［被炒記2.0 序：當年相戀意中人］（＊）回力鏢。埃汾25年前嘅 Ex，P小姐，至少廿年冇見，十年冇傾過計，而佢忽然在地球另一端Message我—「你畀人炒咗？咁啱嘅。我都係喎。我唔開心，有嘢想問你」

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，正式失業。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

1. 哇哈，正呀，國家卒之記得我！真係結他低泣時，「如果未嫌棄～～～我即賓近你」　—　好心啦，幾廿歲人仲咁多性幻想？

2. 嗯，原本我已經諗定被炒記2.0嘅開頭點寫。原本係：「如何避免輸錢？唔好買股票」「如何100%避孕？唔好做愛」—咁所以，「如何避免畀人炒？ 唔好返工」。

3. 但結果就在我好忙好憤怒，卒之在龜坑飲返杯凍奶茶補數時，忽然間就有人PM我。我甚至以為係點數黨騙局，因為，真係稀客。原來有人畀人炒咗，哦。但佢又發現我都畀人炒咗。就問我點解我可以處之泰然，若無甚事，甚至打鑼打鼓。的確，我第一時間就WhatsApp 各方好友，然後亦在Facebook Page ig Patreon通知大家。

4. 但我亦過咗「傷痕文學呃蝦條」嘅年紀。真的，以前成日寫啲唔開心嘢，或者係我屋企嘅嘢—後來固然發現冇乜咁大不了，畀我更大鑊嘅人更多—但當年講呢啲呢，幾好的。首先女有母性啦，你見N咁多無知少女都鍾意古惑仔，貪佢有錢？係覺得自己可以「改變」佢呀。二來，就算冇蝦條，都有掌聲，以前寫親「論盡我老母」系列，收視必定爆棚。但不了，冇咁嘅必要。

5. 哦。而佢覺得我係「畀人炒嘅專家」（我諗起摩連奴同雲加）—但我更正佢，我都只係第二次，同佢一樣，而佢仲後生我四年。邊個先係專家？

6. 對我嚟講，最高透明度。有嘢咪講。我唔係小學雞咁滿江紅鬥低分好光榮，但真係事無不可對人言。畀人炒，咪畀人炒咯。有乜難以啟齒？第一次就有感覺啫，第二次有乜感覺？你見工或乜問起你，你er er er，咪更心虛。《英雄本色》豪哥（狄龍）去堅記車房搵堅哥（曾江）咁，「我係台灣忠伯介紹嘅，我在台灣做生意嗰陣呢……」「痞監就痞監啦，做乜鬼生意？」

7. 當然仲係好多人屌我虛偽，Everyone (else) is a Hypocrite．但天地良心，我都係比較直接嘅。正如無數HR都同你講唔應該咁講，但我見親工，有人問我點解離開星展，我都係照答：同個老細唔係好夾得嚟（咁當然，我唔會講：條臭西乜撚都唔識仲一個仙花紅都唔出畀我，我忍撚到8月先走已經覺得要拎諾貝爾和平獎）

8. 不如都係講返我舊愛。

9. P小姐係我第二個女朋友，時為回歸之前，1996年。我幾多歲？有人唔知我邊年出世？所以重點係佢幾多歲！佢當年應係14？或者15歲？「嘩你個人渣」。但，唏，襟芒，幾時法律上或者道德上，原來同未成女少女拍拖係犯法或天地不容嘅？嗰時人人都知喎，冇人拉我或者的我去浸豬蘢喎。拍拖咋，你諗咗去邊？犯法嘢我係唔會做的。

10. 而我知你想問乜，你鍾意問到篤嘅，我咪寫過《失身記》咯（https://lkdin.io/3KwS），1998年2月14日嘛，我讀緊大學啦施主。我係一個會講大話嘅人？我連蘇斯克查將海報都仲記得。所以呢部份唔使深究了。

11. 當然我懷疑以上嘅嘢我寫得咁詳細，P小姐會唔鍾意。但我唔寫，你地一定會問。而講真，雖然我經佢同意先貼呢段message，不過，之後我寫文，佢鍾唔鍾意，你覺得我會care？「咁多舊愛咁我出個Post要 seek幾多人approval」？

12. 對話中佢有順手講到對我嘅文好多意見，但我只係十分婉轉地講返我一直嘅核心信念，唔鍾意，唔好睇。To be honest，佢一路都話覺得我好有才華（Translation：唔靜仔又冇錢不過有啲嘢嘅），但從來都唔鍾我意啲文（但又話一路都承認我好有才華，well，可能覺得我唔應該寫文應該去打NBA？）。如果佢鍾意我寫嘅文，就唔會十年冇同我傾過計啦。我FB 都加咗佢十幾年。

13. 仲有一樣嘢，我有同朋友講過，亦有同佢講過。P小姐係我咁多個女朋友之中，最靚嘅一個。「埃汾太除外」。諗落都幾大鑊。唔係佢唔靚，而係之後我都冇乜同過靚女一齊。「埃汾太除外」。好似啲球星（葛斯？）咁，年少成名，世界盃都捧埋，你以為係見證傳奇嘅誕生？原來已是終結。

14. 咁但，當然我唔會貼佢相啦。況且，都啤咗三件（好似）。而講真，再講一次，廿五年前嘅事，廿年冇再見過（難得佢有一次返咗香港），十年冇Message，你覺得會可以點？唔通山水有相逢咩。睇少啲周星馳。

15. 但我諗個引子係，佢相信我（雖則飛咗我），咁有人信你總係好事。佢問，我咪答。佢唔問，講真，發生任何嘢我都唔會畀意見，唔係我恨佢（廿五年前啦大佬！），而係unsolicited advice 係極之討厭的。

16. 佢問我，點解我畀人炒可以處之泰然，我諗呢個係幾好嘅討論題目。正如我問返佢，咁做乜佢要咁煞有介事？

17. 我嘅被炒記2.0，就由呢樣嘢講起。放心，篇文唔會同佢有乜關係。只係佢想知我點解處之泰然，咁啱我又係想寫，咪順手拉埋佢落水。反正呢個引子夠吸睛。

18. 我甚至唔肯定，佢睇完會唔會反面—或者睇完呢篇preface已經反我面。但都係to be fair，我會唔會需要特別去討好一個廿五年前同過我一齊 而家啤咗三件嘅幸福媽媽呢？佢問，我咪寫，反正都想寫，但我唔保證佢睇完會開心。

19. Stay Tuned

20. 我知應該唔少人想八掛呢啲故事，但再講一次，「咁多女朋友個個都寫我咪好唔得閒？」。況且，今日大家天各一方啦，佢在地球另一端，佢有佢嘅生活，我有我繼續我嘅磨碌。三十年前嘅事啦大佬（四捨五入），人地B都啤咗三件啦。仲記住大家一齊聽隻《愛與交響樂》（唔使Google都知係1996年）大家依注，仲有乜意思？

21. 所以，嚟緊都係寫返被炒記2.0。我先係主角嘛，睇女嘅，大把地方啦。例如科勞我ig （@ivanliresearch）．「你係女咩？」「唔係，但我科勞好多女」。Ig當然係用嚟睇女，唔通睇啲小朋友教我理財？

22. 有人話我啲文飄嚟飄去唔知寫乜。嗯，係的。但，讀者就係鍾意睇呢啲嘛！

23. 講真的，打從嗰杯凍奶茶後，你見我寫多咗好多嘢，好多咗唔係投資嘅嘢。但無論如何，我而家好似街邊江湖術士表演完拎個兜出嚟咁，大家支持下個Patreon—你唔睇金融嘢？你睇但覺得我寫得唔好？都冇所謂的。而家就靠讀者支持架啦。實情唔少人都訂咗唔睇的，係為支持我寫呢啲文亦得。

（＊）《當年相戀意中人》亦係一套戲，Broken Flowers．標梅利去搵返啲舊愛。好睇的。

＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。年費仲有85折

經過五小時開會，巴西Anvisa的委員會批出了科興疫苗和阿斯利康疫苗的緊急使用權。主導Butantan第三期實驗和疫苗生產的聖保羅州長鬆一口氣，立即在綠色佈景板前喚來一位黑人女護士打下科興疫苗「第一針」。Anvisa公開Butantan呈交的最終數據，顯示科興疫苗的有效率為50.39% (IC95：35.26-61.98)。

由於Butantan跟科興簽定保密協議，疫苗數據和研發內情到現在才正式公諸於世，其中提到疫苗所用到的滅活病毒，是從四名來自中國不同地區的患者的血液中分離出來，以作遴選毒株之用，時間最早可追溯至2020年1月尾。重溫一年前的經過：

2019年12月，武漢市長周先旺向北京通報疫情，未獲授權告知社會；

12月31日，中共首度通報武漢爆發疫情，當時稱未發現明顯人傳人現象，未發現醫護感染；

2020年1月1日，武漢政府清洗華南海鮮市場；

1月3日，衛健委下令存有病毒樣本的實驗室銷毀樣本或送到指定機構，華春瑩事後指當日美國獲中方通報武漢疫情；

1月7日，習近平召開會議對防控工作提出要求；

1月11日，病毒基因序列破解一星期後通報世衛，為期8日的湖北兩會正式召開；

1月14日，世衛質疑疫情可能有限度人傳人；

1月18日，周先旺聽信「有限度人傳人」的講法，批准舉辦萬家宴，4萬個家庭參與，造成大爆發；

1月20日，中共透過鍾南山在央視受訪承認醫護感染，確認人傳人發生，政治局常委當晚緊急開會；

1月21日，中共科技部啟動應急科技攻關項目，鍾南山為組長，推動血漿採集，要求五條路線研發疫苗；

1月23日，武漢宣佈封城，超過500萬人聞訊後逃往各省以至全世界，部分人飛往歐洲登上郵輪；

1月28日，譚德塞抵達北京，習近平接見時說是他親自指揮親自部署抗疫，譚德塞稱讚北京透明，武漢疫情可防可控；

1月30日，世衛宣佈武漢肺炎為全球緊急衛生事件。

由1月21日開組到3月16日批准了第一支武肺重組蛋白疫苗進入第一期臨床實驗，不需要兩個月時間。同一日，莫德納mRNA疫苗宣佈直接展開人體試驗。而國藥和科興研發的滅活疫苗，到4月14日才進入第一第二期試驗，現在卻「遲來先上岸」了。而科興拜託巴西聖保羅政府開始第三期試驗的日期，是7月21日。

不要以為委員會5：0表決批准緊急使用權，就等同Anvisa認可了所呈交的數據。Anvisa的評估報告講明：「整項臨床研究沒有提供免疫源性評估結果，所呈交的唯一結果不足以滿足免疫源性評估。」

Anvisa對不完全數據的其餘評價還包括：

Predicted neutralizing antibody assessments:
Not presented the results forseen in the approved clinical study

Predicted binding antibody assessments:
The data presented was referring to a collection. The individual results were presented in a table, without defining which group they were referring into (Placebo or Control)

Evaluation of predicted seroconversion and cellular immunity:
No provided for in the approved clinical study protocol

安全性

Occurrence of requested adverse reactions (local and systemic) within 7 days after
administration of the second dose:
50.8% in the adult group and 36.4% in the group
of the elderly;

Occurrence of unsolicited adverse reactions (local and systemic) up to 7 days
after administration of the second dose:
9.2% in the adult group and 8.1% in the
elderly group.

不良反應方面，報告顯示沒有嚴重不良反應，只有40.1%成人接種位置出現疼痛。而Anvisa不厭其煩地指出了滅活疫苗的另一個關鍵風險，就是抗體依賴增強（ADE）效應，意思是滅活疫苗所誘發的抗體可能會增強病毒的感染能力，令患者的病情加重。中國疾控中心主任高福去年被問到這個問題時對此不置可否，強調「目前新冠疫苗ADE沒有定論」。即是說，需要更多的公測數據才可以確認會否重演登革熱疫苗的滑鐵爐事故。

此外，Anvisa認為科興疫苗的保護期效、注射間隔和劑量多少都是不確定的，老人組的數據也得很少。Anvisa仍然要求Butantan追加數據和澄清，包括5704名受試醫護的有效率和接觸史數據。而整個第三期臨床實驗，亞裔受試者只佔2.5%，其他疫苗都有同樣的通病。

Anvisa在結語不忘戴定頭盔，大意是你們逼我審得這麼倉卒的：「此外，重要的是要注意科興生產的Coronavac仍處於分析中（持續提交），但是有關巴西進行的第三階段研究的文件（有效性和安全性）是在請求臨時授權以供緊急使用之下提交的。」Anvisa再三強調，他們想要的免疫源性數據仍未收到。

還記得之前阿斯利康在巴西的第三期臨床實驗曾經一度中止，全因安慰組死了人嗎？原來科興疫苗的巴西臨床實驗也死過人，還有小產，只是現在才可以透過Anvisa公開：

「73 serious adverse events were reported in 67 study participants. In three of these events the participants evolved to death, but none was related to the product under investigation. Of the 5 reported abortions, only one was assessed as having a causal relationship possible with the product under investigation / placebo. It is noteworthy that the causal relationship of this case is still under discussion between sponsor and clinical center in which the event was reported.」

調查發現事故與產品無關，其中一宗仍在討論，早前都受到保密協議保護。

即管看看香港官方反應，大抵是巴西批准了，他們也鬆一口氣，非常科學。

作者

［人人唔信見底，咪見底］所以都係要Contrarian．但當然談何容易，個個Contrarian，就個個都唔係Contrarian啦。

1. 非常簡單，Ramp Capital 在3月24日，在twitter做嘅poll．都成萬幾人，而且follow得呢個戶口嘅，應該唔係混吉花生友。未必好醒，但應該係有接觸開投資資訊嘅人。問題好簡單，問昨日（3月23日），係咪大市見底？八成人都話唔係。

2. 咁你估到，結果就係見底。當然你可以話而家先5月，有機會跌到500點嘅，隨你。

3. 但想講嘅係，投資者永遠受短期情緒影響。升嗰時覺得可以不停升，三萬點就估四萬，五萬點就估十萬。跌嗰時又以為不停咁跌。當時美股大跌大家就只係諗會死幾多人，等於上星期五港股大跌大家就以為世界末日

4. 以上種種當然講過無數次，街邊阿嬸都知畢菲特話「別人恐懼時我貪婪」。但除咗「別人恐懼時我冇錢」外，根本你判斷邊刻先係最恐懼，極難。你睇2008-9，你以為貝爾斯登爆煲已經夠恐慌，中秋節雷曼先嚟戲肉。但你以為呢浸搞掂，港股2009年都仲整單匯控供股。然後好多人（唔止係無知之士喎）都講資本主義結終，將來十年熊市。AND？而家睇返梗係簡單，你身處其中就知幾咁難，

5. 近少少嘅，肺炎。咁香港以為一月尾跌定啦，點知3月先全球大屠殺。點捉？你又以為一沉不起，但結果話咁快，標普指數低位一個月彈30%

6. 點去改善？其實似乎係不可能的。你睇恐怖片，知係假嘅，你都係會驚。呢啲係人類先天嘅基因。

7. 好少少嘅，你去用數字方式，會好啲。例如講過幾次睇Price to book 之類。但去到某個位，你會連呢啲嘢都唔信，根本你就任何嘢都唔會信。「恒指23000 但Book value 30000？從未去過呢啲估值？」「但夠從來冇試過疫情爆到咁大咯」「你點知聽日個book唔會變到300點？全部人死晒邊有book value」

8. 係誇張咗啲。但，你睇返本Page 當時嘅留言，都係咁上下。我只係講「真係大鑊過金融海嘯？」。已經畀人屌到七彩。話死緊人呀。我話係呀，又如何？仲會繼續死（魯迅上身），但結果係因為死人跌，定因為封關經濟衰退先跌？而4月又彈返多？

9. 到你驚嗰時，自然就自己以前用開嘅指標都唔信。仲有，當你有咗既定結論時，講乜你都可以反駁的。我同你講所有歷史所有我學嘅嘢所有我嘅經驗，都可以係廢話。因為你一句「點知聽日唔會核爆」已經可以解釋晒。

10. 又或者，可以話呢啲係相反指標，當我在Page畀人屌到開花時，就係入市之時—但一樣之嘛！成日我都畀人屌架啦，可能嚟緊仲勁呢？唔係玩嘢，你諗下貝爾斯登—雷曼—匯控供股嘅例子。點捉？

11. 但，總可以去改善少少。其實都講過數次，例如唔好睇咁多財經新聞啦。或者，唔好成日trade．

12. 都話，你做唔到撈底，但都唔好做低位打靶。你3月尾打咗靶嘅，我都唔知你而家咩心情。會唔會再飛又去？唔會啦，你會等等等等等到跌返去嗰個位先買。而首先，我好懷疑會唔會。但更重要係，就算會，你一樣唔會買。

13. 講咗咁多，又會畀人屌我日夜叫人買買買。咁但唔通應該叫你沽沽沽？我估批評嘅人嘅意思係，應買時先好叫佢買。講得再白啲，就係最好我叫你買時聽日就升然後唔會跌返落嚟。咁明顯，我冇咁嘅能力。

14. 不過又係睇返古今中外歷史，最後係咩人贏錢多？

15. 咁當然啦，可能聽日核爆呢。你點知唔會？

16. 不過正經啲講，有人都話，喂，咁你即係除咗叫人分散，同埋月供，好似冇乜其他嘢講。答案，係！但首先，「就係咁簡單都好多人做唔到嘛」。二來，都唔係真係咁簡單，正如我叫你「前鋒入多啲波後防唔好失波」咁。三來，就算係，都冇所謂的，好多大師都係幾個鐵律，但寫幾十本書。最緊要你睇完有得著。

17. 不過仲有第四，其實都好重要。其實呢，我深深知道，炒股票是好Q過癮的！特別係贏錢。但think out of the box 啦，根本冇矛盾。如果我永遠叫你月供，我就唔會寫咁多個股啦。

18. 問題係，膽同腳嘅分別，黃國英話頭，注碼定輸贏。你個core做得好，有閒錢咪拎嚟做古靈精怪嘢，過嘢又好，當可能扑中十倍股又好，輸晒又好

19. 但，即係如果輸幾舊水就叫救命嘅，唔好入賭場（＊）。同樣地，如果你買完隻嘢，輸清光，然後你要生要死又問侯老母嘅（無論係咪我老母），咁，即係你已經買得太大咯。

20. 亦都所以，就算你私下問我，好多時都未必真係幫到你點去搞你嘅投資。因為好視乎你同我講幾多嘢。有啲原來老母有層兩千萬嘅樓畀佢又冇講，或者有啲原來男朋友好富貴又唔講，好難討論的。

21. 更賴皮地講，其實你講晒出嚟，「都未必得」（請屌）。因為仲有太多嘢。例如你嘅性格，係賭仔定唔係，你自己先知。或者其實你嘅才華，到底有幾值錢—可能你都唔知，但照計你會比我清楚—否則，你都幾失敗。I mean，可能其實你幫人執屋好叻嘅，但我根本唔知呢種技能值錢。原本根本你一個仙都冇都可以移民嘅。之類。

22. 所以，講到尾，條命係你自己嘅。我可以畀參考你，作為讀者，你信我，我只能保證只講我真心想嘅嘢（唔代表我會講晒所有嘢，但代表我唔會講啲我都唔信嘅嘢，我可以選擇沉默），同埋話畀你知我會點做—但可能錯。又或者，在我身上得，在你身上唔得，又或者掉轉。可能你期望係搵幾億，但我只係期望唔使做有得睇下書睇下戲打下邊爐一年去幾次日本咁，點一樣呢？

23. 煩都講多次，條命你自己嘅，我亦盡量避免（雖然有時都會）畀啲unsolicited advice—即係人地都冇撚問你你去指指點點教人乜乜乜。你嘅生命就係你一連串選擇嘅後果，而差不多所有嘢，其實都係自己揀嘅（＊＊）。

（＊）朋友間好多都知，但呢度應該少講。本人曾經係一個足球博彩狂熱者—即係，爛賭撚。嗰幾年，我在馬會，輸咗幾十萬—直到一次有人幫我整理啲損失，之後我就算做戒咗賭。想講嘅係，我入賭場，輸一千幾百都好心痛，但上網，係冇感覺。現兜兜嘅錢，你去提款機拎出嚟，同埋就咁上網按個制即時轉帳，係爭好遠的。所以你見好多理財嘅教材，教你買嘢唔好用信用卡，debit card都唔好用，只可以用現金。但當然講買股票就唔多實際。

（＊＊）當然「基因」好似唔係自己揀，咁你天生好靚仔，恭喜。你天生冇咗隻腳，想踢英超，冇計。但總有人係好牌都打到爛的。

——————————————-

版務：收費專欄已推出，支持埃汾高質文章。幾舊水睇三個月，一星期三篇

請去呢度訂：bit.ly/2wVXndj
課程編號填: CC01
科咗水後後有Login及Password畀你

逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。