#Repost @stupidmusichk with @make_repost ・・・ [ 論盡樂評：6.5/10 ] ERROR《I Promise》 MV: https://www.youtube.com/watch?v=aCMUrPg_A4I . SMART review: 承諾是一生一世 . 呢首歌對於 ERROR 來講，實在唔係一首特別出色嘅作品，一切都來得平平淡淡，但係呢個時候，卻令我覺得特別珍貴。 . 承諾唔係普普通通嘅事，況且係一生一世嘅承諾？作為喜歡寵物嘅我，雖然自己冇養寵物，但係在我來講，養寵物就係一生一世嘅承諾，當你願意去養一隻寵物，不論對寵物定係人，之間嘅牽絆就已經係 suppose 一生一世。然而近年我聽過太多寵物被遺棄嘅故事，但無論原因有幾義正嚴詞，我都覺得一切都係藉口，每一個故事都令我個心好酸好酸。 . 講番首歌，呢首作品其實相對平淡，由頭到尾好似冇乜太大分別，編曲來講去到尾你再聽返頭其實可以係連得住，變咗會令人有一種三分鐘但聽咗唔知幾耐嘅感覺。若然你喜歡首歌，覺得首歌好聽，就唔會點介意，但若然你係耐性有限，就好容易覺得首歌好重複，單聽一次都覺得聽咗好耐咁，有辣有唔辣，只可以講百貨應百客，但一定唔會每個客人都會喜歡同一件貨品。 . 歌詞部份，耀輝老師嘅歌詞我覺得既簡單又特別。「簡單」在好直接咁寫出寵物同人嘅關係，其實唔一定係主僕，更多嘅其實係家人或者朋友，一種互相陪伴互相依靠嘅關係。「特別」在於寫人嘅部份，雖然首歌好直接地講緊人同寵物之間嘅事情，但係亦有一啲字眼令我哋知道，人其實生活係一個點樣嘅地方，就係「圍城」。單單副歌幾句，就已經知道人響呢個城市嘅困難之處，亦寫出寵物幫助人去調劑生活嘅重要性。 . 講到承諾，ERROR 都講咗將來一定會四個人，唔會缺少一個，我都好期待快啲再見到四個人嘅 ERROR，所以我承諾，我一定會等落去。 . . 《I Promise》主唱：ERROR @error.weare 作曲 / 編曲 / 監制：謝浩文 @kennethjedii 填詞：周耀輝 @yiufaichow 唱片公司：大國文化 / ViuTV @viutv . #ERROR #IPromise #謝浩文 #周耀輝 #大國文化 #ViuTV #派台歌 #新歌 #廣東歌 #SMARTreview #論盡樂評 ----- 論盡音樂全新 Youtube channel 論盡音樂 PLUS 開台啦！ 全新 Youtube 獨家片段，等你 Subscribe 加 CLS！ https://www.youtube.com/channel/UC8SprdKjPBxEb3WSCz9eyZg (個人資料頁有得 click 入去架)

#繼續倒數 噚晚講到「自己人」呢個階段，果時另一個最大得著係識咗Magie，佢而家仲做緊自己人，我個人一諗太多，佢就有方法令我唔好咁拗底。 我諗teen power果陣係我試最多嘢嘅年代，之後我就慢慢轉做focus多啲喺電台節目。講時講，我幾proud of自己做親嘅節目，大部份都係我有份開嘅節目，而唔係人哋做緊，換我加入去幫手嘅節目，TeenPower果時嘅《盛莊天下》啦，係講大學生活嘅，detail完全唔記得! 淨係記得果時仲係興緊做webJ，哈! 而TeenPower當年係開住chatroom做節目，有之誤打誤撞，發現個chatroom同webcast有bugs，當正常schedule咗十點完節目，suppose會自動斷線，但原來十點之後，我哋喺studio講嘢仲會出到街，但係會完全唔留底，落唔到archive，而呢個時間只會維持到5分鐘，所以果陣我哋講完byebye，就會同聽眾有5分鐘秘密時段，果5分鐘真係當同聽眾傾計，係一個幾private又intimate 啲嘅互動，個節目做過乜我唔記得，但就記得呢個小gimmick。吖，果時仲有入Ocamp攪活動，仲攪咗第一次webJ選拔，的神就係第一屆贏果個。 講到好遠，係喇，講到我主持嘅都係我有份開嘅節目，TeenPower一個，然後去到二台，有好心情，自己人，呢兩個係輩帶住開嘅，然後有Gimme5，守下留情，騷動音樂，紳士30路，隨機播放，全部自己有份開，都算係咁啦。都係果句，我呢啲Diva嚟㗎嘛，好難夾人㗎，尤其前輩。搵日再講。 但最最最最開頭有兩個2台節目嘅，一個就係weekend嘅TP新勢力，有埋Fion做主持，我真係好buy佢，夠放夠癲，果陣好明顯係摸索期，老實講，都唔知個節目做緊乜，典型trying too hard to be funny嘅階段。突然記得大有一次，果時星期六有個節目，好似你Luke Sir同另外兩個嘉賓主持做嘅，有一日其中一個嘉賓主持，真係典型老屎忽，喺度話後生失敗係佢哋唔努力blahblahblah，講咗好耐，然後我哋好似緊接佢哋開咪，我好似用咗頭半個鐘鬧返啲老屎忽，講唔同時代唔同難處blahblahblah，哈哈，然後天頤同fion兩個都嚇一嚇，係嘅，係火咗啲嘅，不過當時我覺得，你開咪數下一代，我作為下一代，開咪回，無錯喎。而家遇到同一件事，可能我唔會鬧，會mean佢講，加句respect 咁囉。 另一個我最開頭做嘅呢，其實都係我想做嘅節目類型，就係music show！當然啦，港台歴史最悠久嘅音樂節目，就係輕談淺唱不夜天喇！果時呢，一集四個鐘你估幾錢? 係100蚊呀！哈哈！好，唔好講金！其實果時係興奮嘅，因為我係好想做music show，我果陣聽最多係芝see菇bi，即係而家嘅卓韻芝，佢果時有廣播劇有music show，我聽住佢，就好想好想都有個音樂節目，播自己推介嘅歌。當時知道會做輕談，不斷練panel，不斷聽多啲舊歌，豐富自己library，果時有兩個mentor，一個都係拿拿淋，佢果時都係做輕談，另一個係周國豐，係佢教我做music show嘅基本原則，點為之tag歌，點用聲，啲歌個flow點先叫順，有咗呢啲principle，之後就靠自己風格。 開始前兩個幾月，每之拿拿淋返去做輕談，我都會跟返去睇，睇足4個鐘，佢會介紹啲舊歌我聽，其中林憶蓮嘅《哈囉感覺》我一聽愛上，有時佢會叫我即時諗吓下首歌接乜，慢慢prep好自己。好快就係我第一次做，緊張到，第一首我播林憶蓮，開口就窒，講咗林一蓮，哈! 我印象中做咗兩年幾三年輕談，最後一首歌都係林憶蓮，係喎，咁啱喎。 做輕談都有得意嘢，例如真係試過flirt緊人，會特登播首歌俾佢啦，試過聽到headphone入面有男人「喂」咗我一聲啦，所以果時最怕係收工，因為要推住成車嘅碟，全部自己買嘅碟，幾百隻都有，推呢車碟上office，又黑又盛，真心怕有鬼。同埋果陣因為得一個人，每個輕談主持都一定有首好長嘅救命歌歌，俾你有足夠時間去廁所，我唔記得果陣用邊首，係哋古巨基勁多金曲呢? 都多謝輕談呢個階段，令我識多咗舊歌，亦打穩咗少少做music show嘅根基，如果你而家有聽騷動我播歌，你會發覺我唔係好鍾諗踩歌詞，或者踩music break講嘢，我最多喺intro同outro講，因為我唔想踩爛首歌，因為歌係主角，我想盡量保持成首歌嘅完貌，至於music break，好多時music break都有精彩樂器演奏，所以我都盡量唔踩，同埋我覺得講歌名係必須，even做talk show都係，basic respect and professionalism，我諗呢啲小執著，就係當時建立起嚟嘅。 又夜了，再續。 不如咁吖，有乜想問，留comment吖。

/ 又係拆字時間啦！ 明顯呢堆字都有 pose 呢個字根，表示 to put「放」，咁就會易記好多字啦： . 1️⃣ oppose 反對 呢個字你一定識，其實字首 op 係相反嘅意思，同人哋企相反方向，當然係反對 . 2️⃣ propose 建議、提出 pro 指前面，所謂建議、提出，都係向前放下一啲睇法 . 3️⃣ expose 曝光、揭露 ex 指向外，向外放出嚟，其實即係揭露某事 . 4️⃣ impose 施加（政策、法例、罰則） 正正相反，im 指向內，向內放一啲嘢有強加一啲嘢嘅感覺 . 5️⃣ interpose 插入一個對話、夾喺兩物之間 inter 指喺⋯⋯之間，所以放喺中間就可以係實物，亦可以指喺對話之間插入 . 6️⃣ dispose 丟棄、去除 dis 指 away，將某東西放走，即係丟棄、去除 . 7️⃣ depose 罷免、令⋯⋯下台 de 指向下嘅意思，由上面放落下面，睇到有下台嘅意思 . 8️⃣ suppose 假設、推論 sup 即係字首 sub，指下面，喺下面放唔放上面，即係假設一啲嘢 . 9️⃣ compose 組成 com 指 together 一起，將唔同嘅嘢放埋一齊，即係組成 . 🔟 transpose 調換順序 trans 指 across，通常都帶有轉換嘅意思，位置上調換，就係調換次序 ——————————————————— Follow @iamkennethlau 學更多英文 更多學習英文、備試資訊：@k.e.n.joy ✅S.4/5 Regular 09 進入大考精讀班，已接受續交、插班 ⚠️ Grammar、句構考前急救班，4個鐘清晒重點 Grammar 主題嘅常犯錯誤 . #kennethlau #dse2020 #dse2021 #dse2022 #2020dse #2021dse #2022dse #dse #english #dseenglish #kenneth生活英文