［文章類］ 時晨朝早7點45分 睡夢中彈醒 發了個痴線的夢 值得記錄 「我發夢我做咗消防員」😂 . . . 係搵工app狂掃工 好似玩tinder咁swipe to right 無興咗好多份 有份消防員 我抱住「試咗都唔會得」嘅心態 網上試form 點知第二日就請咗我😂😂😂 我覺得以我個格，係典型男性主義倡導嘅工業，我應該都會比人笑 但我硬住⋯頭皮，好興奮返第一日工 . 夢中第一個scene係一個室內，人山人海咁多師兄，我好努力走向類似坐文職檯白衫有章嘅人，我嘅判斷係上司，想同佢報到我係新人！第一日返工！（士氣滿滿mode) 但成村人好多師兄擋住晒，然後另一方有一張長椅，有一排女仔坐低，我嘅判斷係：「眷屬們等自己個男人收工」有一個我識嘅😂（現實生活一d都唔熟）但依我咁八嘅性格，我即刻唔去報到（？）走去同佢興高采烈分享「消防員竟然請我，我仲要只係用搵工app」哩件荒唐事😂 . 鏡頭一轉第二個scene，類似係我跟出車，落車係一個工業區，案發現場係樓上有人搶劫（？）（咩料呀我消防喎）落車後有個上司，問我識唔識揸車，我話我冇車牌（夢中的我覺得我咩都唔識，好廢🥲）隔嚟有部搬運業用嘅「唧車」，曾經做part time有接觸過，我就示範我識用哩部唧車比佢睇，然後比人笑🤣 . 再然後又～唔知做乜鬼，出現咗幾個跳舞嘅女仔friend，有一個轉咗行，但都有繼續做跳舞，話覺得而家咁好好，有另一個女仔話要做空姐，我哋就一齊興高采烈大叫：「疫症過晒之後我要考空姐！/空少！」我完全漠視我啱啱先入職消防就大叫要轉工，隔嚟有同袍會聽到，離晒譜🥲🥲 . . . 去到哩度就彈醒咗， 有啲失落， 失落源自於「以為從此安穩起來」🥲 夢中我係有好開心 - 返一日放兩日，yes！我仲有得做自己嘢！ （P.S - 消防業界返一日放兩日我都係道聽塗說～歡迎真實資料更正） 一瞓醒就logic返： 細個睇烈火雄心都要經歷八鄉學堂艱苦training啦！又點會skip訓練哩part直接入職呢！🥲 . 我一路興奮記低， 一路梳理我大概get到哩個夢的揭示， 好啦， 睇到哩度多謝你睇晒我哩個「一日就入職荒唐嘅消防員之夢」😗⋯ 圖中為 - 英勇的me 😂 我都係返去瞓多陣先 *pic resources form freepik.com

【「App場無真愛」？這是我最怕遇上的6種人... 你呢？】 #長文慎入 早前出了一篇提及「玩app」的文章，竟收到許多讀者朋友分享奇怪遭遇，男好女好，都總遇上許多古靈精怪的人。有些會讓你無名火起、有些會令你「得啖笑」、有些莫名其妙溝通不來，更多純粹只想要SP。 無論你找男、找女，甚至有朋友想找同性關係，好像也離不開共同感受：到底玩app有冇正常人？ 從來覺得，在現今人際關係疏離之極下，「玩app」是新世代排解寂寞空虛的事情，除非你只為「約砲」或有甚麼犯罪意圖，否則「玩app」只是交個朋友方式、看看有沒有甚麼緣份，也沒有必要遮遮掩掩，更有朋友驚訝我會公開承認自己有「玩app」。這非罪大惡極的事，身邊也真有不少朋友在app上找到真愛、共諧連理，過得幸幸福福。我相信app上總有正常人，只是遇得上，就真要俗套說句「講求緣份」。正不正常見仁見智，我不會用「不正常」去形容，只是大家沒有經過現實認識，在app上溝通不來或是性格不合、或是背景興趣各異。 你若問我的話，我最怕遇上這幾類人： 1. 對答機械人 玩了一陣子app，大抵你都會懂得一定的「遊戲玩法」、怎樣去開話題，但總有一類人最終都只落得「對答」式對話，哪管你再落力找話題、找出大家的共通點，對方都只是一句起兩句止，甚至是一隻字起兩隻字止。有趣在這類人不一定對你沒興趣，但哪管對方還是不住向你進行「問答遊戲」，你都沒有興趣談下去了。 2. 爆躁狂 與對答機械人呈極端的是，有一種人或許是生活極不愉快，就只想找個情感宣洩出口，只管毫無意義的對你瘋狂爆粗、徹底人生攻擊。這類人全不會有任何道理可言，只要Match上了就只會不斷對你粗口橫飛、說著大量毫無意義的攻擊性說話，這當然最簡單就是馬上把之封鎖。 3. 高度防護網 雖說「玩App」的世界，你對人真心，未必個個對你真心，但最怕的是遇上甚麼都「唔講得」「唔想講」。這已非去到交換電話或約見面的地步，簡單如最基本的住哪、有甚麼工作、有甚麼興趣，都不願意告訴你。那麼，無論你是想交另一半還是朋友，這種連基本背景都不願意分享的人，也無謂談下去了。 4. 最無聊的Deadair maker 有一類人，你會隔著電話都覺得悶，沒有興趣、放工就是回家晚飯睡覺、從來沒有去過甚麼地方、人氣劇集與節目沒有看過也沒有聽過，對於工作上又是女生最經典的職業：「Office囉、Admin囉，冇乜特別。」那麼，不如罷了。 5. 出軌人妻 「我有老公／男朋友架喇，只係想偷食／報復。」這是最令人無可奈何的一種，最諷刺還有不止一個發自己的結婚照，以證明自己是有夫之婦，只想「偷食」，似乎沒有想過自己的事情會給別人知道。百貨應百客，相信總有人只想找SP或彼此都是「偷食」者，可以姣婆遇著姿粉客，只是這類人總令你不想談下去。 6. 自信心過高事業型女性 有一類事業型女性，「開口埋口」都展示自己的身份地位與薪水，對自己還未夠30歲就能攀上高層職位、坐享高薪而沾沾自喜，仿佛其他世俗凡人都不屑一眼看，說話尖酸刻薄、狗眼看人低，只關心你薪水與職業。你無需自降身價去迎合她，只覺，不了。 如之前的Post所言，在「全民皆忙」的世代下，你想找個人聊天、想找個人吃頓飯，其實都已難比登天，更沒趣是你找身邊人聊天，都已變成了「不讀不回」，那麼你就想在App上找個人聊天，哪管是真心或假意，有個「情感樹窿」也不錯。 這些年來，你已漸漸從在App上想找到另一半，退而求其次只想找個朋友，再退一步朋友都免了，只想找個聊得來的人。可是，當你每天在CMB上選26個人，或在Tinder上看著一張又一張明顯是假照片的人，日復日、年復年的這類生活，你確開始不解這一切的意義何在：不斷跟陌生人聊天開話題、不斷看著彼此熱情冷卻、不斷邀約陌生人外出；談得來或來不及交換電話，便給軟件截了對話。你自問有了這些年來的經驗，已很懂得去帶動話題、找出對方感興趣的地方，但當你遇上了一個又一個以上這些人時，又總會覺得很無謂。 曾幾何時，你會因著對方說話而改變話題，甚至被對方牽著鼻子走，說著種種迎合對方的說話，但畢竟你非想「狗公」式只想找肉體交流，而是想找個真朋友，甚至一段緣份，你開始覺得別要這麼唯唯諾諾，若對方根本不懂得尊重你，這個人又有何聊下去的作用？邀約出來見面也浪費車錢。 這些年來，非沒有遇上聊得來的人，甚至也曾在現實燃亮過你生命，但畢竟交朋友也好、做情人也好，亦得要雙方配合才成，到最後只有一個人不斷認真付出，花費太多心力也會累，最終也是不了了之。 有讀者表示「App場無真愛」，這我不同意，只是在即食的世代，沒有許多人願意花一段時間去經營一段關係，還得是個陌生人。你可能會感到納悶、你可能也會累，但當你現實中沒有甚麼渠道去交得個朋友，這好像無需浪費太多時間或金錢都能買到個機會的方法。 告訴自己，調整心態，別太認真，也別太失望，畢竟，你老早已習慣了。 合則來，不合則去，別讓因自己太認真付出而傷心，也別變成另一個魔頭，反正你也沒有甚麼損失。 就在每天26個選擇中，仍心存希望。 👉網店現貨品低至$5起，請即到bio link搶購！ #交友 #交友app #datingapp #感情 #感情語錄 #感性 #文字 #文字分享 #玩app #港式生活 #愛情語錄 #戀愛 #文字創作 #hkbloggers

[gfmurmur9470] 首先解釋咩係「殺豬盤」 係一種騙局將目標當“豬”，建立戀愛關係叫做“養豬”，最後的詐騙行為叫做“殺豬” 事源我岩岩失戀 係tinder認識到自稱係台灣人依家係香港做野 ，之後佢一直噓寒問暖 每日都關心你 好比心機去認識你 ，又會係政見到扮到同你立場一樣 咁岩撞正同屋企人關係唔好 ，又因政見問題鬧交 於是佢就不斷利用呢一點去打動你既心令你放下戒心 佢一直以疫情關係話見唔到面 而咁岩個期爆得好勁 所以我就無起疑心 於是佢就不斷暗示佢有做投資 ，可以幫你搵d外快 開始時我都唔信佢唔理 但係久而久之當你愈傾愈耐 ，咪覺得拎一千蚊後試下佢係咪真都好 唔係咪當買起佐佢人格 。當然開始時佢要令你有賺 過程就係用app買虛擬貨幣然後轉入佢所謂既網站投資 ，第一次當然有賺 之後就叫你金額愈放愈多 中間我都起佐好多次疑心 ，拒絕佐話唔想繼續玩 覺得有可疑 然後佢無繼續再講呢件事 如事者又傾佐一段時間 ，咁岩當我有金錢需要 佢又再游說我繼續 當你放入一定既金額 ，對方就開始收網 個投資平台網開始用各種理由去令你拎唔到筆錢 當你懷疑 ，佢就會做到好似同你一齊解決 佢自己都入錢去幫手 甚至用情感勒索你話 點解唔信佢 佢d戲真係拎到奧斯卡 後尾佢仲扮哂野話籌錢證明比我睇 係當佢既大話好多漏洞我先發現 我真係比人呃。 當然你睇到呢一度你會覺得我好蠢 ，咁都信 邊有咁大隻夾乸隨街跳 抵死 係到講扮咩可憐 一定係老處 寂寞難耐 ，肥婆醜女先會中 其實現實既我唔愁無人追 生得都靚靚女女 ，偏偏可能就係咁就想搵一個真係睇得穿你 ，係理解你既內在諗咩 真正認識你呢一個人 結果就比人乘虛而入。 無錯 當我清醒既時候我都發現佢有好多可疑位而太明顯係劣質詐騙 ，覺得唔對路同朋友講既時候 我先發覺我被人呃 甚至仲有一刻覺得朋友講既未必岩 我仲深信我係拎得返錢 ，真係好似中佐邪咁 因為個d始終係你親自經歷既野 覺得朋友都唔明。 結果我用哂我既積蓄 ，借佐銀行錢分期還 借佐朋友錢要慢慢還 ，我就黎30歲但要預佐黎緊一兩年既所有錢都用黎買呢個教訓。 依家既情況就係 我去報警唔受理 ，因為對方識玩法律漏洞 而唔清失令你無辦法有證據確實佢詐騙 另外投資網頁原來係賭博網頁 ，令到警方可以用非法境外賭博而拘捕你 所有既野就係佢地精心設計令你報唔到警奈佢唔可。 所以今次呢一個post 預咗大家會鬧會屌 但想大家屌完之後 ，可以提防自己唔好成為下一個我 之前係件事未發生到自己身上 ，我同大家一樣 屌受害者on 9 ，但無估到個回力鏢後勁係咁強 。 如果有遇到同樣情況嘅受害者 ，唔好因為呢一個情況就唔去報警或者係冇咗件事 因為咁樣只會正中咗佢哋嘅下懷 ，之後集合大家嘅力量件事先會俾警方正視 亦有可能因為咁樣增加破案嘅機率 ，我明白你呢一刻嘅心情或者可能覺得好shame唔夠膽講出口 ，但只會令自己更難過更大壓力 當件事講佐一百次 ，就可以當笑話咁講 嘗試同身邊朋友講 雖然佢哋會鬧你 ，但係所有嘢都出自關心 亦相信真朋友係會選擇幫你 。 共勉之 。 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig