A Tavola Bar & Grill 位於將軍澳南海旁, 入去正中有個大螢幕播放緊體育賽事, 本身好興奮諗住睇張家朗最後花劍總決賽...點知問埋店員原來connect 唔到去viu, 最後都係要出動手機睇直播🤣🍻 Smoke Salmon Salad $125 卷至玫瑰花造型smoked salmon 味道唔錯, 帶煙燻咸香, salad veggie 好fresh, 加左蜂蜜芥末醬味道唔錯 Cajun spiced Fries $88 薯條炸得香脆,上面係sour cream mix 左d bacon, onions 同 Cajun seasoning 幾惹味 Beef Lasagna $135 menu recommend就試下, 超足料嘅肉醬加埋頂層cheese 好濃味同cheesy 可以微牽絲, 不過有點膩   Grilled snapper $200 同樣係menu recommend 但麻麻地, 比起鯛魚扒下面個薯蓉仲好食😂 Sizzling Chicken Tikka $170 以鐵板送上黎仲係熱到滋滋作響. 兩件雞件肉質嫩腍, 下面d 炒洋蔥加伴菜有中式感覺. 另外上garlic bread 估唔到咁大份, 不過個包普通唔夠garlic 香而且唔脆. mint sauce同辣酸乳酪sauce味道都唔錯 今次其實係二訪, 感覺無第一次咁驚喜. 餐廳recommend dishes 沒有太值得recommend🤨 呃...個人推薦佢地mussels, risotto都ok. snapper 就絕對可skip