【你叫我譯一首奧地利歌詞】 曾經幻想exchange可以去曬全歐洲、探曬所有喺英國讀書嘅朋友，但幻想總是美好的，現實總是殘酷的！ 作為一個本來已經無咩plan嘅人， 僅餘嘅丁點plan同對生命嘅期盼咁就俾個武肺一嘢纖滅咗。everything happens for a reason, but WTF? 人去exchange我去exchange，人地就去半年，我就去三個禮拜，well this is life !!!!!!!!! ^^ 𖦹有咩食( ´ཫ`)𓌉𓇋 ‎？ 一開始對歐洲嘅食物幾嚮往，以為好似睇戲嗰啲餐餐都咁有情調。首先係無錢，其次係歐洲啲嘢食嚟食去都係差唔多嘅味，一餐好食，兩餐可接受，第三餐我就已經想返歸食波記燒味了。有時想食菜，係無熱嘅菜㗎，得沙律咋。出去食嘅話我地多數揀返啲亞洲菜，韓國嘢泰國嘢，仲有間土耳其嘢啲kebap幾抵食。多得exchange mates 繼揸車之後再神carry，又整醉雞又煲老火湯日日煮飯仔我先不至於餓死，都係self cook更稱心，佢地masterchef ，我就master of 洗碗:) (no shame)。雖然餐廳食物係貴，但新鮮食材就好很正。奶有咩好？又平又飽肚又新鮮；包又多款又好食，火腿、生果、奇形怪狀嘅意粉、蔬菜、蘑菇都係必買之選。我搭長途車都係瘋狂食自制三文治🥪咋。 𖦹‎我住邊？ 由於早咗到埗，頭一個禮拜我係住air b&b嘅，book嘅時候仲心諗間嘢咁平會唔會仆街中伏，點知一打開道門見到窗外個景係WLTF咗出聲，根本係俾個雪山包圍，每朝起身一打開個窗個景就喺你眼前，靚到唔捨得閂窗。之後move in咗近河邊嘅dorm，隔離有超市，附近勁多bar，層樓啲人日日開party。我住雙人房，間房大，入面有埋廁所，pantry就一層樓共用。rm係台灣人，同我幾夾又有好多嘢傾，成日（嗰兩個禮拜TT)同我周圍去，本身book曬嘢一齊去vienna㗎 :(。 𖦹 all about Innsbruck innsbruck係個好蚊型嘅城市，近瑞士又近意大利，個半鐘巴士就到德國munich，係啲當地人好鐘意去滑雪嘅渡假勝地，無錯，結果我只係上過兩次雪山，一次雪都無滑過。inns最出名嘅景點係一個黃金做嘅屋頂，無咩特別。其餘景點包括冬奧場地、睇睇下間間都咁上下、分別不大嘅歷史博物館同埋金碧輝惶嘅皇宮，不比起呢啲遊客景點我更鐘意啲細街、小店、同埋勁大間嘅超級市場（講多無謂，睇圖最實際）。個城市夠細，大部分嘢都係walkable distance，行路撚就最likey。當人極chill，成日嘆咖啡☕️，踩單車，無啦啦停喺路邊同人吹水。天氣頂呱呱，大部分時間暖過香港嘅冬天（落雨另計），可以好肯定咁話你知：香港濕凍世一！ 𖦹 university of innsbruck 學校我只係去過一次，就係registration當日，堂都未上過我返咗歸，抱歉未能提供更多資料。跟據wikipedia，佢喺區內幾出名，歷史悠久，business school係最勁的。 （見placement hell hell尚餘不足一個月，上水旺下個群。原來唔執相嘅感覺係咁美好，睇下啲相幾raw幾真實。）