英式主婦想當年學英文之 － 最有用工具書

阿仔大個要學用字典，不過依家google咁方便，如果唔係返學用基本上都唔駛要。有一樣嘢係超級幫到手但未必好似字典咁人人買，就係thesaurus. Thesaurus係讀”the-梳-rus”，重音在中間，好多人讀錯將第一個音做重音變咗”that-儍-rus”。係咩來呀！唔駛驚，絕對唔係恐龍嘅一種。學中文其實冇呢樣嘢，佢係同義字字典，要寫好文章一定要有佢。所以在amazon訂開小學生字典，都順手訂本thesarus。

當然我同我仔同齡時嘅英文程度同佢冇得比，話晒佢係真鬼佬，所以佢識嘅字，喺呢個年紀一定比我多。我中學時先開始作文時用thesarus幫手，怕悶唔想次次用同一堆字，當然都係想叻想威過其他同學啦。托賴自己寫正經文章時中英文都見得人，我老公有次唔為意見到我寫一封英文公函，佢都話寫得好過好多佢喺職場上見到，英文係母語嘅人。喂呀唔好當我流先得㗎寫嘢係我專業呀老細！

Up完一大輪，重點係我本thesarus仍然健在，仍然in service。工具書真係可以跟你一世㗎！話時話家陣冇印花包書膠賣嘅？

英文有一種工具書叫thesaurus，即同義詞詞典，裡面在每一個詞之下列出各個意義相同或相近的詞。接下來我會和大家探討在英文寫作裡怎樣運用同義詞詞典，選擇適當的用詞，令文字更妥善、更準確、更優美。