窮豪遊緬甸貼士 I - 斨錢 (「唱」錢個真正寫法，活到老學到老) 1. 緬甸收兩種貨幣，一係美金，二係本土貨幣 kyats (讀音係 ”chats”呀下)，kyats 就咩地方都收，美金就大部份地方都okay，除咗一般餐廳仔、短程巴士、街邊鋪呢啲本地薑地茂嘢唔收 2. 喺機場、找換店又或者銀行斨 kyats 啲rate都係差唔多，依家兌緊1 USD : 1100-1200 kyats 左右，但係交易嘅時候直接用美金呢，1蚊美金多數係當 1000 kyats 架啫，咁即係話，將啲美金斨定 kyats 先再用，多數會抵啲，不過網上話有啲貴啲嘅地方用美金會著數啲喎……雖然我記憶中就冇遇過，不過你想穩鎮嘅，咪喺仰光斨定一半美金做 kyats 先，然後每次交易睇下邊個貨幣抵啲先用，用到冇再斨囉～一般遊客去嘅城鎮都有銀行可以斨錢，邊行邊斨，不是問題 3. 帶咩美金去呢？最好帶定一兩張大紙去斨，再加一啲散紙要黎真心用。你想直洗美金嗰時，有散紙就可以一張張一蚊咁俾，不過要斨 kyats 嘅時候，大紙 (USD 100 or 50) 個rate就會好啲 ，又唔係話好好多嘅，但係你斨一二百蚊，都可以賺多一餐半餐嘅錢出黎架 4. 啊唔好唔記得，緬甸淨係會收完美無瑕冇摺痕好似搵熨斗熨過嘅美金，所以唔好將啲美金擺落摺嘅銀包呀 5. 好嘞最後，老老竇竇，到底預幾多錢好呢？拿我淡季去，一晚旅館5-15蚊美金，一餐2-3蚊美金，一程長途巴11-20蚊美金，10日喺嗰度洗咗200-240蚊美金，咁嗯……你自己計啦 下次講電話卡，yeah，係咁 #窮豪遊天下2015 #緬甸