我：「你知唔知，今次個engagement我覺得自己做得好差，又帶得唔好，成條team 都好wok，一off booking 個個都病晒，已經唔係OT 嘅問題，而係就算我哋日日OT到凌晨三點都做唔完啲嘢。」

男友：「咁你覺得到底有咩問題？」

我：「有啲同事你兩個星期叫佢做一樣嘢，到兩星期後都仲係outstanding，咁你可以點？」

男友：「廢人有廢人嘅用法，勁人有勁人嘅用法。我地唔好講啲external factors，到底你有咩應該要做，但你做唔好或者無做到，所以先搞成咁。」

我：「我見佢地做唔晒啲嘢，我自己啲嘢未做完都幫手做，有4成到5 成的testing和confirmation都係我幫手做。」

男友：「我一早就同你講咁係唔arm，如果啲同事唔得，唔係幫佢地做，而係即刻話俾你上司聽，要換人要鬧咩都好，而唔係覺得自己可以做晒所有嘢，到時啲task 未做完，上司又會覺得你task allocation做得唔好。」

我：「但我只係想保護佢地，唔想佢地出名，我知有啲同事真係用心去做，但就係唔夠smart。我知我有更advance嘅嘢要做，但人就係得15-16個小時，如果我幫手做其他嘢，代表原先應該要我處理嘅工作，就處理唔到。」

男友：「你幫手，佢地有無好感謝你？」

我：「無呀，好似仲覺得我好A，難度一個sic 真係無嘢做，最鍾意就係做testing 嗎？到底你係點做到，明明你好A，但你啲同事覺得你唔A，我明明唔A，但人地就覺得我A。」

男友：「因為我工作會講笑，佢地永遠係好快樂嘅環境下工作，但你做嘢就一定會板起臉孔，你見唔見到個分別？除左呢樣，仲有咩要改進？」

我：「我應該多啲留意啲risk 位，只要我保住重要risk 位，個engagement 就算仲未substantially completed，都唔會出亂子。應該一開job就望住有咩係risk 位，有咩要同client傾，就要傾左先，做左adjustment先。」

男友：「仲有呢？」

我：「唔可以assign 自己咁多working paper，要俾時間自己可以review working paper，咁我先可以確保佢地無亂做啲working paper。」

男友：「唔錯呀，今次你應該學到嘢！第一次帶listed company係咁，到你帶多幾次，你就可以拿捏好分寸。」

每一次的錯敗，每一個看似不能解決的問題，都是一個學習的過程。途中你可能會迷失，可能會失望，可能會自信心不足，但捱過以後，你發覺你比以前更堅強了點，比以前更獨立，更懂獨立處事。

我們總是在不斷的學習，不斷用行動去證明我們是一個怎樣的人⋯⋯

你要細細聲同自己講加油喔！😊

IG: Fakemanching1607