#bfmurmur1265 長文，希望各位比啲意見，就算你鬧我都好，我都會努力吸納 我今年二十頭，我同現任一齊左幾個月，一直以來我都只係盡力對佢好，有關雙方既事都會先問過佢意見，例如：佢今日想唔想出街。想唔想去同我朋友一齊食飯。就算佢打機唔搵埋我玩都好，我雖然會難受，但都唔出聲，係佢心入面，朋友比我重要，工作比我重要，而我因爲好想見佢，好努力咁爭取同佢一齊既時間，而佢就覺得唔見都無所謂咁。朋友約親佢都盡量去，而我就一星期只一次，我因為咁而向佢提出過幾次要求，係佢唔太情願既情況下約佢見果一星期一次既面，然而佢會同我嘈，最後都係出左，佢會係嘈既過程話算啦，我係咁架啦，唔好忍呀，然後我就會同佢講唔好講氣話，或者去氹番佢。佢成日同朋友出街，有男有女，有單獨，有數人，而我係好少知道佢係同咩人出，我有問過，但佢好少會答係咩人，多數我都唔問。 佢會同幾個男仔傾Whatsapp，snapchat等，而我覺得我應該比私人空間佢，所以我都好少理。 我因為自己係佢心中既地位低而失落左好多次，然而佢好似唔知咁，有時候我會情緒低落，表現左出黎，講左啲悔氣說話，例如：好啦，你繼續啦，唔洗啦之類。然後佢就會發脾氣，冷暴力我。 而佢ig限動有時會發啲情緒低落既野，唔係關於我既，我去問佢，佢就答我無野，其實我知道並唔係無野，所以我又叫佢講，但佢又係都話無野，之後又嬲，然後我都嬲，因為佢唔肯講，後來又同我講左個原因，雖然我唔太相信呢個原因，但我都算，人地唔肯講都無辦法，迫唔黎。 然後我發現佢Snapchat好似無乜點發過My Story，我就覺得好可疑，因為佢平時都會發，而且比發Ig多，又會同人草火，但依家見佢ig發左幾個，但Snapchat就一個都無，就覺得好奇怪，就諗住等見面再望佢電話，Snapchat如果有發My story既，頭像會變，而我係我手機一直見唔到佢有變，我平時都會唔覺意望到佢手機，今次就係故意留意，然後我見到係佢手機到，個頭像係變左既，所以我知道佢有發My story，但係係我Snapchat我係見唔到有，所以我知道佢有設置左唔比我睇，而幾日無見，佢今次見到我，有時同人whatsapp、snapchat既時候，佢係會提高拉近小小個電話，扮無意唔比我睇到，然而佢呢個動作令我好懷疑，因為佢之前係唔介意比我見到內容既，而今次就唔同左，而且我仲見到佢同個新既名既人whatsapp，我以前係無見過佢有同呢個名既人傾計，當然唔排除佢改左聯絡人名，我依家覺得好失落，好唔開心，訓唔著，一直以來，我都盡量去令佢開心，順佢意，有時候真係忍唔到先出聲，甚至如果令佢唔開心，或者令佢受苦，我會好自責，可以因爲太眼訓訓左而無做到一樣野係睡夢中扎醒，然後屌自己無做到，訓醒即刻做番。我好唔想失去佢，但係我係佢心中又沒有好重要，今次我仲覺得佢有鬼。我真係好怕失去佢，我可以點做⋯雖然佢仍然扮無野，我都扮無野，但我真係好心痛，但我又要係佢面前扮無野。我唔知可以點算！ 我唔知道以上我講既會唔會只係我片面之詞，或者我有其他做得唔好既我無講出黎，但我目前只係諗到呢啲。 Sorry for 1999 -- #hkig #couple #murmur

#bfmurmur792 同女友拍了大半年拖，佢每一日都不停喺snapchat講一堆令我好骨痺既肉麻野，我真係唔識點樣回應，成日怕我唔要佢。學校同女仔玩得埋又會唔開心，出街要襯情侶裝，迫我所有頭像換哂合照,利申我本來份人好低調. 近來就連同朋友，同事食吓飯都要扭計話我寧願陪朋友都唔陪佢，癲起上嚟試過搶我電話同我幾個朋友宣示主權，發脾氣次數越嚟越密，初初一齊嘅時候都唔會咁，我哄佢哄到已經覺得好辛苦好攰。 我唔係唔愛佢，每星期返學已經日日都見，知道佢身邊冇乜朋友，所以返學放學放假抽到時間都已經盡量陪佢，但係對佢似乎都係唔足夠，拍拖拍到好似湊緊個細路女咁。之前拍拖經驗唔多仲係處嘅佢竟然主動話想同我做愛，其實我好怕萬一食左佢之後咁就一世甩唔到身。 到底應該點做好，我怕同佢講佢又會唔開心，但係再係咁樣我真係會頂唔順了.其實有冇人同我情況一樣 -- #hkig #couple #murmur