雖然這篇surplus意思鄉民發文沒有被收入到精華區:在surplus意思這個話題中,我們另外找到其它相關的精選爆讚文章
在 surplus意思產品中有10篇Facebook貼文,粉絲數超過441的網紅HK FOODIE ● ANNIE CHAN,也在其Facebook貼文中提到, 食過上海三六九菜館一次 已經對佢念念不忘😍🤩 老字號好食不特止 佢最近仲搞搞新意思 一同走向飲食文化潮流尖端😌 同🌟 溋養 Surplus Living - Keto & Low Carb Lifestyle by F.Pang & 素生活 So live 🌟合作 推出左依家大熱既生酮菜式🤩😽 實...
同時也有1部Youtube影片,追蹤數超過11萬的網紅GreatKidsLearning,也在其Youtube影片中提到,ABC英文 學習英文字彙113 (Expand your English words 113) You can learn English words and sentences days by days. 每日學習英文單字!! It's amazing! 若是無法將單字一次背起來, 請反覆練習...
surplus意思 在 Christine Suen Instagram 的精選貼文
2020-05-12 08:48:06
最近愛上一間時裝小店 @surplus_workshop 係香港本地原創服裝品牌❤️啲衫着落好舒服, 仲好有意思, 佢地呢個 I’m Series系列, 特別鍾意I’m Possible呢句slogan, 時時刻刻提醒我要相信自己, 無論遇到咩事都要樂觀面對😁 佢地仲有好多款式啊,可以去睇睇啦👇 ...
surplus意思 在 Kenneth’s Team ✎ Instagram 的精選貼文
2020-05-10 17:05:53
/ February 16, 2018 Wishing You Happiness and Prosperity in the Year of the Dog . Summary: From k.e.n.joy, we would like to wish you happiness and pro...
-
surplus意思 在 GreatKidsLearning Youtube 的最佳解答
2016-02-03 07:22:55ABC英文 學習英文字彙113 (Expand your English words 113)
You can learn English words and sentences days by days.
每日學習英文單字!! It's amazing!
若是無法將單字一次背起來, 請反覆練習, 並將單字寫下來, 最後一定會進步。Practice makes perfect.
You can also make a new sentence according the word by your own. 你也可依據所學的單字自己造句看看。
今天課程學習下列單字的意思
electronic
dare
inn
plunge
prolong
publicize
clay
cloth
curtain
deserve
sparse
surplus
theorize
verify
vigorous
surplus意思 在 HK FOODIE ● ANNIE CHAN Facebook 的精選貼文
食過上海三六九菜館一次
已經對佢念念不忘😍🤩
老字號好食不特止
佢最近仲搞搞新意思
一同走向飲食文化潮流尖端😌
同🌟 溋養 Surplus Living - Keto & Low Carb Lifestyle by F.Pang & 素生活 So live 🌟合作
推出左依家大熱既生酮菜式🤩😽
實行健康又美味既全新概念💖
·
特別講下 全新推出既生酮menu🥢🥄
********************************
🐖 生酮紅燒花生燜豬手
好有媽媽既風屋企菜,令人更容易接受💕 豬手嚴選👉美國無激素草飼豬🐷 豬手炆到勁軟綿😻 而醬汁特別用左🌟生酮豉油、純天然羅漢果糖及無糖純蠔汁,醬汁入味濃郁,果糖既微甜糖度感覺更健康,味道絕對唔會比傳統蠔油遜色👍
·
🐖 生酮糖醋五花腩
五花腩同樣揀選美國無激素豬🐷 腩肉部位肥瘦比例恰到好處,唔會感到好肥膩😊 除生酮豉油外,仲特別加入純天然羅漢果糖同生酮蘋果醋🍎 入口估唔到係帶點甘甜,比起媽咪平日煮既傳統口味來得更健康,而且腩肉啖啖肉,用嚟送飯一流😋
·
🥦上海炒椰菜花飯
唔講真係唔知無加米飯炒,口感同普通炒飯 幾乎一樣,像真度極高🤩 抵讚嘅係椰菜切到超級幼粒,令口感模仿得極相似,好考力功,師傅好嘢👍
·
🍫 朱古力高力豆沙
同傳統既高力豆沙唔同,豆沙內餡以75%坦桑尼亞朱古力取替🤩 可可度高既朱古力絕對係我杯茶😻 喜歡佢既苦澀味,甜度低無添加糖👍 哩款甜品絕對係生酮人士嘅福音❤
·
除左朱古力高力豆沙外,其他生酮菜式既真空冷凍餸包😋 都可以喺三六九飯店買得到啦,解凍後加熱就食得,啱哂一眾愛健康既生酮朋友啦!
·
📍上海三六九菜館
灣仔柯布連道30-32號地下
·
·
#anniec_wanchai
·
·
#上海三六九菜館 #上海三六九飯店 #上海菜 #老字號 #上海菜館 #上海飯店 #生酮飲食 #生酮 #生酮食譜 #生酮外食 #生酮料理 #生酮香港 #生酮甜點 #生酮餐廳 #生酮分享 #ketogenic #ketogenicdiet #ketogenicfood #ketogenicrecipes #ketogeniclifestyle #ketogenicrestaurant #hkfood #hkfoodie #hkfoodblogger #hkrestaurant #foodphotography #foodporn #香港美食 #灣仔美食
surplus意思 在 龔成 Facebook 的精選貼文
【龔成問答信箱】(Q18501-Q18520)
Q18501:
龔老師,之前睇你的post介紹陽光(00435), 佢現在的每股盈利是負數,這是甚麼意思?現在買正確嗎?
長遠來說,領展還是陽光較好呢?
龔成老師:
陽光(0435)是不差的收息股,佢的每股盈利負數,只是「物業重估」出現虧損,但這只是一個會計上的數字,並無真正現金流的減少。
我地分析房託,最重要是「長期的租金」,有租金就有收入,而房託規定要將90%的「可分派收入」作派息的,因此,我地投資者好重要是分析,長遠的租金。
房託中短期的租金一定差,但這只是影響中短期股價,而疫情影響總會過去,慢慢會好轉,因此,長遠無問題就得。
而陽光持有的物業不差,長遠仍是正面,雖然不是高增長股,但作為收息股,可以,現價仍合理。
至於領展(0823),都是有質素的房託,現價仍合理。佢會比陽光較有增長力,不過,股息率陽光就會較好。
------------------------------------------------
Q18502:
不好意思龔sir ,有個問題想問問你的,關於止蝕和溝貨
如果係高位買了一個資產,就如騰信兩年前若果450 在不懂估值時買了, 佢下跌了一整年幅度都可能有40%; 這些情況是要止蝕還是溝貨?
龔成老師︰
先講"止蝕",我地唔應該用佢股價跌多少來衡量,咁係好錯,我地係應該用佢本質來做決定。如果企業長線質素和行業前景無變差,就算股價跌多少,我地都唔需要沽出。
反而這種下跌,造就了我們用平宜價錢,買入優質股架機會。
當出現這個拾平貨機會,我地去唔去加注,就要睇"溝貨"與"分注"這個概念。兩者聽落好相似,但實際上係完全不同。"
"溝貨"是愈跌愈入,同時不理企業質素,不理自己的原先設定金額,盲目去入。
"分注"則是「一早定好買入策略,一早定好本金總數,並以有策略的模式進行」。
所以,係而個平貨機會出現時,你預定投資騰訊(0700)架資金未用盡,就應把握機會再入貨。相反,如果預設資金已用盡,就算再平也不要加注,否則只會加大風險。
------------------------------------------------
Q18503:
老師,我今年23,現時有30000存款,試過一段時間投資股票,都輸,所以之後都想月供增值,想請教下咩組合會適合,需要點分配資金
我都有留意老師既post,都會推薦2800,但現時一手股價系一萬幾,但我又睇到你會分配$2000去供2800咁樣,系咪買碎股既意思?
而如果想學習投資股票基本,應該睇咩書先,因為老師既課堂都未能負擔到個費用。麻煩你了
龔成老師:
我所指的是「月供股票」,你要先去銀行或證券行登記先得。每月投入相同金額,買入指定某股。
比起你過往投資出現虧損,利用月供股票,有規律地累積財富,這是更好的方法。
簡單來說,月供股票就是你每月將現金,買入某一隻或多隻股票,慢慢咁樣儲貨。坊間不少銀行都有提供月供股票服務,你先開證券戶口,然後登記做月供股票。
形式就是每月投入相同的金額,買入同一隻或多隻股票,並持續進行。
例如,每月以相同金額$10,000 買入盈富基金(2800),假設第一個月股價為$25,就能買入400股;第二個月升至$35,就能買入286 股;第三個月跌回$30,就能買入333股。
總結這三個月,投入了的資金為$30,000,累積股票為1019股,平均買入價為$29.4。
由於月供股票每月投入的金額相同,因此當股價上升時,買入的股數自然減少,而當股價下跌時,就自然會買入較多股數,如同自行調節一樣。
要注意的是,由於每月持續投入資金,因此一定要選優質股,長線投資,同時要以儲股票的概念進行,最少持續供3 年以上,之後持有5年以上。
你睇《股票勝經》最適合。
------------------------------------------------
Q18504:
龔sir, 想請教你以下購買的股票是否正確,會不會太穩陣得濟?現時應該先持有現金,不再入貨嗎?
我28歲,月入2萬,每月草8000-10000,供盈富6000,現金快到9萬。
持有股票:
港鐵-41.2 @500
粵海-13.32@2000
領展-70.2@600
長建-51.5@500
中國神華-14.78@2000
金沙-32@400
中銀香港-24.1@500
盈富-25.135@1417
(合計約20萬,正在蝕2萬,即現價18萬)
龔成老師:
上述的股票,基本上都有質素的,不過全部都是「平穩增長股」,而無潛力股在其中,而你28歲,在組合上應該要有潛力股的。
你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股小注好了。
你可以考慮盈富(2800)$4000。
另外再加1、2隻(每隻$1500):銀娛(0027)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
如果想增長力高少少,可考慮:阿里(9988)、騰訊(0700)、港交所(0388)、舜宇光學(2382)、小米(1810)、比亞迪(1211)、中生製藥(1177),但就要明白波動性比上述會高左,同時風險大左,你要自己平衡。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q18505:
請教龔sir, 知你忙長話短說。我再一次複雜股票聖經,其中以下不明白:
股東收益=盈利+折舊攤銷-資本開支 (點解不是減折舊攤銷,折舊不就是等於要開支嗎?)
龔成老師:
因為盈利本身已經減去了折舊攤銷,而這個「股東收益」,其實是想找出一些類似現金流的概念。因此,原本是支出的折舊攤銷,是非現金流的支出,而這個「股東收益」,希望調整翻,所以會從盈利,加上一些非現金流的支出。
------------------------------------------------
Q18506:
老師您好,我媽媽剛剛60歲,月入只得一萬,四年後就退休。
我想幫她每月以$8000買些平穩增長股及收息股,讓她退休時都可以收息作為收入來源。
現時月供計劃:
$3000 盈富 (2800)
$2000 香港電訊 (6823)
$1500 港鐵 (0066)
$1500 港燈(2638)
1. 想請問您對此計劃有甚麼意見,投資比例及選擇是否合理?
2. 如果改以月供金沙或是中國移動會否更好?
3. 我原本心儀陽光房地產(435),可惜這隻股不能月供,我應該選擇繼續月供上述股票,還是每月買入一手陽光房地產更好?謝謝老師!
龔成老師:
1)「想幫她每月以$8000買些平穩增長股及收息股,讓她退休時都可以收息作為收入來源」,方向正確,不過由於距離退休時間較近,所以唔好太進取。
你的月供,無問題,可以進行。
但如果佢本身現金唔多,可能要減少少金額,等佢有一定的現金在手,這都重要的。
2)上述已是很好的計劃,不用改。
3)你可以久唔久買一手陽光(0435),例如每2、3個月。
------------------------------------------------
Q18507:
老師可否淺談近期推出的ETF產品,「2806,中國消費龍頭品牌」和「2845中國電動車」,如果我想投資中國市場,會否比「南方或安碩A50」為好呢?
因為未來國家政策指向雙循環,我覺得疫情過後,經濟慢慢增長,未來的發展路向一定會傾向以「內需,5G和新能源汽車如電動車等為主力的方向性作發展的慨念,謝謝你。
龔成老師:
GX中國消費(2806)係追蹤Solactive中國消費品牌指數NTR之表現,見到當中都是龍頭股,我相信,不少都是中國消費龍頭品牌,及較為高端化消費的公司。
我相信長遠都會有一定的增長力,不過就比較波動。
GX中國電車(2845),這基金之投資目標為追蹤Solactive中國電動車指數NTR之表現。這ETF能夠投資於對中國電動汽車業發展類別的公司,例如比亞迪(1211)就是成份股之一。
相信長遠會受惠於電動車發展,不過,由於行業估值現價唔平,你要慢慢分注入,或月供。
你投資這兩基金,會比「南方或安碩A50」更有潛力,但就更加波動,你要明白當中的風險。
我相信中國經濟中短期仍會波動,但在長遠睇,仍是不差的(當然不是高增長年代)。
------------------------------------------------
Q18508:
成哥,我上星期買咗3隻美股共5萬HKD(Tesla, AMC, 理想汽車,蝕緊幾千
今日抽中一手農夫山泉,我知自己性格急進,想主攻短炒但又欠乏投資眼光,求大神指點迷津
龔成老師:
我20年前,都是短炒者,技術分析者,用左幾年,輸足幾年,之後長線投資,就開始不斷賺錢。
我好後悔當時浪費左幾年去學這些分析技術,我當時不斷睇書、上堂學短炒,但最後都是輸,好後悔,只怪我當時無知。
之後做銀行同證券行,見大部分輸錢的客,就是短炒的一群!這是我10年見到的情況,這是行內的秘密,根本大家都知短炒者一定輸,但業界一定唔會講!
另外,如果你分析全球真正賺錢的投資者、經金經理,佢地都無人短炒,都是長線投資的,巴菲特更講明反對短炒,反對技術分析。
只要我地細心少少去想,都會明短短炒根本賺唔到錢。長線先至係王道。
你買入的股票無問題,只是短炒有問題。
------------------------------------------------
Q18509:
成哥,我想問買樓既問題:
我自己月薪約3萬5,現金有約40萬,股票30萬,同屋企人同住屯門私樓約值5百萬, 一直有個心願想置業,改善生活質素,最好係自己投資有道買樓,唔想按屋企人層樓,話說屋企人最近有興趣搬去4小lung 昇悅居:
(1)你會建議我屋企人賣左屯門私樓買昇悅居一起住(樓換樓)?之後果20年我自己供埋個差價約2百至3百萬。
(2)還是我買屯門細單位自己多個物業第時升值再考慮買最心儀果間?
昇悅2房而家值700至800萬我現時人工唔可以供得起就,所以我一方面諗係咪結婚先係好時機買樓,同 覺得未結婚情況下就供樓
會唔會影響我future 有surplus cash 買樓……另一方面其實自己都想improve 下生活質素同屋企住好D, 供樓咪當儲錢,好彩既話升左值咪到時拎果筆同另一半合份買多樓, 咁昇悅比daddy mommy 住到老。
真心想聽下成哥既見解。
龔成老師:
你長遠的價值來說,四小龍會比屯門較有質素,長遠對你的財富會較正面。
因此,你地考慮四小龍,從財富分配上,會較好。
當然,你都要考慮你地的負擔等能力,以及你本身的需要。方案2的彈性會較高,所以都要睇翻你自己的需要,以及一些財富分配的方法,你自己覺得點樣分配最適合自己。
------------------------------------------------
Q18510:
龔老師你好,我睇完你嘅書優質潛力股已及穩健收息股二本書,但仍然唔知點決定好,我是一個單親媽媽,42歲
仔仔只有8歲,前夫不負責任沒有贍養費,而我因身體差暫時都唔可以做嘢,因有資產約200萬,所以唔可抽公屋,只能每月捱貴租
我有120萬是做咗銀行定期,約50萬想做一啲定期穩陣嘅收息股,我有386(4.25入有10000股)另778(8.75入5000股)2800 (25.36入 500股)
想請教下,以我狀況又是新手,只係想多賺點生活費,我應該買咩股會合適
另1830及1448合我買嗎?如二選一我應選邊隻會合適,另外778我應唔應該加注,另以我情況邊隻收息股會合我⋯⋯感謝龔老師指教...
龔成老師:
由於你有家庭負擔,加上無收入,所以投資要好穩陣,唔好承受大多風險。你$120萬作定期是正確的,我建議這部分唔好變。
至於餘下的資金你應該建立一個穩健組合。你投資$40萬好了,餘下資金就等機會。
現時持有的都可以持有。如果要加注,建議你加香港電訊(6823)、港燈(2638)、陽光(0435),盈富(2800)都可。
------------------------------------------------
Q18511:
龔sir,認識你原來不夠2個月,暫時已睇完《百萬富翁1-3》,《財務自由行》,你既所有youtube片及每日睇你既FB。估唔到短短時間對我既沖擊咁大,思維上影響唔少,當然我真係覺得好有道理。
我而家現狀條件非常一般,有不確定性,但由睇第一本《80後百萬富翁》,到完成剛剛所講既4本書,我竟然夠膽將我既目標放大。
由原先只希望4-5年累積到一個數目財富,到而家目標5年有自己物業,再加7年有第二個物業 (到時50歲了)。
呢啲都係從前認為不可能既事,因為樓價太貴,到而家我覺得原來「這麽遠,那麼近」,全靠你既書有清楚既參考方向。
你其中一個網友講得好啱,的確你每一本書既含金量好高,你既FB亦是,呢2個月我學咗好多野。
由於我本身條件真係好一般,我已為自己定下計劃,去逐步走向目標,包括:
- 增加投資知識 (下個月上你堂了,對呢方面興趣大增,希望學識自己釣大魚,而唔係只靠阿sir捉魚俾我地食,哈哈~)。
- 同時盡力減低開支 (我要先辛苦,後享受) 。
- 及增加額外收入 (要有突破,本身有做網上小生意作為小小副業,主力外國市場,會再發掘下更多網上機會,我相信網上潛力好大)。
希望將來有好消息同阿sir你分享!內心非常感恩認識到你!(早2年睇掌佬話我黎緊10年運會不錯,而家諗,可能因為認識到你~ 但我知阿sir唔信呢啲野,因為你相信自己~)
感謝!!!
龔成老師:
你的方向正確,你只要保持進行就得,知識、財富都要不斷累積!
你一步步行,這刻,首先完成左5年目標先,之後先想其他再之後的目標。
你最重要是保持動力,香港人最弱的就是這部分,第一下好有火,之後就無左,所以,你都要想方法去保持動力。
加油!下個月股票班見!
------------------------------------------------
Q18512:
老師,我月供緊7千,供左2年:
0066港鐵 HKD2000
0823領展HKD2000
2800盈富 HKD3000
最近股市下跌,想大手入買入
請問該什麼價位購入?
龔成老師:
首先,上述的月供,可以保持,你長期進行就得。
如果你現金多,可以等跌多少少大手。港鐵(0066)$33可大手。領展(0823)$55,盈富(2800)$23大手。你預這些價開始平。
當然,如果到時跌到這些位,都要分析翻大市的發生甚麼事,決定入市的力度與留現金多少。
------------------------------------------------
Q18513:
老師,想搵你做少少人生規劃建議..
本人33歲,做part-time ,平均月入$10000草唔到錢...17歲有理財觀念
「股票」
#386 @5.04/28000
#3690 平均買入價@145/200
#823 @75/400
#981 @30/600
#1928 @30
「物業」
市價$430萬樓,現收租回報7里,剩餘還款額80萬左右,另有同家人夾份唐樓湯樓 (我夾$30萬現我果份升值到$90萬,回報10里)
預期1年多另一層供斷既樓可套現$200萬
手頭現金剩餘$60萬左右
請問如何利用資金同搵錢能力係7-10年間滾至$5000萬?生意?工作?
有什麼可有效又成功率高去達成 ,如果賣樓套現又怕日後要再比稅,唔賣又未必有太大資金攪生意,非常感謝老師
老師既人生大目標是什麼可否分享下?除了投資同股票會令資產幾倍升值還有其他方法嗎?
龔成老師:
你33歲,其實擁有的資產不差,不過收入方面較弱,我相信這年齡仍可以做到好多野,你可以想方法提高收入,令你可投資金額增加,相信之後的財富累積會更加理想。
如果你的目標是$5000萬,最好就是做生意,你如果打工做兼職,根本無用,你一定要利用生意,又或投資,又或其他創富方法。
用盡你的時間,去建立一盤生意,我相信你與你家人都有這方面的頭腦的,你可以盡力花時間在這方面。
你初期唔需要投資太多資金,只需要投入時間,到見到生意有增長,是一盤可發展的生意,到時先投資較多資金。
另外,你現時的持股,基本上無問題,都是有質素的,你可以長線。而之後的選股,應該加強潛力股部分,當然,你都要同時提高你的投資實力。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q18514:
請問中國銀行$3.25 入了三萬股,現可再入溝淡嗎?
煤氣$14.85 入了萬二股,現又可溝淡嗎?
293 國泰又值唔值得買,咩價買呢
謝謝
龔成老師:
首先你要明白一個概念,我地持有一隻股票與否,關鍵位是企業質素、前景,不要被買入價影響。買為我地買股票就是買企業。
買入價,你的賺蝕,只是一個心理因素,該企業長遠的發展,才是我地是否值得持有的重點。
如果企業有質素,但股價短期下跌,就不用擔心。
如果企業無質素,但你現時蝕錢中,繼續持有只會令你財富繼續貶值,因此要賣出。
至於中行(3988)是否加注,不是「你想拉低平均買入價」,而是你想這股佔你組合比例多少。這是收息股,質素不差,但增長力不強,現價合理。
至於煤氣(0003),道理都是一樣,這股有質素,但增長力比過往減少左,不過長遠仍有投資價值。
國泰(0293)的質素只是一般。
其中一個風險,是油價,睇翻佢過往多年,油價對佢成本影響好大,令佢盈利十分波動,就算佢利用對沖,都唔係好成功,反而試過因對沖而蝕大錢。
另外,航空業對經濟週期較敏感,收入不穩,同時唔算係一個好賺錢的行業,因此這股的質素只是一般。
就算佢重組,得到新資金,只是比佢「捱過這一關」,並不是賺錢能力方面有改善。
------------------------------------------------
Q18515:
龔老師, 感謝你的分享,最近follow 你的page讓我對股票略有概念, 亦十分認同你的投資模式!!
我30歲,想進取投資但卻又一竅不通, 多年來只持有939 (平均價6.6).
最近一年持有005 (平均價 44).
睇完你的page, 想跟你的提議買希慎和維達, 現在入合適嗎?
另外 比亞迪都想買, 什麼價位會比較好? 還有沒有其他股票都適合我呢? 感謝回覆!
另外又想買D 2800 來收息。
唔計已有的939 和005
我打算投資多200K, 請問點分佈好?
Thanks a lot for your kindly help.
龔成老師:
你30歲,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股小注好了。
另外,你持有的銀行股,都只是收息股,因此未必太適合你。
希慎(0014)和維達(3331)會較適合你,希慎現價合理,可以入。維達合理區中上部,分注都得。
至於比亞迪(1211)$7X會較好。
你可以考慮盈富(2800)、銀娛(0027)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
如果想增長力高少少,可考慮:華夏恆生科技ETF(3088)、阿里(9988)、騰訊(0700)、港交所(0388)、舜宇光學(2382)、小米(1810)、比亞迪(1211)、中生製藥(1177),但就要明白波動性比上述會高左,同時風險大左,你要自己平衡。部分要等回少少先入。
現時大市處合理區,可以一邊投資一邊留現金(暫時要留$10萬現金),而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q18516:
因為之前就有d誤信左兩個大行既報告目標價,搞到過左賣出價之後個股就跌左唔少,有時都唔明佢個目標價定到咁高做乜。
龔sir 依家美國總統換左人,你會唔會重新估算一下一d中美相關既股票? 畢竟拜登既對華政策好似無特郎普咁強硬,中美相關既股會唔會有機會有更大既上升空間 ?
但我早前入左少少2333長汽,佢有新能源概念但前10個月銷售不太好,洗唔洗換馬去175 好少少? 我都係睇長線,不過175都升左好多,我覺得現價有少少貴。
最近嗰隻831利亞派特別息,我入左一手,因為我都係覺得佢特別息好高,所以想入一兩手。
其實係咪唔應該貪圖佢呢d特別息,但我自己有分析過831,ok店係佢最高收入既一個來源,但佢依家賣左,現金流係好左好多,但係佢無左其中一個賺錢既來源,長遠係咪應該要睇下佢有無其他收購計劃? 我自己係咁諗。
依家都開始睇你出嗰本(年報勝經),從基本面開始學,龔sir你買左股票之後會唔會日日都睇下個市? 定只係一兩日先睇一睇?
龔成老師:
大行報告,最重要是「資訊」,「意見」就不要太著重,當參考下就算。
我自己睇大行報告,要睇佢估值的基礎,這些預測是否可信,就能推算佢計出的目標價是否可信。
至於中美,會有利好的,但要具體先可以知道點樣調整,這刻唔會有具體答案。
我地是重要分析,仍是企業的本質。
長城汽車(2333)都有質素的,你持有都可以。我地分析時,唔好太著重中短期因素,要睇長遠的企業發展。
利亞零售(0831)出售香港「OK便利店」業務,作價27﹒9億元現金,交易完成後,擬向股東派發特
別現金股息每股3﹒85元。利亞零售預期出售收益約29億元。
利亞零售表示,便利店業務主要以密集運營模式服務香港市場,並且由於其覆蓋之產品種類繁多,因此涉及相對龐大的物流營運設置以及供應鏈基礎設施。
另一方面,剩餘集團的品牌(聖安娜、Mon cher和Zoff),其實都適合利用互聯網及線上平台,對中等收入客戶群更具吸引力,並且更少依賴物流設置以及供應鏈基礎設施。
但始終賣左資產後,發展只是一般,同埋之後好睇佢資金的運用情況,現價合理區中上部,投資價值只是中等。
要留意,唔好只貪佢特別息,派息後股價會除淨,自然下跌翻,而特別息只有一次,之後唔會有的。
我買股票後,可以一個月唔睇股價,我持有比亞迪(1211)12年,根本好多短期因素,完全唔洗理,你愈集中短期因素,愈難賺大錢。
------------------------------------------------
Q18517:
龔老師你好。想請教有咩股票組合會比較適合我?
我呢家23歲,岩岩出黎做野有穩定入。
現時free cash $400K, 收入約$15K 平均每月儲蓄$7K。
目標28歲前財富增值至$2M。
我最近先開始接觸股票市場,個人認為自己風險取向偏高同心理質素都經得起考驗。
希望老師你可以推薦一些適合我既投資組合同埋未來既選股方向。Thanks!
想補多句 打算每月供$3000 [2800], $1000 [0027], $1000 [6823], 會適合我嗎?
龔成老師:
你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股小注好了。
你投資經驗不多,所以唔好太進取,同時,你唔好投資太多資金,暫時$10萬先,留多少少現金。
你可以考慮盈富(2800)、銀娛(0027)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
如果想增長力高少少,可考慮:華夏恆生科技ETF(3088)、阿里(9988)、騰訊(0700)、港交所(0388)、舜宇光學(2382)、小米(1810)、比亞迪(1211)、中生製藥(1177),但就要明白波動性比上述會高左,同時風險大左,你要自己平衡。部分要等回少少先入。
至於你打算月供的3隻股,都有質素的,但香港電訊(6823)只是收息股,因此可考慮其他。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q18518:
成哥,想講多謝你,2018上你堂開始月供投資比亞迪,變成我第一隻倍升股,想問過左100蚊會唔會過熱,諗緊放1/3攞尼買領展/長建/金沙
龔成老師:
太好了!
比亞迪(1211)的貨你可持有,賣部分是可以的。可以停一停月供。
資金可以供你上述的3股,無問題。
------------------------------------------------
Q18519:
老師,小弟調整月供組合後,月供$7000下調為$6000
2800 $2000
66 $ 2000
788 $ 2000
剩餘$1000的,等1211/恒指科技ETF回落後先月供
•25歲
•月入20k
•月儲現金5k(已扣除月供股票)
•持有現金$85000
•持有股票$200000
(1) 現金股票比例大約3:7
係咪唔應該加注?現金太少嗎?
(2) 呢兩個月都要睇牙醫,預算$20000內,月供需要減少嗎?
(3)等待恒生科技etf回落後,月供科技etf會否比1211/2388更加好?
(4)等178/1257升返上去,到時再換第二隻股,可以嗎?
(5) 本身持有066,入手270/0002會唔理想嗎?
龔成老師:
1)合理,現時的大市平貴,你預持有3-5成現金適合。
2)唔需要,因為金額不算高。
3)因為月供是一個長期策略,有時唔算太貴,都可以進行,月供科技etf,$1000,已經可以開始。
4)可以。
5)可以,但唔建議太多,因為增長力不算強,你要睇翻自己的投資組合比例與目標。
------------------------------------------------
Q18520:
你好 一直有留意你fb
之前其實都問過你 我有負債問題 點樣可以重新開始?
求下你比啲意見
我做sales,收入唔穩定,
一般$15000-$18000,
月光族,因誤信網上投資騙案,所以有卡數同貸款問題供晒款都無錢剩
卡數只能還minpay,
唔想家人擔心,
有諗過借錢再投資,
定申請破產/債務舒緩
龔成老師:
第一,唔好申請破產。
第二,睇翻卡數而家的實際年利率,如果太高,就要處理左佢。
你可以去銀行,做私人貸款,目的是還卡數,雖然無解決到問題,但就可以幫你減少利息成本。同時,你可以拉長翻個還款期,等自己有空間,無咁大壓力。
你唔好做投資,這刻處理左負債先,理財要一步步,你太急反而仲危險。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
surplus意思 在 君子馬蘭頭 - Ivan Li 李聲揚 Facebook 的最佳解答
[三千字PTGF冷氣企管系列]中—介—必—須—死!(*)
1. 聲明:唔係教你做PTGF,亦唔教你做客。純粹案例研究,講risk management,principal agency problem,pay structure,profit sharing,skin in the game (加多啲buzzword就巧似professional 啲)
2. TL;DR:人地就落場衝鋒陷陣以身犯險,你就涼冷氣分咁大舊,梗係出事。楊恭如話齋,呢個世界冇話邊個冇咗邊個唔得(**)。仲要幾個都後生女唔係阿嬋,更加難服眾咯
3. 上次講補習天王篇文反應還好(https://bit.ly/2M0yLUB),絶不走數,今日講類似嘅東西。
4. 重覆多次:我不作道德判斷。犯法梗係唔好,唔好試,赤柱擺壽酒冇人嚟的。至於買春賣淫呢啲,我冇乜咩感覺,有供有求。大家明知係有咗幾千年,古今中外都有,甚至張愛玲都話婚姻就係長期賣淫。本文不作任何道德判斷,只係討論as 一個JV咁去做,有乜注意
5. 當然一切都你請我願,但都有廣義同狹義。你畀人拎支槍指住嘅自願唔係真自願。同樣地,咩安排都好,terms太辣嘅,個equilibrium 好易topple,可能人地違約,你要打官司,甚至佢使橫手,搵人打你,同你攬炒,等等。
6. 所以「公平」唔只係「合約精神」,「Michael Sandel都咁講」,亦唔只係你簽嗰下同意。要一路玩落去,大家都心服口服,先有得玩。
7. 個大意思在TL;DR寫咗了:雖然冇相,但呀16歲少女事主X,就去接客。兩日接八個,就算個客吳彥祖咁款我估都唔多過瘾,更何況多數係張同祖咁款(無意冒犯,順口啫)。
8. 你話,「冇畀錢你呀?」,等於我地寫字樓講,「冇糧出畀你呀?」。但,唔係咁嘅。呀事主X,一次分1000,值唔值,無從判斷。但有咁多人幫襯,至少都有唔少覺得值?可以話存在即合理,但都唔係重點
9. 重點係,人係好得意嘅動物,人就係會比較。我甚至懷疑只有人先類會有「攬炒」。著名嘅Ultimatum Game(https://bit.ly/2zAtmRr)(果然加個英文就好專業):一筆錢,A決定分幾多畀阿B,阿B可以收,或者攬炒,大家都冇。理論上阿B應該乜都受,因為總係好過冇,就算100蚊阿A要99蚊分1蚊畀B,B都應該受,因為1蚊好過冇。至少古典經濟學咁講
10. 但實驗見到,唔係咁。人係好奇怪嘅動物,你可以話公義,或者就叫黃子華嘅「魚蛋論」。人見到其他人幸福,會唔開心。又或者,見到人仆街,會好開心。呢個可以同佢自己情況無關的。做過投行都知,你出三個月花紅,廢柴同事出五個月,你嬲足幾日。但你出一個月,廢柴同事冇,保證你就開心幾日。
11. 道理正係咁,事主X係咪值1000蚊,根本唔重要。重要係,你另外三條女,坐冷氣房碌下電話,收咗1600蚊喎!唔公道咯。咬得咁狼,分贜唔勻,必然出事的。肚痛只係一個導火線,總會有一日爆。
12. 另一個問題就係,所謂嘅馬扶,雞頭,龜公,agent,whatever you name it,就係中介人,帶嚟乜價值先?直接啲講,你憑乜去收嗰1600蚊?個客畀2600,係想要事主X嘅服務嘛。點解事主X唔自己拎晒2600?甚至減到2000,就win-win,大家分咗個consumer surplus (!)
13. 我同利世民,幾次都提過一本書,有中文版,《百辯經濟學》。但英文版Defending the Undefendable直頭可以免費網上睇,(https://bit.ly/2zzhfUA)。右翼Libertarian必睇,入面就係去為啲傳統畀人鬧嘅角色辯解。其中就包括pimp,扯皮條。佢有講,呢種中介人,帶嚟乜價值。
14. 本書講得有道理。但,唔好忘記,呢本書1976年。過去四十幾年,世界變咗好多。而家係一個去中介化嘅年代。以前你想睇金庸,就要買明報,奉送一大堆你唔想睇嘅物體。但而家我係作者,可以直接做收費專欄。好多行業都係咁,賣淫/性交易點會例外。你幾位冷氣agent,提供到乜嘢不可或缺嘅價值?我估冇乜。
15. 仲有一個點。亦係魚蛋論。你話如果個中介人係個阿婆,可能冇咁奶嘢。阿婆可以話「阿妹doi你估我唔想幫你咩,但我幾廿歲啲友嚟玩假牙咩,我係有人要我都落場啦」。但,今次嗰幾個中介,廿歲出頭,有手有腳有乜乜。點服眾?做乜我要落場,你唔使落場,而分得多過我?
16. 情況等於公司搬嘢,你老細如果係七十歲,咁佢唔搬嘢,你可以接受。但如果佢仲後生過你,但在側邊指指點點,唔幫手,你實唔服。
17. 唔想寫太長,但類似嘅東西,仲有好多好多。我2003年在新港戲院(已死),睇過套好爛嘅戲,叫做 In the cut,中文叫驚殺。男主角係變型俠醫,荷里活摩連奴Mark Ruffalo。但梗係睇女啦。除衫嗰個,威咯,Meg Ryan!Hey,show some respect,荷里活甜心You’ve got mail緣份的天空 90男歡女愛嘅Meg Ryan!雖然當時已經四張嘢!但更好玩嘅係,邊個監製?係Nicole Kidman.話原本係佢剝,但佢搞緊離婚要多啲時間陪小朋友,哈哈哈,所以點咗朋友Meg Ryan去除。真夠朋友,套戲咁好,你唔自己除?你又唔係七老八十。
18. 仲有,周顯早兩日寫嘅東西,亦係同一道理(https://bit.ly/2ZGY85K)。講明就係分贓不勻易出事
19. 之前睇嘅唔少戲,都係呢個主題。包括係泰片嘅《出貓特工隊》,或者十幾年前嘅西片《決勝21點》(21)—前者大家熟,後者呢套戲唔係太多人睇過,但故事應聽過:麻省理工嘅精英教授同學生,靠計數同記牌去煲爆賭場。但一樣係分贓不勻,有啲人覺得根本唔使靠其他人,我一個玩晒就得,有人唔同意,就出事。
20. 事實係,幾時都係scarcity就代表巴京拎包華.例如PTGF事主X呢個情況,你諗都諗到,邊樣先係scarcity,邊個有巴京拎包華。16歲仲要落場仲要客人滿意嘅服務提供者難求?定係啲冷氣中介難求?所以邊個應該拎大份?一睇就知唔公道。
21. 最後再講,好多人以為「老細」「管理層」「CEO」一定高人工,但都有唔少例外。亦係等於我講補習天王篇文,有啲行業睇individual talent.銀行,特別係投資銀行,最高人工嘅,往往唔係個CEO,而係帶客嘅sales,或者炒房嘅trader.原因同補習天王一樣,佢地先係落場搏命,佢地去第間都得,CEO只係個高級公關同Admin
22. 舉一反三,足球隊,NBA都係。你發現,員人工都高過領隊唔罕見,亦係Scarcity嘅問題。固然有名帥,但一般都係球員先係scarcity.曼聯費格遜年代,聽聞有個規矩,球員唔可以高人工過佢。佢話否則球員點會聽你支笛?但而家冇呢回事了,亦可能係因為領隊冇以前咁重要。所以你見而家好多時係領隊驚球員,球員有食力嘅,去邊都得。粗略講,我搵條廢柴帶美斯C朗落場,肯定好過搵摩連奴/哥迪奧拿帶班廢拉球員。
23. 真係最後講下,呢篇文其實夠晒踩界,可能去到本專頁嘅底線了。始終公開嘅專頁,唔排除有人唔高興,投訴,咁呢篇文就會下架。所以有得睇快睇,「但又記住畀like 同share」
24. 咁你話,其實我咁玩,咪又好似補習天王咁咯,人地就不停講內幕貼士,卒之出事。我就越寫越大膽,都係會出事。我想大家share,但又怕太高調。咁邊有得唔高調而廣傳呢?—但有個分別,我出事,最多咪整走篇文,或者最壞情況成個Page玩完—但唔會要坐監嘛。
25. 呢個亦係我想講,真係最後一個故事:飛機上,一隻鸚鵡對空姐說:「給大爺來杯水。」豬也學鸚鵡,對空姐說:「給大爺來杯水。」空姐大怒,將鸚鵡和豬都扔下了飛機。這時,鸚鵡對豬說:「你傻的嗎?大爺會飛呀!」
26. 教訓係乜?有時,你見高層就算同你一齊落手落腳搬嘢,甚至同你共同進退,出咗事齊齊畀人炒。但人地有幾千萬幾億身家,你冇嘛!所以,都真係唔同的。當然一般都總好過坐埋側邊點人搬嘢自己唔搬嘅人。(***)
27. 彩蛋:你見埃汾幫你間晒重點。會唔會有人以為埃汾讀書間書或者整notes好叻?無數咁多人可以證明,我係唔間書嘅。本教科書咪係碌屎。我亦都唔明啲女同學間到本書有螢光筆多過冇,係乜玩法。
(*)呢個其實係吾友高天佑本書,但佢同本post無關
(**)楊恭如真係好東西,但我唔係睇人外表咁膚淺,佢直頭係我人生導師!容許我再一次講,楊恭如教曉我嘅三件事:第一,「我同咗佢結婚,都可以同你一齊」(拍戲講,《風雲》)。第二,「呢個世界上冇話邊個冇咗邊個唔得」(周正毅毛玉萍COVA事件,當時未係美心)。第三,「食飯唔好背住門口坐」(同上)
(***)類似嘅故事我仲有好多。例如呢個:農場隻雞同隻豬,諗住幫主人廢祝生日。咁隻雞話,我地不如整個火腿蛋啦。隻豬話:你當我真係咁豬?你就貢獻個副產品排粒卵,我要終身殘廢呀!
———————
版務:收費專欄已減價。支持埃汾高質文章。
一星期三篇,$175睇到6月22號,加埋過去兩個幾月所有文章。
請去呢度訂:bit.ly/2wVXndj
課程編號填: CC01
報完會有email通知,繳費後有Login及Password
逢一三五入去 homebloggerhk.com (入到去就睇到《事先張揚》)
亦睇得返以前嘅文。一般我都係會黃昏出文嘅。