多謝大家上次嘅熱烈反應！見到咁多人收藏我真係好開心～事不宜遲今次為大家介紹我身上呢一整套嘅uniqlo單品～ 🍒身高161cm 42kg 🍳購買分店：旺角朗豪坊，新世紀 1️⃣亨利領兩鈕短袖 呢件係男裝黎嘅～自從我買左一件亨利領嘅長袖之後我就成個冬天都著住佢😂所以見倒短袖亨利領嘅時候當然都要買返幾件準備過夏天～ 首先件衫都係超舒服同軟熟，個人好鍾意佢領口嘅車線位。顏色方面佢係有白色/灰色/軍綠色/深藍色，不過最後只係買咗軍綠色。 佢隻灰色唔係啲比較好睇嘅炭灰色，而係好似底衫嘅花灰色，個人唔太喜歡啦～ 而深藍色嘅兩粒鈕顏色同衫嘅藍色一樣，我比較中意軍綠色個件，兩粒鈕係做唔同色，做左灰色～ 白色個件其實我好中意！鈕都係做左唔同色，可惜其實呢件衫真係比較薄男仔女仔著都會好透，所以第一眼只係買左軍綠色～ 不過呢件男裝嘅版型係我身上出奇地非常好睇！係一件好啱襯工裝或者好似我咁比較casual嘅look~ 2️⃣麻綿窄腳褲 呢條褲我見倒嘅時候差d要包色！首先顏色實在太美而且版型望落好靚仲好舒服～ 顏色：白/亞麻/楓葉紅/深藍/灰/花灰/格仔 一開始見倒有格仔款嘅時候即刻拎左去試！因為格仔褲黎講我個人比較喜歡窄腳多過好淘寶個d鬆身款～上身的確好靚！但係個次就未肯落手買因為我望真少少發現d格仔係深藍色唔係黑色😂雖然遠睇完全不大問題啦～可能下次去買埋佢！ 我最後係買左白色同亞麻色的～白色純粹係我屋企冇白色褲先買的。如果大家本身屋企冇以上顏色嘅褲嘅話我個人係非常推薦亞麻的同楓葉紅的！亞麻色就係我圖入面著緊嘅色啦～兩隻色都好特別 不過條褲對我黎講有少少ill-fitting,長度對我161cm黎講有dd長得濟，唔嗲唔吊咁～另外我真係太太太瘦所以有d撐唔起條褲😂建議大家想買呢條褲的話去fitting room試試先！ 今季嘅uniqlo就分享到咁多啦～唔知大家睇完有冇心水呢🖤之後希望都可以keep住左呢個分享系列同大家介紹我喜歡嘅野～如果大家有野想我介紹歡迎話我知！ 而家就等我專心考埋個dse再準備下次嘅分享～🔥祝所有2019dser加油！ 🔥我地下次見～

今次係我第一次真正介紹下我平時買衫嘅地方同穿撘～平時大家見倒我嘅ootd都會成日問我啲衫係邊買，今次同大家介紹其中一個經常大出血嘅地方 ~uniqlo~ 首先uniqlo衫嘅最大優點就當然係舒服～特別係啲綿麻物料嘅衫著上身真係好滑身好輕。uniqlo嘅衫大部分都比較百撘同日系，亦都有唔少啱襯工裝嘅單品，如果中意呢類風格嘅話絕對要去行行！ 🍒身高161cm 🍳購買分店：旺角朗豪坊，新世紀uniqlo 1️⃣卡其中長裙 Baker Skirt (圖2) 感覺好worker嘅一條裙，超舒服滑身。我中意佢個長度啱啱好唔太長唔會著到好矮，而且好修身！版型好靚 有白/卡其/軍綠 2️⃣高腰麻綿裙 (圖3-6) 首先麻綿超舒服，而且有兩層，唔怕薄得滯。好靚嘅傘裙版型，即刻著到好日系～ 有白/藏青/亞麻/仲有一隻唔記得咩色遲啲補返 3️⃣長袖棉質恤衫 (圖7-10) 都係果句超舒服嘅麻綿啦。而最令我睇得上眼係佢哋比較特別嘅選色，唔係普通嘅白色灰色卡其色，而係好靚嘅象牙白，偏綠藍嘅灰色同淡土黃色～不過最後冇買灰色因為屋企實在係太多黑色衫啦 唔知大家鍾唔鍾意呢類嘅分享文呢～如果鍾意不妨收藏佢慢慢睇🥰我始終都係第一次寫長文可能會介紹得唔係太詳細🥺反應好的話會出埋下集係介紹✨uniqlo嘅靚褲✨同埋如果想睇我介紹其他店舖或者穿撘歡迎話我聽🖤我哋下次見～