【玩物】《Capcom Arcade Stadium》將於5月中登陸PC、PS、XBOX 相信去機鋪打機係好多人細個嘅共同回憶，莫講話智能電話，嗰陣就連網吧都未普及，想約一班老友打機，自不然就係去機舖打返兩鋪。 早前Capcom就照顧返一眾老機迷，推出Switch遊戲《Capcom Arcade Stadium》，收錄32款80-90年代精選自家街機遊戲，當中包括飛機遊戲1943、吞食天地2、以及街霸2多個版本。近日Capcom終於確認《Capcom Arcade Stadium》將於5月登陸PC、PS、XBOX多個平台，有興趣嘅朋友到時不妨玩返幾鋪懷舊下。 《Capcom Arcade Stadium》本體將會免費下載，同時附送經典作品《1943 - Midway Kaisen -》，其他遊戲將會按年份分為三個擴充包售販，每包有10款遊戲。參考現時Nintendo eShop嘅價格，預計每個擴充包喺其他平台售價大約$116港幣左右，如果一次過買收錄全部30款遊戲嘅大組合包，更會附送埋《魔界村》。 （圖3-4） 《Capcom Arcade Stadium》除咗係街機模擬器，亦提供多個功能，例如「倒帶」、改遊戲難度及生命、傷改遊戲速度、隨時隨地「儲存／載入」遊戲進度、以及全球線上排行榜等等。 三款擴充包遊戲內容如圖。（圖5-7）