［Facebook 挑戰10000億市值］但最大敵人可能係蘋果

原文：Facebook could be the next $1 trillion company. Here’s how　　（https://bityl.co/3Ghy）

TLDR：經濟差客戶冇錢落廣告，又有一堆客話杯葛，但Facebook照樣升個不停，低位已升一個開。10000億市值應該唔難—但最大阻礙可能嚟自蘋果。

1. CNBC話（其實係引述評論講）Facebook市值會去到10000億美金，the next trillion market cap company.

2. 市值10000億，1,000,000,000,000，就係four comma club。而家有四間公司在會入面，其實正係大家聽過嘅Big Tech，FAAMG，Amazon，Apple，Microsoft，Google．就係F For Facebook 未到呢個市值。睇表，呢個表很有用（https://bityl.co/3Ggv）。

3. 其實一路Facebook都係最細嘅一間，不過今年走勢都幾勁，而家市值840b。股價今年低位升超過一個開。呢，當時又係話咩經濟衰退客戶冇錢落廣告呀，後來仲搞咗單客戶杯葛（都幾杰）。股價咪急跌。但唔係有壞消息，邊有機會畀你買？好多人仲係不切實際咁，以為有啲好嘢只係佢自己知全世界唔知。又或者啲股票會冇壞消息而忽然做七折畀你買，仲要買完即刻識。你覺得合唔合常識？

4. 話說回頭，AAMG以外，最大市值咪正係Facebook，所以估佢都好正路。但後面阿里巴巴都唔爭太遠，或者有機會後發先至？巴郡VISA應該冇咁快。留意黑馬仲有台積電（威水），同埋Tesla

5. Facebook股價早排見過300蚊，不過收市守唔住。升到350蚊就可以入會，即係兩成都唔夠，「其實唔難」。至於泡沫唔泡沫就貴客自理了。

6. 不過篇文引啲人嘅講法，實則都冇乜新意。比較好嘅一個，係講SME中小企。其實同有啲人想像唔到，中小企同Facebook先係最親密。大牌子嘅，可以afford唔落Facebook 廣告，反正就咁用Facebook Page又唔洗錢。但中小企，好多都係靠落廣告突圍，例如Brian Cha （7000萬當然係中小企）。

7. 掉轉亦係，Facebook 之所以咁惡，話知你咩可口可樂　迪士尼杯葛，憑乜？你想像下，換著傳統媒體，應該嚇到賴屎。Facebook真係話唔驚。點解？因為太多客戶，分得好散，好多都係中小企，話知你頭十個大戶一齊拉隊，實有大把勇士補上。Facebook嘅業務本質，令到佢customer concentration 極低。相反你有啲咩手機設備股，或者專幫某幾家大企業做零部件呀之類嘅，好危險的。唔鍊你價，鍊邊個？你唔做佢生意做得邊個？

8. 至於其他方面，我覺得Facebook係做得幾差嘅，就真係好傳統咁玩　Senator we run ads（https://www.youtube.com/watch?v=GGTWUOxkfGQ）．可能真係賺錢太簡單，你地日日鬧都要日日上，所以都冇乜意慾做好其他嘢。講真，Facebook有咩好大改革？真係冇乜。除咗係出事補鑊，令大家繼續玩落去果類東西。例如佢地話幫Content Creator去monetize，搞咁多得個拮，益晒　Patreon之類 – 當然小朱嘅如意算盤，可能係好似instagram咁，邊使自己搞。等人碰下壁先，有人試到搞得掂，咪買起佢。

9. 我覺得Facebook最大穩憂，其實係同股不同權。小朱已經1000億身家，世上第三富有，佢仲有幾大意慾去搵多啲錢？當然企業家未必只係睇錢，但請循其本，Facebook點誕生？純係有個哈佛死毒撚溝唔到女，開個網站大家對女同學評頭品足。佢當初根本冇咩改變世界嘅理想吧？

10. 另外，當然係公司嘅霸權。之前被咩國會照肺，我覺得做個樣啫，咩事都冇。咩反競爭得啖笑。真正嘅問題，其實嚟自呢堆Big Tech業務遲早會有碰撞，會踩入同樣領域。有段幾長嘅時間，其實大家都在自己強項玩。蘋果唔會出social media（Google出過，但死得很慘），Facebook唔會賣電話。但近年隨住大家都多領域發展，就容易爭地盤了

11. Facebook近排最新嘅仇口，係蘋果（https://bityl.co/3GhD）．話說　Facebook早排好高調咁講，話蘋果iOS14更新，會嚴重損害廣告客戶嘅利益（亦即係Facebook自己利益）．

12. 技術細節不多講，涉及IDFA（ Identification for Advertisers），每部電話都有，而一直啲App Developer 都會用嚟做針對性廣告。iOS14就要 App加返句警告，同埋用家要 opt in。過癮嘅係嗰日Facebook 股價仲要升8%

13. 就我理解，其實最影響係啲其他App，反而 Facebook本身核心廣告業務影響唔係太大 – 因為Facebook 太強大，加埋instagram 同 whatsapp，根本佢就知你好多好多資料，廣告客戶可以好針對性咁落，實情唔用 IDFA都唔係咩好大件事。

14. 況且，其實公司之前都有提過呢件事。唔知做乜忽然又舊事重提，有人就理解係為咗攻擊蘋果，話佢阻頭阻勢，仲話蘋果在呢啲艱難時刻令中小企雪上加厢喎。嘻嘻嘻

15. 我覺得呢個猜測都有啲道理，因為同時間又再有另一單火頭（https://bityl.co/3GhJ）。Facebook最近有個 app update ，畀蘋果reject咗。

16. 原因？因為Facebook 會提示用家：拿，你畀錢，蘋果會抽你三成水呀。

17. 呢個東西係因為Facebook嘅新功能，容許啲中小企搞online event，客戶在入面畀錢。但蘋果照樣抽三成，因為三成買路錢係核心價值，不容討論。

18. 結果Facebook就又變社會良心，話蘋果打劫中小企，人地畀一舊水以為全部去晒間公司，點知得七成。當然要講埋如果Android phone 就冇呢個問題。

19. 實情呢個三成蘋果稅，畀人批評多年，近期特別勁。歐盟又話睇係咪反競爭，Epic Game 又開拖。但蘋果當然企硬，難聽啲講句，你夠膽咪杯葛。但你啲嘢咪全部去唔到iPhone用家手上

20. 有趣係，蘋果嘅market share唔大，但影響力就大。聽聞因為iPhone用家有錢，而又肯畀錢。

21. 誰勝誰負？唔知，或者有方法傾到win win，但其實投資者嘅嘢，買晒兩隻咪得，再唔係你買Nasdaq ETf都得的

———————————————————
Ivan Patreon 狼耳街華人，一個星期至少三篇，一個月一舊水唔使，兩星期已超過400人訂，仲有兩篇免費試睇：https://bit.ly/31QmYj7

——————————————————————————
［收費短片第八擊］美國總統大選買股部署

課程資訊:https://homebloggerhk.com/course_detail/?code=CC008

到上link會見到紅色按扭直接購買及觀看
題目:「美國總統大選買股部署」 /cc008

內容:
*美國總統大選買股部署
*美股8月終極一升，然後…
*制裁美國上市中資股，有乜後果？
*蘋果2萬億市值，之後點？。下間2萬億市值係？
*未買記得買返CCO06（下半年選股）同CC007（買金）

本星期內特惠售價: $80
課程編號：CC008
觀看期限：首次播放後一星期及限每影片４次
客服whatsapp: 63832145

［科企CEO歧視鏈］添曲皮猜之類，打工仔嚟咋，身家係小朱光頭佬一個零頭都冇—不過又同時富有過堆議員好多。堆議員？在香港都只係普通中產。甚至唔係上級中產

話時話，呢排記得keep 住like and share，主動入嚟睇，同埋設定做see first．真係搵食艱難。但感激大家，Keep住做，呢排啲Reach係好返好多的，但唔好鬆懈。一個都不能少呀

TLDR：打NBA嘅頂多只係小富，班主先係富豪。同樣地，CEO只係小富，除非自己係大股東。

1. 上星期四大科企巨頭齊齊在聽證會畀人盤問，可惜疫情關係要用Webex，亞馬遜光頭佬Jeff Bezos更加斷線90分鐘，「我覺得特登嘅，同佢做人做生意作風一樣咁狗」。如果係現場嘅，更加震憾。例如上次Facebook小朱 Mark Zuckerberg 大戰光明頂，睇硬照都一流，絶對係雖千萬人吾往矣（https://bit.ly/3k8N09y），一夫當關，萬夫莫敵般莫迪。當時我就睇好股價，事實證明我果然係……好彩。

2. 同場加映，成堆議員，其實都係廢老，對現實同科技脫節程度，應該勁過香港。例如著名嘅Senator, we run ads，（https://ggle.io/3IDo）。議員問小朱，到底你檔嘢，唔收錢，點維皮？明顯呀議員係冇睇過免費電視的。建議下次不如叫Virgin Galactic 嚟問（呢檔嘢有新搞作，夠多人留言我就寫）

3. 至於今次聽證書，議員啲發言水平，好似改善咗啲，應該上次畀人恥笑得多，返去有人做功課。但我想講嘅係，今次集齊科企四大天王，真係極之難得。諗真啲？地球上人類歷史上最有錢嗰幾間公司全部嚟畀你插，幾爽。諗下入面坐咗幾多富豪幾多財富？

4. 就公司層面，市值，四間都去到以Trillion美金計，萬億。最細嘅Facebook其實未夠一萬億，7000億。Google（Alphabet）剛好10000億。亞馬遜16000億。蘋果？19000億。自己慢慢計。但寫過了，一間蘋果，年頭時市值已經畀德國DAX指數成份股30間加埋更加值錢（https://fbook.cc/3DRF）。同樣地，一間亞馬遜，亦都大過韓國成個股市嘅市值（有機會寫）。而德國係全球第四大經濟體系，韓國係第十大（＊），兩個國家都有一定嘅科技實力。香港？我想像唔到，可能相等於四大地產商畀你齊齊召去輪，但財富同影響力仲爭好遠。可能大陸啲乜乜科技論壇會似啲。

5. 如果講人呢？巴閉咯。全球首富喎，More money than God嘅光頭佬都有份。唔止，排第三嘅之唔係小朱（https://fbook.cc/3DRD）

6. 丫，做乜漏咗第二個？第二個正係標基。標基一早退落嚟，唔grill佢好合理，況且，廿年前咪grill過咯（而佢同微軟仲係咁有錢！）。第五位咪正係微軟第二任CEO，NBA快艇班主Steve Ballmer。冇微軟點成事呢！但講過了，微軟例外，可能因為廿年前畀人grill過（https://fbook.cc/3DRE）。但話說回頭，而家微軟依然咁嘅市值，五大富豪榜有兩個係佢前任CEO，係咪即係當年grill得唔夠徹底？唔係應該拖佢出去grill多鑊（＊＊）?

7. Anyway，講嚟講去，都係小朱同光頭佬。另外兩位呢？

8. 睇圖！爭得遠了。蘋果嘅添Apple（侵侵專用），同Google嘅皮猜，身家？真係小朱同光頭佬嘅零頭都冇。光頭佬仲要借機消失90分鐘，真係可撚恥。換著我係添曲同皮猜都仇富呀！

9. 真的，固然呢啲身家統計多數都低估，但即係咁講。皮猜添曲之類，身家十億八億美金—在香港都仲可以算富豪，但唔係超級富豪。應該咩鞋王（黃長發啲朋友），李德義（恒豐，個新抱分身家都十幾億）不如。即係夠你窮奢極恥（特登打錯字！）左擁右抱米芝蓮餵狗Lafite做漱口水，但唔夠你權傾天下。

10. 同真超級嘅小朱光頭佬比，就更加人比人比死人。你幾億美金身家，唔夠十億，Billionaire 未夠。人地係千億身家。

11. 個類比，好似你睇NBA咁。甚麼勒邦占士 居里之類當然有錢，紙醉金迷，但只係小富。班主嗰啲先係真有錢撚。咪話800億身家嘅Steve Ballmer係班主。咁當然窮啲嘅，Mark Cuban幾十億身家都夠做。但一般打波嘅，唔會有咁身家。

12. 對，添曲皮猜，同光頭佬小朱最大分別係，添曲皮猜都只係打工仔，即係NBA啲球員。光頭佬小朱當然「都係」打工仔，但真正身份係大股東。只係靠份糧（佢兩位好似收1蚊美金）仲得了？Elon Musk嘅情況都係咁

13. 再講一次，例外嘅，只有Steve Ballmer，佢亦只係打工仔。但佢係一個好早識得標基嘅打工仔，好早拎咗8%微軟股權。咁拎住間公司8%（even 嗰時微軟只係豆豉咁大）仲係咪只係「打工仔」？

14. 呀，都未講埋，啲議員。就真係窮人了。香港做議員可以有幾多身家我唔知，「李國寶都議員」。但今次出席grill人嗰班，最富貴不過係一兩千萬美金身家，真係中產嚟咋。多數甚至係一兩百萬。有幾件負數嘅，乜料？負資產議員？不過議員啲身家，我比較有保留。唔係佢地特別奸，而係光頭佬小朱之類，絶大部份嘅身家都係上市公司，好易查證，報多報少幾層樓幾億現水濕濕碎。但議員呢啲唔係，真係報少層豪宅（即使只係美國樓）都爭好遠。

15. 更吹脹嘅係，一完咗聽證會，四大科企出業績，小朱同光頭佬嘅身家，又多一百幾十億！

16. 更正嘅係，光頭佬之前已經離婚分咗身家，依然係首富。都算。佢前妻分咗佢啲身家，而家都在13位，到佢打入十大又出篇文先。

17. 所以呢，真係社會不公義。重覆一次：我志願係做個普通有錢人，然後同你地一齊去仇視啲超級富豪。大家一齊努力。

（＊）呢度當然係講籮綿奴，唔係計及物價嘅PPP。好簡單，股票係籮綿奴，市值亦都係。蘋果to….德國。

（＊＊）令我諗起《上海灘賭聖》，「做乜呢個太監咁多鬚根，一定係閹得唔乾淨，人嚟，拖佢出去閹多鑊」（https://ggle.io/3IE7，12分鐘）

————————————————————————————————
最新收費影片：第一次推介跑贏大市，同你回顧檢討下。仲有新推介。40分鐘，都係賣返$80

簡介及以前嘅片（未睇可訂）：https://bit.ly/3iYMD0F
報名嘅，課程編號CC006：https://bit.ly/3eXVX1K
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:　回顧第一段專欄片有幾勁！今段落多幾個Number賺死你！40分鐘，都係賣返$80

影片/課程編號：CC006
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC006]
2/利用信用卡網上付款
3/及後有登入資料可以立即收看
查詢：whatsapp 63832145

［蘋果咬一口］Steve Jobs死後，蘋果股價仲升咗8倍。投資有幾難？

TLDR：根本蘋果人人皆知時都任你買。投資反映性格，最大嘅敵人，就係你自己嘅貪念同短視。我都係。

1. 介紹返，篇文唔係講蘋果。係講投資，講股票as a whole。當然我發現好多人好鍾意講「一見篇文開頭講乜乜已經唔想睇落去」。何其傲慢，好似你啲時間好值錢咁。埃汾一向都話，never judge a book by its cover．「同樣地，未上床唔好講真愛」。I am serious。睇完幾千字覺得個作者廢，咪畀多次機會。睇多幾篇都唔得嘅，咪唔好睇。

2. 話時話，呢排記得keep 住like and share，主動入嚟睇，同埋設定做see first．真係搵食艱難。但感激大家，Keep住做，呢排啲Reach係好返好多的，但唔好鬆懈。一個都不能少呀

3. 其實唔少朋友讀者都有蘋果股票（＊），唔好話發達，但回報已經叻過絶大多數人。基本上你任何位買都贏錢，你見到呢篇文時係星期一，蘋果出完業績。升10%，歷史新高，所以任何位買都贏錢（＊＊）。而家係間市值18000億嘅公司。有幾驚人？冇，就係全世界最大市值咁解。就係早兩年都講緊齊齊鬥快10000億，four comma club （one trillion，12個零，4個comma）．而家分分鐘今年有人去到20000億。

4. BTW，見到啦？早幾年先10000億，而家20000億。不投資，往下流。即使呢個Page或明報專欄（今日有，記得買份，我冇得分，但支持下明報），我都至少講左幾年。

5. 但呢篇文唔係講蘋果業績，係講投資股票，as a whole。「其實唔難」。但點解咁多人做唔到（包括小弟，但已改進好多）？好簡單，畢菲特講嘅依然啱—冇人想慢慢發達。

6. 蘋果做乜，不用多講。埃瘋咯。冇錯仲有埃扑（其實係咪冇咗？），埃劈，埃窩廚，埃覓及其朋友覓卜等等。但主要都係埃瘋單天保至尊。勉強講而家仲有「服務」，上得快，但而家都係埃瘋佔近半收入，況且沒有埃瘋那有服務。有機會另文講下。

7. 所以，的確好多人講蘋果「冇創意」，食老本，一招走天下—但吹咩，就係一招走天下就夠做全世界最大市值企業。《絶世好BRA》有講，花式唔使多，女人要嘅唔係呢啲。同樣地，投資者要嘅，好簡單，給我盈利，其他免問。

8. 遲下我再寫篇文，寫另一個對比：Google，夠多元化，乜招式都有。當然都好勁，但，同蘋果比如何？一句，搵唔搵到錢？而家我地講股票下話？咁巴閉，點解賺唔到錢？哦我地唔係為錢咁庸俗。咁唔好上市咯。你私人公司任你點玩都得。上市公司股東就係睇利潤，你以為Steve Jobs因為脾氣臭畀人炒？

9. 聽聞李小龍都係咁講，唔怕你式一百種體位，至怕你一招傳教士練一百次。

10. 嚟啦喎，睇圖。應該好易明。藍色係蘋果嘅收入，十億美金計，左邊軸。紅色係純利，一樣十億美金計，都係左邊軸。灰色線？紅色除藍色，純利率，net profit margin，右邊軸。

11. 當然蘋果唔係2002先成立，再早嘅數我都有。揀2002主要因為2001年蝕錢。而我原本用log scale 後來唔用，費事再搞，但不影響討論。

12. 因為，我地唔好離地到講咩10蚊買騰訊呀，九十年代買蘋果咁痴線先。我地講啲realistic 嘅嘢。

13. 我係一個蘋果用家，但只限埃瘋埃劈埃扑，冇其他。我更加唔會半夜睇發佈會（好似睇過一次，冇由頭到尾睇完）。但我想講，我好記得教主Steve Job係幾時死嘅。

14. 因為嗰日，我在馬六甲，出緊差，其實係啲無聊添標定，標到去馬六甲，真爽。當日有啲分組活動，開始時，呀主持人好凝重咁講「我地開始前呢，想同大家分享一個唔係幾好嘅消息」我心諗，做乜春？。原來係教主死咗。咁咋？我係用埃瘋，但好似太痴線啦！

15. 無論如何，嗰日係2011年10月5日。

16. 點解講呢啲？因為教主死嗰日，已經係無人不識咁滯，蘋果亦都已經無人不識。大家只係擔心之後點算。

17. 然後回返帶，用埃瘋嘅你，幾時開始用？或者唔用嘅你，幾時見到有人用？我有個狂熱同事，好似埃瘋吐已經開始用。但我地呢啲正常人，應該係瘋科飛，或者埃瘋科先用。埃瘋科有幾紅？紅到李克勤有首歌叫「埃瘋科」

18. 就由埃瘋科，全城狂熱開始講。時為2010年6月。教主釘蓋前一年。我地睇睇，教主死嗰年，2011年，蘋果收入突破1000億。純利係260億。

19. 似乎豬肉在前，好似莫耶斯教曼聯咁（又係李克勤！），點超越前人？

20. 但就係唔係咁。

21. 打後十年，即係去到今年左右，蘋果收入係當年差不多3倍。其實唔係好多，10年3倍喎。一年11%左右。聽講我啲網友一個月都賺幾成。純利呢？升得更少，一個double 左右。

22. 想講嘅係，教主釘嗰時，蘋果股價，應該50蚊左右。而家400蚊樓上。十年八倍，not bad。你有冇一隻股票升8倍？

23. 而我呢個，已經係極之唔屈機嘅一個講法。根本埃瘋飛埃瘋科嗰幾年，連你阿爺都知道呢件玩意好新奇。但，嗰時你又覺得，扯，賺得一浸錢啫。

24. 係咯，到出埃瘋快乎，你又覺得，扯，咪又係咁，冇乜創意（的確係）。但，請睇多次第7段。到教主死埋，你就覺得，玩完咯，帝國崩潰。而唔知道，教主雖則係極其cult，果粉去到邪教咁地步（你排過生果舖見到有人出嚟同你拍手就知有幾痴線）。但，企業才是永恒。你要質疑嘅，永遠都可以「但係呢如果咁不過呢」，但公司就係不停咁迎難而上，唔係啲友點拎咁高人工？

25. 寫到呢度，你絶對可以質疑一樣嘢。喂，教主死咗之後真係唔得喎。我地就講錢，首先，見唔見個margin 跌咗落嚟？教主死時去到24-26%，近年係20%左右。的確如此。亦畀你見到，近年蘋果收入升得慢，純利更加升得慢。近兩三年其實原地踏步

26. 計長啲？頭先講過，教主死嗰年到而家，收入係當年三倍，純利係當年兩倍多啲。但股價升咗8倍！呀哈！GotCha！仲唔係「股價同基本因素脫節」？

27. 咁，你就諗漏咗兩樣嘢。嚟啦喎。第一，埃瘋飛埃瘋科出嗰時，美國10年國債，5厘息。教主死嗰時，2里半左右。而家，半厘。你覺得冇影響？咁你最好讀少少書先。好喱文講句：借畀美國政府都有5厘息嘅，我買公用股4厘冇乜吸引。但借畀美國政府得0.5厘息嘅，我買公用股3厘都仆到去啦

28. 第二，亦係重點。特登trap你的。冇錯，教主死嗰年至而家，純利只係一個開多啲。但，Earnings per share 每股純利唔係嘛！計EPS，就升咗四倍咁滯了！

29. 點解有咁混帳嘅嘢？簡單數學，每股純利=純利/股數。咁當然係股數少咗！

30. 點解少咗？因為回購！點解回購？因為多錢！唔止，蘋果甚至發債。咁多錢都發債？咁平息，唔借就笨！我借錢嚟回購股票，得咗。但當然要你間公司本身有錢同發債成本低。

31. 回購唔道德？痴線，你見匯控啲乜乜小股東，4月嘈到8月，咪又係嘈人派息。回購同派息效果相似，但唔使畀美國政府抽稅。

32. 加上，再講一次，聯儲局將啲息壓到咁低。公司根本發債回購都有so．所以低息點會冇助股市？

33. 睇完呢篇文，你就真係明白，唔使睇坊間好多垃圾文。

34. BTW，收費專欄今星期會重出江湖。留名……係冇discount嘅。不過會第一時間通知你。之前冇訂嘅。話你知，你就當呢篇係sample，雖則未必寫咁長。一個星期三篇。收費應該平過之前。

（＊）我冇統計過，但讀者好似係果粉多。而我幾肯定香港嘅果粉佔比係比全世界高。好簡單，有錢。但呢個唔係重點。唔係果粉先要買蘋果。係相反，你係叔粉巿粉先更加要買蘋果！Keep your friend close, but your enemy closer。所以我雖則討厭香港，但一樣買香港股票—因為，萬一我錯呢？

（＊＊）包拗頸嘅，咁嗰時day high個位買咪唔係咯，四百幾蚊輸六毫子。你係嘅，影張相畀我，我請你食飯又點話。

————————————————————————————————
最新收費影片：第一次推介跑贏大市，同你回顧檢討下。仲有新推介。40分鐘，都係賣返$80

簡介及以前嘅片（未睇可訂）：https://bit.ly/3iYMD0F
報名嘅，課程編號CC006：https://bit.ly/3eXVX1K
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:　回顧第一段專欄片有幾勁！今段落多幾個Number賺死你！40分鐘，都係賣返$80

影片/課程編號：CC006
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC006]
2/利用信用卡網上付款
3/及後有登入資料可以立即收看
查詢：whatsapp 63832145

很多人都覺得用英文講數字是很難的，雖然從一數到十很簡單，可是一旦後面開始多了很多個零就開始愈來愈難懂；今天就來講講究竟該如何用英文講數字，雖然和中文的邏輯有點不一樣，但只要熟悉技巧一樣是一塊小蛋糕~

0:35 個位數、11-19、十位數
數字低於 100 的數字，幾乎都是「十位數 + 個位數」，所以只要熟悉個位數、11-19、十位數的英文單字，要講 1-99 是很簡單的喔~

1:57 百、千、萬、十萬
【英文沒有「萬」這個單位，萬 = 10個千】
數字大於 100 的時候，就是以千為單位、每三個數字分為一組做拆解。但不要怕，用英文講數字可以很彈性（3:22），就算講六位數的複雜數字其實也不難（3:58）喔!!

4:51 百萬、千萬、億
【百萬 million；英文沒有「億」這個單位，億 = 100個百萬】
這邊開始很多個零啦!! 但還是一樣用 千(000) 為一組做拆分基準，再多位數也不怕，三個一組拆開來，就算是九位數（5:34）也不用怕~

6:29 十億、百億、千億、兆
【英文的「十億」是一個單位 billion】
因為單位的不同，所以英文講到十億的時候，不要想成「幾十個億」要想成「幾個十億」，例如百億就是十個十億。
兆有自己的單位叫 trillion，比兆再更多、不知從何數起的龐大數字統一會叫做 zillion。

7:47 千的其他稱呼
【英文的「千」是很重要的單位】
千在英文裡面是重要的、也是常常出現的，除了 thousand 之外，也可以用 k 代表；日常生活中講金額的時候會用 grand，1000 = 1 grand。

其實就只有一個規則啦：英文的數字單位沒有萬，都是用千(000)作拆分單位
所以看到任何數字就先用逗號，三個三個為一組區分開來，剩下就是數字的直翻而已啦!! 可以隨便在紙上寫一串數字，然後練習用英文唸出來，幫助你熟悉這個轉換過程喔😎😎😎

※※※
影片中出現的單字會不定期新增在IG/粉絲頁
看到生字沒關係，記得常常複習，多看幾次就變熟了！
💎IG：https://www.instagram.com/ssuglish
💥Facebook：https://www.facebook.com/ssuglish

【蘇式口訣】👍🏻Like按讚 ⚡️Subscribe訂閱 🤸🏻‍♀️Share 分享 🚀Follow追蹤

※※※
Ssu 蘇蘇
15歲前往袋鼠國開始流浪🦘
語言課程 + 高中在布里斯本、大學在墨爾本讀工業設計
期間去了蘇格蘭交換、當背包客走過許多地方
2016年初回到台北定居，從此以爆肝設計師 + 英語家教雙重身份在江湖打滾
💣https://www.ssudio.com

2020下定決心在線上分享自己對教英語的熱情
提倡學英語就該開開心心🍻

#數字英文 #英文實用單字 #英文實用句型
#跟著蘇蘇學英語 #吸管英語 #按讚訂閱分享追蹤
#學英文 #線上學英文 #生活英文 #日常英文 #英文單字 #職場英文