/
呢排我都喪聽返 #SupperMoment 嘅歌。
.
由 #小伙子 聽到 #大丈夫,由 #飛 聽到 #無盡,Supper 都算係香港嘅 #五月天,亦係點解我鍾意 Supper 嘅原因。工作到咁上下,的確要有啲野俾到動力自己繼續、洗滌心靈,先有靈感同清晰頭腦繼續,先令我筆記或課堂有種莫名奇妙嘅感...
/
呢排我都喪聽返 #SupperMoment 嘅歌。
.
由 #小伙子 聽到 #大丈夫,由 #飛 聽到 #無盡,Supper 都算係香港嘅 #五月天,亦係點解我鍾意 Supper 嘅原因。工作到咁上下,的確要有啲野俾到動力自己繼續、洗滌心靈,先有靈感同清晰頭腦繼續,先令我筆記或課堂有種莫名奇妙嘅感染力。
.
尋晚俾我搵得返呢幾張相,應該我係5定6年前我出紙書 + 電子書 X 電訊公司 3 嘅 crossover 新書宣傳活動。有一排所有 3 門市都有播我教英文。
.
除左陶傑先生、王子軒,見到張相最右 Supper Moment 嘅 Sunny,嗰次應該係我第一次見到佢。之後隔左兩年喺 FB 搵佢有一啲合作,我好驚訝佢仲記得我。
.
見到張相、聽到佢地嘅歌,就更加感受到一個人嘅長大。由小伙子嘅嗰種長大嘅迷失、孤單,成熟同幼稚嘅取捨;幾年之間原來忽然間已去到做一個大丈夫,感概時間走得好快嘅同時,歌詞仲提醒我們「擔扛起宇宙,離別了呵護,艱苦都也不可以馬虎」,要兼顧很多很多很多重擔。
.
以前可能係責任,而家係重擔。以前做到某個位已90分,而家個 standard 可能10分都未必有,每日逼自己進步。
.
有時候真係好大壓力,連深呼吸都感到嗰種壓力。
.
要選擇做完美主義者係要抗壓能力好高,因為要每一刻都想專業。我連每秒喺街都想保持微笑,想萬一你地喺街見到我都感到我嘅親切,鼓勵到你地。
.
所以大家讀書嗰種壓力我係會絕對明白。
.
能夠令我咁搏命、咁堅持下去,應該只有幾樣野:
1. 見到自己原來每年進步好多,呢份係滿足感
2. 見到你地嘅改變,令你地鍾意左英文算係我一生成就
3. 我知道我無退路,因為我要照顧好身邊嘅人(家人、團隊),我唔可以影響跟我搵食嘅人
4. 我要對得住我公司一直嘅照顧
5. 間中我嘅中學、大學恩師、戰友幾句說話支持
6. 聽到有感覺嘅歌,特別係五月天、Supper 嘅歌就有動力
.
過左咁多年,熱情無減退都係因為呢啲。退後一步,我發現我嘅人生原來無點為自己諗過。
.
所以,只希望大家聽聽話話俾心機溫書,同埋做個有好嘅品格嘅人,將我空虛嘅心填滿返。🤧🤧
.
#其實我打呢段野有少少眼濕濕
#想大家知道我點諗
#生命影響生命
#默默努力嘅老師唔只我一個
#我地需要你地打氣先得
#有時候見到你地唔溫書唔做功課我會唔開心
#亦感謝每個令我搏命嘅人