我有廣告... 大家係咪應該支持下先？ 然後我想問吓阿客戶 @ulos.hk 點解你唔早啲搵我賣呢個廣告... 我呢一個月嚟 晚晚拖乸住疲累嘅身軀躝返屋企 返到屋企成12點 晚晚仲要沖涼至少沖成半粒鐘 又卸妝油、又潔面、又洗頭水、又護髮素、又沐浴露 攰到有時都唔知邊支打邊支 沖涼沖到懷疑人生 女仔係應該分得清楚啲嘅 但係男人嚟講 有時真係唔想分咁多支嘢...... 呢支嘢未至於一支搞掂晒 但起碼沖涼同洗面二合為一 已經功德無量.. 美中不足係，你可以早一個月搵我.. Ulos skin wash有一堆好處自己慢慢睇： #結合兩種有效成份 #幫你潔淨除菌冇咁易出汗#有效去除體臭汗臭 #能迅速形成豐厚泡沫 #洗澡時如氣墊般減少對皮膚摩擦 #薄荷草本清香清爽醒神 #鎖水保濕不黏膩 #不添加色素 #不添加合成香料及Parabens #最後 #UlosSkinWash出左新包裝 #但新舊包裝同時有售 #健膚品 #ULOS #你做你我就你 #泡沫連污垢一沖即走

各位靚仔街坊埋嚟睇埋嚟換喇！ 只要帶用開既skincare產品空樽去到UL.OS Level Up升級體驗車，就可以換領UL.OS洗面泡沫一支！靚上加靚Level Up！ 喂我冇用開呢家嘢喎咁咪冇我份? 梗有啦，冇skincare產品既路人甲就算兩手Fing Fing，嚟到做份問卷調查就送你ULOS試用裝同埋口罩。 一場嚟到仲可以上ULOS Level Up Truck玩夾公仔機拎走唔同產品呀！ 🚛想知架升級體驗車泊係邊? 去 @ulos.hk check返啦

【 嘩吓神功之ERROR限定怪銷大法 】 _ 世界變了。 _ 以前聽到ERROR，第一個反應是以懷疑中帶不屑的口吻說：唔係阿化？ _ 現在聽到ERROR，第一個反應是以興奮的語氣話：你睇，係ERROR呀！ _ 之不過……人紅自然廣告多？眾所周知，商業社會裏，尤其是影視娛樂產業之中，吹水者為數不少，很多事情聽落極其認真，原來十之有九都只係煲冇米粥，總之一日沒有簽紙確認、沒有製成品出街，任何事都只係得個講字，甚至更大機會是抽水，叨別人的光。坦白講，人紅之後多廣告，客戶只是聰明，不是贏家，因為正常人都想得到，要做到蔚為風潮，「品牌揸Fit人」要有洞見、耐性和勇氣。 _ 網絡熱潮從來無法預測，要深信邀請合作的藝人於不久將來（或一個唔該）在市場上有「升值」潛力，「品牌揸Fit人」要憑信念與智慧，向對方伸出「友誼之手」。假若「黃金機會」終歸到來，藝人與經理人都會感激品牌的獨具慧眼，換來更長遠的合作。另外，雖然廣告「入屋」，但沒有人能夠保證推出之後能夠做到真正「三贏」，品牌建立正面形象、藝人叫座力更強、受眾願意購買產品和服務，要做到這點，廣告必需突顯藝人不同面向和潛力，最短時間內令人記住。 _ 翻查資料，ERROR自2018年12月出道至今，曾演出的硬照及短片廣告計有高露潔、藍妹啤酒、ACUVUE隱形眼鏡、曼秀雷敦、樂敦、葡萄適、Dove防斷髮洗護髮系列、Zoflora消毒噴霧，以及Deliveroo等，幾乎清一色都是網絡廣告，內容創作上，「惡搞」與「踩界」的元素明顯，意思是：如果這些廣告由ERROR演繹會很「啱數」，假若落在其他藝人身上就會變得尷尬，甚至引起「公關災難」，相當Error（錯誤）。 _ 用例子說明較易理解。比如高露潔的「全效專業牙齦護理牙膏」廣告（2019），強調產品是全新配方，但劇本創作上，卻套用電影中慣常見到的毒品交易橋段。影像內容決定廣告格調，而後者又以藝人形象作為重要基礎，以此例而言，就算客戶願意接受廣告公司的意念，藝人和經理人那邊亦未必夠膽答應合作，因為故事容易引起負面聯想，博唔過，但由ERROR演出就很有喜劇效果了。 _ 做下把呢？也不是人人都接受得了。比如Dove的「日本植萃洗護髮系列」（2019），廣告模仿日本綜藝節目的呈現手法，講述肥仔跟女主角佩男野外約會期間，突然遇上大風吹，佩男披頭散髮，長裙也吹起，女神形象盡失，大發雷霆。為安撫佩男，肥仔變身魔術師，令女神重拾飄逸秀髮，靚晒！但想深一層，四人組合，只有肥仔正常出場，其餘三位都要做花和牛油果，經理人會否接受這種角色設計？ _ 既然講明是賣廣告，傳統上，一定要拍到產品有幾靚得幾靚，但以《ERROR自肥企画》第四集的「ERROR遊詐詭」為例，肥仔遭推落潤滑劑與水溝成的「紫色池水」後，「格仔導演」Mike立即拿出ULOS的產品出來讓肥仔洗面，之後阿Dee拍攝《ERROR流忍者》期間遭欺騙，使出「鳳凰不死鳥」時竟跌入兩米深地洞，用來墊底的竟是卡樂B熱浪薯片！ _ 這些品牌推廣方法故且可以稱為「ERROR限定怪銷大法」，這是他們的成功之道。 _ 說穿了，四子岩岩巉巉，卻似泥膠，可以揑成品牌需要的模樣。ERROR喜歡扮嘢、享受不同類型的踩界演出，成功收服觀眾，而網民同樣有塑造藝人的影響力，因為他們明白ERROR的市場定位，反過來「容許」四子「亂噏廿四冇嚟正經」，如果客戶深明此理，不是單純盲撐，善用ERROR的特質並糅合於廣告中，才叫做「識玩」。 _ 就以Deliveroo「戶戶送85折子戲之十八相送」（2020）為例，四子需要身穿粵劇戲服，抹上濃脂厚粉，以粵曲腔口唱出宣傳訊息，更跟足各種走步與造手，似模似樣，但其實「Sell外賣」，以兩者之間的落差感，令觀眾留下印象，相信這是自從近十年來，其中一條玩味指數最高的本土廣告意念，如同一概念套用在MIRROR身上未必可行。 _ 但要察覺這一點絕不容易，決策者既要預視到《造星》勢力即將興起，又要有足夠風險評估，繼而不斷嘗試，直至遇上世紀疫情，香港人要不斷在網上「搵嘢睇」，ERROR總算「食正Timing」成功彈起，令品牌受惠。事實上Deliveroo跟藍妹一樣，很早期已看中ERROR潛力，這是依靠真實數據得出來的結論，由「十八相送」到近日推出的「戶戶高呼飯Tastic」（阿Dee、193與雞丁合演），合作至少四次。最新作品是於周四（6/5）推出，只有阿Dee與保錡參與的「買Donki外賣有折頭兼送保溫袋」，但硬照卻以早前保錡「入雪櫃」一事借題發揮。 _ 當中最黐鬼線的，是「戶戶一把口，三百種胃口」的廣告系列（2020）。為強調一樣米養百樣人，口味各異，品牌提供的外賣餐廳選擇極多，總共超過300間小店，廣告公司需要拍攝40多段短片，再用Mix & Match的方式，拼湊出300多條一分鐘的短片，四子需要扮演外賣仔、外星人、老竇、阿媽、嫲嫲、阿女、家貓，還有他們本人，扮演外星人時，無論面部表情、語氣，加上搞鬼對白，尤其好笑。坦白講，他們已成為一種無法逆轉的新潮流，由線上帶到線下，不過也要講一句，廣告始終有很多限制，所以大家別過份期望ERROR的廣告真的跟《ERROR自肥企画》那樣可以去到咁盡。 _ （ #09052021 ） _ #游大東影視筆記 #游大東 #ERROR #何啟華 #吳保錡 #梁業 #郭嘉駿