DSE 開始進入直路 大家加油﹗ 尋日，我因為要去圖書館借 Chem 的 Past Paper 途經自修室，自修室內第一次係於臨考DSE 前係有位 仲要好多位，大約只有3成滿 而當中有一半以上係阿叔睇報紙 睇左好耐終於見到有學生哥 但係著校服的，相信唔係應屆 最後真係睇到大約四五個相信係應屆的學生溫緊書 好多次直播前，有人成日話自修室好多人攞住燈塔的筆記黎溫 我眼見果四五個係有人溫補習筆記，但係 "現代教育" 的 (*註︰我已經沒有於任何一間補習社任教，而家係 YouTuber) 呢個現象話俾大家聽一件事 今時今日的公開試，真係只鬥最後的一段日子 您而家先開始，或者開始得好少都唔好放棄 而家的日子好好使用係可以升好多個 level 以數學為例，其實一本天書大約家中睇一日就 ok 如果您未開始的，可以諗下有幾多日俾數學呢科 然後揀翻您想睇邊幾本書 我的建議係 A,B,C,D,E,F,G 睇完先完去睇tips class 如果您真係好弱，就睇左 big lemon 先 日子唔夠唔緊要，睇得一本就 upgrade 一個實力 M1方面，總時間係約60小時的片 但事實您可以跳左比較類似的 past paper demo 所以相信40小時已經好夠 M2方面，總時間係約110小時的片 如M1所講，當中您認真睇，您會發現有不少係翻炒的 past paper 您係可以快唔少去完成，我估大約70小時 如果時間不許可都可以睇左您最唔掂的片先 其他科我地都有片，經濟、BAFS、chem、phy 都有多少片 希望可以唔同程度幫到大家 大家繼續加油，我地都繼續攻 Chem 啦 (P.S. 有無人知 chem 的 sample paper 中文 marking scheme 可以邊度搵到，有朋友知的話麻煩 pm 我們，謝謝) ------------------------------------ HKDSE Mathematics 數學天書 訂購表格及方法︰ http://goo.gl/forms/NgqVAfMVB9 (**訂購天書，一般今日完成程序、明天寄、後天收到 (假期除外)) YouTube 網上教學平台 : http://www.youtube.com/HermanYeung Herman Yeung Blogger : https://goo.gl/SBmVOO Herman Yeung Instagram : https://www.instagram.com/hermanyeung_hy