［太美好的東西　會走　還未愛夠了你　怎放手］告羅非士打，梳士非巴利。置地本無樹，記者亦非台。Bankers Club？新一代以為講粗口呢

繼續全無公共性嘅長文，亦同投資或市場無關。三千幾字，意識流，跳嚟跳去，慎入。

TLDR：人生若只如初見，或者係妻不如妾 妾不如婢 婢不如偷 偷不如偷不着。係咪得唔到嘅最好？未必。應該係得到過一次，但唔好再試第二次，咁個感覺就係最好。因為求不得。我在Bankers Club食過碟海南雞飯，16年後仲記得—而我連第一次性交係咩感覺都已經唔係好記得（睇鹹古可以著返條褲，成篇文都冇再講性交）

1. 見 職場心經 講起，我又講兩句（幾千字咁咯），相我同用埋同一張。唔係抄，係致敬。畢竟我地就真係在置地幽會過！（但唔係Bankers Club）。同咩辰衝唔同，我又唔會乜都破舊立新，話冇乜值得懷念。Bankers Club絶對係小眾嘢，有幾多人去過？三十歲以下嘅有冇？

2. 拿，本人就去過啦！呢啲就邱月清個家姐邱月感啦。去過，當然唔係咩有朋友擺酒，或者股東會，業績會之類去過啦（呢啲，我全部都去過）。

3. 就梗係要坐低叫飯食，對住個夜景指點江山（唔通推車？嗰度停車場好貴的），懷念下英殖真好，講下西德馬克之類。結尾仲要係簽返個名，但唔使畀錢。呢啲就邱月感啦

4. 「不過，我都係跟人衫尾啫」。請噓，但即係至少我試過畀球王通坑渠咁，你估人人有資格跟人衫尾？

5. 甚至嚴格嚟講都唔完全係跟人衫尾，故事係咁的，由標哥講起（長期讀者可能知）．未睇嘅，睇返medium舊文（https://bityl.co/3dH5），好長氣咁講埃汾蘇花嘅職場生涯，雖然未必順序。

6. 同本文有關嘅，呢篇（https://bityl.co/3dHA），齋睇下半截都得，講我。埃汾英國讀Master後返香港雙失，頭兩份工都係教書，然後轉投銀行，再轉股票。但邊個咁破格，在銀行請個教書佬呢？就係蕉行嘅標哥。

7. 固然人工唔高（2004年嘅萬二蚊都係唔高，之後一年被草裙到萬八，還不錯）（＊），但首先標哥教咗我唔少嘢（咁我當年都仲係一個蕃薯，勝在可塑性哥），最重要係，佢算係親手帶我入行—雖然成件事誤打誤撞，我當時乜工都搵，佢亦請咗第二個，只係再有人走，佢又懶唔想登多次廣告唔想見多次人，先搵我執二攤。我又咁啱遲咗教書份工，都未搵工，八號風球入緊機場收到佢電話，就請咗我。未必係必然，但佢就算係改變咗我大半生，畢竟佢大可拎我份CV去包橙皮（打後我成日都見佢做呢樣嘢）

8. 當時，2004年，我在蕉行香港嘅資金部，Treasury，做刁拿青衣（我知係讀D拿，你唔知即係你冇做過銀行）。部門又俗稱「炒房」，但我地炒嘅，好似小學雞啲STEM玩具咁，根本玩唔出咩樣—我唔係笑蕉行小兒科，係感恩。正係因為點玩都唔會點爆大鑊，標哥好放心畀我玩。加上佢又hea，乜都踢晒畀我做—interbank 港紙美金我又做過，外匯我又做，Interest rate swap我都成日做（＊＊），basket credit link note我買過（即係一籃子六間嘢冇一間出事就有高息）—甚至連CDO我都買過（有機會貼啲歷史文件）。

9. 所以睇你點睇，我可以扮廢老講句：有啲人覺得老細乜都唔做踢晒畀你日日白逗人工正仆街，但我覺得係學習好機會，worst situation is the best training。況且標哥只係hea，唔係廢。佢脾氣差，但唔會鬧下屬（只會掟爛自己位部公司電話）。況且佢唔hea，佢就登多輪ad，根本唔會有我。整體佢都係一個相當好嘅上司。雖則我在蕉行只係一年半。

10. 由於我乜都做晒，標哥又大牌，亦都令我要接觸好多人。例如我講過，雖則我A Level英文有個B，Master又在英國讀，但去到2004年我啲英文已經退化七八成。嗰時但凡有鬼打嚟，我都會有啲緊張，因為隔離電話有時聽唔到人講乜，加上金融界啲鬼先唔會好好耐性重覆一次你聽。但標哥例牌唔聽電話，有時望到鬼佬打嚟我接遲啲，仲會串我「聽啦，鬼佬打嚟唔敢聽呀？屌，大學生喎」。於是我唯有硬著頭皮包皮咁聽。「拿，又有進步」

11. 最重要係，佢事無大少都踢畀我，有一期只係得我同佢在刁寧房。咁我地做trade，當然可以揀好多唔同對家。所以好多時其他行嘅sales都搵我地—但標哥只得兩個原則：佢本身識嘅，就唔使傾，經我口話OK。佢本身唔識嘅，就搵我去同啲友傾一輪先，好彩嘅，你第二次先可能會見到佢本尊。擺明係扮晒嘢，好似大明星演唱會咁，推啲奀星出去暖場，我就係暖場嗰個。

12. 暖場除咗令我知道好多術語，知道啲金融人嘅氣場（並加以模彷），亦令我啲英文同普通話由極低嘅基數進步外—仲有令我有好多好嘢食。係食飯，唔係食女。

13. 頭先講過，好多其他行嘅sales嚟巴結標哥，但因為本尊唔會咁易出現，我就等於係狐假虎威。所以佢地會巴結我。點巴？都係飲茶灌水。反正2004年，pre雷曼時代，全行都仲係幾好賺，匯豐股價150蚊（後生嘅以為我講大話）。佢地仲有唔少嘅entertainment budget，衰啲講句，最大嘅當然唔係洗在蕉行身上，但食到月尾，我食餅碎都夠。

14. 餅碎食過乜？令當時萬二蚊人工嘅我，可以去Ritz Carlton（舊址，而家中環AIA定建行嗰度）食日本嘢，當然係sales請。可以請我去河內道唱K（發誓，正K，兩條佬唱，冇其他嘢）再去新東記打邊爐。可以令我有唔少月餅券，當年我阿麻好老懷安慰，覺得我卒之都捱出頭來。但對我嚟講，更重要係，演唱會飛—當然演唱會飛佢地唔會送（除非家燕媽媽），亦唔啱規矩—但，佢地會拎到拎飛。而我亦會足數畀返佢地。有乜用？就梗係，拎嚟溝女啦。睇容祖兒坐到頭幾行喎。

15. 但最重要嘅係，Bankers Club

16. 標哥，係Bankers Club會員—當然係出蕉行錢，但佢有本事叫到公司幫佢出錢，或者係公司有幾個Quota就畀咗一個佢。但我就唔係，而呢啲會員嘅嘢冇得狐假虎威，亦冇得借畀我用。不過標哥自己係會員，佢啲行家都多數係，所以，我狐假虎威做代表，都會去Bankers Club食飯。

17. 好記得第一次，對家想要我地生意，某英資銀行。標哥就叫我放工去Bankers Club，搵呢個人，「老燒豬」（係真名，不過咁多年我估佢都唔會介意，況且佢應該知道個個都咁叫），一個叫Lucille （冇錯係姓朱）嘅女人。

18. 去到Bankers Club，老燒豬當然一早到咗。見到我呢個黃毛小子，都係發下功洗下我腦，叫我記得在標哥面前美言幾句。言談間，都同我講返起，「我一入行就聽過你老細大名啦」「嗰時佢直頭係四大惡人呀，邊個唔識佢」，但弦外之音亦都係，每個人都有佢嘅時間，我老細係威過，但已經回塘，到佢地呢代上位。

19. 我衣衣哦哦咗一輪，都唔知自己講咗乜，都係話佢知其實我都話唔到事，佢話當然明白，但我美言幾句就得。

20. 然後，開始閒話家常，佢就問我有冇嚟過Bankers Club，可能係我啲行為舉止已經出賣。佢就叫我「叫嘢食啦」

21. 於是乎，我就食咗人生中最好食嘅一個海南雞飯。

22. 當然，回憶中嘅味道梗係美好。後來標哥都有再同我去Bankers Club，但就當然老細發辦點菜，好似都冇再食過海南雞飯。

23. 後來，當然仲有去過Bankers Club，股東會呀，有人擺酒呀，有人榮休呀咁。但亦真係冇再食傳說中嘅海南雞飯。

24. 所以就係人生若只如初見，或者係妻不如妾 妾不如婢 婢不如偷 偷不如偷不着。係咪得唔到嘅最好？未必。應該係得到過一次，但唔好再試第二次，咁個感覺就係最好。因為求不得。

25. 港大年代，學到嘅實在冇乜。唯一係貪得意去聽岑逸飛講佛，講貪嗔痴，「求不得苦」。食唔到，好想食—都未係最痛苦。到食到啦，念念不忘，再想食多次，已經冇機會—可能已經最好。排除萬難，再去食多次，發現拎唔返嗰種感覺，返唔到轉頭，要搵更勁嘅嘢，好似毒癮咁，越踩越深。好多嘢都係咁。海南雞飯又好，虛榮又好，愛情又好。

26. 關於Bankers Club，除咗海南雞飯，實在已經講完。不過最後容許我補多段懷念標哥（未死的，退咗休啫），畢竟佢改變咗我大半生。

27. 當時標哥，過時過節前就請我地食飯，都食唔少好嘢。亦都見識佢簽個名就走人，唔使簽卡唔使畀現水嘅豪氣。有時佢仲會請食晚飯，咁有啲同事就當然唔多願意，覺得好似加班咁。我就冇乜所謂。

28. 飯後，標哥例牌捉我地去陪佢聽歌。係聽歌唔係唱歌。去邊聽？多數係酒店，有 Live Music嗰啲。標哥同我講 Santana，講Deep Purple，講Dire Straits，講Pink Flyod，講Led Zeppelin（！）。其他後生同事當然唔多識理佢，唯獨我搭到嘴。

29. 但，點解？「因為我老豆聽！」。聽到呢句標哥就有啲唔高興，「講到我做得你老豆咁喎」。但事實係，因為我老豆十八歲生我，其實仲後生過標哥。

30. 第度唔知，但當時聽啲Live Music，十居其九都係賓佬賓妹唱。

31. 而其中一個賓佬，就係Joey Vidal．乜水？就係衞蘭嘅老豆！亦係衞詩嘅老豆！我點解知？因為我拎過衞蘭嘅CD畀佢轉交個女簽名！

32. 簡直不能相信，咁就16年前嘅事。

（＊）當年係因為有教書舊同事去咗太古城地利亞，拉我過檔，兩皮嘢個月。我返去蕉行辭職，獲標哥挽留（因為佢怕煩，咁當然亦因為我唔係十分非常差）。就match 返我個人工。點解係18500 唔係 20000？舊文有寫。但呢個短故事已經話你知三個職場法則：第一，識人好過識字（舊同事介紹我去地利亞）。第二，好多老細係怕煩嘅，又唔係佢嘅錢，加你人工冇你想像咁難。但第三，第啲行業我唔知，但金融圈，你想人工加得快，得兩條路。A，你轉工，跳嚟跳去彈出彈入。B，你拎個屙化兇你老細加人工—Either way，你都係要有個屙化在手。

（＊＊）你可以睇下日鳩日講咩港紙爆煲呀聯匯乜乜呀嘅所謂KOL呀，專家呀，記者呀，有邊撚自己炒過IRS．乜嘢IRS？稅局呀？

—————————————————————
Ivan Patreon 狼耳街華人，一星期至少三篇港美市場評點，其他免費好文推介，每日一圖，仲有FB Page post summary．一個月一舊水唔使，開張一個月已近 500人訂，仲有兩篇免費試睇：https://bit.ly/31QmYj7

——————————————————————————
［收費短片第九擊］美股科技股是否泡沫爆破？價值投資之選

課程資訊：https://homebloggerhk.com/course_detail/?code=CC009

內容:
*美股急跌點算好
*科技股係咪泡沫爆煲？
*有乜價值投資之選？

本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145

另外想買返第八擊（美國總統大選股票部署）都仲可以：https://bityl.co/3NPn

［Sha la la la Sha la la la la la］星期六，講呢啲。

1. 其實好似唔係好關我事？但就係又關我事。最初收到email 時，都有啲愕然，乜鬼CP Job？我以為係泰國CP（雲吞幾好味的說）

2. 呀，CP，Classified Post，南早的東西嘛。中學燒嘢食最鍾意拎嚟透爐，特別係當年好似有鄰居會掉出走廊。後來發現買份星島抵啲。Classified Post改名多年了，我當然係知的。有用添，否則點會收到個email呢？賣盤了，賣畀Venture Building Group。唔知乜水，不必深究，雖然我唔明做乜Building Group要買米報。

3. 呼，「米報」，真係時代的眼淚。三十歲以下嘅應該唔知係乜，應該以為米埔（定連米埔都冇去過？我估有嘅，要打卡），或者梁柏堅Rice Post

4. 龔耀輝在《國金外望》講過，中環才俊嘅，唔使搵工咯。一係獵頭搵你，一係個客搵你。後者我冇試過，前者有（大把人都有），傾成咗嘅都唔止一次，但最後成功上轎令到人有得分錢嘅，零。

5. 但，總係要有過個程嘛。

6. 埃汾職場生涯，medium有一大堆文講（http://bit.ly/2lmLrLc ）。但簡單講（知嘅可以跳下一段），埃汾英國讀Master，01年911時回歸，雙失一年，02年開始返工．我教咗兩間中學，04秋天轉行去蕉行做炒房交易員，06春天年轉到耆英證券做分析員，打後咁多年都係做股票。14年頭耆英證券炒人，本人被炒。同年春天去咗東亞某間子公司，冇耐間公司畀台灣佬買咗。然後17年夏我為咗證明自己實力，去咗坡資星矢圍高達，18年秋證明咗果然係冇實力，自行裸辭。做過短時間嘅中年slash，幫過兩個朋友，然後19年春去咗而家公司。

7. 教書嘅兩份，蕉行，仲有耆英，我都係睇米報搵嘅，就係寄信（後來係email）。耆英之後嘅，就冇經米報搵，米網都冇—我當然有用，但之後每一次都唔係用米報米網而轉到工。東亞某子公司嘅，係耆英高人介紹，真係好似拍戲咁，我走嗰日在星街大排檔，佢同我飲奶茶，忽然塞張紙畀我：「你打話畀呢個人，佢會幫到你」。然後星矢圍高達，係我耆英嘅舊同事引薦。我唔係under佢，但我跳過晒個過程。中年slash嗰半年，幫朋友，就固然係朋友搵我。而家公司呢？就係東亞子公司年代嘅老細搵我。

8. 換言之，你睇到耆英就係轉捩點。可能係因為我叫做「上咗位」，但亦因為做咗好耐，八年，兩者有直接關係。所以咁多份工我最有感情，喜怒哀樂都有，畢竟八年係好長嘅日子。我對我老闆兼師傅老馮，耐過我成世對住我老豆（暫時），日見，夜見，星期六日都見，仆街年初一都見（而你唔知分析員係年初一都有人返工的）。我買樓，結婚，經歷金融海嘯，第一次出花紅，第一次被炒，全部在嗰度。

9. 然後打後幾份，就進入咗一個舊老細／舊同事／朋友搵我過檔嘅年代。值得開心嘅，因為算略有小成（http://bit.ly/2ZhNG1n）。至少證明你個人唔係十分非常極之唔掂。嘔血嘅人老細就算有權力都未必會炒，因為有時炒人都幾煩，但你係唔掂嘅，總唔會分開咗仲搵你返嚟篤眼篤鼻。

10. 唔好意思，講遠咗。其實我係想講，米報。實體嘅米報。

11. 蕉行年代，就係我睇得最多米報嘅年代。原因好簡單，首先當時仲係剛剛米報變米網唔係太耐，雙線並行。二來亦因為我打金融工。之前教書，搵份明報就得啦。咁當然我雙失年代都好似買米報，但真係唔同

12. 點唔同？就要講，當年蕉行呢，係分長短週嘅。咁唔係好出奇，當年好多寫字樓工仲係長短週，所以我當年新聞組有個「邪惡軸心」嘅節目，星期六上午大家就去吹水。

13. 但，本人係做交易員嘛，Treasury（資金部/盤房/炒房），大佬，星期六係冇trade的，你有冇見星期六有HIBOR丫？所以，就係返去玩手指。或者做文書嘢—即係唔做。而Treasury都返星期六，十分反智，當年阿頭標哥個個星期屌，但形勢比人強，都係就範。但後期佢見我正正常常，就唔理了，等我幫佢打卡。

14. 星期六返工有乜做？除咗食早餐—買返公司食咋，而平日唔得的，標哥有潔癖，會屌。就梗係，睇米報啦。當年我就買齊三份，就係Classified Post，Career Times，同埋……一路都諗唔起邊份！（＊）

15. 然後食完早餐？就刨晒佢。重點當然係紅筆一支，仲要係粗身紅筆，唔係教書改簿嗰啲。睇啱嘅，紅色圈住佢。好有畫面。冋後來咩clip/save to my jobs真係爭得遠

16. 然後？就梗係print信。唔係你以為公司嘅printer用嚟做乜？星期六最多呢啲嘢，總有幾條盲毛印咗唔記得拎，或者印到一半老婆打嚟咁。就會畀人發現了。當年好似仲係寄信同email並行。當然任何一個人都會學識print 信封，或者label，或者至少Word整個table印出嚟再貼相封。

17. 想講嘅係，當年其實都未係好睇經濟，甚至唔係好睇新聞，財經版唔多睇（而走去做交易員，真好嘢）（＊＊）。但睇米報，就自然知道經濟好唔好。好景時，嘩，厚到極，大把好工（請唔請你一回事），圈足一朝，玩到printer jam紙。唔掂時，得兩叠，仲要唔係保險經紀就Financial Consultant．

18. 而我仲記得，最初仲有個女同事同我一齊返星期六（還不錯的說，但冇搞上，佢大過我人工高過我），嗰時都傾得埋，就直頭米報兩份睇。諗落其實都幾無聊又大愛，大家工作差不多，又不過大我一年，人工可能高我兩千？其實係直接競爭對手。

19. 以上一切一切，對我嚟講，雖然未係彷如隔世。「但是這些簡直就像沒對準的描圖紙一樣，一切的一切都跟回不來的過去，一點一點地錯開了。」

20. 而家，唔好話米報，我懷疑米站都好難做？某程度上都係多得科技，去中介化。甚至連獵頭都上去拎煙，仲有乜嘢講？但，正經諗下，如果個獵頭只係上去拎煙嘅，咁，做乜我公司唔自己上？你仲有乜價值？我自己唔識上？同一個比喻，記者可以網上抄文，但如果係咁玩嘅，咁作為讀者，你仲有乜價值？我自己唔識上？

21. 當然，又唔會話死晒。高檔嘅獵頭咪有得玩，同各種中介（包括媒人，扯皮條，咩都好）一樣，大刁，啲人咪需要一啲純科技畀唔到嘅嘢。即係你見球探呀，足球經理人之類，都仲存在。但，如果係普通小型班嘅，就真係玩「足球經理人」算啦，好似幾舊水之嘛。

22. 當年見過個鬼佬獵頭，堅係pro到一個點，佢pro到可以出newsletter話你知邊個去咗邊。勁到係我同佢傾，佢可以盤完我性格，期望，知完我做乜後，幫我有邊間可以試。佢完全知道同行邊一間行，邊個做緊阿頭，邊個就快走，邊度想開新添請人。真係勁到西飛利。人地呢啲，本行出身，賣嘅係佢咁多年嘅撈烤同叻鑊勁，真係唔會為賺你一兩單佣推條廢柴去做衰自己個名

23. 呢啲就唔係啲英美紐澳加三流大學返嚟嘅小妹妹（sorry）可比了。唔止一次，真係我要教返個小妹妹，咩叫sell side 咩叫buy side。Research Analyst係做乜，點解公司要請。你想像下等於你做球探或經理人，而你唔知前鋒同後防有乜分別，點解要有條友守龍門，咁上下。初期我會當睇女識女咁同佢地癲，後期就真係不要浪費老哥我時間。我寫多篇文好過啦。正所謂，人必自侮然後侯姆斯。

（＊）最後發現，呢份嘢叫做Job Market。仲要其實題目嘅嗰首歌，係Job Market 而唔係 Classified Post。唔知係佢失敗定我失敗，廣告本身我好記得，但唔記得係邊間公司。應該係畀錢落廣告嘅惡夢。

（＊＊）真人真事，唔怕畀你笑下。當年美國大選（＊＊＊）嘛，呀標哥在刨Financial Times，就問我，喂呀埃汾，你熟唔熟美國Electoral College 嘅嘢。我以為佢問升學，結果佢就「屌～～」一聲。呢個故事我會同而家啲小朋友講，話畀佢地知，當年我都係十分蕃薯嘅。

（＊＊＊）其實唔鍾意星上星，但都係要講。當年另外有個同事，番書仔。美國大選嘛，咁此人唔係好得標哥歡心，後來被炒，但又唔知標哥唔鍾意佢。成日就主動講嘢。例如美國大選live score（當年已有），佢同標哥講：「標哥，布殊輸咗賓洲呀」。標哥就答佢「咩賓周？你嗰條？」

已經來到澳洲5年
萊恩也來了7年
我們等到公民考試
完成了當初的夢想
移民這條路
辛苦的一直都是萊恩，他這幾年承受很多壓力
對未來的未知，迫使他只能努力再努力！
我能做的，就只有陪伴～還有讓自己成長當他的正能量！
我相信我們都做得很好！
幸運之神會一直眷顧我們
因為我們很棒！
Love You

【資訊分享】
-午餐咖啡廳
Alta Cafe & Catering
270 Adelaide St, Brisbane City QLD 4000

-晚餐牛排
Black Hide by Gambaro
Level 1, Treasury Casino Building William Street Corner Top of, Queen St,
Brisbane City QLD 4000

-澳洲公民考試課本下載
https://immi.homeaffairs.gov.au/citizenship/test-and-interview/our-common-bond

-線上題庫練習
https://www.easydrivingtest.com.au/citizenship-test

喜歡我的影片記得給我一個訂閱喔（抱～）
---------------------------------------------------------------------------
影片我努力生
等不了的人可以來FB＋IG看看我們
這樣影片可能會多點動力擠出來！
來！追蹤和大拇哥先按下去
FB:【在澳洲的小小事】
IG: 【Vicky77915】

Vicky的個人工作室
FB:【VS.VersusStudio】
IG: 【vs.versusstudio】
---------------------------------------------------------------------------
FAQ
使用相機
iPhone 12 pro max +Gopro9
剪輯軟體
Final cut pro
影片音樂
Music by Nico Anuch - Good Vibes - https://thmatc.co/?l=0249D623
Music by Citrus Avenue - That Warm Glow - https://thmatc.co/?l=8737559E
Music by Coodysan - Plain of High Heaven - https://thmatc.co/?l=C1A533C6
更多影片請至【I'mVicky薛太太】頻道

#'91年にコナミが発売した横スクロールACTであり、SFCでの悪魔城ドラキュラシリーズとしては初作品である。ストーリー等は初代に準じているが、実質完全新作である。使用キャラの選択やステージ分岐等が排除された初代路線のようなシンプルな構成。SFC特有の拡大縮小回転を生かした場面や半透明機能を使った亡霊の演出等も雰囲気を出している。
BGMはアクスレイで共作した3人(工藤氏・荘司氏・安達氏(アクスレイでは2面BOSSの編曲のみ)が作曲、これまでのシリーズに比べ暗い雰囲気で、ゴシックホラーテイストが強く、また、静かながら勇壮な印象を受ける 00:05:46 「シモン・ベルモンドのテーマ」は後のシリーズ作品でもアレンジ曲が多数使用されるなど人気が高い曲。

作曲：コナミ矩形波倶楽部(安達昌宣氏、工藤太郎氏、荘司朗氏)

Year: 1991.10.31(U),1991.12(U),1992.08.27(EU)
Manufacture: konami
Hardware: spc700
computer: super famicom
composer: Kukeiha club (Masanori Adachi,Tarou Kudou,Akira Soji)
-----------------------------------------------------------------------------------------
00:00:00 01.Konami Logo (コナミロゴ)
00:00:04 02.Demon Castle Dracula (OPデモ1)
00:00:53 03.The Castle's Gate (OPデモ2)
00:01:51 04.Password (パスワード)
00:02:44 05.Dracula's Theme (OPデモ3/ドラキュラのテーマ)
00:05:15 06.Prologue (ステージ1-1,ステージ5-2BGM/プロローグ)
00:05:46 07.Theme of Simon (ステージ1-2,ラストボスドラキュラ後半/シモン・ベルモンドのテーマ)
00:08:57 08.Forest of Monsters (ステージ2/魔物の森)
00:12:20 09.The Cave (鍾乳洞/ステージ3-1)
00:14:22 10.The Waterfalls (滝/ステージ3-2)
00:17:17 11.The Submerged City (水没都市/ステージ3-3)
00:21:50 12.Rotating Room (ステージ4/カラクリ館)
00:25:23 13.Spinning Tower (ステージ4/回転部屋)
00:26:54 14.Boss 1 (ステージ1～4ボス)
00:28:29 15.Stage Clear (ステージクリア)
00:28:36 16.Map A (全体マップA(悪魔城敷地内))
00:28:54 17.In the Castle (ステージ5/登城)
00:31:27 18.Entrance Hall (ステージ6-1/桂廊)
00:33:01 19.Chandeliers (ステージ6-2/大広間　巨大シャンデリア部屋)
00:35:45 20.Pillared Corridor (ステージ7/図書室～コレクション)
00:38:54 21.Cellar (ステージ8/拷問室)
00:43:05 22.Map B (全体マップB(悪魔城内部))
00:43:21 23.Treasury Room (ステージ9/財宝の間)
00:48:46 24.Boss 2 (ステージ6～Aボス)
00:50:29 25.Map C (全体マップC(悪魔城内部・ステージA開始前))
00:50:49 26.Bloody Tears (ステージA時計台)
00:52:51 27.Map D (全体マップD(悪魔城内部・ステージB開始前))
00:53:09 28.Vampire Killer (ステージB-1ドラキュラの塔1)
00:54:18 29.Beginning (ステージB-2ドラキュラの塔2)
00:56:13 30.Room of Close Associates (ステージB-3,ベリガン・ギャイボン・死神戦)
00:58:57 31.Dracula Battle (最終ステージ,ラストボス：ドラキュラ前半戦)
01:02:42 32.Dracula's Death (ドラキュラ撃破/ドラキュラの死)
01:03:21 33.Ending (エンディング・スタッフロール)
01:07:42 34.Secret Room (隠し部屋BGM)
01:09:55 35.Death of Simon (ミス)
01:10:03 36.Game Over (ゲームオーバー)
-----------------------------------------------------------------------------------------