一，呢幾日好似有唔少人講返呢段 #咸豐年 嘅事。

二，咁講啦，#Nancies 最難面對嘅事實係：一直以來令佢哋 #又自卑又自大 嘅情意結，原來係因為讀書唔通，又唔肯自己去考證。

三，咸豐年間對清帝國影響最大，死最多人嘅事件，其實係太平天國。咸豐之後，死最多人嘅，係 1876 到 1879 嘅丁戊奇荒。丁戊奇荒嘅同時，清帝國鷹派左宗棠帶兵攻打今日嘅新疆。究竟丁茂奇荒同呢場戰爭有冇直接關係，有好多地方可以去辯證。

四，但得罪講句，Nancies 對於 #自己人殺自己人 嘅歷史，一係就聽到未聽過，你講畀佢哋聽佢哋都會話：「我讀書個陣都冇聽過。」係呀，宇宙間嘅真理，都係中學教晒你，所以 DSE 係咁重要。 #曲

五，之前嘅 post 另一個觀察係，好多 Nancies 接受唔到原來兩次中英戰爭之後，清帝國由鴉片進口國變成鴉片出口國。冇錯，清帝國話就禁煙，實情係地方貪官壟斷進口仲食埋人哋夾棍之後走數。呢啲史實，全部都有白紙黑字嘅紀錄，但 Nancies 又唔識睇文言文，教人情何以堪？

六，再講，十九世紀，又何止兩次中英戰爭？歐洲各國打到九彩，時至今日，雖然歐洲都有民族主義份子，但好少會有人，有咁多人，集體咁對咸豐年咁耐，而且自己唔係咁了解嘅事，咁上心，咁咬牙切齒。

七，又再講，又有人話林則徐係民族英雄。真係唔知嚇一跳；係日本歷史學家發現，最初捧林則徐做反殖英雄，就係日本人。係喎，所謂嘅中華民族，係1900前後嘅概念；林則徐年代，根本只有封建帝國同滿漢關係，同今日班 Nancies 對民族嘅理解好唔一樣。

八，日本人，又點解會咁得閒去捧反殖英雄呢，又？話說，第二次世界大戰，亞洲戰區，大東亞共榮圈，呢啲點都聽過下，係咪？大東亞共榮圈其實，就係打反殖反帝嘅旗幟去進行軍國殖民囉。Nancies 跟日本軍國主義嘅口水尾⋯⋯ 覺得讀書真係好緊要。

#講住咁多先 #有心情再寫

【歷史在笑】由咸豐年講起

一，「咸豐年咁耐嘅事仲攞返來講？」究竟咸豐年間發生過咩事呢？英法聯軍發燒圓明園，大家聽過喇啩？無錯，史稱第二次鴉片戰爭，就係發生響咸豐年間。

二，話說1842年清帝國簽署《南京條約》，講明永久割讓香港島予大英，並且承諾開放沿海五個港口，包括廣州、福州、廈門、寧波同上海。當然最重要係，清帝國同大英同意停戰。

三，大清雖然將香港島割畀英國，不過，十幾年間一直都冇完全履行開放五大商港嘅承諾。嘿原來早在1860年代，清政府已經將有史以來第一份「中英聯合聲明」當作「歷史文件」」。正所謂 fool me once, shame on you; fool me twice 呢？咪就係自己攞來。

四，藍朋友所讀嘅「已修正歷史」，將鴉片戰爭同南京條約，講到係國恥。不過，原來雍正早在1729年頒佈首個禁煙令，超過一世紀，清帝國越來越多人食鴉片；甚之連咸豐個老竇道光，據說都有鋪煙癮。

五，聰明嘅香港人一眼就睇得出，鴉片禁之不絕，最大原因係清帝國上有政策下有對策，沿海省份高官有走私鴉片生意；例如兩廣總督鄧廷楨嘅家族，就係當年廣州最大煙商。最諷刺係，鄧廷楨因為曾經同林則徐拍檔對戰英軍，被奉為「民族英雄」。

六，鴉片戰爭之後，清帝國將由官員權貴私幫嘅生意，變成要納稅嘅貿易。由1850年起，一直幫補清帝國嘅龐大軍費開支。再者，清帝國之後索性發展罌栗種植，提煉煙土。到光緒年間，清帝國已經有能力出口鴉片煙土去東南亞地區。

七，《南京條約》之後，清帝國同大英係咪世仇呢？原來當時對大清最大威脅，係一個有妄想症叫做洪秀全嘅癲佬。太平天國前後擾攘足足13年，做成過千萬人死亡。假如要我比喻，太平天國係中共同文革嘅原形；又或者應該話，中共同文革，完成咗太平天國未完成嘅破壞。

八，太平天國對清帝國嘅最大影響，就係令到漢族為主力嘅湘軍、淮軍冒起。漢人為主力嘅部隊，後來改革成北洋水師同新陸軍，之後再演變成北洋軍閥嘅格局。晚清幾乎出現「東南互保」嘅分裂情況，好大程度都係因為地方武裝勢力無論財政抑或人手，都唔需要聽令於北京；此為後話。

九，李鴻章曾經上奏同治皇帝寫：「三千年未有之變局」，其實想講嘅就係洋務運動；而洋務運動嘅重點，就係要用洋人嘅財經手段為軍隊同基建融資，改革軍隊。又話說，當年究竟要強化陸軍定建立海軍，又內耗過一輪。陸軍，其實係向西推進；海軍就係對日本同俄國。

十，另外，清帝國對付太平天國嘅時候，好依賴洋人僱傭兵。1860年美國人「華飛烈」（Frederick Townsend Ward）響上海創立一支只有二百人嘅「洋槍隊」，仲娶埋銀行家楊坊嘅女，放棄美國國籍，入籍大清，獲同治賜四品頂戴。可惜，華飛烈成立洋槍隊無幾耐，就戰死沙場。英國軍官戈登接手常勝軍，整頓軍紀，成為近代軍事史入面一個神話。

十一，另外，清帝國引入現代財政管理，完善關稅制度，要多得英國人赫德爵士（尖沙咀條赫德，就係以佢命名。）1859年赫德向英女王辭職，加入清帝國新成立嘅海關；幾年之後，官拜布政使，官階係從二品。赫德其實除咗係建立清帝國關稅制度，亦為清帝國處理外交問題。

十二，當然啦，大中華膠寫嘅歷史教科書，就只會講李鴻章，而絕口不提戈登、赫德等人。其實，洋務運動，又點只李鴻章？

十三，講返咸豐年嘅事：其實由1842年簽《南京條約》到1858年《天津條約》，再到1860年英法聯軍燒毀圓明園，其實清帝國同洋人唔算敵對，甚至乎應該話，當時唔係有洋人協助，清帝國可能早就被太平天國打到失去半壁江山。

十四，千錯萬錯，就要講返1858年《天津條約》之後咸豐皇帝反口唔認帳嘅一段歷史。話說大中華膠歷史教科書，無論點都會話《天津條約》係「不平等條約」，但無端端點解英法兩國會出兵呢？

十五，香港讀過多少書嘅知識份子，可能聽過 1856 年「亞羅號事件」。但法國籍天主教傳教士 Auguste Chapdelaine （後來被約望保祿二世封聖），1856年於廣西遇害，大家又聽過未？歷史書都話，呢兩件事引起英法聯軍打到大沽口，最終令清政府唔情願咁簽落《天津條約》。

十六，兩件事都發生於 1856年，唔係出於純粹嘅偶然。話說自 1853年太平天國攻下金陵，清帝國入面班官僚權貴將自己嘅無能同失敗，講到係洋人嘅錯；呢種仇外仇洋嘅情緒，好快成為清帝國主流權貴嘅想法。我亦唔排除兩廣地區有人因利失義，又或者借機向北京獻媚，要示忠。總之，歷史一直在重演；廿一世紀，一樣有人咁樣去諗問題。

十七，《天津條約》有幾不平等呢？其中英國嘅要求係「北京駐使、內地旅行、長江通商」。嘩，明益你啦，係咪？

十八，1859年英國駐華代表同法國駐華代表，奉命去北京簽約，順便想見下皇帝。你估下咸豐皇帝會點決定？佢叫蒙古大將僧格林沁偷襲並捉拿英法外交人員。

十九，咸豐同當時班京官抱住嘅思維，就係呢度係天朝大國，幾時到你哋班洋人說三道四。呢種口吻，係咪好熟口面？

二十，英法聯軍為咗救自己嘅外交官，就由天津打到去北京。雖然英法聯軍人數只有八千，僧格林沁部隊有三萬人；最終結果係咸豐走佬去承德避暑山莊，留低恭親王奕訢講數求和。

廿一，奕訢同英法聯軍代表講：「所有外交人員都冇事。」但唔肯放人，因為怕英法兩國唔走。點知，兩個星期後放人，39個被扣留嘅外交官，只有18人生還；當中有人被虐致死，在生嘅亦有人被打到殘廢。

廿二，英法聯軍見自己友被清帝國咁糟質，你話會唔會就咁收兵？英國部隊認為外交人員響圓明園受虐，就將呢個地方夷為平地啦。法國部隊，其實係諗住燒埋紫禁城。但最終覺得唔好禍及無辜嘅北京百姓，都係燒圓明園。而且仲要提早幾日貼晒告示；結果咩人入去搶掠搜奪奇珍異寶，你懂的。

廿三，火燒圓明園之後半年左右，咸豐就死於承德避暑山莊，終年30歲。

廿四，我成日話，今時今日北京班人同百幾年前北京班人，思維方式大同小異。重點包括：
（一）條約簽咗，轉個頭就變成「歷史文件」；
（二）國家有問題，一定係洋人靠害；
（三）學人哋個套，但其實又要學半套，仲要係冇用個半套；
（四）我哋國家嘅事，外人無權說三道四。

廿五，歷史會唔會重演？歷史唔會重演，但有一定嘅規律同模式，就正如我哋唔可能踩入同一條河兩次。不過，河水一樣係流，歷史嘅鬧劇，換下人物角色，同一個戲本，可以演完又演。師傅教落，歷史唯一嘅教訓，就係我哋從來都唔會從歷史吸取教訓。

廿六，今日中共正如當年清帝國，並唔係想同全世界為敵，亦都冇呢個條件，而且對內有大把問題未解決。你問我，中國2025，真係連洋務運動都不如。中共又借洋人嘅資本同技術，但又唔想開放市場畀外資公平競爭；加入世貿都就快廿年，好多改革，最終都冇下文。美國今次出手對付中共，我真係覺得有少少 déjà vu 嘅感覺。

廿七，更諷刺係，當年如果唔係有英國幫清帝國，清帝國早就玩完。到後來，美國亦為清帝國現代化出唔少力。庚子賠款，唔單止送返晒畀清帝國人民，除咗成立清華大學；上海嘅聖約翰大學，都係美國聖公會創立。今日班藍朋友，仲成日同人講話要讀多啲中國近代史。如果佢哋有認真讀過中國近代史，就一定唔會成日攞《南京條約》、《天津條約》同圓明園來講；因為真正嘅民族恥辱，係一班恩將仇報，是非不分嘅義和拳、藍朋友、小粉紅。

廿八，至於人權問題，宗教自由問題等，今日中共同當年滿清，同樣以為單憑武力就可以鎮壓，不過，中共同以前嘅所有統治者，從來都冇諗過，究竟長遠計代價有幾大。

廿九，1900年義和拳之亂引發八國聯軍，李鴻章、張之洞、劉坤一等以「亂命不奉偽詔」為由，勾結外國勢力實行「東南互保」，清帝國已經出現覆亡嘅先兆：對地區仕紳同武裝部隊失去絕對控制能力。失去共同利益，意味統治者失去威權。從更宏觀歷史角度分析，縱容地方武裝部隊勢力膨漲，以換取鎮壓民間嘅武力，先至係帝國覆亡最主要原因。1911年9月保路運動，各地仕紳為自身利益聯同武裝部隊起義政變，引發武昌起義嘅互動。清帝國政府唯有請求北洋新軍領袖嘅袁世凱復出；最終袁世凱亦成功促成宣統遜位。

三十，歷史上呢片土地上嘅集權統治者，只有極少案例被外族入侵者取代，平民革命雖然比較多發生，但亦唔算最常見。所謂更替規律，其實係仕紳與武裝部隊勾結奪權，時而形成割據分裂局面，各方勢力混戰後又出現集權。《三國演義》卷首「天下分久必合、合久必分」，亦應作如是觀。

最後，以上歷史分享，亦反映我對中共嘅睇法。

今日到此為止；假如你睇晒，梗係要share 畀朋友啦。

Ok... 個個都答...

1* 咩名：盤菜瑩子
2* 有心理準備做呢100條未：未
3* 而家幾多點：00:42
4* 幾歲：23
5* 住邊：天橋底
6* 聽緊咩歌：歌就冇聽，上YouTube 睇緊杜汶澤訪問鄭中機
7* 今日天氣點：好L熱
8* 今日心情點：好L差
9* 屋企有幾多人：3
10* 咩星座：雙子
11* 著幾多號鞋：23.5cm
12* 幾高：158cm 不過好似仲有得高
13* 有冇養寵物：公仔貓一隻
14* 今日開咗大未：開左
15* 一日瞓幾多個鐘：>10
16* 今晚諗住OT幾耐：未夠鐘就執定袋
17* Lunch食咗乜：冇食
18* 今日著咩色衫：芥辣黃碎花
19* 最鍾意邊個作家：
20* 最鍾意邊個歌手：好多，最近最鐘意水曜日のカンパネラ
21* 最鍾意咩色：藍綠色
22* 最鍾意咩pattern：直條
23* 而家聽緊首歌唱到邊句：聽緊杜汶澤講粗口
24* 用一首歌形容你最近嘅心情：angel beats 入面嘅 god bless you
25* 對上一個WhatsApp你嘅人係：毛記周慧敏
26* 對上一個打畀你嘅人係：盤菜爸
27* 對上一次去旅行去咗邊：東京
28* 對上一次睇咩戲：#同囚
29* 沖涼先定洗頭先：洗頭
30* Line定Whatsapp：Line
31* FB定IG：FB
32* 下世想做男定女：女
33* Twins定Twice：Twins
34* 米奇老鼠定掌門人：打和啦都係
35* 志明定春嬌：冇睇
36* 返學定返工：發達
37* 酥皮定曲奇皮蛋撻：酥皮
38* 養貓定狗：貓
39* 倉頡定速成：速成
40* 食sss味嘅朱古力定朱古力味嘅sss：平時都食唔少sss可唔可以放過我
41* 有錢7頭定靚仔窮L：我有錢就得
42* 日本定韓國：日本
43* Android定iPhone：睇下有冇人sponsor 我再答
44* 綠色衫定黃色衫：綠色衫
45* 叮噹定多啦A夢：睇下講中文定日文
46* 上一次喊係幾時：每日一喊
47* 背得出邊個電話號碼：阿爸阿媽自己馬會
48* 最憎食咩：茶碗蒸し
49* 最鍾意食咩：譚仔麻辣美線
50* 用開邊隻手指撩鼻：手指公
51* 有冇暗戀人：有冇聽過粗口filter？我日日暗戀人
52* 敢唔敢表白：敢，次次都係自己講架啦
53* 最常講嘅粗口：屌你咩
54* 沖涼沖幾耐：儲水式熱水爐所以15分鐘內
55* 想同腦細講啲咩：放過我啦好嘛？比條生路行下。
56* 想同Ex講啲乜：希望你幸福（其中一個：祝你快L啲仆街死，你仲生存到真係天冇眼）
57* 想同未來老公／老婆講啲乜：我會努力搵多啲錢快啲一齊退休
58* 最7嘅一次經歷：最近一次，唔認得坐係我公司pantry 嘅MastaMic ，問佢係咪新同事
59* 最黑仔嘅一次經歷：唔講喇，太黑黑到去左日本一個月避世
60* FB有幾多個friend：600以下
61* IG有幾多follower：好少，可唔可以follow me :myth.keiko
62* 電話wallpaper係咩：カナヘイ小動物
63* 幾耐冇去旅行：兩星期
64* 幾耐冇返屋企食飯：應該成個月冇返老家，但琴日有自己煮飯食
65* 做過咩暑期工：女裝店sales、保險call centre
66* 如果你係一隻狗，會想講咩：你地企到好低
67* 飲到最醉嘅一次係點：訓咗係唐樓樓梯到天光，嘔落頭髮，陣味去唔到最後要剪（冇錯你地見到而家呢個長度既其中一個原因就係飲醉酒）
68* 試過最7嘅髮型：曲髮，唔敢影相
69* 有冇撞過鬼：有，係日本，不過經歷係warm嘅
70* 想同邊個一齊睇鬼片：比起同人一齊睇，我估直播我睇會好睇啲
71* 而家銀包有幾多錢：$40幾
72* 人工高唔高：好低
73* 初戀係幾時：唔記得
74* 初吻喺邊度發生：學校，不過係女同學
75* 有冇試過偷食：減肥就成日偷食
76* 有冇試過做過第三者：當初喜歡你，其時你有別人，完全都因為我，才完結過去拋底了她
77* 最難忘嘅分手經歷：比人用粗口鬧左成個鐘
78* 最愛嘅人係：我自己
79* 而家最想見到邊個：水曜日のカンパネラ
80* 理想對象有咩條件：忍到我
81* tag 5個好朋友（答82－96題用）：唔害人喇
82* 你跌親，邊個會笑得最大聲：
83* 會介紹邊個畀屋企人識：
84* 失戀會搵邊個：老友memes , 家有一老如有一寶
85* 邊個識得最耐：
86* 邊個最靚仔／女：
87* 邊個最似會出賣你：
88* 邊個最似係路痴：我
89* 邊個最似會畀人拉：東方昇
90* 邊個最似會最早結婚：
91* 邊個最需要減肥：豬欣
92* 最想打9邊個：東方昇
93* 最想邊個包養你：
94* 想將自己嘅脂肪過畀邊個：
95* 邊個最爛口：我自己
96* 見到小強會叫邊個去打：我聽講三個腦細都好驚
97* 畀你問一條會問咩：
98* 做呢100問做咗幾耐：差唔多半個鐘
99* 點解會做呢100問：個個都做
100* 終於做完喇，有咩感想：CLS

今日係立法會答問大會嘅日子，又問又答又問又答咁，令毛毛諗返起那些年喺Xanga玩過嘅「100問」呀！你準備好接受挑戰未先？

1* 咩名：
2* 有心理準備做呢100條未：
3* 而家幾多點：
4* 幾歲：
5* 住邊：
6* 聽緊咩歌：
7* 今日天氣點：
8* 今日心情點：
9* 屋企有幾多人：
10* 咩星座：
11* 著幾多號鞋：
12* 幾高：
13* 有冇養寵物：
14* 今日開咗大未：
15* 一日瞓幾多個鐘：
16* 今晚諗住OT幾耐：
17* Lunch食咗乜：
18* 今日著咩色衫：
19* 最鍾意邊個作家：
20* 最鍾意邊個歌手：
21* 最鍾意咩色：
22* 最鍾意咩pattern：
23* 而家聽緊首歌唱到邊句：
24* 用一首歌形容你最近嘅心情：
25* 對上一個WhatsApp你嘅人係：
26* 對上一個打畀你嘅人係：
27* 對上一次去旅行去咗邊：
28* 對上一次睇咩戲：
29* 沖涼先定洗頭先：
30* Line定Whatsapp：
31* FB定IG：
32* 下世想做男定女：
33* Twins定Twice：
34* 米奇老鼠定掌門人：
35* 志明定春嬌：
36* 返學定返工：
37* 酥皮定曲奇皮蛋撻：
38* 養貓定狗：
39* 倉頡定速成：
40* 食sss味嘅朱古力定朱古力味嘅sss：
41* 有錢7頭定靚仔窮L：
42* 日本定韓國：
43* Android定iPhone：
44* 綠色衫定黃色衫：
45* 叮噹定多啦A夢：
46* 上一次喊係幾時：
47* 背得出邊個電話號碼：
48* 最憎食咩：
49* 最鍾意食咩：
50* 用開邊隻手指撩鼻：
51* 有冇暗戀人：
52* 敢唔敢表白：
53* 最常講嘅粗口：
54* 沖涼沖幾耐：
55* 想同腦細講啲咩：
56* 想同Ex講啲乜：
57* 想同未來老公／老婆講啲乜：
58* 最7嘅一次經歷：
59* 最黑仔嘅一次經歷：
60* FB有幾多個friend：
61* IG有幾多follower：
62* 電話wallpaper係咩：
63* 幾耐冇去旅行：
64* 幾耐冇返屋企食飯：
65* 做過咩暑期工：
66* 如果你係一隻狗，會想講咩：
67* 飲到最醉嘅一次係點：
68* 試過最7嘅髮型：
69* 有冇撞過鬼：
70* 想同邊個一齊睇鬼片：
71* 而家銀包有幾多錢：
72* 人工高唔高：
73* 初戀係幾時：
74* 初吻喺邊度發生：
75* 有冇試過偷食：
76* 有冇試過做過第三者：
77* 最難忘嘅分手經歷：
78* 最愛嘅人係：
79* 而家最想見到邊個：
80* 理想對象有咩條件：
81* tag 5個好朋友（答82－96題用）：
82* 你跌親，邊個會笑得最大聲：
83* 會介紹邊個畀屋企人識：
84* 失戀會搵邊個：
85* 邊個識得最耐：
86* 邊個最靚仔／女：
87* 邊個最似會出賣你：
88* 邊個最似係路痴：
89* 邊個最似會畀人拉：
90* 邊個最似會最早結婚：
91* 邊個最需要減肥：
92* 最想打9邊個：
93* 最想邊個包養你：
94* 想將自己嘅脂肪過畀邊個：
95* 邊個最爛口：
96* 見到小強會叫邊個去打：
97* 畀你問一條會問咩：
98* 做呢100問做咗幾耐：
99* 點解會做呢100問：
100* 終於做完喇，有咩感想：

加分題：share呢張圖，tag你5個朋友叫佢哋接力答落去啦！！！
===============================
【毛記電視】www.tvmost.com.hk
全力以赴　毛牌仲好
點這IG與毛毛展開激情對話：100mosthk
IG睇相感覺多好：TV_MOST
#100毛 #毛記電視