【 紅天機 ── 點解香港出唔到金裕貞？】 _ 世界好大，香港娛樂影視發展都可以好勁。 _ 說的不是廿幾三十年前無綫（TVB）的輝煌盛世，而是現在。 _ 由香港起家的「黃Viu」創立至今僅6年，然而發展之快超乎想像，合作夥伴更遍布亞洲，除了外購劇集，2020年起更將發展重心移向自家製作內容，上年便參與製作Nichkhun主演的泰國浪漫喜劇《My Bubble Tea》，以及型格美女Linn主演的奇幻愛情劇《Voice in the Rain》，到今年再開多瓣拍埋韓劇，金所泫主演的《月升之江》便以「Viu Original」名義在2月推出，而金裕貞主演的《紅天機》則是新鮮滾熱辣剛剛正式上架，逢周一及二更新，現時已播放至第四集。 _ 《紅天機》改編「韓國小說天后」廷銀闕（《懷抱太陽的月亮》、《成均館緋聞》原作者）同名作品，以架空歷史的「端王朝」為背景，講述主角紅天機（金裕貞飾，童年版由李南京飾演）出生時雙目失明，後來因捲入神魔角力而奇蹟地復明，可是貴族少年河藍（安孝燮飾，童年版由崔乘訓飾演）卻意外失去視力，魔王更被封印到其體內。差不多20年後，本應失散的兩人如命運安排般重逢，一個成為了天才女畫師，在帛瑜畫團工作；一個擁有雙重身份，既是書文觀主簿（類如中國古代的欽天監，故又名河主簿），又是暗地經營古畫買賣商的「月星堂」堂主，兩人再次結緣的同時，神秘事件亦接連發生。 _ 年僅21歲的金裕貞絕對是《紅天機》最大的賣點，亦是觀眾最關心的地方，「金裕貞」三個字於八月第四周（首播前一周）和九月首周輕易拿下韓國Gooddata調查公司「韓國演出者熱搜排行榜」第一位，加上相比廷銀闕另外兩套舊作，今次在愛情綫以外，奇幻成份明顯更強，照計應該能夠吸引劇迷，事實上收視也如此，每集皆創新高，由第一集的6.6%，升至第四集的9.6％，成為同時段（月火劇）冠軍，可是首兩集的劇情鋪排輕重上頗失預算。 第一集人、神、魔合力搞了幾場「大龍鳳」甚有睇頭之後，竟然花了大量篇幅描述年輕版的紅天機和江藍如何邂逅，文戲太多就會變得譖氣，為免悶到瞓著，只好靠Fast Forward跳過這段，結果首集70分鐘，去到臨尾兩分鐘才輪到金裕貞。第二集亦略嫌拖戲，無端端又加插一幕安孝燮「曬肌」，認真離題，去到最後一段才出現打鬥場面，幸而故事播到第三、四集愈來愈順，加上有孔明飾演的三王子「亮明大君」相當搶鏡，與金裕貞甚有火花，令追看度大增，而後者個人表演的機會亦愈來愈多，譬如照顧失心瘋父親（紅恩吾）時表現的心疼、對付騙徒的機智潑辣，以及畫出幾可亂真的高仿畫的得戚樣，樣樣都恰到好處毫不過火。 _ 撇除標緻可愛的靚樣，金裕貞擁有的最強武器，便是其超越年齡的演技，但韓國領土裏並非只得金裕貞有此威力，金賽綸、金所泫便是與她既出名又有同級配置的後生女，她們合稱「三金」，廿歲頭，大把世界。反觀香港，剛剛踏入雙十年華又好戲到令人難忘的女藝人，一個都冇。 _ It’s all about time，金裕貞起步得早，4歲做童星拍廣告，5歲正式演戲，其後數度在劇集中飾演女主角的童年時代，在13歲靠《懷抱太陽的月亮》（2012）爆紅前，已經演過超過20套劇集、10套電影，2014年更擔大旗於《秘密之門》做女一，對手是演技超卓的韓石圭和李帝勳，而劇集亦令她贏得「第21屆SBS演技大賞」的新星獎，之後接拍與朴寶劍共同主演的《雲畫的月光》（2016），人氣更愈來愈勁。 _ 香港女演員大多廿頭才出道，紅得再快都要等多兩三年才企穩陣腳，被迫「大器晚成」，但培訓少，港姐出身的參與完短短三個月的「速食班」，便要提槍上陣，演戲根底遠不及5歲演戲的紮實，而童星出身的莊錠欣（Elkie）或多或少本應有機會做到半個金裕貞，11歲參演無綫劇集，作品十隻手指都數唔晒，興許香港市場細，未夠魅力留住人才，她2016年便轉戰韓國追女團夢，加入CLC做領唱，人氣三級跳，去到今年2月才正式離隊決定作個人發展，若她選擇回港而非主攻內地市場，就不會撞正中央整頓娛樂圈，令自己的前景充滿變數。 「黃Viu」以自家製作、OTT平台打開了香港以外地區的門戶，利用有別於過往劇集賣埠的方式「做大個餅」，根據《彭博》（Bloomberg）一篇引述研究公司Media Partners Asia數據的報道，截至今年六月底，「黃Viu」在東南亞市場的付費訂戶人數多達530萬，成功超越Netflix，躋身區內第二大串流平台，與坐擁620萬用戶的龍頭Disney+僅少90萬人，換句話講，香港影視界短期內產出不到十八廿二的「港版金裕貞」、「港版金所泫」絕對不緊要，永遠無法復刻40年前《靚妹仔》（1982）林碧琪也沒相干，因為來到2021年，世界好大，要贏、要企到最後，也不是只有一種方法，將來的事，誰人能夠預料？ _ （11092021） _ #游大東 #游大東影視筆記 #韓劇 #紅天機 #金裕貞 #安孝燮 #孔明 #郭時暘 #홍천기 #김유정 #안효섭 #공명 #곽시양 #ViuOriginal #黃Viu煲劇平台 #Viu @kimyoojunghk @goddessyoojung @spaulight.0219 @hyoseop_hk @rencontrer_paulahn_chinesefans @hkgirltalkdrama @viuhongkong

【 余德丞公開揀衫法則 】 _ 隨着「2020年度勁歌金曲頒獎典禮」於周日晚（17/1）圓滿結束後，由本地幾大電子傳媒舉辦的年度總選亦全數落幕，由於疫情仍未有明顯改善，在限聚令持續生效的情況下，相信未來一段時間，要在幕前見到一大班藝人盛裝打扮，機會頗低。傳統以來，本地影視娛樂記者撰寫報道時，若然談及衣著，都會將焦點落在女藝人身上，就算男藝人着得有多帥氣，也無法爭取多一點篇幅。 _ 睇靚嘢，人之常情，何況女藝人透過衣著展示美好身型和時尚品味，實在會令人愈講愈興奮，但不代表男藝人的穿衣哲學以及男裝設計沒有值得留意之處。譬如上周日（10/1）出席「萬千星輝頒獎禮典禮2020」的余德丞（Dickson），雖然當晚沒有機會上台領獎，只能夠坐在觀眾席，不過他打扮得相當隆重，身穿的孖襟西裝外套，出自美國新晉設計師Mike Amiri手筆，Dickson罕有公開他的揀衫法則：「我自己都會留意潮流嘢，成日都想試下一啲新嘢！」 _ 如果有留意余德丞在Instagram公開的穿搭圖輯，不難發現他是「國際品牌寵兒」，知名的有BURBERRY、Louis Vuitton、Comme des Garçons、Adidas，極具人氣的新興時尚品牌則有SACAI、AMI Paris by Alexandre Mattiussi、MSGM、Palm Angels、Andersson Bell、Sandro PARIS、MONCLER以及Heron Preston等等，花多眼亂，在芸芸無綫藝員當中絕對少見。Dickson謂，平時都有了解潮流消息的習慣，總是希望找機會嘗試種類的品牌，「我唔介意試新牌子，甚至係本地牌子，好似台慶當晚，就試咗着DEMO，我覺得最緊要都係着到個神髓出嚟。」 _ Dickson熱愛運動，身型高䠷而偏瘦，甚有適合當衣架子的條件，但他認為張羅衣飾有點難度，「因為亞洲人同歐洲人嘅身形比例有分別，所以每次都要精挑細選，睇下邊件衫可以最突出到自己，每次都會試啲新嘅配搭同顏色。」Dickson沒有刻意聘請造型師，倒是會認真聆聽贊助服裝的品牌代表意見，他相當享受這種穿搭Trial and error的過程，「因為日常出街，我真係唔係着黑色Tee，就係白色Tee，好簡單，所以難得有呢啲場合（需要借衫），我都會想試下可以着得隆重啲，莊重啲，睇下自己究竟可以發揮到咩地步。」 _ 談到今次何以會挑選AMIRI的孖襟西裝外套（Amiri Black Double-Breasted Bouclé Blazer），Dickson認為質料是關鍵，「呢件西裝褸好特別，啲料用得好好，我唔知中文係咩，但望落去係好有層次，好有質感，相比正常西裝有啲唔同，唔係絲質，亦都唔係Tux或者係Tweed（花呢，跟毛呢相似，但表面更粗糙），望落去有種好厚嘅感覺，再加上佢個設計係兩排鈕，一直以來我都想試下着孖襟，但之前一係唔啱着，一係就顏色唔啱，夾唔到，今次夾到呢個機會，好值得一試。」參考AMIRI官網資料，這件西裝外套的用料是珠毛呢（Bouclé），而翻領外圍則用上絲質物料包邊，售價為1,790美元，折合約13,879港元，而香港的Harvey Nichols亦有出售，零售價為11,260港元，較原本定價將便宜2,000港元。 _ 西裝夠豪夠型，身上其他的配飾也絕非一般貨色。原來他在當晚佩戴的手錶、襟針，還有戒指，統統是著名法國珠寶品牌卡地亞（Cartier）的出品。「日常生活當中，我比較怕煩，唔係成日會戴手頸、頸鏈呢啲Accessories，同埋我成日覺得戴咁多好似好誇張，難得出席頒獎禮，一個咁隆重嘅場合，我都想將自己件初發揮到極緻，就決定戴一啲鑽飾。」 _ Dickson當天佩戴的，是Juste un Clou的18K玫瑰金領呔夾和戒指，「呢個系列我好鍾意，個心口針同埋戒指，Design嘅構思源自一粒釘，細緻啲睇，你會見到兩樣嘢側邊仲鑲咗少少鑽石，低調得嚟，又有主題，放喺件黑色西裝上面，就係一個吸睛嘅地方，但望落。」而手錶則是Santos de Cartier系列腕錶，同樣由18K玫瑰金製成，「因為大部份嘅錶都係圓型，但呢隻係正方形，亦都係有Pink Gold，可以襯番心口針同頸鏈，同埋套西裝都有啲嘢閃令令，所以拼埋出嚟，我係覺得非常之好睇。」參考官網價錢，戒指的售價為30,000港元，襟針為41,300港元，而手錶則是13.4萬港元。 _ 攝影： @nickyjai _ ➡️原文刊於《香港01》 標題：「余德丞豪裝亮相頒獎禮 國際品牌寵兒親解揀衫法則：成日想試新嘢」 _ （20012020） _ #游大東影視筆記 #游大東 #余德丞 #萬千星輝頒獎典禮2020 #TVB #AMIRI #mensstyle #cartier #watches #rings #tieclip #blazer #harveynichols #menswear #20012021 @harveynicholsmen @harveynicholshk @dicksonyufanpage @mochajimmy @nickli

高Sir晚間講場: 呢班小朋友咁細個都咁乖💖香港有希望呀❣ https://youtu.be/tbycMCdN4Xo 今集內容: 1. 日前同大衛Sir和TVB 靚女藝人參加苗圃行動的派口罩活動，上門向深水埗區內獨居長者派發物資💖 高Sir力的表現 😂 2. 小朋友自製消毒搓手液贈傷健人士 學校停課，但小朋友青少年都冇偷懶，一班小朋友青少年製作400支蘆薈消毒搓手液（非酒精，適合長者及嬰幼兒使用），於10/3/2020早上與高Sir 捐贈予健障互匡會一班傷健朋友，希望能夠為社區弱勢社群提供支援，發動青年力量為社會注入正能量。咁細個都咁乖咁生牲，香港有希望呀。高Sir勁感動🥰 —————————————————— 五星正能量🌟  真係爆哂燈🔥 請大家幫幫手： 1. 訂閱「高松傑 - 小小人物做小事Jacky」youtube 頻道 (訂閱係免費架) https://youtube.com/jackyko1109 ； 2. 贊好並留言支持； 3. 將影片分享開去。