［ Contrarian嘅嘢］買8個字，一個字都唔中！都有啲難度！都唔止第一次了。有冇人計下機會率幾多（我理應識計，但唔想用腦了）？

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，3月開始失業。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

1. 又，不如我Patreon每期公開我買乜冧把？咁你可以買少8個，大大提升中獎機會（同上，到底提升幾多？應該好顯著的）

2. 又，認真，不如有機會寫下「提高買六合彩中獎機會方法」。但主要內容係：買多幾張。真架！哈佛教授都係咁講！（https://bityl.co/5Rz1）。好似出Paper添呀！CNBC仲要 Click bait：Mega Millions is up to $970 million—there’s one way to up the odds of winning, according to a Harvard statistics professor

3. 又，醒多你一樣嘢，就真係的，Contrarian．唔好買1-31號。最好避埋35，40，38之類。呢個同提升中獎機會無關，但，可以避免好似《黑心鬼》咁，頭獎幾百注中。真係好多人好似《富貴迫人》咁，拎屋企人生日去買，或者就咁買8，18。你中到頭獎，用咗幾十世嘅運氣，仲同其他人分？會吐血的。

4. 呀同埋，相當具爭議，你可以唔同意，我好多朋友都唔同意—但，我係永世唔會同人夾錢買六合彩的，成班同事圍威喂嗰啲仲煩，我亦都discourage人地（但不能阻止啦）同事咁做。你大約估到點解。理由兩個，第一，睇返上面一段。買六合彩當然望中頭獎，中咗都改變唔到生活嘅不如唔好買，訂我Patreon算—至少我肯定改善到生活！ 第二，真係中咗，咁冇買嘅同事（除咗我）又點諗呢？第三，都講過了，走數。固然有人話唔會，亦都見到有例子真係啲人無私共享。所以係返返去你個人嘅問題，對「人」呢樣嘢點睇。

5. 我嘛？”Trust everyone” "But always cut the cards."。即係，Trust no one．本質上我係唔信任「人」呢樣嘢，同朋友唔友無關，OCamp又好 咩添標定又好，嗰啲咩Trust Fall（come one，當年我百四磅咋）之類，免得過的話我死都唔玩—我做乜撚嘢要將我下半身（你冇睇錯）幸福交畀關唔撚識嘅人？

6. 「冇團隊精神」當然係我嘅問題。但明顯地經過二十年冇改善，係惡化咗。而因為我畀人炒咗，卒之唔使再講呢啲大話。雖然識我耐嘅都知，我抗拒一切嘅群體活動。幾個一齊打機還好，成添人就免，亦同我技術無乜咩關係。

7. Daniel Day Lewis嘅There will be blood我在戲院睇咗三次（年青真好），入面佢講嘅嘢：I hate most people. There are times when I look at people and I see nothing worth liking. I want to earn enough money that I can get away from everyone.

8. 「咁你又搞Facebook Page又搞Patreon？」係！人生就係充滿矛盾！Oedipus嘛！我就係Anti Social 嘅 Social media influencer （臨時演員都係演員，冇影響力都係influencer），沙文嘅港女，悲觀嘅樂觀者，外向嘅introvert，貪錢嘅文青，有文化嘅金融從業員。

9. 又，每年都仲係有人講邊個投注站風水好 點買先易中，香港嘅STEM啦喎，算吧啦。

10. 正經講，嗰時在Warwick讀Stochastic Calculus（一講英文即時好似好勁），呀老鬼都有用prove by contradiction，試過整到一啲「必定會輸嘅投資方法」—咁你話，必定會輸有乜咁出奇？奇呀，因為，你將佢reverse咗，咪會變咗「必定贏嘅方法」！而至少在理論框架入面，多數操作都可以兩邊做

11. 順手一講，如果冇咗萬惡仆街嘅沽空，我都唔知你一大堆Derivative點Price，絶大多數你見到嘅Derivative pricing 都assume有得沽空，冇得沽空，天下大亂

12. 咁你話，「韓仔禁沽空禁咗成年喎」。冇錯，所以，世界上有乜畀韓仔炒股票更危險？就係韓仔炒Derivative．陶傑話齋，唏，華克山莊都唔畀韓仔入去啦。

13. 呀同埋，理論上我都脫咗貧（北韓好多小朋友冇飯開的）。但，都係照買六合彩的。一來過癮，二來都真係諗住中呀！趙國雄都抽iBond啦！

14. 即係，大家都理解如果收入唔高，一年儲得兩皮嘢嘅（realistic啦？），咁你仲話講10%回報，真係蛇都死，你會覺得先2000蚊，都未夠我去次日本。所以本小一定係想追大回報，理唔理性都好，必然發生。

15. 但到我問啲小朋友有冇買六合彩？又冇喎。咁，你成日想發達，都要去買張Good Damn ticket的。雖然研究做過，在美國你過馬路去投注站畀車撞死嘅機會，點都大過你中頭獎。但香港應唔係，況且，你可以online買。

16. 我的確見唔少成日話坐東航唔安全嘅人，照樣過馬路買六合彩。好危險的。你明啦，要隻成飛機炒落嚟，其實好難。

（不過我自己都2，9，20，40。電腦飛嘛。下次改）

＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1300人訂！（https://bityl.co/4Y0h）。年費仲有85折

專訪16歲大英帝國獎章得主Theo Wride
作者︰港大醫科生Mandy Yuen

當Wayne邀請我訪問Theo時，我當刻的想法是：如何藉此機會展現這個16歲年青人的各個面貌。Theo身為2020年大英帝國獎章（British Empire Medal）得主，足以證明他生產的保護面罩，在英國新冠肺炎一疫的貢獻。生於香港這個追求卓越的社會，我們著眼於Theo的成功經驗當然不足為奇。但與其把Theo局限於他的風采一面，我更希望透過訪問，呈現他尋找定位、在過程中成長，乃至如何規劃未來的想法。除了是英女皇生日派對中最年輕的受邀者，他也是一個在英國長大的平凡中學生。

其實我一直很疑惑，英國的中學生，理應十分忙碌，Theo為何能投放一百小時以上製作多於一千二百個保護面罩呢？一問之下才得悉，早於三月時，GCSE（英國中學的公開考試）因疫情緣故取消。這突如其來的空閒時間，激發他思考自己如何能為社區出一分力。當他留意到社區醫護人員缺乏保護面罩時，他頓時想起家中的3D打印機。四年前婆婆送贈的聖誕禮物，此時正能發揮作用。他從3D打印的網上討論區中找到其他人打印面罩的不同設計，參照他們的建議，製作設計圖稿，打印實物進行試驗。在決定大量製作面罩前，可行性是他的首要考量。Theo的父母均為醫生，他們和其他醫護同事測試面罩的樣本後，不約而同表達對他的肯定。深受激勵的Theo，最終鼓起勇氣投入生產面罩。

Theo有志將來成為一名工程師——他鍾情於解決問題的樂趣。當時在他眼前，有一個進退兩難的局面：若用較少物料，則能提升打印速度，但製作出來的成品會相對易損壞；若增加材料密度，雖然成品較堅固，但同時打印速度會降慢，成本也會提高。因此，他必須在兩者間取得平衡。他認知到要解決問題，不能只靠一人之力。
他清楚明白自己的成就，完全建基於身邊人的幫助。於他而言，主動尋求幫助是解難不可或缺的一部分。雖然未能盡錄每個人的貢獻，但他特別提及網上3D打印群體和當地醫生所提供的支援：其中一個3D打印同好朋友，經常向他提出有關打印機設定的建議，助他提升打印機的效能；當地醫生分別試戴三個設計後，提出反饋助他篩選出最好的設計；網上3D打印討論區的成員根據修改後的設計，提議如何透過調較不同數值，精進打印機的設定。最後用作大量生產的保護面罩，是他根據配戴舒適度、製作所需時長，和物料供應考慮，修改四次設計後的結晶品。

回想製作和派發保護面罩的過程，Theo有不少得著和體會。在工程設計的層面，當時社會對保護裝備的需求之大，推動他在緊迫的時間限制內，盡快找到解決問題的方法；在人與人的相處上，他更親身經歷周邊人的慷慨大方。英國當地醫院為了支持他，特意設立box sale向其他人籌款；而同時透過當地電台宣傳、網上眾籌、學校捐款等種種途徑、他成功集資超過3000英鎊（相等於約3萬港元），使他能大規模生產面罩。人們即使家中沒有打印技術，仍然希望透過支持Theo的方案，作出一點貢獻。這些在危難中展現出的人性光輝，不禁令他深受感動。每次憶起各界如何凝聚眾人力量助他一把，他也感到恩典滿溢，再次強調若沒有他們的付出，得獎名單上一定不會出現他的名字。Theo亦有親自派發面罩給婆婆所處養老院的職員。他們收到面罩的笑顏，對Theo來說，是對於這一切努力的再次肯定。

Theo早於製作保護面罩前，已有幾年3D打印技術的使用經驗。他曾代表學校參加全球校際Formula 1跑車比賽，以3D打印技術製作小型跑車。他亦提及3D打印在製作小型成品的優勢，例如他曾打印雕像作為藝術科的習作。他提及這些在學校層面的應用，令我回想起中學母校近年也引進了3D打印機，作為STEM計劃的一部分。說實話，我很期待3D打印技術以後能為香港不同產業帶來的機遇。

談及他對未來3D打印前景的看法，他眼光閃爍，流露着對3D打印技術潛力的興奮。他認為3D打印的精準度和高成本效益，驅使人們將此技術廣泛應用在很多領域，如航空發展和生物醫學工程。話說至此，我十分好奇Theo將來想涉足哪一範疇的工程設計。他的答案十分有智慧：他會保持開放態度觀望。引用他的原話：「誰會料到十年後我們是否仍然使用飛機？」的確，新冠肺炎正正提醒我們，在計劃趕不上變化時，擁有一個開放心境有助我們適應不斷變化的環境。港大醫學院醫科課程的第三年為增潤年（Enrichment Year），醫科生本應有一整年可以遠離醫學課程，發展其他領域的機會。當中，很多同學也有海外交流學習的計劃，但疫情打亂我們的腳步。本來計劃到多倫多參與研究的我，也被迫重新規劃一整年的本地活動。這對當時的我們而言，簡直是天大的惡耗！但是換個角度思考，我們也能嘗試在本地活動中尋找意義——這何嘗不是一個難得機會，讓我們學習在限制中找到新定位呢？

對於那些也希望在危難中獻一分綿力的年青人，Theo勸勉他們要從小事做起（start small）。一開始他只有一部3D打印機，當發現其他人也喜歡他的設計時，他才逐漸擴大規模，進行大量生產。他建議這些有理想的年青人可以問自己幾個問題：其他人對此有興趣嗎？這件事有甚麼意義？若答案是肯定的，便勇於試驗這個主意的可行性，同時聆聽別人的建議，他們會訝異地發現有很多願意助他們一把的人。我們要突破自己害怕失敗的想法，才有機會創造改變。即使他們此刻未必有實行計劃的資源，也能透過參與眾籌、義工活動等作出貢獻。

此次訪談的一大收穫，當然是了解到Theo製作PPE的故事。可是最觸動我的一點，是他面對成功的謙遜態度。雖然Theo比我小幾歲，但言談之間，他仍能深深提醒我，比起追求名成利就，人的品格才是真正可貴的。近年香港開始力推生命教育，希望在學校培育下一代的品格。於我而言，除了頭腦上的知識傳遞，若要達到價值傳承，與其只側重於學生的表現，老師和家長實在要注重自省，才能透過身教，以生命影響生命。醫學教育則是把此影響發揮得淋漓盡致的例子。醫科生除了吸收醫學知識，也需要學習教授們醫治病人時活出愛心的樣式，才能應用於自己的職業生涯。醫者的追求，不能只停留在治療病人身上的傷痕，更是要治癒他們的心中的創口。我期盼從醫學院畢業以後，在成為一個仁心仁術的醫生的路上回首之時，仍能看見教授們春風化雨的身影。

［是日偽Data Science］咩情況應該用Pie Chart？侮辱讀者同自己智商嗰時。

TLDR：唔好用Pie Chart。任何情況下都唔好。有乜嘢衰過Pie Chart？就係3D Pie Chart

1. 你鍾意可以睇原文（但要訂戶：）Korea Set to Crack Down on Chaebols With Corporate Reform （https://bityl.co/4YtH），但反正重點不在內容，我只係討論呢個圖。絶對係chart crime

2. OK，美斯，彭博當然係專業的（唔專業我唔使一個月畀幾舊水睇），但今次我可以講，呢個圖，我去整都好過佢。

3. 我在Patreon貼過呢張圖，叫讀者睇下有乜問題。咁多人都答到，加埋唔係100%。亦唔止係四捨五入問題。但如果只係咁，就唔會要寫篇文啦。

4. 更重要嘅係：根本，唔應該用pie chart．實情，差不多任何情況都唔應該用pie chart．用pie chart 係挑戰人類文明底線的，應該所有稍為有淅醋嘅data visualizer都會叫你唔好用，特別係任何正經嘅文章

5. Pie chart有乜問題？之後細講。但不如我地首先講下，點解咁多問題，都仲有人用？事實彭博都常用，我以前啲報告都有用過—所以唔使拎嚟打我面，但，我係跟公司規矩用。係呀，公司叫食屎咪食。而有啲媒體，例如Quartz，New York Time，Washington Post之類，in house嘅工具根本就冇pie chart（＊）

6. 咁Pie chart咁多問題，都仲有咁多人用，總有原因。好簡單，同零食，content farm，賤男，淫婦，陰謀論一樣，極具性格而無奈未可當正餐，但一個字：過癮，而且靚。

7. 人性就係鍾意「圓」，圓滿（https://bityl.co/4ZGS）。亦有研究做過，人類普遍鍾意曲線嘅嘢（https://bityl.co/4ZGQ），例如Double May（問教宗就知）。而起角嘅嘢呢（例如埃汾），多數都會畀人覺得危險（本人有期嘅username就叫「危險的啤」）。事實我地祖先嘅世界，大自然，係曲線多，去到較近代先有人工建築咁多直線。

8. 亦因為咁，Pie chart由遠古時代開始已出現，我地祖先（特別係數學同哲學撚）對圓形有異常嘅執迷，就帶到去今日。但，人要長大嘛。

9. 講返呢個圖，南韓5大財閥佔該國GDP。數字我望過冇錯（＊＊）我自己做過一次，你呢五個數字放入Excel，auto suggest就會畀個pie chart你，就係咁嘅嘢。

10. 但點解加埋唔係100%？因為，就係加埋唔等於100%咯！5大加埋就係南韓GDP 44.2%。咁而家個圖整出嚟，就係當44.2%係100%（！）之下，5大各自佔呢入面嘅幾多%。唔知講乜？亦可以理解為，每間公司在5大呢個universe入面各自佔幾多。死未？「例如你見Samsung，塊餅大約係三份一，就係16.4% as a % of 44.2%，即係37%左右」。記住呢句嘢，下面再講

11. 你話唔想咁煩，咁可以點？得，你咪加個others（comment會貼圖）。靚仔晒。不過有乜後果？首先，原來Others過半，感覺幾混吉。另外，唔劃刻度，你可能都睇唔到LG同SK邊個大啲。

12. 解決方法？好撚簡單：唔撚好用Pie Chart．你用個Bra Chart（特登打錯的）咪得！（Comment 會貼）。我又唔使加個Others，又visualize 到原本個效果！

13. 咁點解仲要用Pie Chart？巴閉咯，英雄主義。

14. 事實上，頭先我就已經講咗Pie Chart嘅問題了。叫你save低嗰段，你睇多次。或者，而家望下佢原本個圖，睇多次。請問，Samsung嗰塊餅，係大過三份一，定細過三份一呢？亦即係問，隻角係大過120度定細過？驗眼乎？（答案係37%，大過三份一）

15. 另外，Hyundai同SK嗰兩塊，你遮住個刻度，敢唔敢話好易睇到邊舊大邊舊細？你得嘅話，「咁不如話我知，呢兩舊大過五份一，定細過？」（答案：一個大過，一個細過！）

16. 用Bra Chart，咪唔會有呢個問題咯！邊個長邊個短，一睇睇到，21%同19%都分到。

17. 頭先講過，Pie Chart嘅吸引力，嚟自人類對圓形嘅迷戀，特別係遠古年代。但呢樣嘢正害咗大家，中一科學堂應該頭幾堂就教你，我地嘅感官，係唔可靠嘅。所以先要儀器，否則個個目測得啦。

18. 人類雙眼，判斷啲Pie邊舊大邊舊細嘅能力，極低。要判斷一舊Pie佔total幾多，更低。實驗做過，一般人consistently 低估銳角嘅大細，而又高估鈍角嘅大細（https://bityl.co/4ZGH）．又：細過90度就銳角，大過90度就鈍角，要咁寫我都覺得唔好意思，香港嘅STEM又係得啖笑

19. 一百年前已經鬧：“The circle with sectors is not a desirable form of presentation”， “In a sense, it might be construed as an insult to a man's intelligence to show him a pie chart.”

20. 記住係靚，但張無忌老豆（好似係）教佢，靚嘅嘢就害你。The point of charts is to communicate data effectively.　但當然，有時始終係it’s more about art than science

21. 下次再有你唔妥嘅同事用Pie Chart，記住以上呢堆句子。正文完，下面係……延伸閱讀

22. 係呀，你以為我鳩寫，但我寫Pie Chart都睇五六篇文的，台上一分鐘台下十年功啦。美斯啦，「你咁叻，你寫丫」。所以點解要訂我 Patreon（https://bityl.co/4Y0h），我幫你訂埋啲文睇埋消化埋整理埋仲令你有得笑。以下呢幾篇，應該包咗當今全世界最出名嘅幾個Data Visualizer了

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

23. Save the Pies for Dessert　（https://bityl.co/4YvU）—呢篇長啲，但多圖多例子。如果只睇一篇就睇呢篇。Stephen Few ，神級人馬

24. The Worst Chart In The World （https://bityl.co/4ZG0）—呢篇簡單又好睇

25. Pie Charts（https://bityl.co/4ZH9）— 教父級，Edward Tufte，不過只講文反而上面嗰篇好睇啲。

26. The pie chart: Why data visualization’s greatest villain will never die（https://bityl.co/4YvP）—好似要訂戶，而埃汾是訂戶，我幫你訂晒所有嘢仲要睇埋消化埋，亦係一個支持埃汾Patreon嘅理由（https://bityl.co/4Y0h）

27. Should You Ever Use a Pie Chart?（https://bityl.co/4YvS）—同樓上同一個作者，詳細，但深啲。

28. 係喎，明明Data Visualization 唔係埃汾本行（＊＊＊），居然要睇咁多篇文．證明我有幾咁痛恨Pie Chart．

（＊）留意，唔用Pie chart嘅，似乎都係比較「左」嘅媒體。左in American context．WSJ 彭博之類依然會用。

（＊＊）但呢類XX行業 XX活動 佔 GDP XX% 嘅講法，我一路都好質疑，你見我好少寫。我到而家都唔係好知點計出嚟。例如呢個圖，五大財閥集團嘅收入，同GDP比。但大佬，GDP係valued added喎，真係可以同上市公司嘅收入相比？

（＊＊＊）本人既唔識data 又唔識 visualization（你見呢度平時啲圖就知），正如用PowerPoint嘅人（都係我）既冇Power又冇Point

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Ivan Patreon，港美市場評點，專題號外，每日一圖，好文推介。每星期6篇，月費100蚊唔使，3個月已700人訂！（https://bityl.co/4Y0h）