節錄 Ms Yu 寫的故事，為大家分享一個道理。

//從前有一個都好鍾意睇書嘅女仔識咗一個男仔，講咗陣電話，差唔多約第一次食飯。

男：咁你平時鍾意做咩？

女：無咩㗎…都係睇吓書咁。

男：咦？咁啱嘅？我都鍾意睇書喎。不如星期六去 Starbucks 一齊睇陣書先食飯啦。

（係，那是一個去 Starbucks 係懶有型的古代，現代人仲提議 Starbucks 而唔係那些有型黃小店，應該唔洗出。）

女：好。

見面喇，大家都心心眼。

睇書喇，女的攞咗本 Shopaholic 出嚟。

其實佢都專登諗過應該帶咩書，結論係呢類英文八婆書最適合，唔通帶本 Freakonomics 出嚟咩。

男的都從斜孭袋攞咗本嘢出嚟。

係東Touch。 //

換著是我，有幸可以跟一位如此質素的女生約會，一定不會犯他所犯的三個錯。

第一錯：Starbucks。有得揀，一定揀 Barn 2。環境幽暗，又有點唱機，而且可以肩並肩坐卡位，仲要性價比高到一杯 Starbucks 咖啡價錢已經買到 Barn 2 一個下午茶餐。

第二錯：斜孭袋。男人老狗，如非必要，都要跟「袋」這物體保持距離。約女仔出街，唔應該「孭袋」，因為欠了一份瀟灑；等女仔去洗手間，唔應該 offer 幫佢「攞袋」，因為欠了一份優雅；那當然，關係去到某個階段，我們應該主動提議「戴袋」，但這是後話。

第三錯：東 Touch。為了顯示自己是知識份子，一定要支持香港的文化人，例如倪匡。他們的作品很有畫面，也很有詩意，尤其是我最喜歡那位。

Yip：你睇呢兩句詩，係咪寫得好有意境？

Yu：(黑面) 呢兩句都算係詩？

Yip：「金鱗豈是池中物，一遇風雲便化龍。」每句七個字，咁都唔係詩？

Yu：(放低一百蚊) 唔好意思，走先，呢餐我請。

某男校的學生永遠只係追到某女校的姣婆，而不是其他女校的文青，是因為在他們眼中，蘇東坡同馬榮成是同一個 category 的。

IG= drgntigrdr

晚飯時間未到又肚餓，就來了 Ekamai 站旁邊的這間 Perhaps Rabbit 喝杯咖啡。

價錢不貴，而且水準甚高，七十銖有交易，比 Starbucks 更便宜。

甜品也很用心做，朱古力慕絲很有吸引力。

不吃甜也吃了少許。

少許 = 1 件。

係好無大志，但係如果我響外國，我會買一架嚟做。

開咖啡店難，咖啡車易啲，擺悶咗又可以換個地方，去勻人流最旺嘅地段，咖啡價錢又可以賣平啲。我只係飲齋啡，都唔明點解貴成咁。

可惜香港根本容不下小店，何況小車，小販管理隊一定盡忠職守囉。

These machines are designed to destroy Starbucks and save the world.