雖然琴晚live講完😂但係都keep住要再講啦
希望博到唔係個個post都睇ge朋友 總會有一個post睇到🤣
.
📣年宵入場不需要吉籌📣
📣年宵入場不需要吉籌📣
📣年宵入場不需要吉籌📣
🧧吉籌只限買獅子山款及雙色款
其餘所有產品都不需籌號!!
.
🌟最新更新 : 蠟燭、香港地圖每人限買2個，不設每日限量，售完即止🌟
❓常見問題 : "係咪無籌就無機會買到衫呀？"
年宵係呀🙈視乎年宵銷情再決定年宵完咗會唔會加單，如加單都同上年一樣係3月尾先寄出架🙏🏻🙏🏻暫時都係TBC
.
Btw發現好多人問我著hoodies點解成日都做唔着褲擔當😂係因為我永遠都係最矮嗰個，要示範細粒15x女仔可以點襯，平時嘅我其實會襯長冷褲/牛仔褲/窄身7分裙，襯長boot係暫時睇落令個比例最修長嘅一個，所以成日都係我做🤣同埋人矮成日影相都要企最前😩
.
【犇墟 @ 饒宗頤文化館．本土文化節】

📍地點：饒宗頤文化館 (中區、下區)-九龍美孚青山道800號
(美孚港鐵站b出口步行8分鐘/ D2 place步行13分鐘/大會小巴安排詳情- http://provention.com.hk/ban1heoi1 )
日期：2021年2月5-11日
時間：2月5-7,9-11日（1-10pm）、2月8日（7-10pm）
**💡海外觀眾留意💡海外 JLT Online開放時間是2月5日 8:00pm(HKT)**

#justhome @ Hong Kong

最近睇咗Emily in Paris，可能我港女底，覺得唔係大家講到咁差，甚至某啲位寫得幾好，例如以下呢一段。


當芝加哥女孩Emily被公司派到巴黎負責marketing，佢嘅熱情同幹勁換嚟嘅只有法國同事嘅無視同冷嘲熱諷，令佢好無力同困惑，有一日其中一個有份揶揄佢嘅阿叔Luc同佢講：

「其實我哋都有啲怕你。」

「怕我？點解呀？」

「你帶嚟嘅idea好好，甚至可能係the best，你嚟到，令我哋覺得要加倍努力，賺更多嘅錢。」

「可以平衡㗎嘛。」

「冇錯！就係平衡！我覺得美國人唔識得平衡，你係為工作而活，我哋係為生活而工作。賺錢係好，但你口中嘅成功，對我嚟講係懲罰。」

「但我真係享受工作，享受成就喎！」

Luc非常不可置信咁話：「你享受工作⋯⋯？」

「係呀！所以我先會嚟巴黎，係工作帶我嚟呢個咁靚嘅城市，工作令我感到快樂——」

「咁可能你唔知道咩叫快樂。」Luc笑笑口咁講。


世界上冇絕對嘅好人同絕對嘅壞人，我諗大部分人一早都已經明白呢個道理，所以大家會話要以事論事，唔好因人廢言，但再深究落去就會發現，原來連絕對嘅好事同絕對嘅壞事都並唔存在：好似Emily咁付出一百二十分嘅努力工作，原來會令共事嘅人感到壓力，成為其他人嘅夢魘。


每個人都有自己嘅立場，每個人都有自己嘅愛惡，世界上其中一件最公正嘅事，就係每個人都存有偏見。


關於善惡，一百萬個人有一百萬個標準，最近睇過最有趣嘅演繹，就係Tik Ka嘅全球網上作品展，無論係畫工、特效、音樂定整個概念，都係意想不到嘅體驗，真心推薦！


《善惡》- Tik Ka from East 全球網上作品展 by tbc…ART ONLINE
日期：30.10.2020 - 13.11.2020
購票：https://ticketing.tbcstory.com/tikkafromeast

TBC story Tik Ka from East Playtinite

決定要狠｜薛可正

朋友問我，呢一世人有冇做過錯嘅決定，我瞪一瞪眼反問佢一句：「吓，我一直都保持住做錯決定架喎。」

朋友望住我，一臉不可思議：「你都會做錯決定？」

「點解唔會？」

老實講丫，其實我都幾勇於同幾嚮往做錯決定，因為所有嘅決定背後最重要嘅，係改變。

人生要過幾十年，由出世讀書、拍拖、搵工、換女/男朋友、換工、買樓、結婚、換樓、離婚、賣樓、再婚、退休……

未計你每日食飯買衫，睇邊場戲，我哋一生人入面要做嘅決定多到銀河沙數一樣，每一個決定唔係啱，就只有錯，如果係咁嘅話，仲咁執著嚟做咩？

你係一個好謹慎嘅人，你覺得自己唔可以做錯決定，只要做錯一個決定，你就會覺得自己人生幾乎毀咗，但好多你又會遇到下一個決定，當你再思考眼前呢個決定要點決定時，你已經唔記得咗自己上一個錯嘅決定。

但你已經墮入咗「唔錯得」呢個無間地獄。

好多人都覺得決定唔錯得，覺得人生唔錯得，朝頭早襯錯衫出街又覺得世界末日，最後全日黑面，一路唔放過自己一路質問自己點解會做錯，最後嗰日去邊玩都唔開心，若干年後，你襯錯一日衫呢啲小事真係「邊X個會理」，但你失去咗可以開心嘅一日，呢啲快樂指數點滴會影響你每一日嘅喜樂。

「快樂指數」聽落好似好專業，但其實講簡單啲就係你每日嘅折磨自己嘅指標，一日一百個決定，我俾你做錯八十個，嗰一日太陽都係會落山，你夜晚依然要瞓覺，最重要聽朝個太陽都係會再出嚟。

我性格唔中意做決定，因為金牛座最怕改變，中意嘅嘢可以食一世，中意嘅人都可以對一世。但如果有一日我發覺事情有變，要自己視野已經可以知道需要改變，我會好快做決定。

好用最快時間做一個決定，如果錯咗，我仲有時間修正。

呢個道理同趁後生創業一樣，你愈早創業就愈早仆街，你仆街嗰一刻正正就你你創業嘅原因。用最快嘅速度作出改變，拎住失敗過嘅經歷，第二次出現嘅成功，先係人生入面嘅成功，係經歷過高高低低，令你知道乜嘢叫不卑不亢嘅成功。

所以以為做咩決定都要狠，決定夠快，錯咗都唔係好覺眼。

____________________________________________________________

薛可正TBC文章收費平台《榕樹頭唔斷氣》現已推出

每周定時更新文章，
九月推出全新連載故事，
文字有價，多多支持。

訂閱傳送門：https://pr7d8.app.goo.gl/GSAM

文章列表：

1.「我的成長地」〈免費〉
2.「置樂」 〈收費〉
3.「1991年9月1」 〈收費〉
4.「隆重冷氣儀式」〈收費〉
5.「三聖神石」 〈收費〉
6.「發發」 〈免費〉
7.「跳繩、幫捉、何濟公」〈收費〉
8.「任天堂」〈收費〉

查詢網址：tbcstory.com

*******************************************************
IG：sithoching
Page：薛可正