09/03/2017：不負責任感想

梧：首先在下要同各位朋友講聲非撚常之唔好意思，呢一兩個月俗務繁忙，而且成鳩日唔喺香港，基本上係成兩個月無乜點睇鋪乜滯，仲要成鳩日麻煩賴叔幫手。其實老實講，真係有啲想摺咗呢度佢，不過既然都開咗兩年，又承蒙大家不棄，就咁摺咗呢度其實有啲唔捨得。

Q1啲trip未去嗮，Q2啲trip就嚟要開波，所以其實在下係有喺度睇緊市不過真係無咩時間同大家寫吓嘢，仲要爭落成個2017 outlook......唉，總之一言難盡......（有邊鳩個願意將在下口鳩up嘅嘢化為文字嘅話，contact me）

2017都行咗兩個月，大家都有眼睇－－恆指（主要係亞洲股市）真係唔算太差，Trump雖然某程度有tone down咗講嘅嘢，但係只要大家有follow開佢個Twitter account嘅話就知道條友基本上日日都講埋啲癲嘢，some moved the markets，most didn't。其實唔郁最好，因為如果唔係嘅話美股而家高位震盪咗一排嘅話，有咩風吹草動嘅話全世界都幾牙煙。在下認為，個市遲早會對佢講啲鳩嘢免疫，至於幾時...應該係等佢個政府開始真係推嘢過國會嘅時候。

過去呢一兩年無限咁多人同你講美股其實on valuation basis已經幾貴下，到而家佢終於都似唔係好夠力再夾上去。好明顯，去到呢個位，好消息差唔多玩嗮不過又未出啲咩壞消息，嚟緊呢個禮拜五出nonfarm payroll嗰堆employment data，下個禮拜二三（香港四凌晨）就係第一個Quarterly嘅FOMC meeting。三月加息嘅機會率由3x％到而家9x％（在下不嬲睇加三次同有機加快速度），耶倫講嘢亦都開始由鴿轉鷹，大家要留意下個禮拜四之後嘅市場走勢，加上今個月季結，下半個月有機會開始郁吓......不過在下認為volatility應該未開始加大，起碼要等Trump過咗頭100日先（1月20日上場計即4月11號左右）。

在下隱約覺得，而家個DXY大約102左右根本都未開始price in聯儲局可能下個禮拜就開砲加今年第一口息，所以如果下個禮拜真係加息嘅話，個DXY有機會夾一下（相對於而家）幾勁嘅上去，到時唔止美股UST會郁，亞洲貨幣都應該會郁，應會該郁埋啲股市，大家（特別係玩derivatives嗰班）要有定心理準備到時候可能有短時間嘅vega squeeze。

歐洲啲股市（Ex英國）呢兩個月忽然變得好無個性，都係跟住美國嗰邊走，不過等法國大選嘅時候再睇睇，同埋英國幾時開波同歐洲傾Brexit，到時候啲newsflow應該會多到暈，小心英鎊不停chok（其實都已經進入陰乾mode）。歐元嘛，well睇實個歐元區HICP就得。Bundasbank（德央行）一定會早過大家出口。