【龔成問答信箱】（Q22481-Q22500）

Q22481：

老師，如果我找你私人教學股票，可以？我想有機會私人向你好好學習。

我可以自己做到快速睇完一份財務報表就知道呢隻股票會升定跌，我本身都有一定的股票知識。

另外，其實你認為股票算唔算是一種技能和手藝？？

因為我較多時間放在研究股票，但啲人成日話我不務正業，又講股票等同於賭博。但我自己認為喺一盤生意。

龔成老師：

抱歉，我教學10年，都是大班教學，一次過令多人得益，而不提供私人的教授。

始終我一個人的時間是有限的，我要想想如何在相同時間，令最多人有所得著。

這與你是否有實力無關，而是我本身的時間問題。

我過往做過銀行、證券行，當中都要用到股票知識的，你現時擁有技能，其實可以好好發揮。我建議你大量閱讀，增加你的知識，然後再上我的股票班。

------------------------------------------------

Q22482：

老師，你好！因承繼了家人的股票遺產，我地想買樓所以已沽了一部分的股票，現在還持有以下的股票，想請問老師的意見

01398
01813
00005
01888
03333

00939
02689
03913
01288
02380

03377
00941
02238
00175
00388

02238
02314
02689
02800
03988
06837

因不想持有過多的股票，請問邊隻股票合長揸？有邊隻股票可以現時/近期可沽？適合賣出的價位係邊呢？請指點

龔成老師︰

1398, 0005, 0939, 1288, 2380, 0941, 2314, 3988係收息股類，增長力不高，主要只係收下息。若你係年青至中年，這類股票不宜持有太多，你可沽出大部份。相反，你都將近退休之年，這類股票你應保留，去為自己創造現金流。

3913, 2238, 0175, 0388, 2800這些股票較有質素和增長力，若你係年青至中年，這類股票建議保留。若你較年長，就不宜持有太多。

1813, 1888, 3333, 6837風險比較高，唔建議持有太多，你可以沽出部分。

2689, 3377質素較弱，建議沽出。就算相保留，都只宜好小注。

現時這些股票，大致上都在合理價位，未算好貴。但無人會知，幾時先去到一個好貴架水平，所以我建議你有策略地，去慢慢出貨。

你唔好等到要買樓先一次過沽，最好係分段，每距一段時間就沽少少。例如你一年後會買樓，可能你就每2-3個月就沽少少，以減低價格波動，所造成之影響。

------------------------------------------------

Q22483：

你好，龔Sir,小弟睇完你兩本著作獲益良多，正在步處未來十年財務計劃，希望可以盡快財務自由，希望你可以俾d意見小弟。

我和太太42 歲，三年前買了一層公屋450萬，收租$1.1萬（三成首期）

一年半前買了一個$760萬單位自住（2成首期供30年）

家庭月入10萬，扣除開資每月儲蓄3萬，手持現金$400萬，目標希望可以盡快把自住物業供完千+每月有被動收入5萬，應該可以退休。

請問應該如何投資及要花多少時間才能達成以上目標呢？

龔成老師︰

由於你現時財富組合，已經有2個物業，因此我地係未來進行增值時，會先集中係優質股上，以免成個財富組合，太偏重物業類，而造成風險。

如果你希望8年後每月有5萬蚊現金流，以股息率6%計，你需要本金1000萬。

以你42歲，可以選擇一些「平穩增值股」+「潛力股」作投資目標，去累積這筆所需資金。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。

如果你現時無太多投資經驗，潛力股這類風險較高的股票，你就不要持有過多，最多維持2成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-4成，視乎你投資經驗多寡和了解這些股票程度而定。

大市現處於合理水平，那400萬資金，你可以先用100-150萬，以"分注"形式慢慢入貨。餘下資和每月儲蓄，就等大市有明顯回調，才慢慢大力度掃貨，並長線投資。

我假設投資回報有10%（連股息再投資），你每月投資$30000 + 400現金，10年後大約會增值至1600萬，這樣安排相信很大機會達至你的財務目標。

------------------------------------------------

Q22484：

老師，記得你叫唔好破產
但又差卡數 又有貸款 唔知點搞好

龔成老師：

第一，提高收入。

第二，減少支出。可以剪去所有信用卡。

第三，債務重組，將高息負債轉到較低息。

第四，定一個還款計劃。

------------------------------------------------

Q22485：

你好，請問 2814 三星 現價值得投資嗎？

龔成老師：

三星FANG ETF（2814）的投資目標，係追蹤NYSE
FANG+指數的表現。是一個美股潛力股基金。

首先，FANG+係代表美國上市多隻領先既科技股票，即係代表Facebook、Amazon、Netflix、Google，而該指數會再加上其他科技股，如Twitter、Tesla、百度等，即是全球處最前列的科技類公司。

這基金是一個潛力基金，長遠正面，但要留意價格會較為波動，加上近年科技類公司上升左唔少，因此現價唔算平，建議以月供的模式投資，或少注好了。

買入後長遠持有。

如果同時持有香港上市的科技股，再加上這基金，能有平衡配置的效果。

------------------------------------------------

Q22486：

你好！龔成老師！我係你fans。我想揀隻收息股，現價買入659，6823定939好？

本人30出頭

龔成老師︰

若果以收息股黎講，建行(0939)和香港電訊(6823)，質素上會較高，現價合理，可以分注。

但當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時30歲出頭計，是財富增值的黃金時期，應該先集中投資「平穏增長股」和「潛力股」這類增長股，而唔係收息股。

你應該係先用增長股，去累積大個財富。到你退休時，才換成收息股，去創造穏定現金流，支援退休生活。

------------------------------------------------

Q22487：

你好，我本身有買你嘅書，都有睇你yt 嘅片同留意fb。

我同女朋友依家23歲，兩個人加埋只有40萬，希望5年內儲夠130-150萬，未入過市，想入。

有留意你話要買「潛力股+平穩增長股」，想了解下京東物流、中國龍工、中國銀行、中芯國際、華虹、領展呢幾隻股票如何，值得入貨嗎？

幾多價位先算合理呢？早幾日大跌市冇建倉有啲後悔

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你23歲，應以增值為主，可以用一些「平穏增長股」 + 「潛力股」作組合，去創造一個增值平台。

京東物流（2618）和中芯國際（0981）質素係有，但未到最高質素，只宜小注。前者在合理區，而後者要等佢回多少少，才好開始慢慢入貨。

中國龍工(3339)質素只係中等，現價合理，但不值得太大注。

中行(3988)係收息股，增長力唔會太強，主要係收下息，不適合你年紀。

虹半導體（1347）有質素，發展不差。但現價有少少貴，回翻D才開始慢慢入貨，會較好。

領展(0823)有質素，現價算合理區頂，可分注。

其實我地投資優質股，一般預期年均回報大約10-15%。要單憑40萬，5年內累積150萬，係有點難。

建議你，再加上每月用$12000月供優質股，我假設投資回報有10%（連股息再投資），你每月投資$12000 + 40萬，5年後大約會增值至150萬，這樣安排相信很大機會達至你的財務目標。

策略上，你可以投資「平穏增長股」和「潛力股」。你每月5成儲蓄，即是用$6000做月供。其餘先儲起，用一邊月供一邊儲蓄的策略。

若你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

現時大市只是合理區，你現有40萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

------------------------------------------------

Q22488：

龔Sir先前上完你堂明白價值投資道理，但700仍高位五百幾買入，見現在一直下跌，上了堂仍不懂補捉合理價而且現在一直下跌，

所以恐慌此股能否上回五百幾，是否要四百幾時止蝕，本身認為它是有質素的，但看完一堆股評人說好像會跌至三百幾而且好難上返去五百，

因此現在好像沒信心自己先前是選了優質股，好像選擇錯誤入了的心情。但你上堂時分享了比亞迪跌至底點仍持有的心態，好像有點困難學到。

所以想知道現在騰訊俾中國政府這樣大壓，而且北水同外資同時流走，那股價是否不能上回去，因為股值已經不是當初計的這樣，如果重身估值將可能是大跌了，

那賺錢優質股會否變成無法上升回去的股，希望老師指點下，謝謝

龔成老師︰

你要學識分辨企業質素和價格之餘，都要學懂冷靜分析大市現狀，和一些發生的因素。

就好似近期股市大跌，主要係中央一系列政策出台，加上大市氣氛較弱，令不少優質股都出現較大調整。但我地要了解翻，這些因素，係唔係會對企業造成長線影響。

騰訊(0700)的確係會對佢賺錢能力，有負面性影響。

所以，估值上會減，同時如果持有太多貨，可能要略為減持，因此政策對佢長遠有影響，影響了賺錢能力與估值，不過，未到核心性影響（即是未去到令企業無錢賺、無優勢，而是賺錢能力略減）。

但由於企業有一定規模和質素，相信佢長線會適應到這些新規則，令業務重回正軌。

我暫時唔見到，騰訊長線投資價值有明顯差，現貨可持有，相信回翻上去5XX，唔係大問題。但你預佢中短期，個股價一定會好波動。但只要你目標係長線，咁就無問題。

------------------------------------------------

Q22489：

如果有500萬，全部買港燈成世收息係味最好，唔想煩。無今多時間，成日心驚驚 驚d錢變廢紙

買左50隻穏健收息股本書，重有咩會適合我架

龔成老師︰

港燈(2638)係有質素收息股，適合你家人退休之用。但完全集中晒係佢身上，就唔係咁理想。

任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

特別係銀行業，佢營運模式較特別，風險會比一般行業為高。必需堅守30%這個準則，如果可控制在20%以內，會更好。

若你不太懂選股，你可以集中未來恒生高股息率（3110），大約佔6,7成，再加上幾隻不同行業的收息股，咁會較好。

如果你真係完全對這些收息股，無任何概念，你才100%持有3110。

但你緊記，現時大市只在合理區，未到好平。你只宜先用一半資金，分多注去慢慢入市，唔好貪快一次過入晒。

我地要分開多注，去平衡價值波動所帶來的風險。而餘下一半，就等大跌市才出手。

以下是我的13本書：書本在三聯、商務、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。

《80後百萬富翁》（第9版）
《80後2百萬富翁》（第4版）
《80後3百萬富翁》（第2版）
《財務自由行》（第7版）
《大富翁致富藍圖》（第5版）
《50優質潛力股》（第4版）
《50穩健收息股》（第3版）
《50值博倍升股》（第3版）
《股票勝經》（第3版）
《選股勝經》（第2版）
《年報勝經》（第2版）
《5年買樓4部曲》（第2版）
《80後千萬富翁》（初版）

除了50隻收息股，建議你首先睇埋以下3本，之後再睇其他。

《80後百萬富翁》
《股票勝經》
《財務自由行》

------------------------------------------------

Q22490：

您好，龔sir，我今年26歲，月薪2萬。無投資經驗，又想資產增值，會睇下啲行業龍頭股，一年前心急入左市，依家9成資金用左黎買阿里巴巴

因為股價一直跌我又一直買，依家買左30萬貨，平均會242元，不過佢長期低位，我唔知應該一直等，定依家低位放再轉下其他股，又應該持有咩組合？希望指點一下，感謝！

龔成老師︰

其實你買入一隻股票後，買入價已經唔重要。你是否持有，應該係睇佢質素，有無長線投資價值。如果有，帳面虧損唔洗太在意，因為佢長線會增長，慢慢令價值提升。

你26歲，投資應以增值為主，阿里巴巴(9988)係合適。

但問題係，我地唔好成個組合，只集中係1隻股票身上。

最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。

因此，你要沽出部份，換碼至以下增長股。未來新資金，都可以用以下「平穏增長股」 + 「潛力股」作目標。

由於你係初學者，對企業估值，點去定平貴未必太了解。我建議你先利用月供模式，去建立一個股票組合，以減低買貴貨風險。

現在你每月先用5成儲蓄做月供。其餘先儲起，用一邊月供一邊儲蓄的策略。

由於你投資知識不高，因此可較集中在平穩增長類股，至於潛力股，只宜小小注(不多於3成)。最好是你先提高投資知識，等到你有一定知識和經驗，才慢慢增加潛力股比例(大約5成)。

餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q22491：

老師，想請教有關1024快手，我277數蚊買了很多貨，之後不斷跌，有咩對策？隻股前境仲好喺嗎？謝謝指點

龔成老師：

快手（1024）有兩大問題，第一，佢一直都貴，現價仍唔平，你在高位重貨，其實要在反彈減持。第二，政策因素，對佢賺錢能力都有少少影響，不過，佢仍是有質素的，未到劣質類。

係全球數一數二大的直播平台，絕對是一隻優質股，有獨特性，有客戶群，有潛力，長遠的發展力正面。這股有長線投資價值。

快手與業務夥伴合作提供了一系列產品和服務，於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等。

快手科技已建立了穩定的用戶，在全球已佔據了重要的位置，企業有一定的優勢，以及獨特地位。加上用戶仍在快速增長，以及增長趨勢仍持續，預期有一定的發展。

雖然這刻盈利不多，甚至因加強發展業務而出現虧損，但這類股的分析特點是將來，等之後的收成期。

由於已擁有一定的優勢，以及仍增長中，企業要將用戶化成現金並不困難，只是時間問題，以及多少問題，預期2022年盈利模式已穩定，同時有一定的盈利。

簡單來說，企業有質素，有發展，但不宜持有太多貨。

------------------------------------------------

Q22492：

老師你好啊！ 今天大市跌了千多點，我分注買了幾隻股票，也想你對我的組合給予意見。謝謝你。

月供股票：
中電：521 @$87.6 （這隻已停供了，在高位時供的）
煤氣：1827 @$14.08
港鐵：984@$43.93
粵海：1168@$11.89
領展：326@$78.8
中生：5097@$7.11
盈富：488@$28.28

分注買入：
福壽園：2000@$7.2
金沙：[email protected]
阿里巴巴：200@$196
3067：1000@@17.23

組合共11隻，會否太散？

而大部份買入價都略高，所以現在賬面都是蝕的。 希望老師有時間可以給予意見，謝謝你

龔成老師︰

你現時持有股票和月供組合，都係有質素，買入價大致都合理。若你係年青至中年人士，這些股票都係合適的。

你要記住，就算再優質股票，中短期都會出現波動，只要質素無變，你唔洗理佢帳面虧損，照持有就可以。

組合有11隻股票，又少少多，勉強可以。

由於上述的股票都是有質素的，因此，不用改變，投資要長線，你保持進行就得。不用理短期的股價波動。

------------------------------------------------

Q22493：

老師，多謝你之前比既議建。另外改變左投資既方式，都開始睇緊你既書吸收知識。呢半年我同男朋友都為左將來煩腦緊，一直15/16唔知點決定買樓定租樓既問題

我地兩個分別37同39歲， 兩人月入$63000 因為黎緊想結婚，所以打算搬出去住， 兩人家用同保險供款$25000左右 ，一個月可儲$38000

1/ 想買細價樓 $520萬樓下 但唔知手頭既錢夠唔夠 定 應該租兩年樓 用手頭上既錢黎增值下

2/ 手頭有110萬cash , 股票39萬

如果要租樓 股票同cash 應該點分配

1038 長基建 - 500 $46
388 港交所 - 100 $508
2800 盈富 - 500 $28.956
3067 安碩 - 558 $17.458
1475 日清 - 9000 $7.348

1337 雷蛇 - 10000 $2.58 (準備放)
3399 粵運交通 - 1000 $4.96 (準備放)
700 騰信 - 100 $565
1810 小米 -2000 $24.277

3690 美團 - 100 $204 (準備放)
9988 阿里 - 100 - $279.4
241 阿里健康 - 2000 $27.2

年頭開始做月供，依家供緊
2800 -$2000
3067-$1500
1810 -$1500

想老師比d 建議我哋

龔成老師︰

以你2人收入，做9成按揭供25年或以上，應該可以供到520樓下的物業。當然最終你要睇埋，銀行佢地審批、估值、當時息率，才會知道最終結果。但粗略估值，應該可以。

至於先置業定租屋，你可以睇翻在你能力範圍內的樓盤，能否滿足你生活需要。講緊唔係而幾年﹐係未來20年。如果可以，你地又有信心長線「供得起」，咁就無問題。

但從資產平衡配置角度，你在買樓同時，必需留有一定股票，以免財富組合過於偏重物業類，造成過度集中性風險。

若你決定先租屋，去要增值多D本錢，才去置業。你可以用「平穏增長股」 + 「潛力股」作組合，去創造一個增值平台。

現時你組合和持股，都係合適。但當中的粵運交通（3399）質素未算強。美團(3690)、阿里健康(0241)、雷蛇(1337)不確定性較高，這4隻股票，不宜持有太多。

你可以減持少少，但不至於要全數沽出，因為佢地唔係無質素，只係風險較大，要控制注碼。

另外，現在你現時月供金額有點少。建議你用每月先用5成儲蓄做月供。其餘先儲起，用一邊月供一邊儲蓄的策略。

大市現處於合理水平，那110萬資金可以多用30-50萬，以"分注"形式慢慢入貨。餘下資金和每月儲蓄，就等大跌市機會出現，才大力度掃貨，並長線投資。

而租金部份，你就唔好去投資，直接留起現金去支付。

------------------------------------------------

Q22494：

龔老師妳好，首先祝你事業和運氣蒸蒸日上！我想請教一下，我有本金300萬左右，沒有投資經驗，想買一些保本的產品，目標是有4%回報和安全

之前聽你說買2800，我也打算買，不過我想買幾種產品以策安全，請問你有甚麼投資策略可推薦嗎？感謝！

龔成老師︰

其實完全保本產品，係現時低環境，你基本上係唔會找到4%。

如果你想完全保本，你可以考慮做定期、A級債券、年金之類，但唔會有4%，而且債券都有違約風險。

至於我講的盈富(2800)，或者一些優質收息股，佢地係相對穏健。但始終都係股票，一定會有股價波動，無可能做到保本要求。

而且，你現時才22歲，十分年輕，風險承受力應該較高。就算你無投資知識，都可以透過有策略地投資一些優質股，去進行增值。

你22歲，應以增值為主，建議你用「平穏增長股」 + 「潛力股」作組合，去創造一個增值平台。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)。如果有投資美股，可投資VOO。

或潛力股︰安碩恒生科技(3067)、中生(1177)、福壽園(1448)、小米(1810)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。如果有投資美股，可投資QQQ。

由於「潛力股」係需要一定經驗和有一定波動性，如果你經驗較淺，可以先小注，大約佔組合3成左右。若你係有一定經驗，你可以投資到約5成比重。

大市現處於合理水平，那300萬資金，你可以先用30-50萬，以"分注"形式慢慢入貨。餘下資金，就等你提升投資知識後，再慢慢因應市況，加大注碼，並長線投資。

另外，除了用現有資金，我都建議你用每月儲蓄，進行月供股票，去加快你財富增長。

策略上，你每月先用5成儲蓄做月供。其餘先儲起，用一邊月供一邊儲蓄的策略。餘下一半，就等大跌市時，才出手入平貨。

------------------------------------------------

Q22495：

想問老師，點睇私樓與居屋?我目標係馬鞍山 首選新港城，呢一年升幅太誇張。337實呎2房已經要670萬起跳（議價可能650萬都得），計埋裝修30-50萬，差不多用盡2人儲蓄先比得起

而居屋可以4xx呎5xx萬，但我擔心過多十年會甩皮甩骨 始終質素不及私樓。

但我地深信10年後300呎係唔夠住 有了小孩一定要換大啲

依家好忐忑不安 唔知買咩先啱

龔成老師︰

如果你買入新港城，要資金盡用，其實唔係咁理想。我比較建議，係買樓同時，都可以留有一定資金和優質股作增值。

其實，居屋投資價值不及私樓，但勝在入場費較低，令你可以有更多資金空出來，作其他投資。所以，作為自住樓，居屋都有佢存在價值。

你可以睇翻你長線生活需要(10-20年)，如果4xx呎係可以，而佢質素又唔係太差，其實你選擇居屋都無問題。

相反，如果4xx呎都係唔夠住。你就可能先買一個較細單位(私樓/居屋)，去暫住。同時間，用優質股保持增值，等將來可以細屋換大屋。

另一個方法，就係唔買屋住，直接用優質股增值，之後買理想物業。但就有一個風險，就係萬一股市跑輸樓市，你買樓成本變相會升左。

選擇那一個方案，你可以睇翻自己人生計劃和實際情況，去作決定。

------------------------------------------------

Q22496：

我今年27歲，每月可以儲1萬5千，現時流動資金約15萬

股票持有：
騰訊$492 100股
雷蛇$2.5 15000股
金沙$31.52 4000股
海螺水泥$42 1500股
香港寬頻$11.3 10000股
安碩恆生科技$18.07 1500股

我現時投資組合可以嗎？

我另外想儲錢買樓、我應該買居屋(假設實抽到)定私樓好？

龔成老師︰

你現時才27歲，應以增值為主。你現有持股，大致上都適合。

雷蛇(1337)不確定較大，唔建議你持有咁多，最好沽出部份，換至其他有增長力的優質股。

香港寬頻(1310)主要係收息，唔適合你年紀。

現時大市只在合理區，你現有15萬就等大市有明顯回調，才慢慢加注。

至於置業方面，居屋投資價值，比私樓為低。但由於佢售價跟市場價相比﹐係有折扣。

你考慮時，可以從長線角度去考慮，邊個方法先至可以令我地，有較多現金流空出來，作投資增值。

因此，從財富增值角度，居屋係值得考慮。

所以，其實無話邊個明顯較好。若係自住樓，你可以考慮埋邊個物業，可以配合你長線生活需要，而且又有信心"供得起"，去作最終決定。

------------------------------------------------

Q22497：

龔老師，你好，想請教你。我有100股阿里巴巴，買入價是$287，應唔應該現在再買入100或200股呢？或者，會唔會應該將資金買入小米（冇貨在手的？

另外，想問下，如果吉利及渣打，應該選擇邊隻好？我有400股渣打，買入價50.5。本身是沒有其他銀行股的，亦沒有任何車股。

麻煩晒你，更加多謝你，得到你的提醒，及看你的書，知道應看企業質素，買入優質股，沒有因股市大起大落就情緒波動。

龔成老師︰

從現價計，阿里(9988)算係合理區中間，而小米(1810)仲有少少貴，要回多1成倒，才算開始合理。

以平貴水平計，你係應該加注阿里(9988)。但你要考慮多一件事，就係持股組合平衡性。

如果你本身資金不多，我建議你分少少去買小米(1810)，去分散風險會較好。如果你資金較充裕，尚有2,3注資金係預留入阿里，現價可加1注。

至於吉利(0175)及渣打(2888)，我會建議等入吉利(0175)，但現價略貴，要等佢回多1,2成才好開始入貨。

而渣打集團（2888）質素只是一般。

雖然未到劣質，但質素不高，但本地銀行股中，賺錢能力算是較弱。加上銀行業近年的環境不及過往，賺錢能力不及以前咁好，相信佢之後，都只是好基本增長，不要對股價有太多期望。

投資價值只是一般，我會建議你慢慢換至其他銀行股較好。

你可以考慮恆生(0011)或中銀香港(2388)，現價合理。前者係收息為主，加少少增長。而後者增長潛力會較強，但風險都會略高。

------------------------------------------------

Q22498：

1: 老師，我想問下，如果想用nav來衡量股價的高低，除左地產同銀行類，仲有冇其他行業係適合？

2：老師，想問這幾天都跌了咁多，最大持倉可加到幾多成？

3：老師，我自己計9698估值係下限大約60附近，依家跌穿左咁多，但我又真係唔認為我計錯，因為我都綜合左好多卷商報告，想問算唔算係恐慌式下跌跌凸左？

4：另外承上題，第3題，通常呢d殺錯價，係未好快會升番，因為我又諗，冇理由咁好比個錯位我地慢慢買，我呢個諗法岩唔岩？

龔成老師︰

1) 一些資產可以明確反映到佢價值和賺錢能力的股票，其實主要係地產同銀行類，有部份製造性行業，都可以用到。但你要先了解清楚，佢資產價值，有多大程度可以反映佢賺錢能力。

如果係有好核心性影響，你才可以用市賬率去分析。

2) 無大變，大致持有3-5成現金等機會

3) 萬國數據（9698）有質素的。

佢的業務為開發及營運數據中心，根據佢公司提供的資料，佢係全中國最大的運營商網絡中立數據中心服務提供商，市場份額約2成。

現時主要通過GDS上海、GDS北京及其子公司進行該等業務。GDS北京及GDS上海各自持有經營業務所需的互聯網 數據中心牌照。

佢提供託管和管理服務，包括創新和獨特的託管雲價值主張，機房面積為266,260平方米，有一定的規模。

見佢生意有一定的增長，行業前景正面，現價算係合理區中間倒，未至於跌到好平。此股投資價值都有，但就唔建議太大注。

4) 佢幾時會上翻，無人會知。近期不少中央政策，令成個大環境多左不確定性。佢客戶當中，包括阿里巴巴(9988)和騰訊(0700)這些最近較受打擊的大企業。

故市場可能憂慮，佢生意會唔會受到影響。畢竟佢頭2大客戶，佔生意額過半。雖然年報無列明頭2個客戶是誰，但相信離不開某2間。

只能說，投資此股係可以，現價都合理，但唔好太大注。

------------------------------------------------

Q22499：

想問老師，最近研究緊新能源氫氣概念股，這些都是未來世界大趨勢？我見到有好多大國家都有實質政策扶持

想問長城汽車，金馬能源，中國旭陽，中國石化和濰柴動力都是有優質股嗎？

老師你有哪個氫能源股推介？

想問老師 我有3手阿里巴巴。依家跌穿左招股價，應該走哂3手？

受監管下，阿里巴巴本來的質素有下降嗎？

龔成老師︰

其實綠色能源，一定會係未來大趨勢，新能源氫氣有機會係其中之一。

但我地唔會因為咁，就盲目去投資一些相關概念股。因為你要本身這個能源，係有一定效益，而企業又能成功將之市場化，才有機會有投資價值。

好多時，當中央出現政策扶持時，就會造就不少相關企業急速發展，但好多時都係良莠不齊。因此，你要認真分析企業本質，才去下投資決定。

我未有研究氫能源相關股份，所以無建議比你。

如果你睇好新能源類，可以考慮GX中國潔能（2809），其目標為追蹤SOLACTIVE中國清潔能源指數NTR之表現。

當中佔最多為"半導體產品與設備"股份，約組合4成，其次是逾2成的"獨立電力及可再生電力"。

此股平貴不易分析，而且頭10大股份中，除了信義光能（0968）外，其餘都在內地上市。潛力度是有的，但會比較波動，如投資宜慢慢分注，可長線。

長城汽車（2333）、濰柴動力（2338）、金馬能源（6885）、中石化(0386)都有質素，但未算係最高。

濰柴動力（2338）不確定較大，要控制注碼。而金馬能源（6885）、中石化(0386)增長力唔高，主要係收下息。

中國旭陽（1907）無特別分析，只見之前有些報導。

佢之前公布，澄清最近涉及其於河北省定州市及內蒙古的氫能項目的若干媒體新聞報道，指定州項目試產，並擬於呼和浩特市建加氫站。

該集團指，有關於定州經濟開發區河北旭陽新能源產業園內建設運營氫氣儲運和建加氫站，有關生產基地去年7月開始試產，探索區內在氫能存儲、運輸和燃料相關電池布局機會，開拓京津冀市場等。

至於去年，該集團合營企業與呼和浩特清水河縣政府簽訂另一項氫氣項目框架協議，合作於清水河縣開展氫氣開發項目。

與定州項目相似，該集團將負責於清水河縣進行氫能生產、運輸和建設加氫站，把該市發展為華北地區氫能輸出基地。

只可以話有風險有回報的類別，如真的想投資，一定要控制好注碼。

另外，你唔好用買入價，作為判斷一隻股票優劣的標準。你應著眼佢本身有無質素，如果有，中短期價格波動，令到出現帳面虧損，係無問題，照可以長線持有。

但如果係無質素，就算而一刻是賺定蝕，你都要將佢沽出。重點分析的地方，係企業質素，而非股價上。

阿里(9988)近期受中央政策風險和大市氣氛影響，出現明顯回調。但暫時唔見長線質素，有明顯變差，現貨照持有就可以。

------------------------------------------------

Q22500：

你好呀龔sir！請問面對依家嘅跌市，我應該點變動我嘅投資組合呢？

00909@1000 (31.4)
01044@1000 (52.35)
01177@3000 (7.5)
01299@200 (92.5)
01448@1000 (7.35)

01530@1500 (9.067)
01810@400 (24)
02126@500 (25)
02158@400 (52.75)
03309@2000 (9.4)
03690@300 (331.667)

06618@300 (111)
06690@600 (28.433)
09633@600 (45)
09988@300 (235)
ibond@400

月供緊(每月每隻$1000)
00066@326 (43.4)
00388@17 (482.176)
00823@257 (70.086)
02800@498 (28.559)
03067@776 (17.372)

我明白依家嘅組合實在太散，而且資金只能夠支持我繼續保持月供股票。請問我應該蝕放D貨再趁低買其他股票溝貨定點？

唔該哂

利申：我27歲

龔成老師︰

這些股票，只要係有質素，你係應該長線持有，等佢自然增值。唔建議你咁換來換去(除非已經好貴)，如果其餘股票真係平，你可以用新資金投資。

你現時持股真係好亂，好散。未來時間，你要集中翻係10隻以內，否則你好難定期去審視佢地質素和管理。

以你27歲計，應該先做好財富增值部份。你現時月供組合，係可以。

而ibond只係收息產品，唔適合你。

你現時持股，都係有質素，但有個好大問題，就係你非常集中係醫藥股。

任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

但你唔洗沽出，只要用你新資金，去慢慢將個比例拉翻平衡，咁就可以了。

另外，明源雲(0909)、三生製藥（1530）、藥明巨諾(2126)、醫渡科技(2158)、美團(3690)、京東健康（6618）不確定較高，雖有長線投資價值，但不宜持有太多，暫時唔建議加注。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

［吼～～～］又新高了，美股五連跌又如何（扯，跌五日先2%）？

TLDR：係呀，好貴架啦，兩年半前都好貴的，之後再升咗250%。

＝＝＝＝＝＝＝＝＝＝＝＝＝＝
已烴2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

1. 有啲話，刁你求其提過又計。咁固然呢隻唔少Patreon讀者有買。咁但，即管唔好計我「提」嗰時。由我買落去，2019年9月嘅事，剛好兩年前。兩年升250%，一萬變三萬五。咁你都唔滿意嘅，我就唔知點安慰你了

2. 咁當然，唔係隻隻升咁多，有啲輸到趴添，但上星期個週末專題貼過晒我所有股票出嚟。咪有個魚缸溫度計？咁你咪當equal weight（＊），都80%回報啦。（嗰行我有公開FB貼出嚟，你可以自己計）。

3. 「幾耐80%先？」。我又真係冇統計喎，咁怕且唔係幾個月，咪幾年咯。咁你個個可以一個星期升幾倍嘅，就唔使睇我啦。但我自己就相當滿意。

4. 我又使唔使識整光刻機？ 人地識整就得啦！我地呢啲坐冷氣房嘅，就係做呢啲嘢架啦。

5. 真架喎，任你點講，但講到尾，買股票，就係夾錢同人做生意，咁簡單。咁李嘉誠使唔使識落石屎？

6. 又講真，美股5連跌啦下。你又可以好多「不利因素」，我都識講。民主黨左膠又話加股息稅嘛（但，股市在民主黨帶領下升多哦定共和黨下升多啲？你話呢？），蘋果單官司又不利判決勢將打擊服務收入嘛，嚟緊仲有債務上限添，仲有通脹又高添 — 跌嗰時你咪講呢啲咯。

7. 我只係知道，之前N咁多次叫買ASML，一般嘅反應，都係覺得太貴。咁其實人之常情，見到歷史新高要再飛入去，心理上係唔易克服嘅。另外，亦唔止係bias嘅人之常情，背後都有合理嘅原因，應該好少人可以覺得間公司唔勁，但，「點都有個價嘛」。

8. 的確係咁，ASML已經係全歐洲第二大市值嘅公司。你可以估下第一大係邊間，本人都有持有的。

9. 你問in this context 歐洲包唔包英國？包！但，英國有大公司架咩？HSBC？周恩來話齋：「英國最大市值嘅公司？在愛爾蘭。或者印度。或者新加坡」（＊＊）

10. 咁所以，ASML，作為一間3500億美金市值嘅公司，你話要呢啲位升多5倍10倍，我諗都幾難。因為全球最大嘅蘋果都只係25000億。當然啦，講到尾都係時間，可能過幾年堆FAAMG去到50000億，甚至10萬億呢？蘋果過去3年都升咗4倍。

11. 況且，我係2019年9月同你講ASML嘛。嗰時ASML一樣係歷史新高。今日嘅day high係聽日嘅day low．

12. 固然你可以話事後孔明，但肯定2019年9月，唔係買股票最好嘅時機。買咗半年就全球股災啦，係咪？咁我有冇take profit？或者有冇「止蝕」？隻嘢一樣高位跌三成架！

13. 當然我冇叻到低位撈到（哪有錢？況且，亦都冇膽）—但Patreon寫過N次啦（其實係Peter Lynch講，熟讀唐詩三百首嘛，條友好似寫詩的），你同我唔使做到9分10分的，你有7分已經十分好，因為好多人根本係自爆的（＊＊＊）。例如2020年肺炎股災嘅例子，你根本唔使叻到低位撈。你只要唔好做傻仔低位沽走就得。

14. Ignore the boos，因為They usually come from the cheap seats．2020年3月，呢度成班花生客係咁鬧我，仆街死財演仲叫人買股票你有冇良心（話時話，方榮記休息兩星期，冇得打邊爐）。你知唔知好大鑊呀（係喎我唔知你先知，拿，呢啲咪暗中嘅自大）。聯儲局印銀紙解決唔到疫情呀（係喎，但又如何？）。經濟重創呀（so？）。好多人失業呀（我失業大半年添，so？）

15. 講真的，呢個Patreon搞咗一年多啲，都係相當順風順水—我唔係講我，係講個市場！呢啲唔係常態嚟旳。你永遠要有心理準備，面對更加惡搞嘅市況。2020年3月？都唔算最惡搞，你見我都冇乜壓力，因為嚟得快彈得快。反而2018年嗰種由頭跌到尾先惡玩，仲要係差不多個個市場都跌。

16. 投資者永遠係矛盾，亦係巴金的。我都係。見到52週新高，梗係唔敢買，事實美股估值點都唔係話平。但你話想等調整？唔好話舊年3月個個鬧到七彩，「咁驚丫嘛，咁大件事」，係丫，但唔係咁大件事點會有得跌三成？

17. 我就當，10%回調你去買。舊年3月到而家都冇出現過，係咪？但呢個唔係常態嚟的。美股即使係十一年牛市（2009-2019），十一年入面，有七年都有10%嘅回調，即使係大牛市都係咁。但，換著而家高位跌10%？即係道指跌3500點？我保證你個個都話牛市玩完。換著跌20%？道指跌7000點？我保證個個都鬧我仆街死財演冇良心累人輸錢

18. 以上呢啲現象呢，都有啲人明，至少我Patreon啲讀者都會明。但我同你都係人嘛，知易行難的，你梗係有情緒，股市就係三分科學七分藝術，而嗰七分藝術往往大部份就係情緒。

19. 點克服？我Patreon同本書都有講。最簡單，唔好上咁多Facebook Twitter（除咗我個Page），唔好睇咁多股價，唔好同朋友講股票。係喎，聽落有啲反社會，但冇法的，呢啲就係取捨。廢柴梗係圍爐，成功多數都係孤獨啲。

20. 仲有？其實真係我本書有講（百二蚊真係好抵睇，講真的）。咪每個月投資，唔睇價，唔睇指數，唔睇新聞。總之買晒佢。升咗好多咩？照買。股災咩？又買。

21. 我買好多股票時都係咁，決定嗰日買，決定買幾多，就照買。你見到我亦都身體力行，我話買垃圾倉，話買日本股，係嗰日買幾多就買幾多，冇因為隻嘢大插或大升而唔買的。信自己，但唔好太高估自己。萬一你錯呢？

（＊）實情你會見到樣嘢：即使你買嗰時係equal weight，到後來自然就係跑出嗰啲佔比重多好多。呢個亦係幾有趣嘅一樣嘢：例如隻安踏，我買嗰時十幾蚊，而家百幾蚊。咁佢而家升10%，等於我「最初」嘅投資一個開了。呢啲就係……複利嘅威力。但必定係要時間。時間係投資者嘅朋友，但偏偏好多人係主動去趕佢走的，好似聽日末日審判咁，十分不智。

（＊＊） 認真，英國最大市值嘅公司Astrazeneca，細過愛爾蘭嘅Medtronic或者Accenture（又一走寶）。咁當然你可以話呢兩間都唔係真係「愛爾蘭」公司。走稅嘛，你懂的。咁但，Astrazeneca就肯定細過印度嘅Reliance 或者 Tata，甚至細過坡仔間冬海SEA（東南亞小騰訊喎，又一走寶，寫過但冇買）。脫歐真好。

（＊＊＊）呢個亦係我教書教會考班嗰時成日講嘅嘢，好多人根本係去到自爆的。固然我「鍾意」教精英班（我鍾意Stephy 鍾意李佳芯添），但亦教過Repeaters 之類，我都同佢地講，唔好同我講「冇數學天份」「由細到大好怕數學」「之前啲嘢都唔識」之類，固然呢啲都係問題，但大佬我唔係要你拎個A嘛，要你拎個合格，就真係唔難，差不多人人畀啲心機都可以。但你去到A Level就唔係呢回事啦，「因為會無啦啦自爆嗰班友已經消失咗」。同一個道理放落好多嘢都係咁。打工如是，投資如是。我本書都係講呢啲嘢。固然好多嘢唔係你控制，我亦都知道要講天份。但在好多遊戲，金字塔嘅底層，你只要稍為認真玩，稍為下啲苦功，已經勝過好多會自爆嘅人。當然你去到高層就唔係鬥呢啲了，上得嚟嘅個個都努力個個都有基本功架啦。

＝＝＝＝＝＝＝＝＝＝＝＝＝＝
已烴2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

0910華爾街日報

*【拜登將要求大公司員工和政府僱員接種新冠疫苗】
根據美國總統拜登宣佈的一項遏制新冠疫情的新計劃，所有員工至少100人的僱主都必須要求其員工接種新冠疫苗或至少每週接受新冠檢測。拜登還將要求聯邦行政部門的僱員和政府承包商接種新冠疫苗。
https://tinyurl.com/yfy6j36x

*【殼牌考慮要求員工接種新冠疫苗】
一名知情人士透露，荷蘭皇家殼牌集團正在考慮要求墨西哥灣等部分地區的員工接種新冠疫苗。
https://tinyurl.com/yewvfa93

*【塔利班將允許200名美國人和其他國家公民飛離阿富汗】
卡達和美國官員稱，阿富汗塔利班當局同意大約200名美國人和其他外國公民乘坐定於週四飛往卡達的航班離開阿富汗，這將是自美軍上個月撤軍以來的首次乘坐航班的離境活動。
https://tinyurl.com/yz3mee29

*【北韓舉行小規模閱兵式，為拜登上任以來首次閱兵】
此次閱兵式並未展示主要軍事裝備，金正恩也未發表講話。這次活動似乎意在團結國內民眾，而不是有針對性地向美國或韓國釋放信號。
https://tinyurl.com/yfh4nfog

*【中國8月PPI同比漲9.5%，創2008年8月以來的新高】
中國國家統計局公佈的數據顯示，受煤炭、化工和鋼材等產品價格上漲影響，8月生產者價格指數同比上漲9.5%，漲幅比上月擴大0.5個百分點，強於預期，創2008年8月以來的新高，環比漲幅也繼續擴大。
https://tinyurl.com/yftslofe

*【中國8月CPI同比上漲0.8%，低於前值和預期；豬肉價格下降44.9%】
中國國家統計局公佈的數據顯示，8月份CPI同比上漲0.8%，比上月回落0.2個百分點，低於市場預期。
https://tinyurl.com/ygudlqsc

*【騰訊和網易被約談，中國遊戲股應聲下挫】
中國遊戲巨頭騰訊和網易公司股票週四下跌，此前有關部門約談了這兩家公司，要求它們遵守網絡遊戲行業新規。
https://tinyurl.com/yg38wanm

*【TikTok如何將性和毒品影片推給未成年人】
《華爾街日報》的一項調查發現，這一風靡全球的應用可以讓未成年用戶迅速掉進成人影片的無底洞，應用中的個性化影片流向年輕用戶展示了兜售毒品和推廣色情網站的內容。
https://tinyurl.com/yjgptpam

*【報導：中國政府暫停審批新的網絡遊戲】
《南華早報》援引未具名消息人士的話報導稱，作為打擊未成年人遊戲成癮的行動之一，中國政府已暫停審批國內新的網絡遊戲。
https://tinyurl.com/yhzz9cv9

*【中國推動教育公平舉措令一線城市學區房遇冷】
短短幾個月內，中國降低教育成本和調控樓市的舉措令曾經炙手可熱的市場冷卻了下來，深圳等最大型的城市受政策衝擊強烈。
https://tinyurl.com/yew6yt5r

*【新一代熱門公司IPO大打「公益」牌】
美國IPO市場如火如荼，像運動鞋履品牌Allbirds這樣的新一代公司在上市時會傳達出這樣的資訊：上市不只為了籌錢，也為了自己的使命。
https://tinyurl.com/yg58x9gs

*【研究人員稱中國關聯虛假賬戶網絡動員亞裔美國人參加抗議活動】
據美國安全公司稱，一個與中國政府有關的虛假社群媒體賬戶網絡試圖吸引美國人參加現實世界的抗議活動，反對反亞裔美國人的種族主義和一種未經證實的熱門指控，即中國製造了造成新冠疫情的病毒。
https://tinyurl.com/yec68jl2

*【亞馬遜將為美國員工支付大學學位課程費用】
美國各地爭奪小時工的方式已從最低時薪進一步升級，越來越多零售商、連鎖餐廳、垃圾清運商和肉品加工商利用提供免費大學教育來吸引和保留員工。
https://tinyurl.com/yezytk9n

*【FDA需要更多時間來決定電子煙製造商Juul的命運】
Juul等500多家電子煙製造商將其產品提交審查，以確認能否繼續在美國市場銷售。按法院規定，FDA目前需在週四的最後期限前回應這些申請。
https://tinyurl.com/yztt7yzc

*【美國政府公佈降低處方藥價格的行動計劃】
美國政府降低處方藥價格的一項計劃，首次提供了美國政府除了立法推動降低用藥成本外，可能支持的行政措施線路圖。
https://tinyurl.com/yhcddc69

*【中國音檔平臺喜馬拉雅撤銷美國IPO申請】
在線音檔平臺喜馬拉雅向美國證券交易委員會申請撤銷為美國存托股票進行首次公開募股的計畫。
https://tinyurl.com/yjg4yw64

*【美國創紀錄的職位空缺情況或持續一段時日】
儘管DELTA變異毒株導致的新冠病例不斷增多，美國仍有大量工作機會。問題在於，人們接受這些工作的意願有多大，僱主們填補這些職位空缺有多著急。
https://tinyurl.com/yfybybnk

*【亞馬遜將推出自有品牌的電視機產品】
亞馬遜公司計劃推出配備Alexa語音助手的Fire TV，擴大了自有品牌產品的陣容，並顯示出該公司日益尋求主導用戶客廳的雄心。
https://tinyurl.com/yz9zzd9t

*【國際奧委會暫停北韓參加奧運會資格直至2022年底】
國際奧委會表示，由於北韓拒絕參加今年夏天在東京舉行的奧運會，該委員會將暫停北韓參加奧運會的資格直至2022年底。此舉的直接影響不大，但可能影響對未來奧運會的潛在政治抵制。
https://tinyurl.com/ygr8c568

*【德州法律將允許用戶因賬號封禁起訴社群媒體公司】
德州州長Greg Abbott簽署了一項法案，旨在允許該州居民在其內容或賬號被社群媒體平臺封禁時可起訴這些公司。這項立法將Twitter、Facebook和Google的Youtube等平臺都將包括在內。
https://tinyurl.com/ydpdvd4f

還在富途牛牛、IB 買美股慢慢等股價升？你知道在加密貨幣市場同樣可以買到美股，還可以像定存一樣賺取高達40%利息，增加自己的被動收入嗎？😍

早前在與 @財科暗戰 章濤的直播中， Desmond 曾提到自己正在使用 Mirror Protocol 買美股收息，引來了不少觀眾興趣，希望我們分享一下如何設置及買入美股，今天的影片 Desmond 便會逐步教大家如何設置 Terra Station、將穩定幣 UST 由 Kucoin 轉至 Mirror Protocol 以及詳細質押挖礦的步驟，想設置成功的話千萬要看完整部影片喔～

00:00 美股收息躺著賺 年收40厘息！幣圈投資熱門美股ETF Tesla、Netflix、Twitter 用Mirror Protocol 挖礦收息 投資美股合成資產 收息懶人包教學
00:56 前幣安分析師 Desmond 分享 Mirror Protocol 美股投資組合
01:49 買美股合成資產第1步：設置 Terra Station
02:49 買美股合成資產第2步：Kucoin 購買 UST 及轉帳到 Terra Station
05:06 買美股合成資產第3步：Mirror Protocol 購買及質押挖幣教學
08:06 使用 Mirror Protocol 買美股的注意事項

片中提到的 UST 可以在 Kucoin 上買得到，現在用我們的優惠碼「r3VHC8L」或者以下的推薦鏈結註冊，進行即可享低至0.02% 交易手續費 + 獲得$20 USDT合約交易手續費抵扣券 👉
https://www.kucoin.com/ucenter/signup?rcode=r3VHC8L

【 相關影片分析🔎 】
或成下一個 Solana？AVAX 幣價暴漲背後原因及前景分析
https://youtu.be/Ynhqhjhr8TU

Terra (LUNA幣) 算法穩定幣增長空間還有多少？
https://youtu.be/ojAnvfx9qrw

#美股 #ETF #美股合成資產 #加密貨幣 #虛擬貨幣 #加密貨幣市場 #加密貨幣投資 #MirrorProtocol #Terra #UST幣 #收息推介 #投資方法 #財務自由 #股票 #港股 #理財 #被動收入 #退休 #股價 #選股 #財務自由 #月月收息 #ARKK #Tesla

聲明：此影片內容及觀點皆為參考且不構成投資建議，並不代表每日幣研觀點和立場。
______________________________________________
【幣安教學】
幣安交易所(Binance) 完整文本教學，附獨家 20％永久交易折扣優惠碼（W4MX4PT8）
https://www.cryptowesearch.com/binancespecialoffer_yt

幣安開戶影片教學：3 分鐘開戶即享 20％ 永久交易費折扣
https://youtu.be/boLIAwwETcA
_______________________________________________
追蹤每日幣研，獲取更多比特幣和以太幣等加密貨幣的分析，以及區塊鏈行業的最新情報和教學。

官方網站：https://cryptowesearch.com/
Instagram：https://www.instagram.com/crypto_wesearch
Facebook：https://www.facebook.com/cryptowesearch
幣市分析& 最新優惠 Telegram 頻道：https://t.me/cryptowesearch_news

💰 https://p.ecpay.com.tw/C12D4 (綠界)
糧草小額贊助連結，您的支持是我們努力的動力！
(安全隱密可靠：信用卡、ATM、網路ATM、超商)

PAYPAL糧草贊助 https://www.paypal.com/paypalme/MrHistoryBro
或KHMrHistory99@gmail.com

【商業合作】歷史哥官方信箱 KHMrHistory99@gmail.com

加入會員～抗黃標！穩定糧草供應！
★加入歷史哥會員 https://www.youtube.com/channel/UCOSmkVK2xsihzKXQgiXPS4w/join
☆加入小邦仔會員 https://www.youtube.com/channel/UCdD7GT_lN25Ni1P2UUnK1yA/join

購買文創小物。可愛貼圖！募集糧草！
蝦皮商城【歷史哥同樂會】 https://shopee.tw/2olfqy9rc8
歷史哥LINE貼圖 https://store.line.me/stickershop/product/12252926

【節目分段】
0:00 直播倒數
5:27 打招呼、開場閒聊
10:25【鄭醫師說明】CT值的原理、CT值是檢測標準嗎?
15:40【討論】我國嚴重特殊傳染性肺炎檢驗標準
19:14【鄭醫師圖表說明】專業護理之家普篩結果
34:06【鄭醫師圖表說明】英國20201月到5月CT篩檢情形
45:01 鄭醫師總結
48:58【統計表討論】各類COVID-19疫苗接種對象累計接種人次!
52:14【討論】臨床實驗不完美疫苗種類如何抉擇
1:12:32【討論】科學園區真的優先施打疫苗了!職業不平等了!
1:17:35【鄭醫師分析】高端股票跌,只因菲律賓買認證疫苗?
1:27:55【歷史連結】蘇聯後期火箭推進器和國產蛋白質的相同之處!
1:32:25【討論】未來打完國產疫苗就不會得病嗎?
1:49:58 感謝超級留言
1:57:50 歷史哥短片宣傳
2:02:47 台灣翠絲小姐姐CALLIN
2:18:27 台中淑慧同學CALLIN
2:26:01 台灣滯泰英國語言學碩士WEN同學CALLIN
3:31:25 感謝超級留言part2
3:38:24 澄清唬新聞


☆【SoundClub】邀請碼HBR1；@Historybro
★【Clubhouse】@Historybro
☆主頻【高雄歷史哥】 https://www.youtube.com/user/sungastill
★副頻【歷史哥生活】 https://www.youtube.com/channel/UCdD7GT_lN25Ni1P2UUnK1yA
☆FB粉專【澄清唬】 https://reurl.cc/72lYeD
★FB在地生活版【Care高雄】 https://reurl.cc/d0D1Zq
●TG官方頻道 https://reurl.cc/625jO5 (最新訊息推播)
○TG官方回報群 https://reurl.cc/mnDRVj (TG問題回報)
●TG粉絲討論群 https://reurl.cc/0o147o (粉絲聊天室)
△推特 Twitter官方 https://twitter.com/MrHisBro
▲IG官方 https://www.instagram.com/mrhisbro/
△Twitch圖奇 https://www.twitch.tv/mrhisbro

#300萬罰款價值濃厚 #今日CALLIN的APP請下載SoundOn #本頻道硬核有大砲沒奶妹謝謝

Clubhouse: stephenshiu
我開左Twitter和IG啦！想睇多d可以關注：Twitter: @hkStephenSYY / IG: hkStephenSYY
加入我們的patreon：https://www.patreon.com/mrshiu
你爆料我來講email： connectiontaiwan@gmail.com
謎米新聞：news.memehk.com
謎米香港： www.memehk.com
Facebook：www.facebook.com/memehkdotcom
——— ?香港會官方帳號 ———
Clubhouse Club: 香港會
https://www.joinclubhouse.com/club/%E9%A6%99%E6%B8%AF%E6%9C%83
Instagram: HongKongClubhouse
https://instagram.com/hongkongclubhouse?igshid=ec5b9x6cvgm0
Telegram:
• 頻道 @HongKongClubhouse
https://t.me/HongKongClubhouse
• 群組 @HongKongClubhouseGroup
https://t.me/HongKongClubhouseGroup
如對香港會有任何查詢，歡迎PM IG官方帳號