想講，我已經用得多。要更平都得。原來真係好多人誤解咗，你台灣嗰600萬台幣，係開公司，唔係食咗你的。你搞掂晒護照（當然我唔會叫你一搞掂就執笠），然後公司結業，係可以拎得返大部份。

    12. 點解我話我已經係用得多？首先有6皮嘢畀咗移民顧問。固然我都建議你搵，但以前真係亦有唔少人自己搞。係慳返錢的，你諗你。另外，由我地開始搞到埃汾太辭工過去到開業，都用咗啲時間。有啲人係可以好快手的。仲有，我係有租實體舖，亦有請兼職員工—就係用錢買certainty，我間公司完全四正，有實店有貨賣有請當地人，移民官冇可能質疑到我。咁有啲人唔租舖唔請人嘅，又係你諗你（但而家好似唔得了）。

    13. 記者朋友仲有問到，「幾時先走」。實在有少少敏感，你想像下我老細見到會點諗？但本人都係選擇光明呂樂，照買。咪且戰且走，在香港有得撈，有份接受到嘅工咪留多陣。冇人要嘅，咪收工走人。

    14. 記者朋友話，咁土生土長香港人，在香港金融圈，仲有冇得發圍？冇嘅，睇你點睇。鬼頭年代一樣係冇得你發圍，就係鬼頭執包伏，大陸佬又未玩熟，中間大約有十幾廿年，係香港土炮嘅黃金年代—「亦即係地產霸權年代」。我04年先做銀行，中資添。06年先做股票，當時已經好多中資，就睇你點走位咯。＼

    15. 但，唔好有口話人冇口話自己。咁你同廿年前三十年前比，土炮當然更加暗淡。唔講政治都好，都話我舊公司啲煙腸，個個中文又好過我，英文都好過我！又勤力過我！但人工係我N份一。優勝劣敗啫，睇你點走位，老咗唔夠人爆，咪踢法經濟啲，食腦。再講白啲，四十幾歲人仲日日開個Excel砌model玩macro玩VBA咩，唔夠人鬥的。「但我識吹水」。咁睇你想做乜咯，你要好巴閉嘅，係難啲。但我又唔係要點巴閉做CEO做乜，搵餐晏仔，一年去幾次日本食幾次米芝蓮供層樓之類，總走到位。當然你唔順超人，就另一回事。

    16. 另外有朋友睇咗，話我批評台灣喎。實情你見我都唔少批評台灣。例如文入話「人治」—喂咁的確係咁喎，你睇台灣移民審批，極不透明。永遠都只係傳：呢期乜乜乜專業收，呢期乜乜乜行業唔收，呢期非香港出世嘅全部落閘—但永遠唔話你知。

    17. 咁當然，去人地度梗係跟人地玩法。但我亦只係實話實說，我咪跟你玩法，搵移民顧問—其實有冇諗過，呢啲咪rent seeking！（＊＊）．真喎，你全部跟制度嘅地方，邊使咁多呢啲乜乜顧問？你見啲腐敗國家（唔係講台灣），咪最多人幫你填form呀教你寫野呀咁咯

    18. 況且，幾時都係身體最誠實。你見我成日話台灣，但我都係選擇會搬去住嘛。梗有好處，爭在未必係你估嘅好處。天地良心，埃汾係BNO持有人，我仲要係好多年前已經拎返再續（咁中間係有停過嘅，我在英國回港後，4年先再去旅行），夠晒忠心。但我完全冇諗過走去英國—即使，天地良心客觀睇，我在英國搵到工嘅機會，一定大過台灣—甚至計及在我台灣減一大截人工添。如果我在英國肯拎台灣咁人工，應該好易搵到。始終英國亦係金融業發達，當年出trip都見唔少黃皮膚人睇返亞洲股票　—　「但你要嘈話做唔到最大粒嗰個就隨你」

    19. 最後一樣講，你見成日話台灣經濟唔好。但經濟唔好先係好！對外來人嘅好。台灣經濟好就唔得嚟畀你咁爽過去做皇帝啦下話。香港經濟夠好，但你問香港人係咪受惠到？係咪開心？

    20. 當然，亦都好睇你在人生咩階段。正如你搵男女朋友就搵件刺激嘅，但搵老婆老公就唔好咁刺激。你要搏殺要上位要搵食嘅，在台灣死得，香港梗係搵錢好。但台灣就生活好。

    21. 咁如何在台灣又可以生活好？就梗係，搵香港錢在台灣洗啦！就靠你地啦！收費專欄好快重出江湖！而家玩住收費短片先！

    22. 最最最底有明報篇文全文。或者你開link睇又得 （https://bit.ly/3gwlZdB）。

    （＊）我發現好多人以為記者會畀份稿公司／受訪人睇先出街。答案係唔會的，基本嘅行規或守則。你要指指點點嘅，就自己賣廣告或開個記者會咯。不過我在唔同公司都見有不同嘅人，用啲不同嘅濕鳩借口去叫人畀份稿佢睇咗先（例如「想確保啲嘢冇錯啫」），我都話，香港人，係從來唔尊重其他人嘅專業的。我就唔係悍衡新聞自由乜柒，但我尊重記者朋友嘅慣常做法，而唔會用香港人例牌嘅：「拿新聞嘅嘢我唔識啦，不過我覺得呢……」

    （＊＊）而唔少人真係以為rent seeking就係租間屋畀人。不過咩係rent seeking都有啲深，但到見到嗰時，你就明白。呢度嘅例子，你移民要搵顧問嘅，就好大機會佢地係rent seeking嘅行業。你諗下當中幾多油水幾多勾當？

    ——————————————————————————————
    收費短片第二擊，暫時斷次買。80蚊，講足半個鐘，有圖有表有筆記。
    都係一周思考課題，當然唔會就咁報新聞呃錢，係講有乜啟示。
    影片簡介：https://bit.ly/2ZILRwf　
    或者睇置頂 post都得：https://fbook.cc/3BRq
    講銀行加按息係咪睇淡樓市，美股有冇泡沫，奧地利發100年債券有乜啟示。
    仲講樓，講埋Growth vs Value．

    以下係報名方法：

    【最新李聲揚收費影片】股市係咪真係太貴? 要買究竟邊隻係抵?
    *影片下方會有內容撮要，唔想睇片可以睇字
    影片/課程編號：CC003
    播放平台：https://homebloggerhk.com/web-class-player/
    付款及收看步驟：
    1/點擊報名收看 [ 影片/課程編號：CC003 ]
    2/利用信用卡網上付款
    3/及後有登入資料可以立即收看
    查詢：whatsapp 63832145

    ----------------------------------------------------------------------------------------

    分析員李聲揚擬移台 忠告：金融人或只「搵得番四分一」

    「港區國安法」由提案到實施不過一個多月，香港似乎重演80年移民潮，搬錢、撤資成為中產熱話。已「半邊身」移台的金融人李聲揚直言「細個好鍾意香港，但環境愈來愈擠迫」，故自2014年由太太做「先頭部隊」著手移民台灣，並在兩年前取得護照。不過，他忠告想移民台灣的香港人或金融人需有心理準備，因為隨時「搵到工都得番香港三分一或四分一」。

    目前李聲揚暫未計劃正式動身去坐「移民監」，作為金融人，他坦言全因香港賺錢易，「係台灣返工唔係一個Option（選項）」，因為香港經濟遠比台灣好，「重災區」金融業對比更是強烈，「人工完全係天同地比」。但土生港人在香港金融圈還有機會嗎？他說，香港金融業在外資離開、中資未到時，亦曾有港人黃金時代，「但我入行時已經係好多中資，所以（最終）都係睇香港人識唔識走位」。

    香港金融人「最緊要識走位」

    不少人因為喜歡到台灣旅遊而決定移民台灣，但李聲揚坦言，與太太行動前卻並無到過台灣多少次。他說，下決心關鍵源於2014年台灣取消「存款移民」，即港澳人士不可再用「敘造定期存款500萬新台幣（約131.6萬港元）滿一年」為由申請長期居留，現已改為需投資移民600萬元新台幣（約151.9萬港元）開設公司，兼有經營繳稅紀錄才可申請居留權。

    李聲揚有感當時移台人士有增無減，相信門檻定會逐步收緊，因此「快快手、聽完移民講座」就在2014年底決定由太太先行一步搞移台手續。他指出，相信不少港人與自己一樣，開初是「諗多過做」，因為就算在台經營香港人「三寶」茶餐廳、燒味店、咖啡店，「都係過癮，但要賺錢唔係咁易」。

    他認為，移台港人除退休人士或剛入職場、薪水較低的年輕人外，與他同齡或背景的人、三十多歲已結婚生子、或在港有資產的都要考慮更多，他以自己為例，「（本來）兩公婆都返工，移民就要有其中一位辭工，所以多數係在台灣較難搵到同類工作、又或者人工較低嗰個去」。

    寧願多付點成本 找移民顧問代辦
    縱然台灣門檻較低，但李聲揚與太太仍決定選擇成本較高但較方便的途徑，以約6萬港元聘用移民顧問，皆因他覺得台灣「人治的特質比較高」，「其他國家移民係好似剔點心紙咁計分，但台灣就不一樣，像專才移民，就無好清楚透明話邊啲行業高分低分」，因此需要聘請移民顧問教路或提供門路。

    他說，與太太到台灣投資移民時，就嘗試揣摩當局的諗法，因此不考慮經營網店，改為經移民顧問開設實體時裝店，並聘請兼職員工，「好聽係創造就業，又交稅，唔係過去爭飯食、爭工返、爭福利」，令審批更易。他又指出，移台有很多文件手續，需到不同政府部門、銀行等「敲門」，自己處理的話可能要不時親身到台灣，但移民顧問則會代辦各類事宜，因此他寧願多付一點成本，但可節省回不少時間。

    談到他覺得台灣吸引的地方，「所有嘢都好抵，但正因為經濟唔好先係咁宜居」，又笑言「好得意，香港經濟係好，但香港人又係咪開心？又係咪受惠到？都真係未必。」

    「（留在）香港的代價就係人工高、人多又逼，無咩人情味、樓又貴啲。」他說。

    [是去是留系列之二]

  • 會計人的Excel小教室

    vba免費課程 在 會計人的Excel小教室 Facebook 的最佳解答

    2020-02-11 19:00:09
    有 55 人按讚

    【商業數據力實戰｜一次學會財報分析與Excel自動化應用】
    讓國際企業資深會計經理帶你從原理到實務應用，強化你的商業數據力！
    填寫問卷抽免費線上課程► https://ps.yottau.net/QK93Z
    　
    -
    你想將你的財務知識更上一層樓，進而得到更好的工作機會嗎？
    或是你想要真正的學會財報分析並透過Excel讓資料自動化，提高你的工作效率呢？
    甚至你是穩健型的投資人，希望透過熟悉的Excel，篩選出穩健的投資標的嗎？
    　
    會計人的Excel小教室創辦人－ 贊贊小屋，擁有十多年的會計工作與實務教學經歷，這次感謝 YOTTA - 你最專業的學習夥伴 的邀請，我們預計開設一門「商業數據力實戰｜一次學會財報分析與Excel自動化應用」課程。
    　
    這門課程將是一套系統化、結合基礎概念與實務應用的財務課程，從會計基礎入門，再到閱讀並分析財務報表，最後教你透過Excel VBA 將資料進行自動化分析，除了非常適合職場上需要運用到財務知識或是想要擁有更強職場競爭力的財務人、公司營運人員外，如果你是看重企業營運穩健的投資人，透過自動化分析，更能協助你從茫茫股海中，挖掘值得投資好公司！
    　
    為了更了解大家遇到的困難點與想要學習的內容，現在協助填寫問卷幫助完善課程， #就有機會免費抽中這堂課喲
    　
    立即填寫課前問卷｜https://ps.yottau.net/QK93Z
    　
    　
    • 活動獎項：「商業數據力實戰｜一次學會財報分析與Excel自動化應用」線上課程
    • 活動時間：即日起～2020/3/2 (一)
    • 得獎公布：2020/3/3 (二)，公佈於 YOTTA 粉絲團
    • 備註：如課程因故無法開設，恕不另行補償其他贈品

你可能也想看看

搜尋相關網站